JƐRƖMAAYA 25:10 - WƖA TENIŊ

¹⁰ Mɩ jaŋ leŋ dɩ tʋɔtɔrɛ goŋ-la ba sɩɩ ŋaa dɛrɛ, dɩ goŋ-la ha-falaa arɩ ba balaba ma sɩɩ ŋaa dɛrɛ. Nɔmʋŋ ma bɩra bɩ jaŋ dɔŋ, ba bɩ jaŋ nyɩgɛ chaanaa ma nɩmɛ.

JƐRƖMAAYA 25:10 ပူးပေါင်းရင်းမြစ်များ

ƐSƖTA 3:13

Ba joŋ tenni-la pɩ tɩndaaraa ba kaa gɔllɔ kpaa ba tinteeŋ tasɩŋ kala. Ŋ la nɛ ba bʋl a hɛ tenni-la lɛ: Chɛnɛ-la ba sɩɩ yɩrɛ Adaa tapʋlaa fii arɩ batori chɛɛŋ, má kpʋ Juu tɩmma-la kala sɩ hɛ tintee-la lɛ baalaa arɩ haalaa, nɩhɩasɩŋ arɩ hambiisiŋ aŋ paa ba kɩaa kala.

ƐSƖTA 7:4

Mɩ dɩ mɩ nɩaa kala nɛ ba joŋo yallɛ dɩ ba kpʋ. Dɩ ba nɛ fa kɛsɛ la yallɛ arɩ yosuŋ mɩ fa bɩ jaŋ walɩmɩŋ. Ama baa chɛ dɩ ba kpʋla nɛ.”

ƐSƖTA 8:11

Tenni-la lɛ Kuoro pɩ wombiiŋ nɛ dɩ Juu tɩŋŋaa sɩ hɛ ʋ tinteeŋ tasɩ-la kala lɛ wuo kʋ hɛ dɔŋɔ lɛ a pɔ ba tɩtɩa. Dɩ nʋʋ koo dɩ taŋ nɩaa nɛ sii kɔ dɩ ba kpʋ ba dɩ ba haalaa arɩ ba biiriŋ, dɩ ba wuo kpʋ ba dʋndɔmɔ-la kala aŋ paa ba dʋa.

AZAAYA 47:2

Má paa nɔnnʋŋ a nɔŋ munuŋ, aŋ kɛŋ ma nyu-kpal duduosu-la puri ma nyusuŋ lɛ. Má kɛŋ ma gondomba kuro ta ba jɩl, aŋ kɛŋ naabirimee chol fuonu-la.

JƐRƖMAAYA 16:9

Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Ŋ mɩɩsɩŋ lɛ, ŋ sɩɩŋ jaŋ na dɩ mɩ leŋe dɩ tʋɔtɔrɛ goŋ-la ba sɩɩ ŋaa kala dɛrɛ, dɩ ha-falaa arɩ ba balaba goŋ ma dɛrɛ leriŋ deeŋ.

JƐRƖMAAYA 48:33

Tʋɔtɔrʋ-la kala nɩaa fa sɩ kɛnɛ Mʋab girep bagɩsɩŋ lɛ arɩ ba bagɩsɩŋ dɔnsʋŋ lɛ kala lɛlɛ nɛ. Mɩ leŋe girep nɛnɛɛ sɩnɩŋ dɛrɛ nɛ lere-la ba sɩɩ ŋaa sɩnɩŋ. Nɩaa bɩra bɩ sɩŋ-la chaga a ŋɩŋaa goŋ arɩ tʋɔtɔrʋŋ. Nɩaa ka ŋaa goŋ nɛ, ama tʋɔtɔrɛ goŋ dee.

JƐRƖMAAYA 7:34

Mɩ jaŋ leŋ dɩ tʋɔtɔrɛ goŋ-la ha-falaa arɩ ba balaba sɩɩ ŋaa dɛrɛ Juda tasɩŋ arɩ Jerusalɛm womporunuŋ lɛ, bɛɛ wɩaa ba tinteeŋ jaŋ pɩŋ hoi.”

JEMBIEE 5:15

Tʋɔtɔrʋŋ bɩra tuo la lɛ, la gʋala mɩɩra bɩrɩmɛ yele nɛ.

ƐZƖKƖƐL 26:13

Mɩ jaŋ leŋ dɩ ŋ yɩɩlaa yɩɩnɩŋ dɛrɛ, nʋʋ bɩra bɩ jaŋ nɩɩ dɩ ŋ du cheŋ a yɩyɩɩ yɩɩlaa.

HOSIA 2:11

Mɩ jaŋ giri gbieli dosunu-la kala ʋ sɩɩ gbielu ta: jɩna jɩna gbiele, chɛŋ-falɩŋ gbiele, chɛ-wiesii-la arɩ gbiele-la dɔnsʋŋ kala.