JƐRƖMAAYA 24:6 - WƖA TENIŊ

⁶ Mɩ jaŋ beŋ ba nyuŋ dɩ wɩaa zɔmɔ pɩba, a kɛmba mɩɩra kɔ tinteeŋ deeŋ. Mɩ jaŋ leŋ dɩ ba chɩŋ, mɩ bɩ jaŋ leŋ dɩ ba tel. Mɩ jaŋ leŋ dɩ ba naapoloo jʋʋ tinteeŋ, mɩ bɩ jaŋ churiba.

JƐRƖMAAYA 24:6 ပူးပေါင်းရင်းမြစ်များ

WƖAA DƖ-SUOMUŊ 44:21

Ŋɩɩ nɛ ŋ bʋla pɩla, ‘Ma kɛnʋ kɔ mɩ teeŋ dɩ mɩ naʋ arɩ mɩ sɩɩŋ.’

2 IZIRAL TƖŊŊAA NAABARƖŊ 16:9

La TƖƖNA sɩaa hɛ dʋnɩa lɛ nɛ a bee chɩchɛ nɩalɩŋ sɩɩ tou arɩ ba tʋɔŋ kala dɩ ʋ pɩba doluŋ. Nɩyaarɛ wɩɩ nɛ ŋ ŋaa ŋɩɩ. A chɩŋ lɛɛlɛ kaa mʋ ŋ dɩ laalɩŋ puu dɔŋɔ nɛ.”

NƐHƖMAAYA 5:19

Mɩ Wɩa, liisi mɩ wɩaa aŋ pɛ mɩ lɛ a tɩŋ wɩalɩŋ kala mɩ sɩ ŋaa pɩ nɩaa deemba.

WƖA YƖƖLAA 34:15

La Tɩɩna sɩaa pɛ tʋɔpʋl tɩŋŋaa lɛ nɛ, a jegilee nɩɩ ba nii-ŋmobo.

WƖA YƖƖLAA 44:2

Ŋ kɛŋ ŋ naduo-la nɛ kiri tinteyee nɩaa ta aŋ leŋ la naabalɩmaba hɔŋ ba tinteeŋ lɛ. Ŋ leŋe wɩaa jʋʋ nɩalɩŋ nɛ, ka la naabalɩmaba dʋa woruŋ.

AZAAYA 14:1

La TƖƖNA jaŋ fá Iziral tɩŋŋaa nenige. Ʋ jaŋ bɩra lɩɩsɛ Iziral tɩŋŋaa dɩ ba ŋaa ʋ nɩaa, a leŋ dɩ ba hɔŋ ba tɩtɩa tinteeŋ lɛ. Nɩwogusuŋ jaŋ kʋ pɛ hɔŋ Jekɔb doho nɩalɩŋ tinteeŋ lɛ dɩ ba niiŋ ŋaa kʋbala.

AZAAYA 60:21

Ŋ nɩaa kala jaŋ ŋaa tʋɔpʋl tɩmma, ba jaŋ tɩɩ tintee-la a kaa mʋ wuu. Ba nagɛ tɩɩsɩŋ mɩ sɩ chɔnsɔ nɛ, mɩ tɩntɩmɩŋ nɛ ŋɩɩ dɩ mɩ dagɛ mɩ doluŋ.

JƐRƖMAAYA 1:10

Jɩnɩŋ, mɩ lɩɩsɩŋ nɛ a leŋ ŋ kɛŋ doluŋ tinteyee arɩ kuoroo tinteyee lɛ, dɩ ŋ wuo churiba a yigiba lo, dɩ ŋ wuo cheiba a yuo diiba, dɩ ŋ wuo saaba a leŋ dɩ ba chɩŋ.”

JƐRƖMAAYA 12:15

Ama dɩ mɩ nɛ churiba dɛrɛ, mɩ jaŋ bɩra fá ba nenige aŋ kɛŋ ba kʋŋkala mɩɩra kɔ ba tinteeŋ arɩ ba dʋa leriŋ.

JƐRƖMAAYA 16:15

Ama ba jaŋ bʋl, ‘La ŋmɩɛsɛ La TƖƖNA sɩ weye, ʋ nɛ kɛŋ Iziral tɩŋŋaa kaa lɩɩ wɩɩpɔsʋŋ nagʋa tinteeŋ arɩ tinteye-la kala lɛ ʋ sɩ kɛmba pɩsa hɛ.’ Mɩ jaŋ bɩra leŋ dɩ ba kʋ tɩɩ tintee-la mɩ sɩ joŋo pɩ ba naabalɩmaba.

JƐRƖMAAYA 21:10

La TƖƖNA bɩra sɩ, “Mɩ chaasa kɛŋ mɩ tʋɔŋ dɩ mɩ ŋaa wʋbɔŋ nɛ tabalɩŋ deeŋ lɛ, wʋzɔŋ dee. Mɩ jaŋ joŋu hɛ Babɩlɔŋ kuoro nɩsɩŋ lɛ, dɩ ʋ cheyu arɩ nyiniŋ.”

JƐRƖMAAYA 23:3

Mɩ tɩtɩa jaŋ kɛŋ mɩ nɩaa nɩkaana-la kaa kʋ lɩɩ tinteye-la lɛ mɩ sɩ kiriba mʋ hɛ, a kɛmba mɩɩra kɔ ba tɩtɩa tinteeŋ. Dɩ ba nɛ kɔ nɩmɛ, ba jaŋ lʋl biiriŋ, a pʋŋa yʋgɛ.

JƐRƖMAAYA 29:10

Wɩɩ-la La TƖƖNA bɩra sɩ bʋla nɛ ŋ-la: “Dɩ jɩsɩŋ mahɩŋ batori arɩ fii-la mɩ sɩ joŋo pɩ Babɩlɔŋ nɛ suo, mɩ jaŋ ŋaa wʋzɔŋŋɔɔ pɩma, a leŋ dɩ tʋɔtɔrɛ nii-la mɩ sɩ hɛ arɩ mɩ jaŋ kɛmma mɩɩra kɔ leriŋ deeŋ kʋ ŋaa wʋtɩtɩɩ.

JƐRƖMAAYA 31:28

Mɩ fa sɩ beŋ ba nyuŋ a kɛmba churi ŋɩɩ, a yigiba lo, a cheiba, a lɛrɛ wʋlɔrʋŋ kʋ hɛ ba lɛ, ŋɩɩ tɩtɩa nɛ mɩ jaŋ bɩra beŋ ba nyuŋ dɩ ba wasa hɔŋ a leŋ dɩ ba chɩŋ woruŋ. Mɩ-na ma TƖƖNA nɛ bʋla.

JƐRƖMAAYA 31:4

Iziral tɩmma, mɩ jaŋ bɩra kɛmma kɩɩ dɩ ma chɩŋ woruŋ. Ma jaŋ bɩra paa ma chɩnchɩgɩsɩŋ, a lɩɩ dɩ ma dɩ nɩalɩŋ tʋɔŋ sɩ tɔrɔ gʋa.

JƐRƖMAAYA 32:37

Mɩ jaŋ sɛnɛ kɛsɛba hɛ dɔŋɔ lɛ a kaa lɩɩ tinteye-la kala lɛ mɩ sɩ chaasa na baanɩŋ mɩ yaraa hosi mɩ kiriba hɛ lɛ. Mɩ jaŋ kɛmba mɩɩra kɔ leriŋ deeŋ dɩ ba hɔŋ sɔm.

JƐRƖMAAYA 32:41

Mɩ jaŋ jʋjʋɔsɛ dɩ mɩ nɛ ŋaa wʋzɔŋŋɔɔ pɩba, aŋ sɛnɛ kɛŋ mɩ tʋɔŋ arɩ mɩ wɩɩkala a leŋ dɩ ba hɔŋ tinteeŋ deeŋ lɛ.”

JƐRƖMAAYA 33:7

Mɩ jaŋ kɛŋ Juda arɩ Iziral nɩaa mɩɩra lɩɩ yoŋ-baga-la ba sɩ yuo kɛsɛba mʋ a kɔ, a leŋ dɩ ba chɩŋ a nagɛ ŋɩɩ ba fa sɩ naga.

JƐRƖMAAYA 33:9

Ŋɩɩ nɛ tabalɩŋ deeŋ jaŋ laa yɩrɩŋ pɩmɛ dɩ mɩ tʋɔŋ tɔrɛ, dɩ nɩaa dɩdɛnnɛmɛ a zizilmi dʋnɩa tinteye-la kala nɩaa sɩ nɩɩ wʋzɔmɔ-la mɩ sɩ ŋaa pʋ sɩpaaŋ. Fawʋllʋŋ jaŋ kɛmba dɩ ba chichel a tɩŋ dʋa bal-la arɩ fɩɛl-la mɩ sɩ pʋ wɩaa.”

JƐRƖMAAYA 39:12

“Má kɛnʋ a beŋ ʋ nyuŋ. Má sɩ́ ʋ wʋbɔŋ ŋaa, ama má ŋaa wɩɩ-la kala ʋ sɩ pɩɛsaa chɛ a pʋ.”

JƐRƖMAAYA 42:10

‘Dɩ ma nɛ hɔŋ tinteeŋ deeŋ lɛ, mɩ jaŋ leŋ dɩ ma waa, mɩ bɩ jaŋ yigima lo. Mɩ jaŋ leŋ dɩ ma chɩŋ, mɩ bɩ jaŋ churima. Mɩ tʋɔŋ chaasa chei nɛ wʋlɔrʋnʋ-la mɩ sɩ joŋo hɛ ma lɛ.

ƐZƖKƖƐL 36:24

Mɩ jaŋ kɛmma lɩɩ tintee-wogusuŋ kala tʋɔŋ, a kɛmma mɩɩra kɔ ma tɩtɩa tinteeŋ.

AMƆS 9:14

Mɩ jaŋ kɛŋ mɩ nɩaa Iziral tɩŋŋaa mɩɩra lɩɩ yoŋ-baga kɔ ba tɩtɩa tinteeŋ. Ba jaŋ paa ba tasɩ-la sɩ pɩŋ jikpeeŋ saa a jʋjʋʋ. Ba jaŋ pɛrɛ girep tɩɩsɩŋ bagɩsɩŋ a nyʋnyʋa ba sɩnɩŋ. Ba jaŋ pɛrɛ bagɩsɩŋ, a dii ba kɩaa.

MOSIS BƖRA WULLI WƖA WOMBIIŊ 11:12

Ma Tɩɩna Wɩa sɩɩŋ fɩɛsɛ tintee-la lɛ nɛ woruŋ, ʋ yie beŋ ʋ nyuŋ a lɩɩ jɩna dɩ-suomuŋ a kaa mʋ ʋ dɩdɛrɩŋ.

1 Pɩɩta 3:12

bɛɛ wɩaa Wɩa sɩaa kala hɛ nɩalɩŋ sɩɩ ŋaa tʋɔpʋl wɩaa lɛ nɛ, a wuoli ʋ dɩgɩlaa ma a nɩnɩɩ ba Wɩɩsʋlʋŋ. Ama Wɩa joŋ ʋ harɩŋ yɩa nɩbɔŋŋɔɔ nɛ.”