JƐRƖMAAYA 24:5 - WƖA TENIŊ

⁵ “Wɩɩ-la mɩ-na ma TƖƖNA, Iziral tɩŋŋaa Wɩa sɩ bʋla nɛ ŋ-la: A nagɛ tutogi-nambɩlɩa-la sɩ zɔmɔ ŋɩɩ, ŋɩɩ nɛ mɩ joŋ Juda nɩalɩŋ ba sɩ kɛsɛ mʋ yoŋ-baga ba ma nagɛ. Ba nɛ mɩ leŋ ba lɩɩ leriŋ deeŋ ŋɩɩ a mʋ Babɩlɔŋ tinteeŋ.

JƐRƖMAAYA 24:5 ပူးပေါင်းရင်းမြစ်များ

WƖA YƖƖLAA 119:67

Mɩ fa yeŋŋi ŋ wombiiŋ lɛ nɛ, ŋ dɔgɩsɛmɛ, ama lɛɛlɛ mɩ sɛɩ ŋ niiŋ nɛ.

WƖA YƖƖLAA 119:71

Ʋ ŋaa wʋzɔŋ nɛ mɩ teeŋ ŋ sɩ dɔgɩsɛmɛ, bɛɛ wɩaa ŋɩɩ nɛ jaŋ leŋ mɩ gʋnnɛ wɩalɩŋ ŋ sɩ daga.

JƐRƖMAAYA 24:4

Ŋɩɩ nɛ La TƖƖNA bʋl wɩaa pɩmɛ. Ʋ sɩ,

JƐRƖMAAYA 29:11

Mɩ jɩŋ tʋɔbɩɩna-la mɩ sɩ kɛnɛ arɩ ma nɛ. Mɩ-na ma TƖƖNA nɛ bʋla. Mɩ kɛŋ mɩ tʋɔŋ dɩ mɩ ŋaama woruŋ nɛ, mɩ bɩ chɛ dɩ mɩ ŋaa wʋbɔŋ ma lɛ. Mɩ kɛŋ mɩ tʋɔŋ dɩ mɩ leŋ dɩ ma kɛŋ yɩɛlaa nɛ, dɩ ma chie zɔŋ.

JƐRƖMAAYA 29:20

Ŋɩɩ wɩaa, ma nɩalɩŋ kala mɩ sɩ kaa lɩɩ Jerusalɛm lɛ a kaa mʋ yoŋ-baga Babɩlɔŋ lɛ, má jegile nɩɩ.

JƐRƖMAAYA 29:4

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla tɩgɛ nɩalɩŋ kala ʋ sɩ kaa lɩɩ Jerusalɛm lɛ a mʋ yoŋ-baga Babɩlɔŋ lɛ nɛ ŋ-la:

ƐZƖKƖƐL 11:17

Ŋɩɩ wɩaa bʋla pɩba, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ kɛmma hɛ dɔŋɔ a kaa lɩɩ tinteyee arɩ tinteye-la lɛ mɩ fa sɩ kɛmma pɩsa hɛ kɔ. Mɩ jaŋ bɩra joŋ ma Iziral tɩŋŋaa tinteeŋ pɩma.’

ƐZƖKƖƐL 11:20

Ŋɩɩ nɛ ba jaŋ to mɩ wʋdagaa a fɩɛlɛ ba sɩaa a to mɩ wombie-la mɩ sɩ bile dɩ ba tuto. Ba jaŋ ŋaa mɩ nɩaa, dɩ mɩ ma ŋaa ba Wɩa.

LEVI DOHO NƖAA 26:44

Arɩ ŋɩɩ kala, dɩ ba nɛ hɛ ba dʋndɔŋŋɔɔ tinteeŋ lɛ, mɩ bɩ jaŋ vɩaba ta koo a bɛrɛba a cheiba, dɩ ŋɩɩ leŋ nii-la sɩ hɛ mɩ dɩ ba pɛgɛ chei. Mɩ nɛ ba TƖƖNA Wɩa.

NAHUM 1:7

La TƖƖNA wɩaa zɔmɔ, ʋ nɛ nɩaa yie mʋ yuori dɩ wɩaa nɛ jʋʋba. Ʋʋ beŋ nɩalɩŋ kala sɩ laaʋ dii nyuŋ nɛ,

ZƐKARƖYA 13:9

Kʋbala deeŋ ma, mɩ jaŋ joŋu hɛ nyiniŋ lɛ. Mɩ jaŋ wasɛba ta a nagɛ ba sɩ yie joŋ hɔpʋla hɛ nyiniŋ lɛ a lɩɩsɛ ʋ hɔɔ-bɩnɩŋ ta ŋɩɩ. Mɩ jaŋ magɩsɛba na a nagɛ ba sɩ yie joŋ sɛlɩmɛ hɛ nyiniŋ lɛ a magɩsa na ʋ zɔmʋŋ ŋɩɩ. Ba jaŋ yɩrɛmɛ dɩ mɩ sɛɩ. Mɩ jaŋ bʋl, ‘Ba ŋaa mɩ nɩaa nɛ,’ dɩ ba ma bʋl, ‘La TƖƖNA nɛ la Wɩa.’ ”

Matiu 25:12

Ŋɩɩ nɛ ʋ bʋl, ‘Wʋtɩtɩɩ, mɩ bʋlaa pɩma, mɩ bɩ ma jɩŋ.’

Jɔɔŋ 10:27

Mɩ piesee nɩɩ mɩ yikoro nɛ, mɩ ma jɩmba, ba tuto mɩ harɩŋ.

Rom Tɩŋŋaa 8:28

La jɩma wɩɩkala lɛ, Wɩa yie leŋ wɩaa zɔŋ nɛ a pɩ nɩalɩŋ sɩ chou, nɩalɩŋ ʋ sɩ lɩɩsa ʋ tʋɔtɔrʋŋ lɛ.

1 Kɔrɩntɩ Nɩaa 8:3

Ama dɩ nʋʋ nɛ cho Wɩa, Wɩa jɩŋ ʋ tɩɩna nɛ.

Galiisia Nɩaa 4:9

Ama lɛɛlɛ ma sɩ jɩŋ Wɩa ŋɩɩ, koo mɩ jaŋ bʋl Wɩa sɩ jɩmma ŋɩɩ, bɛɛ nɛ saa tɩɩ ma cho dɩ ma mɩɩrɛ harɩŋ a mʋ tuto dʋnɩa wʋkɛnɛɛ, wɩalɩŋ sɩ bɩ doluŋ kɛnɛ dɩ ba laama ta? Bɛɛ nɛ tɩɩ ma saa cho dɩ ma bɩra tutoba a bɩrɩmɛ ba yosuŋ?

MOSIS BƖRA WULLI WƖA WOMBIIŊ 8:16

Ʋ pɩma kʋdiile-la ba sɩɩ yɩrɛ ‘Mana’ nɛ tintee-hɩlɩɩ-la lɛ, kɩalɩŋ ma dɩ ma nyɩmmaba kʋŋkala ha sɩ bɩ die aŋ ka. Ʋ ŋaa ŋɩɩ a magɩsɛma nɛ dɩ ma sɩaa tʋʋ tinteeŋ, dɩ wɩaa vɛŋ woruŋ a pɩma.

2 Timoti 2:19

Ama dɩa gentiŋ-duo-la Wɩa sɩ bile pɩ ʋ nɩaa, ʋ bɩ jaŋ wuo jigisi. Wɩalɩŋ ba sɩ ŋmʋnsa hɛ ʋ lɛ nɛ ŋ-la: “La Tɩɩna Wɩa jɩŋ nɩalɩŋ sɩ ŋaa ʋ nɩaa nɛ.” Ba bɩra ŋmʋnsa arɩ ʋ maga dɩ nɩɩ-la kala sɩ sɩ ʋ ŋaa Wɩa nʋʋ nɛ, dɩ ʋ leŋ wʋbɔŋŋɔɔ ŋaanɩŋ.

Jɔɔŋ Wʋnaalaa 3:19

Dɩ nɩalɩŋ mɩ sɩ cho nɛ ŋaa wɩɩ chei, mɩ yie dagɛba nɛ a kɛmba bil wombiiŋ lɛ. Ŋɩɩ wɩaa, má fɩɛsɛ sɩɩŋ a bɩrɩma lɩɩ ma wʋbɔŋŋɔɔ lɛ.