JƐRƖMAAYA 24:10 - WƖA TENIŊ

¹⁰ Mɩ jaŋ joŋ laalɩŋ, losuŋ arɩ nyanyalɩɩ a hɛ ba lɛ, a cheiba ŋɩɩ halɩɩ dɩ ba dɛrɛ tintee-la mɩ sɩ joŋo pɩ ba dɩ ba naabalɩmaba lɛ.”

JƐRƖMAAYA 24:10 ပူးပေါင်းရင်းမြစ်များ

1 KUOROO 14:15

La TƖƖNA jaŋ dɔgɩsɛ Iziral tɩŋŋaa, ba jaŋ nagɛ yaŋ sɩ sagɛ lɩɩŋ nyuŋ a bibiegi. Ʋ jaŋ lɩɩsɛ Iziral tɩŋŋaa tintee-zɔmʋŋ deeŋ ʋ sɩ joŋo pɩ ba naabalɩmaba lɛ, a kɛmba pɩsɛ a mʋ kieli Yufireti fuo-la, bɛɛ wɩaa ba ŋaa vene-la ba sɩɩ yɩrɛ Asɩra daasɩŋ nɛ, a tutou a ŋaa La TƖƖNA baanɩŋ sii.

AZAAYA 51:19

Wʋlɔrʋnʋŋ deemba balɩa sɩ jʋʋma, nʋʋ hɛ nɩmɛ sɩ jaŋ nyagɛ ma bɔyɛɛ? Laalɩŋ sɩ jʋa, ma taŋ tel a pɩŋ jikpeeŋ, losuŋ ma jʋʋ, nʋʋ hɛ nɩmɛ a nyagɛ ma bɔyɛɛ?

JƐRƖMAAYA 14:12

Arɩ ba sɩɩ vɔɔ niiŋ ma kala, mɩ bɩ jaŋ jegile nɩɩ ba yele. Ba ŋaa kʋnyɩgaa Wɩɩsʋlʋŋ arɩ mɩaa Wɩɩsʋlʋŋ pɩpɩmɛ ma nɛ, ama mɩ bɩ jaŋ laaba. Mɩ jaŋ mɩɩra joŋ laalɩŋ, losuŋ arɩ nyanyalɩŋ a hɛ ba lɛ dɩ ba sʋʋ.”

JƐRƖMAAYA 15:2

Dɩ ba nɛ pɩɛsɩŋ, ‘Nɩɩ nɛ la jaŋ mʋ?’ bʋla pɩba, Wɩɩ-la mɩ-na ma TƖƖNA sɩ bʋla nɛ ŋ-la: ‘Nɩalɩŋ nyanyal bɔŋŋɔɔ sɩ jaŋ kpʋ, ba jaŋ kpʋ. Nɩalɩŋ sɩ jaŋ sʋʋ laalɩŋ lɛ, ba jaŋ sʋʋ. Nɩalɩŋ losuŋ sɩ jaŋ kɛŋ dɩ ba sʋʋ, ba jaŋ sʋʋ. Nɩalɩŋ ma ba sɩ jaŋ kɛsɛ mʋ yoŋ-baga, ba jaŋ kɛsɛ mʋ.’

JƐRƖMAAYA 16:4

“Nyanyal bɔŋŋɔɔ jaŋ kpʋba. Ba bɩ jaŋ hugiba koo a yel ba yoho. Ba jaŋ nagɛ nʋsʋrʋŋ a pɩŋ tinteeŋ. Ba jaŋ kpʋ dɔnsʋŋ laalɩŋ lɛ, dɩ losuŋ ma kɛŋ dɔnsʋŋ dɩ ba sʋʋ. Ba kʋsʋʋnʋŋ jaŋ bɩrɩmɛ zaaraa arɩ baga kɩaa kʋdiilee.”

JƐRƖMAAYA 19:7

Leriŋ deeŋ lɛ nɛ mɩ jaŋ chei Juda arɩ Jerusalɛm nɩaa wɩalɩŋ kala ba sɩ vʋʋra. Mɩ jaŋ leŋ dɩ ba dʋndɔŋŋɔɔ yuo diiba a kpʋba laalɩŋ lɛ, nɩalɩŋ sɩɩ chɛ ba lɩɩsɛ ba mɩɩsɩŋ. Mɩ jaŋ joŋ ba kʋsʋʋnʋŋ a pɩ zaaraa arɩ baga kɩaa.

JƐRƖMAAYA 21:9

Nʋʋ na-kala sɩ jaŋ hɔŋ tabalɩŋ deeŋ tʋɔŋ, laalɩŋ koo losuŋ koo nyanyal-bɔmʋŋ jaŋ kpʋʋ. Ama nʋʋ na-kala sɩ jaŋ kɛŋ ʋ tɩtɩa lɩɩ pɩ Babɩlɔŋ tɩmma-la sɩ kʋ tɔma hɛ jaŋ kɛŋ mɩɩsɩŋ, ʋ jaŋ fori a laa ʋ mɩɩsɩŋ.’ ”

JƐRƖMAAYA 27:8

Dɩ tinteeŋ koo kuoru-gentine kala nɛ vɩa dɩ ʋ tɩma pɩ Babɩlɔŋ kuoro Nebukadineza koo a bɩ ba tɩtɩa joŋo hɛ ʋ nɩsɩŋ lɛ, mɩ jaŋ joŋ laalɩŋ, losuŋ arɩ nyanyal-bɔmʋŋ dɔgɩsɛ tintee-la nɩaa, aŋ to ʋ lɛ a kpʋ ba kala. Mɩ-na ma TƖƖNA nɛ bʋla.

JƐRƖMAAYA 29:17

Wʋtɩtɩɩ, wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Mɩ jaŋ joŋ laalɩŋ, losuŋ arɩ nyanyalɩɩ a hɛ nɩaa deemba lɛ, aŋ leŋ dɩ ba nagɛ tutogi-nambɩlaa sɩ cheye, a lɔrɛ a bɩ ba dii kɛnɛ.

JƐRƖMAAYA 29:18

Mɩ jaŋ joŋ laalɩŋ, losuŋ arɩ nyanyal-bɔmʋŋ a kire to ba harɩŋ. Mɩ jaŋ leŋ dɩ ba kɛŋ nyɛsɩŋ dʋnɩa kuori-gentisiŋ nɩaa kala teeŋ, dɩ nɩaa kɛŋ ba yɩrɩŋ ŋmɩɛsa hɩhɛ dɔŋɔ lɛ. Nɩaa jaŋ naba dɩ fawʋllʋŋ kɛmba dɩ ba hihirigi. Tinteye-la kala lɛ mɩ sɩ kiriba hɛ, nɩaa jaŋ sisieri ba lɛ a mʋmɔmba.

JƐRƖMAAYA 32:24

Bee na ŋɩɩ ba sɩ saa vaŋkumba dɩ ba yuo dii tabal-la. A tɩŋ laalɩŋ, losuŋ arɩ nyanyalɩŋ wɩaa, tabal-la jaŋ jʋʋ Babɩlɔŋ tɩmma-la sɩɩ yuou nɩsɩŋ. Wɩɩ-la ŋ sɩ bʋla sɛnɛ ŋaa nɛ, ʋ nɛ ŋ nɩna ŋɩɩ lɛɛlɛ.

JƐRƖMAAYA 32:25

Ŋ sɩ jaŋ joŋ tabal-la a hɛ Babɩlɔŋ tɩŋŋaa nɩsɩŋ lɛ ma, ŋ-na La TƖƖNA Wɩɩjarɩbakɔ ha bʋla pɩmɛ, ‘Joŋ warɩpʋla a yɔɔ tintee-la, aŋ leŋ dɩ nɩaa ŋaa pɛ-naaraa.’ ”

JƐRƖMAAYA 34:17

Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: Ma bɩ mɩ niiŋ to, ma bɩ ma dɔnsʋŋ tɩŋŋaa sɩ ŋaa ma yosuŋ joŋo ta. Ŋɩɩ wɩaa mɩ-na jaŋ jomma ta: Mɩ jaŋ leŋ dɩ laalɩŋ, losuŋ arɩ nyanyal-bɔmʋŋ kpʋma. Mɩ jaŋ leŋ dɩ ma nagɛ kʋŋ sɩɩ sʋɔrʋ kuori-gentisiŋ kala sɩ hɛ dʋnɩa lɛ teeŋ.

JƐRƖMAAYA 42:17

Wʋtɩtɩɩ, nɩalɩŋ kala sɩ ŋaa siri dɩ ba mʋ Ijipiti tinteeŋ a hɔŋ nɩmɛ, laalɩŋ, losuŋ arɩ nyanyalɩɩ jaŋ kpʋba. Ba kʋŋkala bɩ jaŋ kɛŋ mɩɩsɩŋ koo a fori wʋlɔrʋ-la mɩ sɩ jaŋ kaa kʋ hɛ ba lɛ.’

JƐRƖMAAYA 42:22

Ŋɩɩ wɩaa lɛɛlɛ, ma jɩŋ wɩɩŋ deeŋ lɛ: Ma dɔnsʋŋ jaŋ sʋʋ laalɩŋ lɛ, losuŋ arɩ nyanyalɩŋ ma jaŋ kpʋ dɔnsʋŋ, tintee-la ma sɩɩ chɛ ma mʋ hɔŋ lɛ.”

JƐRƖMAAYA 5:12

Ba nyɩɛ wɩaa a tɩgɛ La TƖƖNA lɛ nɛ. Ba sɩ, “Ʋ bɩ jaŋ ŋaala wɩɩkala. Wʋbɔŋ kala bɩ jaŋ ŋaa la lɛ. Laalɩŋ koo losuŋ bɩ jaŋ jʋʋla.

JƐRƖMAAYA 9:15

Ŋɩɩ wɩaa, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má bee na, mɩ jaŋ leŋ dɩ nɩaa deemba dii kʋdii haarɩŋ, a nyʋa lɩɩŋ ba sɩ hɛ bɩɛlɩŋ.

JƐRƖMAAYA 9:16

Mɩ jaŋ kɛmba pɩsa hɛ tinteyee lɛ ba dɩ ba nyɩmmaba kʋŋkala ha sɩ bɩ jɩŋ. Mɩ jaŋ kire to ba harɩŋ arɩ tokobiiŋ see dɩ mɩ kpʋba.”

ƐZƖKƖƐL 33:27

Bʋla pɩba arɩ mɩ-na ma TƖƖNA Wɩɩjarɩbakɔ ŋmɩɛsa: Nɩalɩŋ sɩ ka jikpeeni-la lɛ kala jaŋ sʋʋ laalɩŋ lɛ. Mɩ jaŋ leŋ dɩ baga kɩaa chaŋ nɩalɩŋ sɩ hɛ jeeŋ harɩŋ, nɩalɩŋ ma sɩ faa dɩ-duoruŋ arɩ bʋ-bʋɔsʋŋ lɛ, nyanyal bɔŋŋɔɔ jaŋ kpʋba.

ƐZƖKƖƐL 6:11

La TƖƖNA Wɩɩjarɩbakɔ bɩra sɩ, “Porisi ŋ nɩsaa, a yagɛ ŋ naasɩŋ, aŋ yel ‘Ou’ a tɩŋ wʋbɔmɔ-la arɩ wʋkɩsɩa-la Iziral tɩŋŋaa sɩ ŋaa wɩaa. Ba dɔnsʋŋ jaŋ sʋʋ laalɩŋ lɛ, ka dɩ losuŋ arɩ nyanyal bɔŋŋɔɔ ma kpʋ ba dɔnsʋŋ.

ƐZƖKƖƐL 7:15

Laalɩŋ jaŋ kpʋ nɩalɩŋ sɩ hɛ jeeŋ harɩŋ, ka dɩ losuŋ arɩ nyanyal bɔŋŋɔɔ ma kpʋ nɩalɩŋ sɩ hɛ jaŋ lɛ.

MOSIS BƖRA WULLI WƖA WOMBIIŊ 28:21

La TƖƖNA jaŋ joŋ nyanyal bɔŋŋɔɔ a hɛ ma lɛ dɩ ma kala sʋʋ dɛrɛ tintee-la ma sɩɩ jʋʋ dɩ ma tɩɩ lɛ.

Jɔɔŋ Wʋnaalaa 6:8

Ŋɩɩ nɛ mɩ beŋ a na jaaba dɩ nʋʋ hɔŋ ʋ nyuŋ. Jɔɔ-la fa ŋaa kʋbʋgʋ nɛ. Nɩɩ-la sɩ hɔŋ ʋ nyuŋ yɩrɩŋ nɛ sʋʋŋ, ka lɛlɛɛ-jaŋ tuto ʋ harɩŋ. Ŋɩɩ nɛ Wɩa pɩba doluŋ dɩ ba kpʋ nuhuobiinee kala sɩ hɛ dʋnɩa sɛsɩ-la banɛsɛ dɔŋɔ. Ba jaŋ kɛŋ tokobii-la a kpʋ dɔnsʋŋ, dɩ losuŋ ma kpʋ dɔnsʋŋ, ka dɩ nyanyalaa arɩ baga kɩaa ma kpʋ dɔnsʋŋ.