JƐRƖMAAYA 23:9 - WƖA TENIŊ

⁹ A mʋ tɩgɛ Wɩa wʋlaabʋlla-la lɛ, mɩ tʋɔŋ kala chaasa vʋgʋmɛ nɛ, mɩ yaraa kala chichel. Mɩ nagɛ nɩa sɩ nyʋa sɩnɩŋ nɛ, nɩa sɩ nyʋa sɩnɩŋ a chaasa bugi, a tɩŋ La TƖƖNA arɩ ʋ niiŋ wɩaa sɩ bɩ disiniŋ kɛnɛ wɩaa.

JƐRƖMAAYA 23:9 ပူးပေါင်းရင်းမြစ်များ

WƖA YƖƖLAA 60:3

Ŋ leŋe ŋ nɩaa na hɛɛŋ kɩŋkɛŋ nɛ. La kala bugo nɛ a gɩgɛrɛ a nagɛ nɩaa sɩ nyʋa sɩnɩŋ bugi.

WƖA YƖƖLAA 69:20

Ba sɩ tʋʋsɛmɛ ŋɩɩ leŋe mɩ tʋɔŋ faasa chei nɛ, mɩ nagɛ mɩɩ wɩɩlʋ. Mɩ faa yɩɛlɛ arɩ nʋʋ jaŋ fá mɩ nenige a nyagɛ mɩ bɔyɛ, ama mɩ bɩ nʋʋkala na.

AZAAYA 28:1

Wɩaa jaŋ jʋʋ Iziral tɩŋŋaa tabalɩŋ Samarɩa, ʋ nɛ chɩŋ fuonaa sɩmɩŋ nyuŋ ŋɩɩ. Ba sɩpaalaaraa kala ŋaa sɩ-nyʋaraa nɛ. Ba babii-ballɩɩ-la kala nagɛ tɩɩfɩɩlaa ba sɩ kaa ŋaa kuori-nyunchuulo nɛ. Ʋ jaŋ hɩl a yuori.

AZAAYA 29:9

Ʋ kperima nɛ, ma niiŋ kala maa, ma tɔ ma sɩaa nɛ a bɩ wɩɩkala ka na, ma bugo nɛ aŋ bɩ tɩɩnɛnɛɛ sɩnɩŋ nyʋa, a gɩgɛrɛ aŋ bɩ sɩ-duo kala nyʋa.

AZAAYA 51:21

Ŋɩɩ wɩaa ma Jerusalɛm nɩaa, hɛɛ-la sɩ leŋe ma nagɛ nɩaa sɩ bugo, má nɩɩ wɩɩŋ deeŋ.

AZAAYA 6:5

Ŋɩɩ nɛ mɩ ŋmoo niiŋ a bʋl, “Wɩɩŋ jʋʋmɛ, mɩ sʋʋ dɛrɛ, bɛɛ wɩaa wɩalɩŋ sɩ to mɩ niiŋ lɩlɩɩ kɛŋ disiniŋ nɛ, nɩalɩŋ tʋɔŋ ma mɩ sɩ hɛ wʋbʋlaa kɛŋ disiniŋ nɛ, ka mɩ na La TƖƖNA doluŋ kala Tɩɩna sɩ ŋaa kuoro.”

JƐRƖMAAYA 20:9

Ama dɩ mɩ nɛ sɩ, “Mɩ bɩ jaŋ yɩrɛ ʋ yɩrɩŋ koo a bʋl wɩaa ʋ yɩrɩŋ lɛ,” ʋ niiŋ wɩaa sɩ hɛ mɩ tʋɔŋ lɛ yie nagɛ nyiniŋ a nyɩnyɩgɛmɛ. Mɩ lɔlɔ nɛ arɩ wɩalɩŋ sɩ hɛ mɩ tʋɔŋ lɛ. Wʋtɩtɩɩ, mɩ bɩ jaŋ wuo.

JƐRƖMAAYA 36:16

Ʋ sɩ karɩmɛ wɩalɩŋ ba nɩɩ, fawʋllʋŋ kɛmba ba bibeŋ dɔŋɔ aŋ bʋla pɩ Baruk, “La maga la mʋ bʋl wɩaa deemba kala a pɩ kuoro nɛ.”

JƐRƖMAAYA 5:31

Mɩ wʋlaabʋllaa sɩ nyɩɛ wɩaa arɩ baa bʋl wɩaa Wɩa doluŋ lɛ nɛ. Ka Wɩɩsʋllɩ sɩpaalaaraa ma mɩɩra ŋɩŋaa wɩaa ba tɩtɩaba doluŋ lɛ. Mɩ nɩaa ma cho ŋɩɩ ba sɩɩ ŋaa. Ama wʋbɛɛ nɛ ma jaŋ ŋaa wɩaa deemba dɩdɛrɩŋ?”

JƐRƖMAAYA 8:18

Jɛrɩmaaya bʋl, “Mɩ tʋɔŋ cheye yʋgɛ nɛ, nʋʋ bɩ mɩ bɔyɛ wuo nyagɛ, mɩ daagaa chaasa viisi nɛ.

JƐRƖMAAYA 9:1

Mɩ fa cho dɩ mɩ nyuŋ nagɛ lɩɩ-bul-sɩɩŋ nɛ dɩ mɩ sɩaa ma fa bubul sɩlɩɩrɩŋ. Mɩ fa jaŋ yel tɩtaŋɩŋ arɩ wɩɩhɛyɛ kala a tɩŋ ba sɩ kpʋ mɩ nɩaa wɩaa.

JEMBIEE 3:15

Ʋ leŋe mɩ na hɛɛŋ a nagɛ nɩa sɩ nyʋa susuŋ sɩ hɛyɛ nɛ.

ƐZƖKƖƐL 13:3

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Hɛɛŋ jaŋ jʋʋ ba nɩalɩŋ sɩ nyɩɛ wɩaa arɩ ba ŋaa mɩ wʋlaabʋllaa nɛ, ba ŋaa nɩ-yaraa nɛ, baa bʋl ba tɩtɩa tʋɔbɩɩnaa wɩaa nɛ. Ba bɩ wɩɩkala na a nagɛ duosoo tʋɔŋ.

ƐZƖKƖƐL 9:4

a bʋla pʋ, “Gɔllɛ Jerusalɛm tabal-la lɛ a tuuri magɩlɩŋ hɛ nɩaa tilliŋ lɛ, nɩalɩŋ tʋɔŋ sɩ cheye ba yiyel a tɩŋ wʋkɩsɩa-la kala nɩaa sɩɩ ŋaa taŋ-la lɛ wɩaa.”

ƐZƖKƖƐL 9:6

Má kpʋ banɩhɩasɩŋ, bapʋɔsaa, hatoloo, naamba arɩ hambiisiŋ. Ama má sɩ́ nʋʋkala sɩ kɛŋ magɩl-la digu. Má suomi mɩ dɩa lɛ.” Ŋɩɩ nɛ ba suomi sɩpaalaara-la sɩ hɛ Wɩa dɩɩ-bal-la sɩpaaŋ.

DANƖƐL 8:27

Wɩɩŋ deeŋ harɩŋ, mɩ-na Danɩɛl bɛsɩmɛ nɛ a pɩŋ nyanyalaa a yi tapʋlɩa. Ŋɩɩ nɛ mɩ bɩra sii a tɩtɩŋ kuoro tɩntɩŋŋaa. Wɩalɩŋ mɩ sɩ na a nagɛ duosoo tʋɔŋ fa kperimi nɛ. Mɩ fa bɩ ba bʋbʋɔŋ jɩŋ.

HABAKU 3:16

Mɩ nɩɩ wɩaa deemba kala nɛ a chichel, mɩ niipinee ŋmuŋmoo dɔŋɔ, mɩ yaraa kala sʋʋ, mɩ naasɩŋ chichel. Ama mɩ jaŋ dii kenyiri aŋ gbɛrɛ tapʋlɩɩ-la wʋbɔŋŋɔɔ sɩ jaŋ jʋʋ tinteye-la sɩ kʋ tɔla hɩhɛ.

Rom Tɩŋŋaa 7:9

Bʋa-la lɛ mɩ fa ha sɩ bɩ wɩalɩŋ Mosis fa sɩ bile jɩŋ, mɩ fa weye nɛ. Ŋɩɩ nɛ mɩ kʋ jɩŋ wɩalɩŋ Mosis sɩ bile dɩ nɩaa tuto. Mɩ sɩ kʋ jɩŋ wɩalɩŋ ŋɩɩ, wʋbɔmʋŋ fa sɩ nagɛ kʋsʋʋ mɩ teeŋ, ʋ mɩɩra kʋ kɛŋ doluŋ a ŋaa mɩ nagɛ nɩsʋʋ.