JƐRƖMAAYA 23:6 - WƖA TENIŊ

⁶ Ʋ kuoruŋ bʋa lɛ, ʋ jaŋ laa Juda nɩaa ta, dɩ Iziral nɩaa ma hɔŋ sɔm. Yɩrɩ-la ba sɩ jaŋ yɩyɩrʋ nɛ: La TƖƖNA nɛ ŋaa la kɛŋ tʋɔpʋla koo La TƖƖNA nɛ laala ta arɩ wʋtɩtɩɩ.”

JƐRƖMAAYA 23:6 ပူးပေါင်းရင်းမြစ်များ

1 KUOROO 4:25

Bʋa-la lɛ Solomoŋ sɩ hɛ ʋ mɩɩsɩŋ lɛ, Juda arɩ Iziral tɩŋŋaa kala, a chɩŋ taŋ-la ba sɩɩ yɩrɛ Daŋ sɩ hɛ wɩɩpɔsʋŋ nagʋa a kaa mʋ taŋ-la ba sɩɩ yɩrɛ Bɛɛsɩba sɩ hɛ wɩɩpɔsʋŋ nadiiŋ, nʋʋkala fa hɔnɔ arɩ fɩɛlɩŋ nɛ, wɩɩkala bɩ ba jʋa. Nɩalɩŋ kala fa kɛŋ ba tɩtɩa tɩɩnɛnɛɛ bagɩsɩŋ arɩ ba tutogusuŋ nɛ.

WƖA YƖƖLAA 45:5

Leŋ dɩ ŋ to-hɛŋŋɛɛ sɩ kɛŋ niiŋ woruŋ tɔɔ jʋʋ kɛŋ kuoro dʋndɔŋŋɔɔ chʋbagɩlɩŋ-buguloo, leŋ dɩ tinteyee nɩaa ma tel ŋ sɩpaaŋ.

MOSIS KƐŊ IZIRAL TƖŊŊAA LƖƖ 9:26

Iziral tɩŋŋaa sɩ hɛ tintee-la lɛ ba sɩɩ yɩrɛ Goseŋ dʋndʋŋa lɛ nɛ wɩɩŋ deeŋ bɩ ŋaa.

AZAAYA 2:4

Ʋ jaŋ laa tinteyee nɩaa wɩaa a jɩma pɩba, aŋ kɛŋ ba nɩ-daŋ hɛ dɔŋɔ lɛ dɩ ba ŋaa sɩma. Ba jaŋ kɛŋ ba tokobiee a libi pirisiŋ, aŋ kɛŋ ba tiŋŋee ma a libi sɩɩkɔrʋsʋŋ. Tintee kala bɩra bɩ jaŋ joŋ tokobiiŋ a je ʋ dɔŋɔ lɛ, koo a bɩra gʋnnɛ laalɩŋ yuonuŋ.

AZAAYA 32:1

Má bee na, kuoru kʋbala jaŋ kɛŋ tʋɔpʋla a beŋ nɩaa nyuŋ. Tinteyee sɩpaalaaraa jaŋ kɛŋ wʋtɩtɩɩ a bibeŋ ba nɩaa.

AZAAYA 32:18

Fɩɛlɩŋ jaŋ hɛ mɩ nɩaa dɩjʋʋlaa lɛ dɩ ba hɔŋ sɔm.

AZAAYA 33:22

La TƖƖNA nɛ ŋaa la sarɩya diire, ʋ nɛ ŋaa Nɩɩ-la sɩ dagɛla wombiee la tuto. La TƖƖNA nɛ la kuoro, ʋ jaŋ laala ta.

AZAAYA 33:5

La TƖƖNA yɩrɩŋ nɛ jaŋ yɩrɛ, ʋ nɩɩ beŋ kʋŋkala. Ʋ jaŋ leŋ dɩ tʋɔpʋla arɩ wʋtɩtɩɩ hɛ Zaayɔŋ lɛ.

AZAAYA 35:9

Naachigiŋ bɩ jaŋ hɛ nɩmɛ, gɩrɩŋ kʋbɔŋ kala bɩ jaŋ hɛ wombii-la lɛ. Nɩalɩŋ La TƖƖNA sɩ laa ta dʋndʋŋa nɛ jaŋ vɩvɛŋ ʋ lɛ.

AZAAYA 42:6

Ʋ sɩ, “Mɩ-na ma TƖƖNA nɛ yɩrɩŋ arɩ tʋɔpʋla. Mɩ jaŋ kɛŋ ŋ nɩsɩŋ lɛ aŋ beŋ ŋ nyuŋ woruŋ. Mɩ jaŋ leŋ dɩ ŋ ŋaa nii mɩ dɩ mɩ nɩaa pɛgɛ, aŋ ŋaa pʋlʋŋ a pɩ tinteyee dɔnsʋŋ ma.

AZAAYA 45:17

Ama La TƖƖNA jaŋ laa Iziral tɩŋŋaa ta, a laa ba ta a kaa mʋ wuu. Ba bɩ jaŋ dii hɩɩsɩŋ, a kaa mʋ deeŋ deeŋ, hɩɩsɩŋ bɩ jaŋ diiba.

AZAAYA 54:17

Dɩ nʋʋ nɛ joŋ laalɩyuori kʋŋkala a yuoŋ ma, ʋ bɩ ŋ lɛɛ dii. Nɩalɩŋ kala sɩɩ bʋl ŋ teeŋ, ŋ jaŋ wuoba. Wɩɩ-la mɩ-na ma TƖƖNA sɩ joŋo pɩ mɩ tɩntɩnnaa nɛ ŋɩɩ, ba kaa yuo didii laalɩŋ.”

AZAAYA 7:14

Ŋɩɩ wɩaa, La TƖƖNA tɩtɩa jaŋ leŋ dɩ ma na magɩlɩŋ. Hatolo ha sɩ bɩ baal jɩŋ jaŋ kɛŋ luoruŋ a lʋl hambolibie, a hɛ ʋ yɩrɩŋ Ɩmanʋɛl.

AZAAYA 9:6

bɛɛ wɩaa ba lʋl bii nɛ a pɩla, hambolibie nɛ ba joŋo pɩla, ʋ nɛ jaŋ bibenla. Ba jaŋ yɩyɩrʋ: Nɩɩ-la sɩ jɩŋ nɩaa chagɩlɩŋ ʋ dɔŋ tuo, Wɩa sɩ kɛŋ doluŋ, Nyɩmma-la sɩ jaŋ hɛ nɩmɛ deeŋ deeŋ, Kuori-bile sɩ kɛŋ fɩɛlɩŋ kʋkɔ.

JƐRƖMAAYA 29:11

Mɩ jɩŋ tʋɔbɩɩna-la mɩ sɩ kɛnɛ arɩ ma nɛ. Mɩ-na ma TƖƖNA nɛ bʋla. Mɩ kɛŋ mɩ tʋɔŋ dɩ mɩ ŋaama woruŋ nɛ, mɩ bɩ chɛ dɩ mɩ ŋaa wʋbɔŋ ma lɛ. Mɩ kɛŋ mɩ tʋɔŋ dɩ mɩ leŋ dɩ ma kɛŋ yɩɛlaa nɛ, dɩ ma chie zɔŋ.

JƐRƖMAAYA 30:10

Ŋɩɩ wɩaa, má sɩ́ fawʋllʋŋ fá, mɩ tɩntɩnna Jekɔb doho nɩaa. Iziral tɩmma, má sɩ́ leŋe dɩ ma niiree maa. Mɩ-na ma TƖƖNA nɛ bʋla. Mɩ jaŋ sɛnɛ laama ta tintee-bolii-la ma sɩ hɛ lɛ a kɛmma kɔ dɩa. Mɩ jaŋ laa ma doho nɩalɩŋ sɩ hɛ yoŋ-baga lɛ ta. Iziral tinteeŋ jaŋ bɩra kɛŋ fɩɛlɩŋ dɩ ba hɔŋ sɔm, nʋʋkala bɩ jaŋ ŋaa dɩ fawʋllʋŋ kɛmba.

JƐRƖMAAYA 31:23

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Dɩ mɩ nɛ kɛmba mɩɩra lɩɩ yoŋ-baga kɔ, nɩalɩŋ sɩ hɛ Juda tinteeŋ arɩ ʋ tasɩŋ lɛ jaŋ bɩra kɔ a bʋl wɩaa deemba: ‘La TƖƖNA jaŋ pɛ tʋɔpʋl dɩa deeŋ sɩ chɩŋ peel-la sɩ bɩ disiniŋ kɛnɛ lɛ nyuŋ.’

JƐRƖMAAYA 32:37

Mɩ jaŋ sɛnɛ kɛsɛba hɛ dɔŋɔ lɛ a kaa lɩɩ tinteye-la kala lɛ mɩ sɩ chaasa na baanɩŋ mɩ yaraa hosi mɩ kiriba hɛ lɛ. Mɩ jaŋ kɛmba mɩɩra kɔ leriŋ deeŋ dɩ ba hɔŋ sɔm.

JƐRƖMAAYA 33:15

Tapʋlɩa-la lɛ, mɩ jaŋ lɩɩsɛ nʋʋ sɩ ŋaa tʋɔpʋl Tɩɩna Devit doho nɩaa tʋɔŋ dɩ ʋ dii kuoruŋ. Ʋ jaŋ ŋaa wɩaa ba bʋa lɛ arɩ wʋtɩtɩɩ tintee-la lɛ.

JƐRƖMAAYA 33:16

Tapʋlɩa-la lɛ, ba jaŋ laa Juda nɩaa ta, dɩ Jerusalɛm nɩaa hɔŋ sɔm. Ba jaŋ yɩyɩrɛ tabal-la: La TƖƖNA nɛ ŋaa la kɛŋ tʋɔpʋla.”

ƐZƖKƖƐL 21:27

Jerusalɛm jaŋ pɩŋ jikpeeŋ, ʋ jaŋ pɩŋ jikpeeŋ. Mɩ jaŋ leŋ dɩ ʋ pɩŋ jikpeeŋ deeŋ deeŋ a mʋ yi bʋa-la lɛ nɩɩ-la sɩ tɩɩʋ sɩ jaŋ kɔ, dɩ mɩ joŋo hɛ ʋ nɩsɩŋ lɛ.’

ƐZƖKƖƐL 28:26

Ba jaŋ hɔŋ nɩmɛ, wɩɩkala bɩ baa walɩmɛ, a saa dɩɩsɩŋ a pɛrɛ girep tɩɩsɩŋ bagɩsɩŋ. Mɩ jaŋ dɔgɩsɛ nɩalɩŋ kala sɩ hɔnɔ kpagɛba a bene gʋʋnɛba. Iziral tɩŋŋaa jaŋ hɔŋ sɔm, ŋɩɩ nɛ ba jaŋ jɩŋ arɩ mɩ nɛ ba TƖƖNA.”

ƐZƖKƖƐL 38:14

Ŋɩɩ wɩaa nuhuobiiŋ, bʋl wɩaa mɩ doluŋ lɛ a pɩ Gɔg. Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: “Bʋa-la lɛ mɩ nɩaa Iziral tɩŋŋaa sɩ jaŋ hɔŋ a ta jɩa, ŋ jaŋ na.

ƐZƖKƖƐL 48:35

Kɛrɛ-la sɩ golli tabal-la chu, ʋ duomuŋ kala jaŋ ŋaa naakieliŋ bʋɩ nibi, a chɩŋ bʋa-la lɛ a kaa mʋ tabal-la yɩrɩŋ jaŋ ŋaa ‘LA TƖƖNA HƐ DƖMƐ.’ ”

DANƖƐL 9:24

Jɩsɩŋ zɔɔ-banɛsɛ arɩ mahɩŋ banɛsɛ arɩ fii nɛ Wɩa lɩɩsɛ dɩ ʋ kaa ŋaa dɩ ŋ nɩaa arɩ tabal-la sɩ bɩ disiniŋ kɛnɛ wʋbɔŋŋɔɔ dɛrɛ, a giri nɩbɔŋ wɩaa ta, aŋ leŋ dɩ ba kɛŋ tʋɔpʋla deeŋ deeŋ a kaa kɔ tapʋlɩɩ-la Wɩa sɩ jaŋ lɩɩsɛ ʋ dɩɩ-bal-la sɩ chaasa zɔŋ a bɩ disiniŋ kɛnɛ, a leŋ dɩ wɩalɩŋ ŋ sɩ na duosoo tʋɔŋ arɩ wɩalɩŋ ba sɩ bʋla Wɩa doluŋ lɛ kʋ ŋaa wʋtɩtɩɩ.

DANƖƐL 9:7

La TƖƖNA, ŋ ŋaa tʋɔpʋl Tɩɩna nɛ, ama jɩnɩŋ hɩɩsɩŋ kɛŋ la Juda nɩaa arɩ Jerusalɛm nɩaa arɩ Iziral tɩŋŋaa kala nɛ, nɩalɩŋ sɩ kpaga arɩ nɩalɩŋ kala sɩ hɛ dɩ-boloo, tinteye-la lɛ ŋ sɩ kɛnla pɩsa hɛ a tɩŋ la sɩ bɩ wʋtɩtɩɩ kɛnɛ ŋ teeŋ wɩaa.

HOSIA 1:11

Juda nɩaa arɩ Iziral tɩŋŋaa jaŋ bɩra kɛŋ nii-bala. Ba jaŋ lɩɩsɛ sɩpaa-laarɩ bala, ba jaŋ pʋŋa pɛ a dʋa ba tinteeŋ lɛ, dɩ ŋɩɩ ŋaa tapʋl-bal a pɩ Jɛzɩrɛl.”

HOSIA 1:7

Ama mɩ jaŋ dagɛ mɩ chonuŋ Juda doho nɩaa lɛ, a laaba ta. Ama laalɩyuori kɩaa deemba dee mɩ jaŋ kaa laaba ta: Toŋ koo tokobiiŋ koo laalɩŋ janɩŋ koo laalɩŋ ja-jɩllaa. Mɩ-na ba TƖƖNA Wɩa nɛ jaŋ laaba ta.”

HOSIA 2:18

Tapʋlɩɩ-la, mɩ jaŋ hɛ niiŋ mɩ dɩ baga kɩaa arɩ diibiisiŋ sɩɩ zaarɛ wɩa-nyuŋ arɩ kɩalɩŋ sɩɩ tuuri tinteeŋ pɛgɛ dɩ ba sɩ́ ba walɩmʋ. Mɩ jaŋ giri laalɩŋ ta tintee-la lɛ dɩ bayuori kɩaa lɛl, tosuŋ arɩ tokobiee, ka dɩ mɩ nɩaa wuo hɔŋ sɔm.

OBADAAYA 1:17

Ama Zaayɔŋ peel-la nyuŋ nɛ laatanɩŋ jaŋ hɛ, ʋ jaŋ ŋaa lee sɩ bɩ disiniŋ kɛnɛ, dɩ Jekɔb doho nɩaa tɩɩ ʋ dʋa kala.

OBADAAYA 1:21

Nɩduoruŋ jaŋ lɩɩ Zaayɔŋ peel-la lɛ a yuo dii Ɛsɔ doho nɩaa a bibemba, dɩ kuorii-la ŋaa mɩ-na ma TƖƖNA kʋŋ.”

ZEFANAAYA 3:13

Iziral nɩkaana-la sɩ bɩ sʋba bɩ jaŋ ŋaa wʋbɔŋ, ba bɩ jaŋ nyɩnyɩɛ wɩaa, ba bɩ jaŋ nyɩnyɩsɛ nɩaa ma. Ba jaŋ dii kɩaa aŋ pɩŋ sɔm, nʋʋkala bɩ jaŋ ŋaa dɩ fawʋllʋŋ kɛmba.

ZƐKARƖYA 10:6

Mɩ jaŋ leŋ dɩ Juda nɩaa kɛŋ doluŋ aŋ laa Josɛf doho nɩaa ta. Mɩ jaŋ fá ba nenige a kɛmba mɩɩra kɔ dɩa. Ba jaŋ nagɛ nɩa mɩ fa sɩ bɩ vɩa ta, bɛɛ wɩaa, mɩ nɛ ba TƖƖNA Wɩa, mɩ jaŋ laa ba sʋla.

ZƐKARƖYA 3:10

Tapʋlɩɩ-la, ma kʋŋkala jaŋ yɩrɛ ʋ dɔŋɔ tɩɩna dɩ ʋ kʋ hɔŋ ʋ girep tɩa arɩ ʋ tutogo bʋbʋɔŋ.”

Rom Tɩŋŋaa 3:22

Nɩalɩŋ sɩ laa Yesu Kirisito wɩaa dii, nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala, ba nɛ jaŋ kɛŋ tʋɔpʋla ʋ sɩpaaŋ. Ʋ bɩ ba kaa pɔrɛ,

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

2 Kɔrɩntɩ Nɩaa 5:21

Kirisito fa bɩ wʋbɔŋ kɛnɛ, ama a tɩŋ la wɩaa, Wɩa leŋe ʋ sʋʋ a nagɛ wʋbɔŋ ŋaarʋ. Wɩa ŋaa ŋɩɩ dɩ la wuo to Kirisito lɛ nɛ a kɛŋ tʋɔpʋla ʋ teeŋ.

Fɩlɩpa Nɩaa 3:9

dɩ mɩ dɩ Kirisito kala ŋaa kʋbala. Tʋɔpʋla-la mɩ sɩ kɛnɛ, ʋ bɩ mɩ tɩtɩa lɛ lɩa, ʋ saa bɩra bɩ Juu tɩŋŋaa naabalɩmaba wombiiŋ ma lɛ lɩa. Ama lɛɛlɛ mɩ sɩ laa Kirisito wɩaa dii, ŋɩɩ nɛ tɩɩ mɩ kɛŋ tʋɔpʋla ʋ teeŋ. Tʋɔpʋla deeŋ-na lɩɩ Wɩa teeŋ nɛ, ʋ joŋu pɩ nʋʋkala sɩ laa ʋ wɩaa dii nɛ.