JƐRƖMAAYA 23:5 - WƖA TENIŊ

⁵ La TƖƖNA sɩ, “Tapʋlaa ka kɔ nɛ, dɩ mɩ lɩɩsɛ tʋɔpʋl Tɩɩna Devit doho nɩaa tʋɔŋ, ʋ jaŋ ŋaa kuoru sɩ jaŋ beŋ ʋ nɩaa arɩ wʋjɩmɩŋ. Ʋ jaŋ kɛŋ wʋtɩtɩɩ, a ŋaa wɩaa ba bʋa lɛ tintee-la lɛ.

JƐRƖMAAYA 23:5 ပူးပေါင်းရင်းမြစ်များ

2 SAMƲƐL 23:3

Iziral Wɩa, nɩɩ-la sɩ kɛŋ doluŋ a nagɛ bʋŋ bʋla pɩmɛ: ‘Dɩ kuoro nɛ kɛŋ tʋɔpʋla a bibeŋ ʋ nɩaa nyuŋ, a to Wɩa niiŋ lɛ a bibemba,

WƖA YƖƖLAA 45:4

To ŋ ballɩŋ lɛ a yuo dii a leŋ wʋtɩtɩɩ arɩ tʋɔpʋl wʋŋaalaa chɩŋ, dɩ nɩaa kɛŋ ba tɩtɩa muuri. Leŋ dɩ ŋ naduo-la ŋaa wʋkpuŋkperisiŋ.

WƖA YƖƖLAA 80:15

Ŋ tɩtɩa nɛ chɔnsʋ a leŋ ʋ naapoloo tuu tinteeŋ. Ŋ leŋ ʋ waa a ŋaa ŋ kʋŋ.

WƖA YƖƖLAA 99:4

Kuoro kɛŋ doluŋ, ʋ cho wʋtɩtɩɩ nɛ. Ŋ leŋe wʋtɩtɩɩ chaasa chɩŋ nɛ kpaŋkpaŋ Iziral tinteeŋ kala lɛ, a ŋaa wɩɩ-la sɩ maga arɩ wʋtɩtɩɩ.

AZAAYA 33:5

La TƖƖNA yɩrɩŋ nɛ jaŋ yɩrɛ, ʋ nɩɩ beŋ kʋŋkala. Ʋ jaŋ leŋ dɩ tʋɔpʋla arɩ wʋtɩtɩɩ hɛ Zaayɔŋ lɛ.

AZAAYA 4:2

Wɩaa deemba kala harɩŋ, La TƖƖNA jaŋ leŋ dɩ Iziral tinteeŋ zɔŋ a pɩ nɩalɩŋ sɩ bɩ sʋba. Ba tʋɔŋ jaŋ tɔrɛ dɩ ba bibigisi a tɩŋ kɩalɩŋ ba sɩ pɛrɛ sɩ jaŋ wasɛ tintee-la lɛ.

AZAAYA 42:6

Ʋ sɩ, “Mɩ-na ma TƖƖNA nɛ yɩrɩŋ arɩ tʋɔpʋla. Mɩ jaŋ kɛŋ ŋ nɩsɩŋ lɛ aŋ beŋ ŋ nyuŋ woruŋ. Mɩ jaŋ leŋ dɩ ŋ ŋaa nii mɩ dɩ mɩ nɩaa pɛgɛ, aŋ ŋaa pʋlʋŋ a pɩ tinteyee dɔnsʋŋ ma.

AZAAYA 45:24

Ba jaŋ bʋl, ‘La TƖƖNA dʋndʋŋa teeŋ nɛ la jaŋ wuo kɛŋ tʋɔpʋla arɩ doluŋ.’ Nɩalɩŋ kala sɩ na baanɩŋ ʋ nyuŋ jaŋ dii hɩɩsɩŋ ʋ sɩpaaŋ.”

AZAAYA 52:13

La TƖƖNA sɩ, “Mɩ tɩntɩnna jaŋ dii nyuŋ ʋ wɩaa kala lɛ. Ʋ yɩrɩŋ jaŋ sii kɩŋkɛŋ, dɩ nɩaa zizilu woruŋ.

AZAAYA 53:10

La TƖƖNA chonuŋ lɛ nɛ ʋ dɔgɩsʋ, a leŋ ʋ na hɛɛŋ. Ʋ sʋʋŋ ŋaa Wɩɩsʋlɩɩ nɛ sɩ leŋe La TƖƖNA joŋ la wʋbɔŋŋɔɔ chɛ la. Ʋ mɩɩsɩŋ jaŋ duomi. Ʋ jaŋ na ʋ doho nɩaa. Ʋ lɛ nɛ La TƖƖNA jaŋ to a ŋaa wɩalɩŋ kala ʋ sɩ cho.

AZAAYA 53:2

La TƖƖNA sɩɩŋ lɛ nɛ ka ʋ tɩntɩnna wʋwaa, a nagɛ jɩnjaaŋ-bʋgʋŋ sɩ tɔsɔ lɩlɩɩ tintee-hɩlɩŋ lɛ. Ʋ bɩ tʋla kɛnɛ sɩ jaŋ leŋ dɩ nʋʋ bɩbagɩsʋ a kɔ ʋ teeŋ, kʋŋkala tuo ʋ lɛ sɩ jaŋ ŋaa dɩ la chou.

AZAAYA 9:5

Laalɩyuori-wajɩaba nɛntɛŋŋɛɛ arɩ ba gɛnnɩ-la sɩ fo arɩ chalɩŋ jaŋ dii nyiniŋ, ba jaŋ joŋo hɛ nyiniŋ,

AZAAYA 9:6

bɛɛ wɩaa ba lʋl bii nɛ a pɩla, hambolibie nɛ ba joŋo pɩla, ʋ nɛ jaŋ bibenla. Ba jaŋ yɩyɩrʋ: Nɩɩ-la sɩ jɩŋ nɩaa chagɩlɩŋ ʋ dɔŋ tuo, Wɩa sɩ kɛŋ doluŋ, Nyɩmma-la sɩ jaŋ hɛ nɩmɛ deeŋ deeŋ, Kuori-bile sɩ kɛŋ fɩɛlɩŋ kʋkɔ.

AZAAYA 9:7

Ʋ kuoruŋ doluŋ arɩ ʋ fɩɛlɩŋ jaŋ pʋŋa pɩpɛ a kaa mʋ wuu, ʋ bɩ jaŋ dɛrɛ. Ʋ nɛ jaŋ hɔŋ Devit kuoru kpasa-la nyuŋ a beŋ ʋ nɩaa a kɛŋ kuorii-la woruŋ a leŋ dɩ ʋ chɩŋ kpaŋkpaŋ. Ʋ jaŋ kɛŋ wʋtɩtɩɩ arɩ tʋɔpʋla a benu a lɩɩ bʋa-la lɛ a kaa mʋ wuu. La TƖƖNA doluŋ kala Tɩɩna nyuŋ sɩ nyaasɛ wɩɩŋ deeŋ lɛ nɛ jaŋ leŋ dɩ ʋ ŋaa.

JƐRƖMAAYA 22:15

Dɩ ŋ nɛ kɛŋ kuolo daasɩŋ saa dɩɩsɩŋ, ŋɩɩ daga arɩ ŋ ŋaa kuoru nɛɛ? Ŋ nyɩmma fa kɛŋ kʋdiilee arɩ kʋnyʋalaa yʋgɛ nɛ woruŋ, ama ʋ fa ŋaa wɩaa ba bʋa lɛ nɛ arɩ wʋtɩtɩɩ, ŋɩɩ nɛ wɩaa vɛŋ woruŋ a pʋ.

JƐRƖMAAYA 22:3

wɩɩ-la mɩ-na ma TƖƖNA sɩ bʋla nɛ ŋ-la: Má kɛŋ wʋtɩtɩɩ a ŋaa wɩaa ba bʋa lɛ. Má lorigo laa nɩɩ-la ba sɩ nyaga bil ta nɩɩ-la sɩɩ gʋrʋ nɩsɩŋ lɛ. Má sɩ́ wʋbɔŋ koo yuosu wɩɩ ŋaa nʋhʋɔrʋ koo biisime koo yo-haala lɛ. Má sɩ́ nʋʋ ma sɩ bɩ wɩɩ ŋaa chei kpʋ leriŋ deeŋ.

JƐRƖMAAYA 22:30

Wɩɩ-la La TƖƖNA sɩ bʋla nɛ ŋ-la: “Ŋmʋnsɛ baala deeŋ wɩaa bil arɩ ʋ bɩ bii lʋla, wɩaa bɩ jaŋ vɛŋ woruŋ pʋ ʋ mɩɩsɩŋ kala lɛ. Wɩaa bɩ jaŋ vɛŋ woruŋ a pɩ ʋ dɩ ʋ doho nɩaa kala. Ba kʋŋkala bɩ jaŋ hɔŋ Devit kuoru kpasa-la nyuŋ, a bɩra dii kuoruŋ Juda lɛ.”

JƐRƖMAAYA 23:6

Ʋ kuoruŋ bʋa lɛ, ʋ jaŋ laa Juda nɩaa ta, dɩ Iziral nɩaa ma hɔŋ sɔm. Yɩrɩ-la ba sɩ jaŋ yɩyɩrʋ nɛ: La TƖƖNA nɛ ŋaa la kɛŋ tʋɔpʋla koo La TƖƖNA nɛ laala ta arɩ wʋtɩtɩɩ.”

JƐRƖMAAYA 29:11

Mɩ jɩŋ tʋɔbɩɩna-la mɩ sɩ kɛnɛ arɩ ma nɛ. Mɩ-na ma TƖƖNA nɛ bʋla. Mɩ kɛŋ mɩ tʋɔŋ dɩ mɩ ŋaama woruŋ nɛ, mɩ bɩ chɛ dɩ mɩ ŋaa wʋbɔŋ ma lɛ. Mɩ kɛŋ mɩ tʋɔŋ dɩ mɩ leŋ dɩ ma kɛŋ yɩɛlaa nɛ, dɩ ma chie zɔŋ.

JƐRƖMAAYA 30:3

Tapʋlaa ka kɔ nɛ, mɩ-na ma TƖƖNA jaŋ kɛŋ mɩ nɩaa Iziral tɩŋŋaa arɩ Juda nɩaa mɩɩra lɩɩ yoŋ-baga kɔ, a bɩra leŋ dɩ ba hɔŋ tintee-la mɩ sɩ joŋo pɩ ba naabalɩmaba ʋ ŋaa ba kʋŋ lɛ. Mɩ-na ma TƖƖNA nɛ bʋla.”

JƐRƖMAAYA 30:9

Ama, ba jaŋ tɩma pɩ mɩ-na ba TƖƖNA Wɩa a tɩma pɩ Devit doho nɩɩ-la mɩ sɩ jaŋ lɩɩsɛ dɩ ʋ ŋaa ba kuoro.

JƐRƖMAAYA 31:27

“Mɩ-na ma TƖƖNA nɛ bʋla, tapʋlaa ka kɔ nɛ, mɩ jaŋ leŋ dɩ nɩaa arɩ pʋsʋŋ bɩra pʋŋa su Iziral arɩ Juda tinteeŋ.

ƐZƖKƖƐL 21:27

Jerusalɛm jaŋ pɩŋ jikpeeŋ, ʋ jaŋ pɩŋ jikpeeŋ. Mɩ jaŋ leŋ dɩ ʋ pɩŋ jikpeeŋ deeŋ deeŋ a mʋ yi bʋa-la lɛ nɩɩ-la sɩ tɩɩʋ sɩ jaŋ kɔ, dɩ mɩ joŋo hɛ ʋ nɩsɩŋ lɛ.’

ƐZƖKƖƐL 34:16

Mɩ jaŋ chɛ kɛsɛ mɩ piese-la sɩ lɛlɛ, aŋ kɛŋ kɩalɩŋ ma sɩ yeŋŋe mɩɩra kɔ, a vɔɔ tɔ kɩalɩŋ ma sɩ pɩra naawɩɩlaa, a pɩ kɩalɩŋ ma sɩ bɩ doluŋ kɛnɛ doluŋ. Ama kɩalɩŋ sɩ nɛrɛ arɩ kɩalɩŋ sɩ kɛŋ doluŋ, mɩ jaŋ cheiba, bɛɛ wɩaa mɩ ŋaa pie-daarʋ-la sɩɩ ŋaa wɩaa ba bʋa lɛ nɛ.

ƐZƖKƖƐL 34:29

Mɩ jaŋ joŋ tintee-la sɩ kɛŋ kɩaa nʋʋkala jɩŋ ʋ lɛ a pɩba, dɩ losuŋ lɛl ba tinteeŋ lɛ. Tintee-wogusuŋ bɩra bɩ jaŋ sisieri ba lɛ.

ƐZƖKƖƐL 45:8

Tintee-la nɛ jaŋ ŋaa ʋ kʋa Iziral tinteeŋ lɛ. Mɩ sɩpaalaaraa deemba bɩra bɩ jaŋ dɔgɩsɛ mɩ nɩaa, ama ba jaŋ leŋ dɩ Iziral doho doho-la kala tɩɩ tinteye-la ba sɩ kere pɩba.”

DANƖƐL 9:24

Jɩsɩŋ zɔɔ-banɛsɛ arɩ mahɩŋ banɛsɛ arɩ fii nɛ Wɩa lɩɩsɛ dɩ ʋ kaa ŋaa dɩ ŋ nɩaa arɩ tabal-la sɩ bɩ disiniŋ kɛnɛ wʋbɔŋŋɔɔ dɛrɛ, a giri nɩbɔŋ wɩaa ta, aŋ leŋ dɩ ba kɛŋ tʋɔpʋla deeŋ deeŋ a kaa kɔ tapʋlɩɩ-la Wɩa sɩ jaŋ lɩɩsɛ ʋ dɩɩ-bal-la sɩ chaasa zɔŋ a bɩ disiniŋ kɛnɛ, a leŋ dɩ wɩalɩŋ ŋ sɩ na duosoo tʋɔŋ arɩ wɩalɩŋ ba sɩ bʋla Wɩa doluŋ lɛ kʋ ŋaa wʋtɩtɩɩ.

HOSIA 1:11

Juda nɩaa arɩ Iziral tɩŋŋaa jaŋ bɩra kɛŋ nii-bala. Ba jaŋ lɩɩsɛ sɩpaa-laarɩ bala, ba jaŋ pʋŋa pɛ a dʋa ba tinteeŋ lɛ, dɩ ŋɩɩ ŋaa tapʋl-bal a pɩ Jɛzɩrɛl.”

HOSIA 3:5

Ʋ ŋɩɩ harɩŋ lɛ, Iziral tɩŋŋaa jaŋ mɩɩra chɛ ba TƖƖNA Wɩa arɩ ba kuoro Devit leriŋ. Ba jaŋ fɩfá La TƖƖNA a kɔ ʋ teeŋ tapʋlaa dɩdɛrɩŋ a chɩchɛ dɩ ʋ pɛ ba lɛ dɩ ba na wʋzɔŋŋɔɔ.

AMƆS 9:11

Tapʋlɩɩ dɔŋ mɩ jaŋ wasa saa kuoro Devit dɩa-la sɩ tele a pɩŋ jikpeeŋ dɩ ʋ nagɛ ʋ fa sɩ nagɛ ŋɩɩ, mɩ jaŋ wasa saa lere-la kala sɩ cheye.

MƖKA 5:3

Ŋɩɩ wɩaa ʋ jaŋ vɩa Iziral tɩŋŋaa ta a pɩ ba dʋndɔŋŋɔɔ a kaa mʋ yi bʋa-la lɛ hatolo kʋbala sɩ jaŋ kɛŋ luoruŋ a lʋl bie. Ŋɩɩ lɛ nɛ Iziral naambii-kaana-la sɩ hɛ yoŋ-baga lɛ jaŋ mɩɩra kɔ ba nɩaa teeŋ.

ZƐKARƖYA 3:8

Josua, Wɩɩsʋllɩ sɩpaalaaraa nɩhɩaŋ arɩ ŋ tɩntɩnnɩ dɔsʋ-la sɩ hɔŋ ŋ sɩpaaŋ, ma ŋaa magɩl nɛ aa dagɛ wɩalɩŋ maachie sɩ jaŋ kɔ. Má jegile nɩɩ: Mɩ jaŋ kɛŋ mɩ tɩntɩnna ba sɩɩ yɩrɛ Naakeliŋ a kaa kɔ.

ZƐKARƖYA 9:9

Zaayɔŋ nɩaa, má faasa jʋɔsɛ. Jerusalɛm nɩaa, má ŋaa goŋ. Ma kuoro ka kɔ ma teeŋ nɛ. Ʋ kɛŋ tʋɔpʋla nɛ a laa nɩaa tɩta, ʋ kɛŋ ʋ tɩtɩa muuri nɛ a jɩl kakumo, a sagɛ kaku-pɔrʋŋ nyuŋ.

Jɔɔŋ 1:45

Ŋɩɩ nɛ Fɩlɩp na Natanɩal a bʋla pʋ, “Nɩɩ-la wɩaa Mosis fa sɩ ŋmʋnsa wombie-la Wɩa sɩ bile dɩ la tuto tʋɔŋ, la naʋ nɛ. Wɩa wʋlaabʋllaa ma fa bʋl ʋ wɩaa nɛ. Ʋ nɛ Yesu, Josɛf nanʋala a lɩɩ Nazarɛt.”

Jɔɔŋ 1:49

Ŋɩɩ nɛ Natanɩal bʋla pʋ, “Kʋhɩaŋ, ŋ nɛ ŋaa Wɩa Bie. Ŋ nɛ ŋaa Iziral tɩŋŋaa kuoro ma.”

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

Hiburu TƖŊŊAA 8:8

Ʋ na dɩ bumbuŋ wɩalɩŋ bɩ ʋ nɩaa lɛ pɛ dɩ ba wuo ŋaa nɩzɔmɔ, ŋɩɩ nɛ ʋ bɩra bʋl, “Bʋa dɔŋ jaŋ kɔ, dɩ mɩ bil nii-falɩŋ mɩ dɩ Iziral tɩŋŋaa arɩ Juda doho nɩaa pɛgɛ.

Jɔɔŋ Wʋnaalaa 19:11

Ŋɩɩ nɛ mɩ na Wɩa-jaŋ dɩ ʋ suro. Mɩ beŋ a na ja-pʋla dɩ nʋʋ jɩla. Nɩɩ-la sɩ jɩla yɩrɩŋ nɛ Nɩtɛŋɛ arɩ Wʋtɩtɩɩ Tɩɩna. Ʋ dii nɩaa sarɩya arɩ wʋtɩtɩɩ nɛ, aa yuo laalɩŋ ma arɩ wʋtɩtɩɩ.