JƐRƖMAAYA 23:4 - WƖA TENIŊ

⁴ Mɩ jaŋ lɩɩsɛ sɩpaalaaraa pɩba dɩ ba bemba. Fawʋllʋŋ bɩra bɩ jaŋ kɛmba, ba bɔyɛ ma bɩ jaŋ joŋ. Ba kʋŋkala bɩ jaŋ lɛl. Mɩ-na ma TƖƖNA nɛ bʋla.”

JƐRƖMAAYA 23:4 ပူးပေါင်းရင်းမြစ်များ

AZAAYA 11:11

Dɩ bʋa-la nɛ yie, La TƖƖNA jaŋ tiire laa ʋ nɩkaanaa a lɩɩ Asiiria arɩ Ijipiti sɛmɛ-la sɩ hɛ bʋbʋɔŋ arɩ Ijipiti sɛmɛ sɩ hɛ nyuŋ arɩ Kus, Ɛlam, Babɩlɔŋ, Hamaf a pɛ tinteye-la kala mʋgʋ-balɩŋ sɩ gollo chu lɛ.

JƐRƖMAAYA 30:10

Ŋɩɩ wɩaa, má sɩ́ fawʋllʋŋ fá, mɩ tɩntɩnna Jekɔb doho nɩaa. Iziral tɩmma, má sɩ́ leŋe dɩ ma niiree maa. Mɩ-na ma TƖƖNA nɛ bʋla. Mɩ jaŋ sɛnɛ laama ta tintee-bolii-la ma sɩ hɛ lɛ a kɛmma kɔ dɩa. Mɩ jaŋ laa ma doho nɩalɩŋ sɩ hɛ yoŋ-baga lɛ ta. Iziral tinteeŋ jaŋ bɩra kɛŋ fɩɛlɩŋ dɩ ba hɔŋ sɔm, nʋʋkala bɩ jaŋ ŋaa dɩ fawʋllʋŋ kɛmba.

JƐRƖMAAYA 31:10

Tinteyee nɩaa, má jegile nɩɩ mɩ-na ma TƖƖNA wɩaa. Má heele bʋlba a pɩ nɩalɩŋ sɩ hɔŋ mʋgʋ-balɩŋ niiŋ dɩ-bolii. Mɩ-na nɛ kɛŋ Iziral tɩŋŋaa pɩsɛ, mɩ saa jaŋ bɩra kɛmba kʋ hɛ dɔŋɔ. Mɩ jaŋ beŋ mɩ nɩaa nyuŋ a nagɛ pie-daara sɩɩ beŋ ʋ piesee ŋɩɩ.”

JƐRƖMAAYA 33:26

ŋɩɩ-na mɩ fa jaŋ vɩa Jekɔb doho nɩaa arɩ mɩ tɩntɩnna Devit, a bɩ jaŋ lɩɩsɛ ʋ hambolibiisiŋ dɔŋɔ dɩ ʋ beŋ Abɩraham, Aɩzɩk arɩ Jekɔb doho nɩaa. Mɩ jaŋ leŋ dɩ ba bɩra mɩɩra kɔ ba tinteeŋ a fá ba nenige.”

ƐZƖKƖƐL 36:11

Mɩ jaŋ leŋ dɩ ma nɩaa arɩ ma pʋsʋŋ pʋŋ. Ma jaŋ yʋgɛ a kɩɩ ŋɩɩ ma fa sɩ maga, dɩ ma biiriŋ ma pʋŋa pɛ. Mɩ jaŋ leŋ dɩ ma hɔŋ nɩmɛ arɩ ma fa sɩ hɔŋ ŋɩɩ, a dʋa kɩaa a kɩɩ ŋɩɩ ma fa sɩ kɛnɛ. Ŋɩɩ nɛ ma jaŋ jɩŋ arɩ mɩ nɛ ma TƖƖNA.

LEVI DOHO NƖAA 26:9

Mɩ jaŋ pɛ ma lɛ dɩ ma pʋŋ, aŋ leŋ dɩ nii-la ma mɩ sɩ bile mɩ dɩ ma pɛgɛ chɩŋ.

MƖKA 4:4

Nʋʋkala jaŋ hɔŋ ʋ girep tɩa bʋbʋɔŋ a hɔŋ ʋ tutogo bʋbʋɔŋ arɩ yarɩfɩɛlaa. Nʋʋkala bɩ jaŋ ŋaa dɩ fawʋllʋŋ kɛmba, bɛɛ wɩaa La TƖƖNA doluŋ kala Tɩɩna nɛ bʋla.

MƖKA 5:2

Bɛtɩlɛhɛm Ɛfɩrata, Juda tinteeŋ tasɩŋ kala tʋɔŋ ŋ nɛ muuro. Ama La TƖƖNA sɩ ʋ jaŋ lɩɩsɛ kuoro ŋ lɛ dɩ ʋ bibeŋ Iziral, nɩɩ-la doho nɩaa sɩɩ dii kuoruŋ faafaa kala.

MƖKA 7:14

La TƖƖNA, beŋ ŋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ. Ba ŋaa ŋ nɩaa nɛ ŋ sɩ lɩɩsa a hɛ duuŋ tʋɔŋ, ya-fɩɛlɩŋ golliba. Leŋ dɩ ba mʋ dii ya-fɩɛl-la sɩ hɛ Basaŋ arɩ Gɩlɩad tinteeŋ lɛ a nagɛ ba sɩɩ ŋaa ŋɩɩ faafaa-la.

ZEFANAAYA 3:13

Iziral nɩkaana-la sɩ bɩ sʋba bɩ jaŋ ŋaa wʋbɔŋ, ba bɩ jaŋ nyɩnyɩɛ wɩaa, ba bɩ jaŋ nyɩnyɩsɛ nɩaa ma. Ba jaŋ dii kɩaa aŋ pɩŋ sɔm, nʋʋkala bɩ jaŋ ŋaa dɩ fawʋllʋŋ kɛmba.

NAMBABA 31:49

a bʋla pʋ, “Ŋ tɩntɩnnaa dɩɩsɛ laalɩyuoro-la kala la sɩ kaa mʋ laalɩŋ nɛ, la kʋŋkala bɩ lɛlɛ.

Jɔɔŋ 17:12

Mɩ sɩ hɛ ba teeŋ, mɩ beŋ ba nyuŋ nɛ woruŋ ŋ doluŋ lɛ, dol-la ŋ sɩ joŋo pɩmɛ nɛ mɩ kaa bemba. Mɩ sɩ ŋaa ŋɩɩ, ba kʋbala ma bɩ lɛlɛ, see nɩɩ-la sɩ maga dɩ ʋ lɛl, dɩ wɩalɩŋ ba fa sɩ ŋmʋnsa Wɩa teniŋ tʋɔŋ sɛnɛ ŋaa.

Jɔɔŋ 18:9

(Ʋ bʋl ŋɩɩ dɩ wɩɩ-la ʋ fa sɩ bʋla, dɩ ʋ sɛnɛ ŋaa wʋtɩtɩɩ nɛ. Ʋ fa sɩ, “Nɩalɩŋ kala Wɩa sɩ lɩɩsa pɩmɛ, ba kʋŋkala bɩ lɛlɛ).”

1 Pɩɩta 1:5

A tɩŋ ma sɩ laa ʋ wɩaa dii ŋɩɩ, Wɩa ka pɔma nɛ arɩ ʋ doluŋ. Dɩ dʋnɩa nɛ kʋ dɩdɛrɛ, ʋ jaŋ dagɛ nɩaa ŋɩɩ ʋ sɩ laama ta.