JƐRƖMAAYA 23:36 - WƖA TENIŊ

³⁶ Ʋ bɩ maga dɩ ma bɩra bʋl, ‘Wɩɩ-la La TƖƖNA sɩ bʋla nɛ ŋ-la,’ bɛɛ wɩaa nʋʋkala niiŋ wʋbʋlaa nɛ mɩɩra bɩrɩmɛ mɩ-na Wɩa wʋbʋlaa. Ŋɩɩ nɛ ma ŋaa a kɛŋ mɩ-na ma TƖƖNA Wɩa doluŋ kala Tɩɩna sɩ weye niiŋ wɩaa a bɩrɩmɛ.

JƐRƖMAAYA 23:36 ပူးပေါင်းရင်းမြစ်များ

2 KUOROO 19:4

Ŋ bɩ pɔ ŋ Tɩɩna Wɩa jaŋ nɩɩ wɩalɩŋ Asiiria kuoro sɩ tɩŋ ʋ laalɩyuori-hɩaŋ ʋ kɔ a tʋʋsɛ Wɩa sɩ weye joŋŋoo. Ŋ Tɩɩna Wɩa sɛnɛ nɩɩ wɩalɩŋ nɛ, ʋ jaŋ lɛrɛ nɩɩ-la sɩ bʋlba dɩgɩlɩŋ. Ŋɩɩ wɩaa, sʋl Wɩa pɩ la nɩkaana-la sɩ hɛ nɩmɛ.’ ”

WƖA YƖƖLAA 12:3

La Tɩɩna, leŋ dɩ nɩalɩŋ sɩ kɛŋ nii-sɩma arɩ babiibal wʋbʋllaa niiŋ tɔ.

WƖA YƖƖLAA 120:3

Wʋnyɩɛraa, wʋbɛɛ nɛ Wɩa jaŋ ŋaa ma lɛ? Ɛɛ nɛ ʋ jaŋ dɔgɩsɛ ma nɩalɩŋ sɩɩ nyɩsɛ nɩaa?

WƖA YƖƖLAA 149:9

Má dɔgɩsɛba arɩ Wɩa sɩ dagɛ ŋɩɩ, dol-la Wɩa nɩaa sɩ kɛnɛ nɛ ŋɩɩ. Má dɛnnɛ La Tɩɩna.

WƖA YƖƖLAA 64:8

Ba niiŋ wʋbʋlɩa-la tɩtɩa nɛ ʋ jaŋ kaa gʋra cheiba. Dɩ nʋʋkala nɛ naba, ʋ jaŋ vigisi nyuŋ.

NAMAGABA 17:20

Tʋɔgɔrɔɔ tɩɩna bɩ kʋŋ jaŋ dʋa. Wʋnyɩɛra jaŋ jʋʋ wɩaa lɛ.

AZAAYA 28:22

Ŋɩɩ wɩaa, má leŋ nɩaa sieriŋ, dɩ ŋɩɩ dee chɔrʋmɔ-la sɩ hɛ ma lɛ jaŋ faasa yuŋ. La TƖƖNA doluŋ kala Tɩɩna bʋla pɩmɛ ŋɩɩ ʋ sɩ jaŋ chei tinteeŋ kala nɛ.

AZAAYA 3:8

Jerusalɛm tinteeŋ bɩ chɩna, Juda ma titel, bɛɛ wɩaa ba wʋbʋlaa arɩ ba wʋŋaalaa kala bɩ La TƖƖNA tʋɔŋ ka tɔrɛ, ba vɩaʋ nɛ, ba bɩ kaa faʋ arɩ ʋ sɩ kɛŋ tʋla ma kala.

JƐRƖMAAYA 10:10

Ama La TƖƖNA nɛ ŋaa Wɩɩ-tɩtɩɩ. Ʋ nɛ Wɩa sɩ weye. Ʋ nɛ kuoru-bal-la sɩ hɛ nɩmɛ a kaa mʋ deeŋ deeŋ. Dɩ ʋ nɛ na baanɩŋ, tinteeŋ yie zigili nɛ. Dɩ ʋ baanɩŋ nɛ sie, tinteyee bɩ jaŋ wuo chɩŋ.

JƐRƖMAAYA 23:37

Ŋ-la nɛ ma vɛnɛ pɩpɩɛsɛ wʋlaabʋlla-la, ‘Wʋbɛɛ nɛ La TƖƖNA bʋla pɩma, koo wʋbɛɛ nɛ ʋ bʋl?’

JEMBIEE 2:14

Wɩalɩŋ ma Wɩa wʋlaabʋllaa sɩ na arɩ duosoo tʋɔŋ, ŋaa wʋnyɩɛrɩŋ nɛ a bɩ bʋbʋɔ kala kɛnɛ. Ba bɩ leŋe ma jɩŋ dɩ ma ŋaa wʋbɔŋŋɔɔ, dɩ ŋɩɩ fa leŋ dɩ ma sɩ́ yoŋ-baga mʋ. Wɩalɩŋ ba sɩ bʋla pɩma ŋaa wʋnyɩɛrɩŋ nɛ a kɛmma yeŋŋi.

Matiu 12:36

Mɩ bʋlaa pɩma arɩ sarɩya chɛ-diiliŋ, nʋʋkala jaŋ dagɛ wʋbɔmɔ-la ʋ niiŋ sɩ bʋla.

Luuk 19:22

Ŋɩɩ nɛ ʋ kʋhɩaŋ-la bʋla pʋ, ‘Ŋ ŋaa tɩntɩnnɩ-bɔŋ nɛ. Wɩalɩŋ tɩtɩa ŋ sɩ bʋla nɛ jaŋ dii ŋ sarɩya a joŋ cheeriŋ pɩŋ. Ŋ jɩma arɩ mɩ ŋaa nɩtɛrɛ nɛ a kɛŋ nɩaa kɩaa lɩlaa aŋ pɛ kʋkʋŋ kɩalɩŋ mɩ sɩ bɩ duo.

Tɩntɩŋŋaa 14:15

“Nandɔmba, bɛɛ nɛ tɩɩ maa ŋaa ŋ-la? La ma ŋaa nuhuobiinee nɛ a nagɛ ma. La kɔ dɩ la bʋl La Tɩɩna Yesu wʋzɔmɔ-la nɛ a pɩma, dɩ ma wuo leŋ ma vʋɩyaa sɩ ŋaa kʋpɛɩba aŋ bɩrɩma to Wɩa sɩ weye. Ʋ nɛ ŋaa wɩa-nyuŋ, arɩ tinteeŋ, mʋgʋ-balaa arɩ fuonuŋ, arɩ kʋŋkala sɩ hɛ ba lɛ.

Galiisia Nɩaa 6:5

bɛɛ wɩaa nʋʋkala maga dɩ ʋ chʋŋ ʋ tɩtɩa chʋga nɛ.

MOSIS BƖRA WULLI WƖA WOMBIIŊ 5:26

Nuhuobiiŋ bɛɛ nɛ hɛ nɩmɛ Wɩa sɩ weye hɛ nyiniŋ tʋɔŋ aŋ bʋl wɩaa pʋ, ka ʋ bɩ sʋba arɩ la sɩ nɩɩ ŋɩɩ?

1 Tɛsalonaaka Nɩaa 1:9

Nɩaa yie bʋbʋl ŋɩɩ ma sɩ kɛnla woruŋ bʋa-la lɛ la sɩ kɔ ma teeŋ. Ba yie bʋl ŋɩɩ ma sɩ vɩa ma vʋɩyaa ta aŋ bɩrɩma to Wɩa. Ʋ nɛ weye, ʋ nɛ ŋaa Wɩɩ-tɩtɩɩ-la.

2 Pɩɩta 3:16

Wɩaa deemba nɛ ʋ bʋl ʋ tenni-la kala lɛ. Wɩalɩŋ ʋ sɩ bʋla ʋ tenni-la lɛ, ba dɔnsʋŋ hɛyɛ. Nɩaa bɩ ba bʋbʋɔŋ jɩŋ. Nɩalɩŋ ma sɩ bɩ wɩaa jɩŋ arɩ nɩalɩŋ sɩ bɩ wɩalɩŋ ba sɩ laa dii lɛ chɩna kpaŋ kpaŋ yie kɛŋ wɩalɩŋ kaa bɩrɩmɛ wʋwogusu, arɩ ba sɩ yie kɛŋ Wɩa teniŋ wɩaa sɛmɛ dɔnsʋŋ kaa bɩrɩmɛ ŋɩɩ. Ba sɩɩ ŋaa ŋɩɩ, Wɩa jaŋ cheiba.

1 SAMƲƐL 17:26

Devit pɩɛsɛ laalɩyuoro-la dɔnsʋŋ sɩ chɩna kpagʋ, “Ma sɩ bɛɛ nɛ ba jaŋ ŋaa pɩ nɩɩ-la sɩ jaŋ kpʋ Fɩlɩsɩtɩa tɩŋŋaa baala deeŋ a lɩɩsɛ Iziral tɩŋŋaa hɩɩsɩŋ lɛ? Kʋbɛɛ nɛ ka Fɩlɩsɩtɩa tɩɩna deeŋ sɩ bɩ Wɩa ka to, aa tʋʋsɛ Wɩa-la sɩ weye laalɩyuoroo joŋŋoo?”

1 SAMƲƐL 17:36

Mɩ kpʋ naachigee arɩ lʋgʋmaa nɛ woruŋ, Fɩlɩsɩtɩa tɩŋŋaa baala deeŋ sɩ bɩ Wɩa ka to ma jaŋ nagɛ ba dɔŋɔ mɩ teeŋ, bɛɛ wɩaa ʋ tʋʋsɛ Wɩa-la sɩ weye laalɩyuoroo joŋoo nɛ.