JƐRƖMAAYA 23:32 - WƖA TENIŊ

³² Mɩ chaasa chɩŋ nɩalɩŋ sɩ nyɩɛ wɩaa arɩ baa na wɩaa duosoo tʋɔŋ lɛ nɛ. Ba yie nyɩɛ wɩalɩŋ a leŋ mɩ nɩaa yeŋŋi nɛ, ka mɩ dee bɩ ba lɩɩsa koo a tɩmba. Wɩalɩŋ bɩ mɩ nɩaa lɛ ka pɛ mʋa ma. Mɩ-na ma TƖƖNA nɛ bʋla.”

JƐRƖMAAYA 23:32 ပူးပေါင်းရင်းမြစ်များ

JOB 13:4

Ma joŋ wʋnyɩɛrɩŋ nɛ tɔmɛ hɛ. Ma kala nagɛ daaluŋ-ŋaaraa sɩ bɩ nɩaa wuo vaarɛ nɛ.

AZAAYA 3:12

Má bee na mɩ nɩaa, hambiisiŋ nɩɩ dɔgɩsɛba, haalaa ma bibemba. Ou mɩ nɩaa, ma sɩpaalaaraa leŋe ma yeŋŋi nɛ a joŋ wombiiŋ ta.

AZAAYA 9:15

Ba nɩhɩasɩŋ arɩ ba nɩbala-la nɛ ŋaa nyuŋ-la, Wɩa wʋlaabʋlla-la ma sɩɩ nyɩɛ wɩaa nɛ ŋaa bʋbʋɔ-doho-la.

JƐRƖMAAYA 23:13

Samarɩa tɩmma-la sɩ ŋaa mɩ wʋlaabʋllaa tʋɔŋ, mɩ na dɩ wʋlɔrʋŋ deeŋ nɛ baa ŋaa: Baa bʋl wɩaa vene-la ba sɩɩ yɩrɛ Baal yɩrɩŋ lɛ nɛ, a leŋ mɩ nɩaa Iziral tɩŋŋaa yeŋŋi.

JƐRƖMAAYA 23:16

Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: Má sɩ́ nɩalɩŋ sɩ nyɩɛ wɩaa arɩ ba ŋaa mɩ wʋlaabʋllaa a bʋl wɩalɩŋ pɩpɩma teeŋ jegilu. Ba leŋe ma kɛŋ yɩɛlaa sɩ bɩ jaŋ kʋ ŋaa wʋtɩtɩɩ nɛ. Ba yie bʋl wɩalɩŋ ba tɩtɩa sɩ bɩɩna nɛ a pɩpɩma, mɩ-na ma TƖƖNA dee bɩ wɩalɩŋ bʋla.

JƐRƖMAAYA 23:25

Mɩ nɩa dɩ nɩalɩŋ sɩ nyɩɛ bʋbʋl wɩaa mɩ yɩrɩŋ lɛ sɩ, ‘Mɩ duoso nɛ! Mɩ duoso nɛ.’

JƐRƖMAAYA 23:31

Wʋtɩtɩɩ, mɩ chɩŋ wʋlaabʋlla-la sɩ yie bʋl ba tɩtɩa wɩaa aŋ bʋl mɩ-na nɛ bʋla lɛ nɛ. Mɩ-na ma TƖƖNA nɛ bʋla.

JƐRƖMAAYA 29:31

“Tɩŋ tɩndaarɩŋ deeŋ a pɩ nɩalɩŋ sɩ hɛ yoŋ-baga lɛ: ‘Wɩɩ-la mɩ-na ma TƖƖNA sɩ bʋla tɩgɛ Sɛmaaya sɩ lɩɩ Nehelam lɛ nɛ ŋ-la: A tɩŋ Sɛmaaya sɩ bʋl wɩaa pɩma ka mɩ dee bɩ ʋ tɩma, a leŋ ma laa ʋ wʋnyɩɛrɩ-la dii,

JƐRƖMAAYA 7:8

Ama, ma bee na, ma mɩɩra joŋ ma yɩɛlaa hɛ ŋɩɩ ba sɩɩ nyɩsɛma lɛ nɛ, ʋ bɩ jaŋ pɛ ma lɛ.

JEMBIEE 2:14

Wɩalɩŋ ma Wɩa wʋlaabʋllaa sɩ na arɩ duosoo tʋɔŋ, ŋaa wʋnyɩɛrɩŋ nɛ a bɩ bʋbʋɔ kala kɛnɛ. Ba bɩ leŋe ma jɩŋ dɩ ma ŋaa wʋbɔŋŋɔɔ, dɩ ŋɩɩ fa leŋ dɩ ma sɩ́ yoŋ-baga mʋ. Wɩalɩŋ ba sɩ bʋla pɩma ŋaa wʋnyɩɛrɩŋ nɛ a kɛmma yeŋŋi.

JEMBIEE 3:37

Kʋbɛɛ nɛ jaŋ wuo bʋl wɩɩ, aŋ leŋ dɩ wɩɩ-la ŋaa dɩ La TƖƖNA bɩ wombiiŋ pa?

ZEFANAAYA 3:4

Wɩa wʋlaabʋlla-la sɩ hɛ ʋ lɛ kɛŋ babii-ballɩŋ, ba ŋaa zɛmbɛ tɩmma nɛ. Ʋ Wɩɩsʋllɩ sɩpaalaaraa ŋaa disiniŋ hɛ Wɩa dɩɩ-bal-la lɛ nɛ aŋ kɛŋ wombii-la ma ʋ sɩ bile dɩ la tuto kaa bɩrɩmɛ ŋɩɩ ba sɩ cho.

ZƐKARƖYA 10:2

Tɔŋŋɔɔ ka nyɩsɛ nɩaa nɛ, vʋgʋraa ma nɩna wʋnyɩɛrɩ wɩaa a nagɛ duosoo tʋɔŋ. Ba yie bʋl duosoo wɩaa sɩ ŋaa wʋnyɩɛrɩŋ nɛ. Ba yie nyagɛ nɩaa bɔyɛ pɛɩ nɛ. Ŋɩɩ leŋ nɩalɩŋ bɩbaarɛ a nagɛ piesee, ba nyagɛba bil a tɩŋ ba sɩ bɩ sɩpaalaara kɛnɛ wɩaa.

Matiu 15:14

Má sɩ́ leŋe dɩ ba wɩaa walɩmɛma, ba ŋaa nyʋlɩma nɛ a laa nyʋlɩmaa sɩpaaŋ. Dɩ nyʋlɩma nɛ saa kɛŋ ʋ nyʋlʋŋ dɔŋɔ daaŋ lɛ, ba kala balɩa jaŋ tuu buotuoŋ.”

2 Kɔrɩntɩ Nɩaa 1:17

Ma bɩɩna dɩ mɩ nɩɩ chɛ dɩ mɩ ŋaa wɩɩ, mɩ bɩ jaŋ bɩɩnɛ aŋ-na ŋaa? Ma bɩra bɩɩna mɩɩ ŋaa mɩ wɩaa arɩ dʋnɩa nɩaa sɩɩ ŋaa ŋɩɩ nɛɛ, dɩ mɩ sɛɩ wɩɩŋ aŋ bɩra bʋl mɩ bɩ wɩɩ-la sɛyɛ naabʋɔsʋ-la tɩtɩa lɛɛ?

MOSIS BƖRA WULLI WƖA WOMBIIŊ 18:20

Ama dɩ mɩ wʋlaabʋllʋ kala nɛ bʋl wɩɩ mɩ yɩrɩŋ lɛ, ka mɩ dee bɩ ʋ hɛ, koo dɩ vene dɔŋ yɩrɩŋ lɛ nɛ ʋ ŋaa ŋɩɩ, ʋ maga dɩ ma kpʋʋ nɛ.”

Jɔɔŋ Wʋnaalaa 19:20

Nɩɩ-la sɩ jɩl jɔɔ-la arɩ ʋ laalɩyuoroo yuo dii baga kʋ-la a kɛŋ ʋ dɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ kala. Nɩɩ-la fa sɩ ŋaa wʋmagɩlaa baga kʋ-la nyuŋ a wuo nyɩsɛ nɩalɩŋ sɩ kɛŋ baga kʋ-la magɩlɩŋ, aa chʋɔlɛ baga kʋ-la nagɩsɩŋ ba sɩ mɛ bil. Nɩaa deemba balɩa kʋweyee nɛ ba joŋo yuo hɛ Wɩa nyiŋ-la sɩɩ dii a nagɛ jiribiiŋ lɛ.