JƐRƖMAAYA 23:31 - WƖA TENIŊ

³¹ Wʋtɩtɩɩ, mɩ chɩŋ wʋlaabʋlla-la sɩ yie bʋl ba tɩtɩa wɩaa aŋ bʋl mɩ-na nɛ bʋla lɛ nɛ. Mɩ-na ma TƖƖNA nɛ bʋla.

JƐRƖMAAYA 23:31 ပူးပေါင်းရင်းမြစ်များ

1 KUOROO 22:11

Wʋnyɩɛrɩ Wɩa wʋlaabʋlla-la dɔŋɔ yɩrɩŋ nɛ fa Zedikaaya, a ŋaa Kɛnaana nanʋala. Ʋ fa kɛŋ hɔɔŋ libi banyilliŋ nɛ, ʋ kaa heele bʋl, “Wɩɩ-la La TƖƖNA sɩ bʋla nɛ ŋ-la: ‘Kɩaa deemba nɛ ŋ jaŋ kaa tɩɩgɛ Siiria tɩŋŋaa kala kpʋ.’ ”

2 IZIRAL TƖŊŊAA NAABARƖŊ 18:5

Ŋɩɩ nɛ Ahab yɩrɛ wʋnyɩɛrɩ Wɩa wʋlaabʋllaa zɔɔ-banɛsɛ a pɩɛsɛba, “Mɩ mʋ yuo Ramɔf Gɩlɩad koo mɩ sɩ́ mʋ?” Ba bʋl, “Mʋ yuou, Wɩa jaŋ joŋu hɛ ŋ nɩsɩŋ lɛ.”

AZAAYA 30:10

Ba bʋla pɩ nɩalɩŋ sɩ yie na wɩaa arɩ duosoo tʋɔŋ, “Ma bɩra sɩ́ wɩaa na arɩ duosoo tʋɔŋ.” Ba bɩra bʋla pɩ Wɩa wʋlaabʋllaa ma, “Má sɩ́ la wɩɩ-la sɩ maga dɩ la ŋaa dagʋ, má bʋl wɩalɩŋ la sɩ cho nɛ a pɩpɩla, dɩ ba ŋaa wʋnyɩɛrɩ ma. Má leŋ dɩ la tuto wɩalɩŋ la sɩɩ chɛ.

JƐRƖMAAYA 23:17

Ba yie bʋla pɩpɩ nɩalɩŋ sɩ bɩ mɩ kaa tɩtɩŋ, ‘La TƖƖNA sɩ: Má jaŋ hɔŋ arɩ fɩɛlɩŋ.’ Ba yie bʋla pɩ nɩalɩŋ ma kala sɩɩ to ba nyuduoŋ harɩŋ, ‘Wʋbɔŋ kala bɩ jaŋ ŋaa ma lɛ.’

JƐRƖMAAYA 23:30

Ŋɩɩ wɩaa, mɩ chɩŋ mɩ wʋlaabʋlla-la sɩ yie nɩɩ wɩaa dɔŋɔ ba teeŋ, a kaa mʋ bʋl arɩ mɩ-na nɛ bʋla lɛ nɛ. La TƖƖNA nɛ bʋla.

JƐRƖMAAYA 23:32

Mɩ chaasa chɩŋ nɩalɩŋ sɩ nyɩɛ wɩaa arɩ baa na wɩaa duosoo tʋɔŋ lɛ nɛ. Ba yie nyɩɛ wɩalɩŋ a leŋ mɩ nɩaa yeŋŋi nɛ, ka mɩ dee bɩ ba lɩɩsa koo a tɩmba. Wɩalɩŋ bɩ mɩ nɩaa lɛ ka pɛ mʋa ma. Mɩ-na ma TƖƖNA nɛ bʋla.”

JƐRƖMAAYA 28:15

Ŋɩɩ nɛ Wɩa wʋlaabʋlla Jɛrɩmaaya bʋla pɩ wʋnyɩɛrɩ Wɩa wʋlaabʋlla Hananaaya, “Hananaaya, jegile nɩɩ, La TƖƖNA dee bɩŋ tɩma, ka ŋ nyɩɛ wɩaa a leŋ tinteeŋ deeŋ nɩaa laa ŋ wʋnyɩɛrɩ-la dii.

JƐRƖMAAYA 28:17

Jɩna-la tɩtɩa tʋɔŋ chɛŋ-pɛɩ lɛ nɛ, wʋnyɩɛrɩ Wɩa wʋlaabʋlla Hananaaya sʋʋ.

MƖKA 2:11

Dɩ wʋnyɩɛrʋ nɛ fa kʋ nyɩsɛma a bʋl, ‘Mɩ jaŋ bʋl wɩaa Wɩa doluŋ lɛ arɩ girep nɛnɛɛ sɩnɩŋ arɩ sɩ-duoruŋ jaŋ pʋrɩgɛ,’ wʋlaabʋlla deeŋ doho nɛ ma nɩaa deemba chɩchɛ.”

MOSIS BƖRA WULLI WƖA WOMBIIŊ 18:20

Ama dɩ mɩ wʋlaabʋllʋ kala nɛ bʋl wɩɩ mɩ yɩrɩŋ lɛ, ka mɩ dee bɩ ʋ hɛ, koo dɩ vene dɔŋ yɩrɩŋ lɛ nɛ ʋ ŋaa ŋɩɩ, ʋ maga dɩ ma kpʋʋ nɛ.”