JƐRƖMAAYA 23:29 - WƖA TENIŊ

²⁹ Mɩ niiŋ wɩaa nagɛ nyiniŋ nɛ, a bɩra nagɛ hama a ŋmoo bʋŋ yɩyɛrɛ muno muno.

JƐRƖMAAYA 23:29 ပူးပေါင်းရင်းမြစ်များ

JƐRƖMAAYA 20:9

Ama dɩ mɩ nɛ sɩ, “Mɩ bɩ jaŋ yɩrɛ ʋ yɩrɩŋ koo a bʋl wɩaa ʋ yɩrɩŋ lɛ,” ʋ niiŋ wɩaa sɩ hɛ mɩ tʋɔŋ lɛ yie nagɛ nyiniŋ a nyɩnyɩgɛmɛ. Mɩ lɔlɔ nɛ arɩ wɩalɩŋ sɩ hɛ mɩ tʋɔŋ lɛ. Wʋtɩtɩɩ, mɩ bɩ jaŋ wuo.

JƐRƖMAAYA 5:14

Ŋɩɩ wɩaa wɩɩ-la La TƖƖNA Wɩa doluŋ kala Tɩɩna sɩ bʋla nɛ ŋ-la: “A tɩŋ nɩalɩŋ sɩ bʋl wɩaa deemba, mɩ jaŋ leŋ dɩ mɩ wɩalɩŋ ŋ sɩɩ bʋl nagɛ nyiniŋ, dɩ nɩalɩŋ ma nagɛ daasɩŋ, dɩ wɩalɩŋ jomba dii.”

HOSIA 6:5

Ŋɩɩ wɩaa nɛ mɩ tɩŋ mɩ wʋlaabʋllaa ba kɛŋ mɩ niiŋ wɩaa kʋ tɔɔ ma sɩɩŋ lɛ. Mɩ niiŋ wɩalɩŋ nɛ mɩ kaa kpʋma, mɩ wʋbʋlaa nagɛ taŋ sɩ lɩgɩsa nɛ ma nyuŋ lɛ.

Luuk 24:32

Ŋɩɩ nɛ ba bʋla pɩ dɔŋɔ, “La yaraa fa fɩɛla nɛ woruŋ ʋ sɩ bʋl wɩaa pɩpɩla wombiiŋ lɛ, aŋ pɛ dɩdagɛla Wɩa teniŋ wɩalɩŋ bʋbʋɔŋ.”

Jɔɔŋ 6:63

Wɩa Dɩŋ-zɔmʋŋ nɩɩ pɩla mɩɩsɩŋ. Nuhuobiine yaraa doluŋ-na ŋaa pɛɩ nɛ, ʋ bɩ mɩɩsɩ-la sɩ bɩ dɛrɛ wuo pa. Wɩa Dɩŋ-zɔmʋŋ wɩaa nɛ mɩ bʋla pɩma. Ba jaŋ pɩma mɩɩsɩŋ.

Tɩntɩŋŋaa 2:3

Ŋɩɩ nɛ ba na kɩaa a nagɛ nyiŋ-gel-biisiŋ. Ba nagɩsɩŋ nagɛ nandelimee. Ba lɩɩ pɩsɛ. Nyiŋ-gel-bie kala togili nʋʋkala sɩ hɛ dɩa-la lɛ.

Tɩntɩŋŋaa 2:37

Nɩalɩŋ sɩ nɩɩ wɩɩŋ deeŋ Pɩɩta sɩ bʋla, ʋ faasa wʋwalɩmɛba kɩŋkɛŋ. Ŋɩɩ nɛ ba pɩɛsɛ Pɩɩta arɩ Yesu nanzɔɔba-la dɔnsʋŋ, “La naambiiriŋ, bɛɛ kʋŋ nɛ saa la jaŋ ŋaa?”

2 Kɔrɩntɩ Nɩaa 2:16

Nɩalɩŋ sɩ lɛlɛ teeŋ, tʋlaalɩɩ-la sʋɔraa kpʋba nɛ. Ama nɩalɩŋ Wɩa sɩɩ laa ta teeŋ, tʋlaalɩɩ-la sʋɔra ka pɩba mɩɩsɩŋ nɛ. Kʋbɛɛ nɛ saa maga dɩ ʋ tɩŋ tɩntɩmɩŋ deeŋ?

Hiburu TƖŊŊAA 4:12

Wɩa niiŋ wɩaa weye a kɛŋ niiŋ a kɩɩ tokobiiŋ niiriŋ balɩa kala sɩɩ dii nyagaga. Ʋ yie wuo tɔɔ jʋʋ nuhuobiine, a kɛŋ ʋ dɩma arɩ ʋ mɩɩsɩŋ kaa pɔrɛ dɔŋɔ lɛ. Ʋ yie wuo jɩŋ nuhuobiine tʋɔŋ arɩ ʋ tʋɔbɩɩnaa kala.

Jɔɔŋ Wʋnaalaa 11:5

Dɩ nʋʋkala nɩɩ chɛ dɩ ʋ ŋaaba wʋbɔŋ, nyiniŋ yie lɩɩ ba niiŋ lɛ nɛ a dii ba dʋndɔŋŋɔɔ kala. Nʋʋ na-kala sɩɩ chɛ ʋ ŋaaba wʋbɔŋ, ŋ-la nɛ ʋ yie sʋʋ.