JƐRƖMAAYA 23:27 - WƖA TENIŊ

²⁷ Ba bɩɩna ba sɩ bʋl duosoo wɩaa pɩpɩ dɔŋɔ ŋɩɩ jaŋ leŋ dɩ mɩ nɩaa yʋ mɩ wɩaa, arɩ ba naabalɩmaba sɩ kpaarɛ vene-la ba sɩɩ yɩrɛ Baal a yʋ mɩ wɩaa ŋɩɩ.

JƐRƖMAAYA 23:27 ပူးပေါင်းရင်းမြစ်များ

2 KUOROO 21:3

Ʋ wasa saa vesiŋ dɩ-kpaarɩa-la kala ʋ nyɩmma Hezikaaya fa sɩ ŋmoo giri nɛ, aŋ saa korunuŋ a pɩ vene-la ba sɩɩ yɩrɛ Baal, aŋ pɛ vene-la ba sɩɩ yɩrɛ Asɩra daaŋ ma, arɩ Iziral tinteeŋ kuoro Ahab fa sɩ ŋaa ŋɩɩ. Ʋ fa kpirime aa chʋɔlɛ wɩa-nyuŋ kɩaa kala ma nɛ.

JƐRƖMAAYA 2:32

Hatolo jaŋ wuo yʋ ʋ yaraa kpɩɛraa lɛɛ, koo ha-falɩŋ jaŋ wuo yʋ ʋ ha-fal-gɛrɩŋ laalɩŋ? Ama mɩ nɩaa paala yʋ mɩ wɩaa nɛ a dieni.

JƐRƖMAAYA 29:8

Wʋtɩtɩɩ, wɩɩ-la La TƖƖNA doluŋ kala Tɩɩna, Iziral tɩŋŋaa Wɩa bɩra sɩ bʋla nɛ ŋ-la: “Má sɩ́ leŋe dɩ ma nɩalɩŋ sɩ sɩ ba ŋaa mɩ wʋlaabʋllaa arɩ ma vʋgʋra-la sɩ guoli ma tʋɔŋ nyɩsɛma. Má sɩ́ jegile nɩɩ ba duoso-la ma sɩ yie leŋ ba nyuŋ nyaasɛ ba duduosi.

JƐRƖMAAYA 9:14

Ama ba mɩɩra to ba nyuduoŋ harɩŋ nɛ. Ba fa to vene-la ba sɩɩ yɩrɛ Baal nɛ, arɩ ba nyɩmmaba fa sɩ dagɛba ŋɩɩ.

Tɩntɩŋŋaa 13:8

Daalusuŋ tɩɩna Ɛlɩmas lɩɩ ba harɩŋ aa walɩmɛ dɩ kuoru-la sɩ́ Yesu wɩalɩŋ laa dii. (Giriik lɛ ba kɛŋ Baa-Yesu yɩyɩrɛ Ɛlɩmas nɛ.)

MOSIS BƖRA WULLI WƖA WOMBIIŊ 8:11

Má fɩɛlɛ ma sɩaa a sɩ́ ma TƖƖNA Wɩa wɩaa yʋ. Má to ʋ niiŋ, ʋ wombiee arɩ ʋ wɩalɩŋ mɩ sɩɩ dagɛma jɩnɩŋ.

MOSIS BƖRA WULLI WƖA WOMBIIŊ 8:14

ma pʋpɔ má sɩ́ ma tɩtɩa dagʋ a yʋ ma TƖƖNA Wɩa wɩaa. Ʋ nɛ kɛmma kaa kʋ lɩɩ Ijipiti tinteeŋ lɛ, lee-la ma fa sɩ hɛ, a ŋaa yosi.

MOSIS BƖRA WULLI WƖA WOMBIIŊ 8:18

Má jɩŋ arɩ ma TƖƖNA Wɩa nɛ pɩma doluŋ ma dʋa. Ŋɩɩ nɛ daga arɩ nii-la ʋ sɩ hɛ pɩ ma naabalɩmaba chɩna nɛ arɩ ʋ sɩ chɩŋ ŋɩɩ a kaa kɔ arɩ jɩnɩŋ kala.

SƖPAALAARAA 10:6

Iziral tɩŋŋaa bɩra ŋaa wʋbɔŋ La TƖƖNA teeŋ. Baa to vesi-la ba sɩɩ yɩrɛ Baal, Asɩtɔrɛf arɩ Aram tɩŋŋaa vesiŋ, Sɩdɔŋ tɩŋŋaa vesiŋ, Mʋab tɩŋŋaa vesiŋ, Amɔŋ tɩŋŋaa vesiŋ arɩ Fɩlɩsɩtɩa tɩŋŋaa vesiŋ. A tɩŋ Iziral tɩŋŋaa sɩ vɩa La TƖƖNA, a bɩra bɩ ʋ ka to wɩaa,

SƖPAALAARAA 3:7

Ŋɩɩ nɛ Iziral tɩŋŋaa ŋaa wʋbɔŋ La TƖƖNA teeŋ, ba yʋ La TƖƖNA wɩaa aŋ tuto vesi-la ba sɩɩ yɩrɛ Baal arɩ Asɩra.