JƐRƖMAAYA 23:26 - WƖA TENIŊ

²⁶ Ɛɛ nɛ wɩɩŋ deeŋ jaŋ hɛ wʋnyɩɛrɩ wʋlaabʋllaa deemba tʋɔŋ a diene magɛ? Ba yie nyɩɛ bʋbʋl wɩalɩŋ ba tɩtɩa sɩ bɩɩna nɛ.

JƐRƖMAAYA 23:26 ပူးပေါင်းရင်းမြစ်များ

WƖA YƖƖLAA 4:2

Ɛɛ nɛ ma nɩaa deemba chɛ dɩ ma tʋʋsɛ mɩ joŋŋoo a diene magɛ? Ɛɛ nɛ maa chɛ dɩ ma cho vesiŋ sɩ bɩ wʋtɩtɩɩ kɛnɛ a diene magɛ?

AZAAYA 30:10

Ba bʋla pɩ nɩalɩŋ sɩ yie na wɩaa arɩ duosoo tʋɔŋ, “Ma bɩra sɩ́ wɩaa na arɩ duosoo tʋɔŋ.” Ba bɩra bʋla pɩ Wɩa wʋlaabʋllaa ma, “Má sɩ́ la wɩɩ-la sɩ maga dɩ la ŋaa dagʋ, má bʋl wɩalɩŋ la sɩ cho nɛ a pɩpɩla, dɩ ba ŋaa wʋnyɩɛrɩ ma. Má leŋ dɩ la tuto wɩalɩŋ la sɩɩ chɛ.

JƐRƖMAAYA 13:27

a tɩŋ ma wʋchɔrʋmɔɔ arɩ ma sɩaa wʋchoolie-la ma sɩ hiine chɛ, arɩ hɩɩsɩ wɩalɩŋ ma sɩ ŋaa lɛ. Mɩ na wʋkɩsɩa-la ma sɩɩ ŋaa nɛ dundolluŋ arɩ bagɩsɩŋ lɛ. Jerusalɛm tɩmma, wɩɩŋ puuma. Ɛɛ nɛ maa chɛ dɩ ma kɛŋ disiniŋ a diene magɛ?”

JƐRƖMAAYA 14:14

Ŋɩɩ nɛ La TƖƖNA bɩra bʋla pɩmɛ, “Nɩaa deemba bɩ mɩ wʋlaabʋllaa ŋaa, baa nyɩɛ wɩaa nɛ mɩ yɩrɩŋ lɛ. Mɩ bɩ ba tɩma koo a lɩɩsɛba koo a bʋl wɩɩ pɩba. Wɩalɩŋ ba sɩ na a nagɛ duosoo tʋɔŋ a bʋla pɩma ŋaa wʋnyɩɛrɩŋ nɛ, wʋyaayaasɩ-la ba sɩ vʋga nɩna, arɩ ba tɩtɩa tʋɔbɩɩnaa wɩalɩŋ ka nyɩsɛba nɛ.

JƐRƖMAAYA 17:9

Nuhuobiine tʋɔŋ nɛ jaŋ wuo nyɩsɛ nɩa a kɩɩ kʋŋkala. Ʋ ŋaa kʋŋ nʋʋ sɩ bɩ wuo tɩɩbɛ nɛ. Kʋbɛɛ nɛ jaŋ wuo jɩŋ nuhuobiine tʋɔŋ wɩaa sɩaa?

JƐRƖMAAYA 4:14

Jerusalɛm nɩaa, má chɛsɛ wʋbɔmɔ-la sɩ hɛ ma tʋɔŋ lɛ ta, ka dɩ La TƖƖNA laama ta. Ɛɛ nɛ maa chɛ dɩ ma laa wʋbɔŋŋɔɔ hɛ ma tʋɔŋ lɛ a diene magɛ?

HOSIA 8:5

Samarɩa tɩmma, má joŋ tɔŋ-la ma sɩ libe ʋ nagɛ nɛ-bie a yuo ta. Mɩ baanɩŋ ka sii ma nyuŋ nɛ. Ɛɛ nɛ ʋ jaŋ dieni magɛ ka dɩ ma leŋ disiniŋ ŋaanɩŋ?

Tɩntɩŋŋaa 13:10

a bʋla pʋ, “Ŋ-na Sɩtaanɩ bie deeŋ, ŋ ŋaa wʋzɔŋ kala dʋndɔŋ nɛ. Ŋŋ nyɩsɛ nɩaa nɛ, a ŋɩŋaa wʋbɔŋŋɔɔ kɩŋkɛŋ. Wɩa wombii-tɩtɩɩba-la ŋ kaa golibi nɛ.

2 Timoti 4:3

Ŋaa ŋɩɩ, bɛɛ wɩaa bʋa kʋbala jaŋ yi, nɩaa bɩ jaŋ jegili Wɩa wʋtɩtɩɩ-la ba sɩ jaŋ dagɛba. Ama ba jaŋ to ba tɩtɩa tʋɔtɔrʋŋ lɛ a chɛ kɛsɛ kerichiba yʋgɛ sɩ jaŋ dɩdagɛba wɩalɩŋ ba sɩ cho dɩ ba nɩa.

2 Pɩɩta 1:21

Wɩalɩŋ ba sɩ bʋla bɩ ba tɩtɩa tʋɔbɩɩnaa lɛ lɩa. Ama Wɩa Dɩŋ-zɔmʋŋ nɛ kʋ hɛ ba tʋɔŋ a leŋ ba bʋl wɩalɩŋ Wɩa sɩ joŋo pɩba.