JƐRƖMAAYA 23:24 - WƖA TENIŊ

²⁴ Nʋʋkala bɩ jaŋ wuo faa lee dɩ mɩ sɩ́ ʋ na. Mɩ hɛ tinteeŋ arɩ Wɩa-jaŋ kala lɛ nɛ. Mɩ-na ma TƖƖNA nɛ bʋla.

JƐRƖMAAYA 23:24 ပူးပေါင်းရင်းမြစ်များ

WƖAA DƖ-SUOMUŊ 16:13

Ʋ sɩ bʋl ŋɩɩ dɛrɛ, Haga bʋl: “Lɛɛlɛ mɩ na Wɩa arɩ mɩ sɩɩŋ aŋ bɩ sʋba. Mɩ jaŋ hɛ ʋ yɩrɩŋ ‘Wɩa-la sɩ namɛ’.”

1 KUOROO 8:27

Ama Wɩa, ŋ sɛnɛ jaŋ hɛ dʋnɩa deeŋ lɛɛ? Wɩa-nyuŋ arɩ wɩa-nyuŋ balegi balegi ma paala bɩ jalɩa magɛ ŋ jʋʋnʋŋ. Ɛɛ nɛ saa ŋ jaŋ wuo jʋʋ dɩɩ-balɩŋ deeŋ mɩ sɩ saa tinteeŋ lɛ?

2 IZIRAL TƖŊŊAA NAABARƖŊ 2:6

Ama kʋbɛɛ nɛ jaŋ wuo saa dɩa a pɩ Wɩa, ʋ paala yʋga kɩɩ wɩa-nyuŋ arɩ Wɩa-jaŋ kala nɛ. Mɩ nɛ saa kʋbɛɛ dɩ mɩ saa dɩa a pʋ? Wɩɩ-la mɩ sɩ jaŋ wuo ŋaa nɛ dɩ mɩ saa lee dɩ ba nyɩgɛ Wɩɩsʋlʋŋ kɩaa a pʋpʋ nɩmɛ.

2 IZIRAL TƖŊŊAA NAABARƖŊ 6:18

Ama Wɩa, ŋ sɛnɛ jaŋ hɛ dʋnɩa deeŋ lɛ a guoli nuhuobiinee tʋɔŋ? Wɩa-nyuŋ arɩ wɩa-nyuŋ balegi balegi ma paala bɩ jalɩa magɛ ŋ jʋʋnʋŋ. Ɛɛ nɛ saa ŋ jaŋ wuo jʋʋ dɩɩ-balɩŋ deeŋ mɩ sɩ saa tinteeŋ lɛ?

JOB 34:21

Wɩa sɩaa hɛ nuhuobiinee wombiee lɛ nɛ, ʋ yie na naakiel kala ba sɩ joŋo nɛ.

JOB 34:22

Ʋ teeŋ biriŋ kala tuo, biriŋ-lim kala tuo lee-la wʋbɔŋ ŋaaraa sɩ jaŋ wuo faa.

WƖA YƖƖLAA 10:11

aŋ bʋl, “Wɩa sɩpaa tuo. Ʋ kɛŋ ʋ sɩaa tɔ nɛ, ʋ bɩ wɩɩ-la ka na.”

WƖA YƖƖLAA 139:7

Nɩɩ nɛ mɩ jaŋ mʋ a kagɛ ŋ lɛ? Nɩɩ nɛ mɩ jaŋ mʋ dɩ ŋ tuo?

WƖA YƖƖLAA 139:8

Dɩ mɩ nɛ jɩl wɩa-nyuŋ, ŋ hɛ nɩmɛ. Dɩ mɩ nɛ mʋ lɛlɛɛ-jaŋ ma, ŋ hɛ nɩmɛ.

WƖA YƖƖLAA 148:13

Kɩaa deemba kala, má dɛnnɛ La Tɩɩna. Ʋ dʋndʋŋa yɩrɩŋ nɛ maga dɩ ma yɩrɛ. Ʋ kɛŋ doluŋ a kɩɩ kʋŋkala sɩ hɛ tinteeŋ arɩ wɩa-nyuŋ.

WƖA YƖƖLAA 90:8

Ŋ jɩŋ la wʋbɔŋŋɔɔ kala nɛ, wɩalɩŋ kala la sɩ lʋara ŋaa.

NAMAGABA 15:3

La Tɩɩna sɩaa hɛ lee-kala nɛ, a bibeŋ nɩbɔŋŋɔɔ arɩ nɩzɔŋŋɔɔ kala.

AZAAYA 29:15

Wɩaa jaŋ jʋʋ nɩalɩŋ kala sɩ joŋ ba wɩaa faa La TƖƖNA, nɩalɩŋ sɩɩ ŋaa wɩaa birimiŋ tʋɔŋ aŋ bʋl, “Kʋbɛɛ nɩɩ nala? Kʋbɛɛ nɛ jaŋ jɩŋ?”

AZAAYA 57:15

Mɩ nɛ kɩɩ kʋŋkala a ŋaa Wɩa sɩ bɩ disiniŋ kɛnɛ. Mɩ hɛ nɩmɛ nɛ a kaa mʋ wuu. Mɩ hɛ wɩa-nyuŋ dɩ-bolii sɩ bɩ disiniŋ kɛnɛ nɛ. Ama mɩ ha yie guoli nɩalɩŋ sɩ kɛŋ ba tɩtɩa muuri a bɩrɩma lɩɩ ba wʋbɔŋŋɔɔ lɛ tʋɔŋ nɛ, a leŋ ba kɛŋ yɩɛlaa.

AZAAYA 66:1

Wɩɩ-la La TƖƖNA sɩ bʋla nɛ ŋ-la: “Wɩa-jaŋ nɛ mɩ kuoru kpasa, ka tinteeŋ ma ŋaa mɩ naasɩŋ dɩ-daŋɩŋ. Nɩɩ nɛ dɩa ma sɩ jaŋ saa pɩmɛ hɛ? Mɩ dɩ-wiesiŋ hɛ nɩɩ?

JƐRƖMAAYA 16:17

Mɩ sɩaa ka na ba wʋŋaalaa kala nɛ. Wɩalɩŋ kʋŋkala bɩ faa mɩ teeŋ. Ba wʋbɔŋŋɔɔ ma bɩ faa mɩ teeŋ.

JƐRƖMAAYA 32:19

Ŋ wɩaa kala ŋaa wʋbala nɛ, ŋ wʋŋaalaa ma kala ŋaa wʋduoru. Ŋ sɩaa ka na nuhuobiinee wʋŋaalaa kala nɛ. Ŋ yie tiŋ nʋʋkala a lɩɩ ŋɩɩ ʋ mɛlɛ arɩ ʋ wʋŋaalaa sɩ naga nɛ.

JƐRƖMAAYA 49:10

Ama mɩ-na jaŋ gbegisi Ɛsɔ, ka dɩ ʋ kɛŋ yarɩ-biree. Mɩ jaŋ suri lee-la ʋ sɩɩ faa, dɩ ʋ bɩra sɩ́ ʋ tɩtɩa wuo kaa faa. Ʋ biiriŋ, ʋ naambiiriŋ arɩ nɩalɩŋ sɩ jʋʋ kpɩkpagʋ kala jaŋ sʋʋ, dɩ ʋ doho kala dɛrɛ.

ƐZƖKƖƐL 8:12

Wɩa pɩɛsɛmɛ, “Nuhuobiiŋ, ŋ na Iziral tɩŋŋaa sɩpaalaaraa sɩɩ ŋaa wɩalɩŋ birimiŋ tʋɔŋ nɛɛ? Nʋʋkala hɛ ʋ vʋɩyaa dɩa lɛ nɛ. Ba yie bʋl, ‘La TƖƖNA bɩ laa na, ʋ vɩa la tinteeŋ ta nɛ.’

ƐZƖKƖƐL 9:9

Ŋɩɩ nɛ Wɩa bʋl, “Iziral arɩ Juda nɩaa chaasa ŋaa wʋbɔŋ bal nɛ, ba kpʋ nɩaa yʋgɛ nɛ tintee-la lɛ, ka Jerusalɛm kala su arɩ wʋbɔŋŋɔɔ ŋaanɩŋ. Ba yie bʋl, ‘La TƖƖNA vɩa la tinteeŋ ta nɛ, ʋ bɩ laa na.’

DANƖƐL 2:22

Ʋ nɛ yie joŋ wɩalɩŋ sɩ kpere arɩ wɩalɩŋ sɩ faa a dagɛ nɩaa. Ʋ nɛ jɩŋ wɩalɩŋ sɩ hɛ birimiŋ tʋɔŋ, ʋ lɛ nɛ pʋlʋmʋŋ hɛ.

DANƖƐL 4:35

Dʋnɩa nɩaa kala bɩ kɩa ŋaa ʋ sɩpaaŋ. Ʋ nɛ kɛŋ doluŋ dɩ ʋ ŋaa wɩɩ-la kala ʋ sɩɩ chɛ Wɩa tɩndaaraa arɩ nuhuobiinee kala lɛ. Nʋʋkala bɩ jaŋ wuo pɔ dɩ ʋ sɩ́ wɩɩ ŋaa koo a pɩɛsʋ: Wʋbɛɛ nɛ ŋ ŋaa ŋ-la?

Ɛfɛsɩs Nɩaa 1:23

Nɩalɩŋ sɩ laa Yesu wɩaa dii aa hilimi nɛ ŋaa Yesu yaraa. Nɩalɩŋ nɛ leŋe Kirisito ŋaa nɩ-piliŋ, ʋ ma leŋ kʋŋkala ŋaa kʋpiliŋ wɩɩkala lɛ.

Hiburu TƖŊŊAA 4:13

Kʋŋkala tuo sɩ jaŋ wuo kɛŋ ʋ tɩtɩa faa Wɩa teeŋ. Wɩa na kʋŋkala nɛ, ʋ teeŋ ba kala hɛ pʋlʋmʋŋ tʋɔŋ nɛ. Ʋ jaŋ leŋ dɩ la dagɛ la wʋŋaalaa kala a pʋ.