JƐRƖMAAYA 23:21 - WƖA TENIŊ

²¹ Mɩ dee bɩ wʋlaabʋllaa deemba tɩma, ama ba tɩtɩa tɩndaarɩŋ nɛ ba kaa mʋ. Mɩ bɩ wɩɩ bʋla pɩba, ka ba mʋ bʋl wɩaa mɩ yɩrɩŋ lɛ.

JƐRƖMAAYA 23:21 ပူးပေါင်းရင်းမြစ်များ

AZAAYA 6:8

Ŋɩɩ nɛ mɩ nɩɩ La TƖƖNA yikoro dɩ ʋ pɩɛsa, “Kʋbɛɛ nɛ mɩ jaŋ tɩŋ? Kʋbɛɛ nɛ jaŋ laa la nyuŋ a mʋ?” Ŋɩɩ nɛ mɩ bʋl, “Namɛ, tɩmmɛ.”

JƐRƖMAAYA 14:14

Ŋɩɩ nɛ La TƖƖNA bɩra bʋla pɩmɛ, “Nɩaa deemba bɩ mɩ wʋlaabʋllaa ŋaa, baa nyɩɛ wɩaa nɛ mɩ yɩrɩŋ lɛ. Mɩ bɩ ba tɩma koo a lɩɩsɛba koo a bʋl wɩɩ pɩba. Wɩalɩŋ ba sɩ na a nagɛ duosoo tʋɔŋ a bʋla pɩma ŋaa wʋnyɩɛrɩŋ nɛ, wʋyaayaasɩ-la ba sɩ vʋga nɩna, arɩ ba tɩtɩa tʋɔbɩɩnaa wɩalɩŋ ka nyɩsɛba nɛ.

JƐRƖMAAYA 23:32

Mɩ chaasa chɩŋ nɩalɩŋ sɩ nyɩɛ wɩaa arɩ baa na wɩaa duosoo tʋɔŋ lɛ nɛ. Ba yie nyɩɛ wɩalɩŋ a leŋ mɩ nɩaa yeŋŋi nɛ, ka mɩ dee bɩ ba lɩɩsa koo a tɩmba. Wɩalɩŋ bɩ mɩ nɩaa lɛ ka pɛ mʋa ma. Mɩ-na ma TƖƖNA nɛ bʋla.”

JƐRƖMAAYA 27:14

Sɩ́ nɩalɩŋ sɩ sɩ ba ŋaa mɩ wʋlaabʋllaa teeŋ jegilu. Ba sɩ, ‘Ŋ bɩ jaŋ tɩma pɩpɩ Babɩlɔŋ kuoro,’ ba nyɩɛ wɩaa nɛ pɩpɩŋ ŋɩɩ.

JƐRƖMAAYA 27:15

La TƖƖNA sɩ, ‘Mɩ dee bɩ ba tɩma. Baa nyɩɛ wɩaa nɛ mɩ yɩrɩŋ lɛ. Ŋɩɩ wɩaa mɩ jaŋ kirima ta dɩ ma sʋʋ, ma dɩ nɩalɩŋ sɩ sɩ ba ŋaa mɩ wʋlaabʋllaa kala a bʋl wɩaa pɩpɩma.’ ”

JƐRƖMAAYA 28:15

Ŋɩɩ nɛ Wɩa wʋlaabʋlla Jɛrɩmaaya bʋla pɩ wʋnyɩɛrɩ Wɩa wʋlaabʋlla Hananaaya, “Hananaaya, jegile nɩɩ, La TƖƖNA dee bɩŋ tɩma, ka ŋ nyɩɛ wɩaa a leŋ tinteeŋ deeŋ nɩaa laa ŋ wʋnyɩɛrɩ-la dii.

JƐRƖMAAYA 29:31

“Tɩŋ tɩndaarɩŋ deeŋ a pɩ nɩalɩŋ sɩ hɛ yoŋ-baga lɛ: ‘Wɩɩ-la mɩ-na ma TƖƖNA sɩ bʋla tɩgɛ Sɛmaaya sɩ lɩɩ Nehelam lɛ nɛ ŋ-la: A tɩŋ Sɛmaaya sɩ bʋl wɩaa pɩma ka mɩ dee bɩ ʋ tɩma, a leŋ ma laa ʋ wʋnyɩɛrɩ-la dii,

JƐRƖMAAYA 29:8

Wʋtɩtɩɩ, wɩɩ-la La TƖƖNA doluŋ kala Tɩɩna, Iziral tɩŋŋaa Wɩa bɩra sɩ bʋla nɛ ŋ-la: “Má sɩ́ leŋe dɩ ma nɩalɩŋ sɩ sɩ ba ŋaa mɩ wʋlaabʋllaa arɩ ma vʋgʋra-la sɩ guoli ma tʋɔŋ nyɩsɛma. Má sɩ́ jegile nɩɩ ba duoso-la ma sɩ yie leŋ ba nyuŋ nyaasɛ ba duduosi.

JƐRƖMAAYA 29:9

Baa nyɩɛ wɩaa nɛ mɩ yɩrɩŋ lɛ a pɩpɩma. Mɩ bɩ ba tɩma. Mɩ-na ma TƖƖNA nɛ bʋla.”

Jɔɔŋ 20:21

Ŋɩɩ nɛ Yesu bɩra bʋla pɩba, “Ma jaŋ hɔŋ arɩ fɩɛlɩŋ. Mɩ Nyɩmma sɩ tɩmmɛ ŋɩɩ, ŋɩɩ tɩtɩa nɛ mɩ maa timma.”

Tɩntɩŋŋaa 13:4

Wɩa Dɩŋ-zɔmʋŋ sɩ tɩmba ŋɩɩ, ba sii mʋ Sɛlʋsɩa, a lɩɩ nɩmɛ a jʋʋ lɩɩŋ daboro, a mʋ tintee kʋbala lɩɩŋ sɩ gollo chu baa yɩrɛ Saapʋrɔs.

Rom Tɩŋŋaa 10:15

Dɩ Wɩa nɛ bɩ nɩaa tɩma dɩ ba bʋl ʋ wɩaa, ɛɛ nɛ ba jaŋ wuo ŋaa bʋl ʋ wɩaa? Ba fa ŋmʋnsa Wɩa teniŋ tʋɔŋ a bʋl, “Ʋ ŋaa wʋzɔŋ nɛ nɩalɩŋ sɩɩ bʋl Wɩa wʋzɔmɔ-la sɩ kɔ.”