JƐRƖMAAYA 23:17 - WƖA TENIŊ

¹⁷ Ba yie bʋla pɩpɩ nɩalɩŋ sɩ bɩ mɩ kaa tɩtɩŋ, ‘La TƖƖNA sɩ: Má jaŋ hɔŋ arɩ fɩɛlɩŋ.’ Ba yie bʋla pɩ nɩalɩŋ ma kala sɩɩ to ba nyuduoŋ harɩŋ, ‘Wʋbɔŋ kala bɩ jaŋ ŋaa ma lɛ.’

JƐRƖMAAYA 23:17 ပူးပေါင်းရင်းမြစ်များ

2 SAMƲƐL 12:10

Ŋɩɩ wɩaa ŋ dɩ ŋ doho nɩaa bɩ jaŋ kɔ dɩ ma wiese laalɩŋ lɛ, a tɩŋ ŋ sɩ vɩa mɩ niiŋ, aŋ laa Yuria, Hiti tɩɩna-la haala a jaa.’

AZAAYA 30:10

Ba bʋla pɩ nɩalɩŋ sɩ yie na wɩaa arɩ duosoo tʋɔŋ, “Ma bɩra sɩ́ wɩaa na arɩ duosoo tʋɔŋ.” Ba bɩra bʋla pɩ Wɩa wʋlaabʋllaa ma, “Má sɩ́ la wɩɩ-la sɩ maga dɩ la ŋaa dagʋ, má bʋl wɩalɩŋ la sɩ cho nɛ a pɩpɩla, dɩ ba ŋaa wʋnyɩɛrɩ ma. Má leŋ dɩ la tuto wɩalɩŋ la sɩɩ chɛ.

AZAAYA 57:21

Wɩa bɩra sɩ, “Nɩbɔŋŋɔɔ bɩ jaŋ na wiese mʋapɩlɩɩ ma.”

JƐRƖMAAYA 13:10

Nɩbɔŋŋɔɔ deemba sɩ vɩa dɩ ba jegile nɩɩ mɩ wɩaa, nɩalɩŋ sɩɩ to ba nyuduoŋ harɩŋ, a kire tuto vʋɩyaa harɩŋ a tɩma pɩpɩba a kpʋkpaarɛba jaŋ nagɛ tɩŋgɛnnɛ deeŋ. Ba jaŋ chei a chaasa ŋaa nɩpɛɩba.

JƐRƖMAAYA 18:12

Ama ba jaŋ bʋl, ‘Ŋɩɩ bɩ bʋbʋa kala kɛnɛ. La jaŋ tuto la wombie-la la tɩtɩa sɩ vʋʋra bil. La kʋŋkala jaŋ kɛŋ nyuduoŋ a to ʋ tʋɔbɔmʋŋ harɩŋ.’ ”

JƐRƖMAAYA 18:18

Ba sɩ, “Má kɔ dɩ la vʋʋrɛ wɩɩ-la la sɩ jaŋ ŋaa Jɛrɩmaaya lɛ, bɛɛ wɩaa dɩ la nɛ ŋaa ŋɩɩ ma, wɩalɩŋ Wɩɩsʋllɩ sɩpaalaaraa sɩ daga a tɩgɛ wombii-la ba sɩ bile dɩ la tuto bɩ jaŋ kɔ dɩ ba lɛlɛ. Wʋjɩnnaa ma sɩɩ dagɛ wɩalɩŋ arɩ Wɩa wʋlaabʋllaa sɩɩ bʋl wɩalɩŋ bɩ jaŋ kɔ dɩ ba lɛlɛ. Ŋɩɩ wɩaa má leŋ dɩ la nyɩɛ wɩaa pʋ aŋ sɩ́ wɩalɩŋ ʋ sɩɩ bʋl jegilu.”

JƐRƖMAAYA 3:17

Bʋa-la lɛ ba jaŋ yɩrɛ Jerusalɛm La Tɩɩna kuoru kpasa. Ŋɩɩ nɛ tinteyee nɩaa kala jaŋ kɔ Jerusalɛm a zil mɩ-na ma TƖƖNA. Ba bɩra bɩ jaŋ tuto ba nyuduoŋ arɩ ba tʋɔbɔmʋŋ harɩŋ.

JƐRƖMAAYA 4:10

Ŋɩɩ nɛ mɩ bʋl, “Aa, La TƖƖNA Wɩɩjarɩbakɔ, ŋ chaasa nyɩsɛ nɩaa deemba arɩ Jerusalɛm nɩaa kala nɛ ŋ fa sɩ sɩ, ‘Má jaŋ hɔŋ arɩ fɩɛlɩŋ,’ ka tokobiiŋ pɛsɛ ba yikorusuŋ lɛ.”

JƐRƖMAAYA 5:12

Ba nyɩɛ wɩaa a tɩgɛ La TƖƖNA lɛ nɛ. Ba sɩ, “Ʋ bɩ jaŋ ŋaala wɩɩkala. Wʋbɔŋ kala bɩ jaŋ ŋaa la lɛ. Laalɩŋ koo losuŋ bɩ jaŋ jʋʋla.

JƐRƖMAAYA 6:14

Ba yie kɛŋ sɛntɛrɩŋ nɛ a chɛsɛ mɩ nɩaa naawɩɩlaa a nagɛ ba firise nɛ. Ba yie bʋl, ‘Fɩɛlɩŋ hɛ nɩmɛ, fɩɛlɩŋ hɛ nɩmɛ,’ ka fɩɛlɩŋ paala tuo.

JƐRƖMAAYA 7:24

Ama ba fa bɩ jegile nɩɩ koo a kaa tɩŋ. Ba fa mɩɩra to ba nyuduoŋ arɩ ba tʋɔbɩɩŋ bɔŋŋɔɔ harɩŋ nɛ. Ba fa mɩɩra mʋ harɩŋ nɛ, ba bɩ sɩpaaŋ mʋa.

JƐRƖMAAYA 8:11

Ba yie kɛŋ sɛntɛrɩŋ nɛ a chɛsɛ mɩ nɩaa naawɩɩlaa a nagɛ ba firise nɛ. Ba yie bʋl, ‘Fɩɛlɩŋ hɛ nɩmɛ, Fɩɛlɩŋ hɛ nɩmɛ, aŋ ka fɩɛlɩŋ tuo.’

JƐRƖMAAYA 9:14

Ama ba mɩɩra to ba nyuduoŋ harɩŋ nɛ. Ba fa to vene-la ba sɩɩ yɩrɛ Baal nɛ, arɩ ba nyɩmmaba fa sɩ dagɛba ŋɩɩ.

JEMBIEE 2:14

Wɩalɩŋ ma Wɩa wʋlaabʋllaa sɩ na arɩ duosoo tʋɔŋ, ŋaa wʋnyɩɛrɩŋ nɛ a bɩ bʋbʋɔ kala kɛnɛ. Ba bɩ leŋe ma jɩŋ dɩ ma ŋaa wʋbɔŋŋɔɔ, dɩ ŋɩɩ fa leŋ dɩ ma sɩ́ yoŋ-baga mʋ. Wɩalɩŋ ba sɩ bʋla pɩma ŋaa wʋnyɩɛrɩŋ nɛ a kɛmma yeŋŋi.

ƐZƖKƖƐL 13:10

Nɩalɩŋ sɩ nyɩɛ wɩaa a leŋ mɩ nɩaa yeŋŋi yie bʋl, ‘Fɩɛlɩŋ hɛ nɩmɛ nɛ,’ ka fɩɛlɩŋ tuo. Mɩ nɩaa saa jeeŋ sɩ bɩ doluŋ kɛnɛ nɛ, nɩalɩŋ sɩ nyɩɛ wɩaa arɩ ba ŋaa mɩ wʋlaabʋllaa kʋ ŋaa tʋɔrʋŋ bʋgɛ.

ƐZƖKƖƐL 13:19

Ma chei mɩ yɩrɩŋ nɛ mɩ nɩaa tʋɔŋ, aŋ laa mɩaa nɩsɩŋ sɩɩŋ arɩ boroboro biisiŋ mʋa. Ma nyɩɛ wɩaa pɩ mɩ nɩaa nɛ ba laa wʋnyɩɛrɩ-la dii, ka ma kpʋ nɩalɩŋ sɩ bɩ maga dɩ ba sʋʋ, aŋ leŋ nɩalɩŋ fa sɩ maga dɩ ba sʋʋ kɛŋ mɩɩsɩŋ.

ƐZƖKƖƐL 13:22

Ma nyɩɛ wɩaa a ŋaa tʋɔpʋl tɩmma-la mɩ sɩ bɩ chɛ mɩ leŋ dɩ ba tʋɔŋ chei, nandaasɩŋ yʋɔrɛ nɛ, aŋ leŋ nɩbɔŋŋɔɔ nyuŋ nyaasɛ dɩ ba sɩ bɩrɩma lɩɩ ba wʋbɔŋŋɔɔ lɛ a laa ba mɩɩsɩŋ.

AMƆS 9:10

Wʋbɔŋ ŋaara-la sɩ hɛ mɩ nɩaa tʋɔŋ a bʋl, ‘Wʋlɔrʋ kala bɩ jaŋ jʋʋla koo a puula,’ ba jaŋ kpʋba laalɩŋ lɛ.

MƖKA 2:11

Dɩ wʋnyɩɛrʋ nɛ fa kʋ nyɩsɛma a bʋl, ‘Mɩ jaŋ bʋl wɩaa Wɩa doluŋ lɛ arɩ girep nɛnɛɛ sɩnɩŋ arɩ sɩ-duoruŋ jaŋ pʋrɩgɛ,’ wʋlaabʋlla deeŋ doho nɛ ma nɩaa deemba chɩchɛ.”

MƖKA 3:11

Ma sɩpaalaara-la yie laa kpalaa nɛ aŋ dii sarɩya, ma Wɩɩsʋllɩ sɩpaalaaraa yie dagɛ nɩaa Wɩa wombiiŋ aa chɛ time. Ma nɩalɩŋ sɩ sɩ ma ŋaa Wɩa wʋlaabʋllaa yie bʋl wɩalɩŋ ma sɩ na aa laa moribiee. Ka ma ha yie bʋl dɩ ma yelli La TƖƖNA nɛ. Ma yie bʋl, “La TƖƖNA hɛ la teeŋ nɛ, wʋlɔrʋ kala bɩ jaŋ jʋʋla.”

MƖKA 3:5

Wɩɩ-la La TƖƖNA sɩ bʋla nɛ ŋ-la: “Ma nɩalɩŋ sɩ sɩ ma ŋaa mɩ wʋlaabʋllaa nɛ aa nyɩsɛ mɩ nɩaa. Dɩ ba nɛ pɩma kʋdiilee, ma yie bʋl, ‘Wɩa jaŋ leŋ dɩ ma hɔŋ arɩ fɩɛlɩŋ.’ Dɩ ba nɛ bɩ ma kʋŋ pa, ma bʋl arɩ laalɩŋ jaŋ kʋ jʋʋba.

ZEFANAAYA 1:12

Tapʋlɩɩ-la mɩ jaŋ nyɩgɛ chaanɩŋ a gbilli Jerusalɛm a dɔgɩsɛ nɩalɩŋ sɩ bɩ sɩɩfɩɛsɩŋ kɛnɛ, nɩalɩŋ sɩ nagɛ sɩnɩŋ ba sɩ nyʋa aŋ ka bʋbʋɔŋ, nɩalɩŋ sɩ bɩɩna mɩ-na ba TƖƖNA bɩ jaŋ ŋaa ba wɩɩkala, wʋzɔŋ koo wʋbɔŋ.

ZƐKARƖYA 10:2

Tɔŋŋɔɔ ka nyɩsɛ nɩaa nɛ, vʋgʋraa ma nɩna wʋnyɩɛrɩ wɩaa a nagɛ duosoo tʋɔŋ. Ba yie bʋl duosoo wɩaa sɩ ŋaa wʋnyɩɛrɩŋ nɛ. Ba yie nyagɛ nɩaa bɔyɛ pɛɩ nɛ. Ŋɩɩ leŋ nɩalɩŋ bɩbaarɛ a nagɛ piesee, ba nyagɛba bil a tɩŋ ba sɩ bɩ sɩpaalaara kɛnɛ wɩaa.

MALAKAƖ 1:6

Mɩ-na ma TƖƖNA doluŋ kala Tɩɩna sɩ, “Biiriŋ yie zizil ba nyɩmmaba nɛ, tɩntɩnnaa ma zizil ba nɩhɩasɩŋ. Mɩ-na nɛ ŋaa ma nyɩmma, a ŋaa ma nɩhɩaŋ ma. Wʋbɛɛ nɛ saa ma ŋaa a zizilmi? Ma Wɩɩsʋllɩ sɩpaalaaraa, ma sɩɩŋ jʋʋmɛ nɛ, aŋ lɛɛlɛ pɩɛsɛ, ‘Sɩɩ-jʋʋ wʋbɛɛ nɛ la ŋaa ŋ-na La Tɩɩna lɛ?’

NAMBABA 11:20

ama ma jaŋ chaŋʋ chɛŋ piliŋ, dɩ ʋ fɩɩ ma mɩɩsɩŋ, a tɩŋ ma TƖƖNA sɩ hɛ ma tʋɔŋ, ka ma vɩa ʋ wɩaa aŋ yiyel ʋ sɩpaaŋ a bʋl, ‘Bɛɛ nɛ paala tɩɩ la lɩɩ Ijipiti tinteeŋ lɛ?’ ”

Luuk 10:16

Ŋɩɩ nɛ aŋ ka ʋ bɩra bʋla pɩ ʋ harɩ-tooro-la, “Nɩɩ-la kala sɩ jegile nɩɩ ma teeŋ, ʋ jegile nɩɩ mɩ ma teeŋ nɛ. Nʋʋkala sɩ vɩama, ʋ vɩa mɩ ma nɛ. Nɩɩ-la kala ma sɩ vɩamɛ, ʋ ma vɩa Nɩɩ-la sɩ tɩmmɛ nɛ.”

MOSIS BƖRA WULLI WƖA WOMBIIŊ 29:18

Má hɛ doluŋ aŋ pɔ dɩ baal koo haal koo nyɩŋ-nʋʋ koo doho nʋʋ sɩ hɛ ma tʋɔŋ jɩnɩŋ sɩ́ ʋ harɩŋ joŋo yɩa la TƖƖNA Wɩa, aŋ mʋ kpʋkpaarɛ tinteye-la kʋŋ vesiŋ. Má pɔ dɩ ma doho nʋʋkala sɩ́ wʋbɔŋ-la ŋaa sɩ jaŋ cheima.

MOSIS BƖRA WULLI WƖA WOMBIIŊ 29:19

Ma sɩ nɩɩ kalɩbɩŋ deeŋ, dɩ nʋʋ nɛ ha hɛ ma tʋɔŋ a bɩɩnɛ arɩ ʋ jaŋ ŋaa ʋ tɩtɩa tʋɔtɔrɛ wɩaa, ka dɩ wɩaa ha vɛŋ woruŋ a pʋ, ʋʋ nyɩsɛ ʋ tɩtɩa nɛ. Ʋ jaŋ lɛrɛ wʋlɔrʋnʋŋ kʋ hɛ ma lɛ dɩ ba chei ma nɩzɔŋŋɔɔ arɩ nɩbɔŋŋɔɔ kala.

1 Tɛsalonaaka Nɩaa 4:8

Ŋɩɩ wɩaa nɩɩ-la kala sɩ vɩa wɩalɩŋ mɩ sɩ bʋla, nuhuobiine dee tɩɩna vɩa, Wɩa nɛ ʋ vɩa ŋɩɩ, Nɩɩ-la sɩ joŋ ʋ Dɩŋ-zɔŋ-la pɩma.

1 SAMƲƐL 2:30

Ŋɩɩ wɩaa, mɩ-na ma TƖƖNA, Iziral tɩŋŋaa Wɩa sɩ: Mɩ fa bʋla pɩ ŋ dɩa nɩaa arɩ ŋ nyɩŋ-nɩaa, dɩ ba nɛ ŋaa Wɩɩsʋllɩ sɩpaalaaraa bʋa na-kala, ama lɛɛlɛ mɩ bʋla arɩ ŋɩɩ bɩra bɩ jaŋ chɩŋ. Nɩalɩŋ sɩɩ zilmi, mɩ ma jaŋ zilba, aŋ bɛrɛ nɩalɩŋ sɩ bɩ mɩ kaa tɩtɩŋ.