JƐRƖMAAYA 23:16 - WƖA TENIŊ

¹⁶ Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: Má sɩ́ nɩalɩŋ sɩ nyɩɛ wɩaa arɩ ba ŋaa mɩ wʋlaabʋllaa a bʋl wɩalɩŋ pɩpɩma teeŋ jegilu. Ba leŋe ma kɛŋ yɩɛlaa sɩ bɩ jaŋ kʋ ŋaa wʋtɩtɩɩ nɛ. Ba yie bʋl wɩalɩŋ ba tɩtɩa sɩ bɩɩna nɛ a pɩpɩma, mɩ-na ma TƖƖNA dee bɩ wɩalɩŋ bʋla.

JƐRƖMAAYA 23:16 ပူးပေါင်းရင်းမြစ်များ

1 KUOROO 22:11

Wʋnyɩɛrɩ Wɩa wʋlaabʋlla-la dɔŋɔ yɩrɩŋ nɛ fa Zedikaaya, a ŋaa Kɛnaana nanʋala. Ʋ fa kɛŋ hɔɔŋ libi banyilliŋ nɛ, ʋ kaa heele bʋl, “Wɩɩ-la La TƖƖNA sɩ bʋla nɛ ŋ-la: ‘Kɩaa deemba nɛ ŋ jaŋ kaa tɩɩgɛ Siiria tɩŋŋaa kala kpʋ.’ ”

2 KUOROO 17:15

Ba vɩa ʋ wombiiŋ arɩ nii-la ʋ fa sɩ bile pɩ ba nyɩmmaba nɛ arɩ ŋɩɩ ʋ fa sɩ kpʋrɩsɛ ba dɩgɩlaa. Ba to vʋɩyaa sɩ bɩ bʋbʋɔ kɛnɛ harɩŋ nɛ, a kʋ ŋaa nɩyaayasɩ. Tinteye-la sɩ golliba wʋŋaalaa nɛ ba chesi. La TƖƖNA fa sɩ dɩ ba sɩ́ ŋɩɩ ŋaa nɛ, ka ba vɩa aŋ ŋaa.

2 IZIRAL TƖŊŊAA NAABARƖŊ 18:5

Ŋɩɩ nɛ Ahab yɩrɛ wʋnyɩɛrɩ Wɩa wʋlaabʋllaa zɔɔ-banɛsɛ a pɩɛsɛba, “Mɩ mʋ yuo Ramɔf Gɩlɩad koo mɩ sɩ́ mʋ?” Ba bʋl, “Mʋ yuou, Wɩa jaŋ joŋu hɛ ŋ nɩsɩŋ lɛ.”

NAMAGABA 19:27

Mɩ bii, dɩ ŋ nɛ vɩa dɩ ŋ jegilee nɩɩ dagɩŋ, ŋ jaŋ yeŋŋi wʋjɩmɩŋ lɛ.

JƐRƖMAAYA 14:14

Ŋɩɩ nɛ La TƖƖNA bɩra bʋla pɩmɛ, “Nɩaa deemba bɩ mɩ wʋlaabʋllaa ŋaa, baa nyɩɛ wɩaa nɛ mɩ yɩrɩŋ lɛ. Mɩ bɩ ba tɩma koo a lɩɩsɛba koo a bʋl wɩɩ pɩba. Wɩalɩŋ ba sɩ na a nagɛ duosoo tʋɔŋ a bʋla pɩma ŋaa wʋnyɩɛrɩŋ nɛ, wʋyaayaasɩ-la ba sɩ vʋga nɩna, arɩ ba tɩtɩa tʋɔbɩɩnaa wɩalɩŋ ka nyɩsɛba nɛ.

JƐRƖMAAYA 2:5

Wɩɩ-la La TƖƖNA sɩ bʋla nɛ ŋ-la, “Wʋbɛɛ nɛ mɩ ŋaa chei ma naabalɩmaba, ba vɩamɛ a leŋ la pɛgɛ bol? Ba to vʋɩyaa sɩ ŋaa kʋpɛɩba harɩŋ nɛ a ma kʋ ŋaa nɩpɛɩba.

JƐRƖMAAYA 23:21

Mɩ dee bɩ wʋlaabʋllaa deemba tɩma, ama ba tɩtɩa tɩndaarɩŋ nɛ ba kaa mʋ. Mɩ bɩ wɩɩ bʋla pɩba, ka ba mʋ bʋl wɩaa mɩ yɩrɩŋ lɛ.

JƐRƖMAAYA 23:26

Ɛɛ nɛ wɩɩŋ deeŋ jaŋ hɛ wʋnyɩɛrɩ wʋlaabʋllaa deemba tʋɔŋ a diene magɛ? Ba yie nyɩɛ bʋbʋl wɩalɩŋ ba tɩtɩa sɩ bɩɩna nɛ.

JƐRƖMAAYA 29:23

Ba ŋaa wɩalɩŋ sɩ bɩ bana kɛnɛ nɛ Iziral tinteeŋ lɛ. Ba kɛŋ ba dɔnsʋŋ tɩŋŋaa haalaa pɩŋ nɛ, aŋ nyɩɛ wɩaa ma mɩ yɩrɩŋ lɛ, ka mɩ bɩ wɩɩ bʋla pɩba. Mɩ jɩŋ wɩɩ-la ba sɩ ŋaa nɛ, aŋ ŋaa nʋʋ sɩ pɛ na wɩɩ-la. Mɩ-na ma TƖƖNA nɛ bʋla.”

JƐRƖMAAYA 29:8

Wʋtɩtɩɩ, wɩɩ-la La TƖƖNA doluŋ kala Tɩɩna, Iziral tɩŋŋaa Wɩa bɩra sɩ bʋla nɛ ŋ-la: “Má sɩ́ leŋe dɩ ma nɩalɩŋ sɩ sɩ ba ŋaa mɩ wʋlaabʋllaa arɩ ma vʋgʋra-la sɩ guoli ma tʋɔŋ nyɩsɛma. Má sɩ́ jegile nɩɩ ba duoso-la ma sɩ yie leŋ ba nyuŋ nyaasɛ ba duduosi.

JƐRƖMAAYA 9:12

Ŋɩɩ nɛ mɩ pɩɛsɛ La Tɩɩna, “Kʋbɛɛ nɛ hɛ nɩmɛ a kɛŋ wʋjɩmɩŋ a maga dɩ ʋ wuo jɩŋ wɩɩŋ deeŋ sɩaa? Kʋbɛɛ nɛ La TƖƖNA hɛ sɩ jaŋ wuo dagɛ wɩɩ-la bʋbʋɔŋ? Bɛɛ nɛ tɩɩ tintee-la chei a pɩŋ jikpeeŋ a nagɛ tintee-hɩlɩŋ, nʋʋkala bɩ nɩmɛ wuo to bɩbal?”

JƐRƖMAAYA 9:20

Ou, haalaa, lɛɛlɛ má jegile nɩɩ La TƖƖNA wɩaa. Má suri ma dɩgɩlaa a nɩɩ ʋ niiŋ wɩaa. Má dagɛ ma toloo ŋɩɩ ba sɩɩ yel, má dagɛ dɔŋɔ hagɔgʋŋ.

JEMBIEE 2:9

Zaayɔŋ boi-baalaa tele nɛ hagɩla tɔ, ba daadoloo bori a chei. Ba kɛŋ ʋ kuoro arɩ ʋ sɩpaalaaraa mʋ yoŋ-baga nɛ, ba guoli tinteyee nɩaa tʋɔŋ. Ba bɩra bɩ wɩalɩŋ ba sɩ ŋmʋnsa bil dɩ ba tuto ka dagɛ. Wɩa wʋlaabʋlla-la sɩ hɛ ʋ lɛ bɩra bɩ wɩaa ka na arɩ duosoo tʋɔŋ La TƖƖNA teeŋ.

ƐZƖKƖƐL 13:16

Nɩalɩŋ sɩ nyɩɛ wɩaa arɩ ba ŋaa mɩ wʋlaabʋlla nɛ Iziral tinteeŋ lɛ, a bʋla pɩ Jerusalɛm nɩaa arɩ ba na wɩaa a nagɛ duosoo tʋɔŋ dɩ fɩɛlɩŋ hɛ ʋ lɛ nɛ, ka fɩɛl kala tuo. Mɩ-na ma TƖƖNA Wɩɩjarɩbakɔ nɛ bʋla.”

ƐZƖKƖƐL 13:23

Ŋɩɩ wɩaa, ma bɩra bɩ jaŋ nyɩɛ wɩaa arɩ maa na wɩaa a nagɛ duosoo tʋɔŋ nɛ, koo a ŋaa vʋgʋra. Mɩ jaŋ laa mɩ nɩaa ta ma nɩsɩŋ lɛ. Ŋɩɩ nɛ ma jaŋ jɩŋ arɩ mɩ nɛ ma TƖƖNA.’ ”

ƐZƖKƖƐL 13:3

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Hɛɛŋ jaŋ jʋʋ ba nɩalɩŋ sɩ nyɩɛ wɩaa arɩ ba ŋaa mɩ wʋlaabʋllaa nɛ, ba ŋaa nɩ-yaraa nɛ, baa bʋl ba tɩtɩa tʋɔbɩɩnaa wɩaa nɛ. Ba bɩ wɩɩkala na a nagɛ duosoo tʋɔŋ.

ƐZƖKƖƐL 13:6

Wɩalɩŋ ba sɩ na a nagɛ duosoo tʋɔŋ, arɩ ba vʋgʋrʋ wɩaa ŋaa wʋnyɩɛrɩŋ nɛ. Ba sɩ, ‘La TƖƖNA nɛ bʋla,’ ka mɩ-na ma TƖƖNA bɩ ba tɩma, ka ba ha bɩɩnɛ arɩ wɩalɩŋ ba sɩ bʋla jaŋ kʋ ŋaa wʋtɩtɩɩ.

ƐZƖKƖƐL 22:28

Wɩa wʋlaabʋlla-la sɩ hɛ Iziral lɛ gbaa tʋtɔ wʋbɔŋŋɔɔ deemba kala nɛ, a nagɛ ba sɩ ŋaa tʋɔrʋŋ bʋgɛ kʋa. Ba yie nyɩɛ wɩaa bʋl dɩ ba na wɩaa a nagɛ duosoo tʋɔŋ nɛ, a vʋga dɩdagɛ wɩalɩŋ maachie sɩ jaŋ ŋaa. Ba sɩ, ‘Wɩɩ-la la TƖƖNA Wɩɩjarɩbakɔ sɩ bʋla nɛ ŋɩɩ,’ ka mɩ-na ma TƖƖNA bɩ wɩɩkala bʋla.

MƖKA 2:11

Dɩ wʋnyɩɛrʋ nɛ fa kʋ nyɩsɛma a bʋl, ‘Mɩ jaŋ bʋl wɩaa Wɩa doluŋ lɛ arɩ girep nɛnɛɛ sɩnɩŋ arɩ sɩ-duoruŋ jaŋ pʋrɩgɛ,’ wʋlaabʋlla deeŋ doho nɛ ma nɩaa deemba chɩchɛ.”

Matiu 7:15

Má pɔ ma tɩtɩa lɛ arɩ wʋnyɩɛrɩ Wɩa wʋlaabʋllaa. Ba jaŋ kɔ ma teeŋ a nagɛ nɩzɔmɔ ba sɩaa lɛ, ama ba tʋɔŋ lɛ, ba ŋaa nɩbɔmɔ nɛ a nagɛ guŋgurusuŋ sɩ yie kɛsɛ kɩaa chɩchaŋ.

Rom Tɩŋŋaa 1:21

Ba jɩma Wɩa hɛ nɩmɛ nɛ, ama ba bɩ ʋ ka zil arɩ ʋ ŋaa Wɩa. Ba bɩ ʋ ka lɔllɛ. Ba tʋɔbɩɩnaa kala bɩrɩma nɛ ba ŋɩŋaa wʋlɩɩlɩŋ. Ba tʋɔbɩɩŋ lɔrʋnʋ-la kɛmba kaa mʋ hɛ birimiŋ tʋɔŋ.

1 Jɔɔŋ 4:1

Mɩ bii-chooloo, dɩ nɩaa nɛ sɩ dɩ ba kɛŋ doluŋ a wuo bʋl wɩaa, Wɩa Dɩŋ-zɔŋ-la doluŋ lɛ, má sɩ́ guu laa dii arɩ baa bʋl wʋtɩtɩɩ nɛ. Má laa sɩpaaŋ magɩsɛba na arɩ ba sɛnɛ ŋaa Wɩa wʋlaabʋllaa nɛɛ. Bɛɛ wɩaa wʋnyɩɛrɩ Wɩa wʋlaabʋllaa yʋga nɛ a hɛ dʋnɩa lɛ.