JƐRƖMAAYA 23:14 - WƖA TENIŊ

¹⁴ Jerusalɛm tɩmma-la sɩ ŋaa mɩ wʋlaabʋllaa ma tʋɔŋ, mɩ na wɩɩ sɩ bɩ ba na kɛnɛ nɛ: Baa ŋaa wʋchɔrʋmɔɔ nɛ aŋ pɛ nyɩnyɩɛ wɩaa ma. Ba pɛ wʋbɔŋ ŋaaraa lɛ nɛ ba ŋɩŋaa wʋbɔŋŋɔɔ, ŋɩɩ leŋ nʋʋkala bɩ chɛ ʋ leŋ wʋbɔŋŋɔɔ ŋaanɩŋ. Ba kala nagɛ Sodom nɩaa nɛ mɩ teeŋ, Jerusalɛm nɩaa ma nagɛ Gomora nɩaa.”

JƐRƖMAAYA 23:14 ပူးပေါင်းရင်းမြစ်များ

WƖAA DƖ-SUOMUŊ 13:13

Ama Sodom nɩaa fa ŋaa nɩbɔmɔ nɛ a chaasa ŋaa wʋbɔŋŋɔɔ La TƖƖNA teeŋ.

WƖAA DƖ-SUOMUŊ 18:20

Ŋɩɩ nɛ La TƖƖNA bʋl, “Mɩ nɩa arɩ Sodom arɩ Gomora nɩaa ŋaa nɩbɔmɔ nɛ a faasaa ŋaa wʋbɔŋŋɔɔ.

WƖAA DƖ-SUOMUŊ 19:24

Wɩa leŋ jiribiiŋ chol nyiniŋ, a lɩɩ wɩa-nyuŋ a kʋ tuu dii Sodom arɩ Gomora kala,

WƖAA DƖ-SUOMUŊ 19:25

a dii nuhuobiinee arɩ kʋŋ na-kala sɩ hɛ tabala-la balɩamɩŋ tinteeŋ lɛ.

AZAAYA 9:15

Ba nɩhɩasɩŋ arɩ ba nɩbala-la nɛ ŋaa nyuŋ-la, Wɩa wʋlaabʋlla-la ma sɩɩ nyɩɛ wɩaa nɛ ŋaa bʋbʋɔ-doho-la.

JƐRƖMAAYA 14:14

Ŋɩɩ nɛ La TƖƖNA bɩra bʋla pɩmɛ, “Nɩaa deemba bɩ mɩ wʋlaabʋllaa ŋaa, baa nyɩɛ wɩaa nɛ mɩ yɩrɩŋ lɛ. Mɩ bɩ ba tɩma koo a lɩɩsɛba koo a bʋl wɩɩ pɩba. Wɩalɩŋ ba sɩ na a nagɛ duosoo tʋɔŋ a bʋla pɩma ŋaa wʋnyɩɛrɩŋ nɛ, wʋyaayaasɩ-la ba sɩ vʋga nɩna, arɩ ba tɩtɩa tʋɔbɩɩnaa wɩalɩŋ ka nyɩsɛba nɛ.

JƐRƖMAAYA 18:13

Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: “Ma pɩɛsɛ tinteyee lɛ a na, kʋbɛɛ nɛ ha nɩɩ wʋdoho deeŋ? Iziral tɩŋŋaa ŋaa wɩɩ sɩ chaasa lɔrɛ nɛ.

JƐRƖMAAYA 20:16

A leŋ dɩ baal-la nagɛ tasɩ-la La TƖƖNA sɩ cheye a bɩ ba nenige fá. A leŋ dɩ ʋ nɩɩ nii-ŋmobo chʋchʋɔŋ, aŋ nɩɩ laalɩŋ goŋ ma wɩɩhɛyɛ.

JƐRƖMAAYA 23:17

Ba yie bʋla pɩpɩ nɩalɩŋ sɩ bɩ mɩ kaa tɩtɩŋ, ‘La TƖƖNA sɩ: Má jaŋ hɔŋ arɩ fɩɛlɩŋ.’ Ba yie bʋla pɩ nɩalɩŋ ma kala sɩɩ to ba nyuduoŋ harɩŋ, ‘Wʋbɔŋ kala bɩ jaŋ ŋaa ma lɛ.’

JƐRƖMAAYA 23:22

Ama dɩ ba nɛ fa jɩŋ mɩ tʋɔbɩɩnaa, ba fa jaŋ heele bʋl mɩ wɩaa a pɩ mɩ nɩaa, dɩ ba bɩrɩma lɩɩ ba wombii bɔmɔ-la arɩ wʋbɔmɔ-la ba sɩɩ ŋaa lɛ.

JƐRƖMAAYA 23:32

Mɩ chaasa chɩŋ nɩalɩŋ sɩ nyɩɛ wɩaa arɩ baa na wɩaa duosoo tʋɔŋ lɛ nɛ. Ba yie nyɩɛ wɩalɩŋ a leŋ mɩ nɩaa yeŋŋi nɛ, ka mɩ dee bɩ ba lɩɩsa koo a tɩmba. Wɩalɩŋ bɩ mɩ nɩaa lɛ ka pɛ mʋa ma. Mɩ-na ma TƖƖNA nɛ bʋla.”

JƐRƖMAAYA 29:21

Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla tɩgɛ Kolaaya nanʋala Ahab arɩ Maasɛya nanʋala Zedikaaya lɛ nɛ ŋ-la. Ba nyɩɛ wɩaa nɛ pɩpɩma mɩ yɩrɩŋ lɛ: Mɩ jaŋ jomba hɛ Babɩlɔŋ kuoro Nebukadineza nɩsɩŋ lɛ dɩ ʋ kpʋba ma sɩɩŋ lɛ.

JƐRƖMAAYA 29:23

Ba ŋaa wɩalɩŋ sɩ bɩ bana kɛnɛ nɛ Iziral tinteeŋ lɛ. Ba kɛŋ ba dɔnsʋŋ tɩŋŋaa haalaa pɩŋ nɛ, aŋ nyɩɛ wɩaa ma mɩ yɩrɩŋ lɛ, ka mɩ bɩ wɩɩ bʋla pɩba. Mɩ jɩŋ wɩɩ-la ba sɩ ŋaa nɛ, aŋ ŋaa nʋʋ sɩ pɛ na wɩɩ-la. Mɩ-na ma TƖƖNA nɛ bʋla.”

JƐRƖMAAYA 36:2

“Joŋ teniŋ a ŋmʋnsɛ wɩalɩŋ kala mɩ sɩ bʋla tɩgɛ Iziral arɩ Juda lɛ arɩ tinteye-la dɔnsʋŋ, a chɩŋ bʋa-la lɛ mɩ sɩ suomo a bʋl wɩaa pɩpɩŋ, bʋa-la lɛ Josaaya sɩ dii kuoruŋ a kaa kɔ lɛɛlɛ.

JƐRƖMAAYA 49:18

A nagɛ Wɩa sɩ chei Sodom arɩ Gomora ŋɩɩ, a pɛ tasɩ-la sɩ kpagɛ ba lɛ, ŋɩɩ nɛ jaŋ ŋaa Ɛdɔm lɛ, dɩ nʋʋkala sɩ́ nɩmɛ hɛ. Nʋʋkala bɩ jaŋ hɔŋ nɩmɛ. Mɩ-na ma TƖƖNA nɛ bʋla.

JEMBIEE 4:6

Ŋɩɩ ba sɩ dɔgɩsɛ mɩ nɩaa nɛ yʋga a kɩɩ ŋɩɩ ba fa sɩ dɔgɩsɛ Sodom nɩaa. Wɩa fa guu cheiba nɛ, ka nʋʋ tuo dɩ ʋ pɛ ba lɛ.

ƐZƖKƖƐL 13:16

Nɩalɩŋ sɩ nyɩɛ wɩaa arɩ ba ŋaa mɩ wʋlaabʋlla nɛ Iziral tinteeŋ lɛ, a bʋla pɩ Jerusalɛm nɩaa arɩ ba na wɩaa a nagɛ duosoo tʋɔŋ dɩ fɩɛlɩŋ hɛ ʋ lɛ nɛ, ka fɩɛl kala tuo. Mɩ-na ma TƖƖNA Wɩɩjarɩbakɔ nɛ bʋla.”

ƐZƖKƖƐL 13:19

Ma chei mɩ yɩrɩŋ nɛ mɩ nɩaa tʋɔŋ, aŋ laa mɩaa nɩsɩŋ sɩɩŋ arɩ boroboro biisiŋ mʋa. Ma nyɩɛ wɩaa pɩ mɩ nɩaa nɛ ba laa wʋnyɩɛrɩ-la dii, ka ma kpʋ nɩalɩŋ sɩ bɩ maga dɩ ba sʋʋ, aŋ leŋ nɩalɩŋ fa sɩ maga dɩ ba sʋʋ kɛŋ mɩɩsɩŋ.

ƐZƖKƖƐL 22:25

Sɩpaalaara-la sɩ hɛ ŋ lɛ nagɛ naachigiŋ sɩ kpʋ kɩaa a didii nɛ. Ba yie kpʋ nɩaa, a lɩlaa ba dʋa aŋ pɩpaa ba kɩalɩŋ ma sɩ kɛŋ yuŋuŋ, a leŋ yo-haalaa yʋgɛ Jerusalɛm lɛ.

HOSIA 6:10

Mɩ na wɩɩ nɛ sɩ chaasa lɔrɛ Iziral nɩaa lɛ. Efirem joŋ ʋ nyuŋ hɛ wʋlɩɩlɩŋ ŋaanɩŋ lɛ nɛ, Iziral ma kɛŋ disiniŋ.

AMƆS 4:11

Mɩ chei ma dɔnsʋŋ arɩ mɩ fa sɩ chei tasɩ-la ba sɩɩ yɩrɛ Sodom arɩ Gomora ŋɩɩ nɛ. Ma fa nagɛ daasɩŋ sɩɩ dii nyiniŋ nɛ, mɩ kɛmma tɩɛrɛ nyiŋ-la lɛ. Ka ma ha vɩa dɩ ma mɩɩra kɔ mɩ teeŋ. Mɩ-na ma Tɩɩna nɛ bʋla.

MƖKA 1:5

Wɩaa deemba kala jaŋ ŋaa a tɩŋ Jekɔb doho nɩaa, Iziral tɩŋŋaa sɩ vɩa Wɩa aŋ ŋaa wʋbɔŋŋɔɔ. Kʋbɛɛ nɛ ba jaŋ dɔŋ a tɩŋ ba wʋbɔmɔ-la wɩaa? Samarɩa sɩ ŋaa ba tabalɩŋ dee? Nɩɩ nɛ Juda nɩaa vʋɩ-kpaarɛ leree hɛ? Jerusalɛm sɩ ŋaa ba tabalɩŋ lɛ dee?

MƖKA 3:11

Ma sɩpaalaara-la yie laa kpalaa nɛ aŋ dii sarɩya, ma Wɩɩsʋllɩ sɩpaalaaraa yie dagɛ nɩaa Wɩa wombiiŋ aa chɛ time. Ma nɩalɩŋ sɩ sɩ ma ŋaa Wɩa wʋlaabʋllaa yie bʋl wɩalɩŋ ma sɩ na aa laa moribiee. Ka ma ha yie bʋl dɩ ma yelli La TƖƖNA nɛ. Ma yie bʋl, “La TƖƖNA hɛ la teeŋ nɛ, wʋlɔrʋ kala bɩ jaŋ jʋʋla.”

ZEFANAAYA 3:4

Wɩa wʋlaabʋlla-la sɩ hɛ ʋ lɛ kɛŋ babii-ballɩŋ, ba ŋaa zɛmbɛ tɩmma nɛ. Ʋ Wɩɩsʋllɩ sɩpaalaaraa ŋaa disiniŋ hɛ Wɩa dɩɩ-bal-la lɛ nɛ aŋ kɛŋ wombii-la ma ʋ sɩ bile dɩ la tuto kaa bɩrɩmɛ ŋɩɩ ba sɩ cho.

ZƐKARƖYA 13:2

Tapʋlɩɩ-la, mɩ jaŋ lɩɩsɛ tɔŋŋɔɔ yɩraa ta tintee-la lɛ, dɩ nɩaa bɩra sɩ́ ba wɩaa liisu. Mɩ-na ma TƖƖNA doluŋ kala Tɩɩna nɛ bʋla. Mɩ jaŋ lɩɩsɛ ba nɩalɩŋ sɩ nyɩa wɩaa arɩ ba ŋaa mɩ wʋlaabʋllaa arɩ jɩnsɩ-la sɩ kɛmba tɩtɩŋ ta tintee-la lɛ.

MALAKAƖ 1:1

Wɩɩ-la La TƖƖNA sɩ bʋla pɩ Malakaɩ dɩ ʋ bʋla pɩ Iziral tɩŋŋaa nɛ ŋ-la.

Matiu 11:24

Mɩ bʋlaa pɩma, sarɩya chɛ-diiliŋ Wɩa jaŋ fá Sodom nɩaa nenige a kɩɩ Kapɛnam nɩaa.”

MOSIS BƖRA WULLI WƖA WOMBIIŊ 32:32

Ba wʋŋaalaa nagɛ Sodom arɩ Gomora nɩaa nɛ. Ba nagɛ girep nɛnɛɛ sɩ kɛŋ huoŋ nɛ, ba nɛnɛɛ jagɩsɩŋ kala hɛɩ.

1 Timoti 4:2

Ba fugo dɩdagɛ Wɩa wɩaa nɛ, ama ba ŋaa wʋnyɩɛra nɛ. Ba ŋaa tʋɔ-togi tɩmma nɛ.

2 Pɩɩta 2:6

Bʋa-la lɛ tasɩŋ balɩa ma fa hɛ nɩmɛ. Ba yɩraa nɛ Sodom arɩ Gomora. Ba nɩaa fa sɩɩ ŋaa wʋbɔŋŋɔɔ, Wɩa fa dɔgɩsɛba nɛ. Ʋ fa joŋ nyiniŋ nɛ a nyɩgɛba, ba kala dii buru aŋ ka tʋɔrʋŋ dʋndʋŋa. Wɩa dagɛ ŋɩɩ arɩ ʋ jaŋ dɔgɩsɛ nɩalɩŋ kala sɩ bɩ ʋ wombiiŋ ka to.

Juud 1:7

Ŋɩɩ tɩtɩa nɛ, Wɩa dɔgɩsɛ tasɩ-la ba sɩɩ yɩrɛ Sodom arɩ Gomora arɩ tabala-la kala sɩ golli lee-la. Nɩalɩŋ fa sɩ hɛ tasɩ-la tʋɔŋ faa ŋaa wʋlɩɩlɩŋ arɩ disinni-la nuhuobiinee paala sɩ bɩ maga dɩ ba ŋaa nɛ. Wɩa jomba hɛ nyiŋ-la sɩɩ dii deeŋ deeŋ, a bɩ dɩsɛ lɛ nɛ, aa chagɩlɛ nɩalɩŋ kala sɩɩ ŋaa wʋbɔŋŋɔɔ.

Jɔɔŋ Wʋnaalaa 11:8

Ba kʋsʋʋnʋŋ jaŋ pɩŋ tabal-la womporuŋ lɛ, lee-la ba sɩ kpaasɛ ba Tɩɩna daagɛsɛ nyuŋ. Tabal-la fa nagɛ Sodom koo Ijipiti tinteeŋ nɛ.

Jɔɔŋ Wʋnaalaa 19:20

Nɩɩ-la sɩ jɩl jɔɔ-la arɩ ʋ laalɩyuoroo yuo dii baga kʋ-la a kɛŋ ʋ dɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ kala. Nɩɩ-la fa sɩ ŋaa wʋmagɩlaa baga kʋ-la nyuŋ a wuo nyɩsɛ nɩalɩŋ sɩ kɛŋ baga kʋ-la magɩlɩŋ, aa chʋɔlɛ baga kʋ-la nagɩsɩŋ ba sɩ mɛ bil. Nɩaa deemba balɩa kʋweyee nɛ ba joŋo yuo hɛ Wɩa nyiŋ-la sɩɩ dii a nagɛ jiribiiŋ lɛ.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”

Jɔɔŋ Wʋnaalaa 22:15

Ama nɩbɔŋŋɔɔ jaŋ chɩŋ taŋ-la jeeŋ harɩŋ. Nɩalɩŋ wʋŋaalaa sɩ nagɛ vasɩŋ, arɩ nɩalɩŋ sɩɩ ŋaa chichiribi wɩaa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ kpʋ nɩaa, arɩ vʋɩ-kpaaraa, arɩ nɩalɩŋ kala sɩ cho wʋnyɩɛrɩŋ aa nyɩɛ wɩaa, ba kala jaŋ chɩŋ taŋ-la jeeŋ harɩŋ.