JƐRƖMAAYA 23:13 - WƖA TENIŊ

¹³ Samarɩa tɩmma-la sɩ ŋaa mɩ wʋlaabʋllaa tʋɔŋ, mɩ na dɩ wʋlɔrʋŋ deeŋ nɛ baa ŋaa: Baa bʋl wɩaa vene-la ba sɩɩ yɩrɛ Baal yɩrɩŋ lɛ nɛ, a leŋ mɩ nɩaa Iziral tɩŋŋaa yeŋŋi.

JƐRƖMAAYA 23:13 ပူးပေါင်းရင်းမြစ်များ

1 KUOROO 18:40

Ŋɩɩ nɛ Ɩlaaja bʋl, “Má kɛsɛ Baal vʋgʋra-la kala. Má sɩ́ leŋe dɩ ba kʋŋkala fá viiri.” Ŋɩɩ nɛ ba kɛsɛba. Ɩlaaja laaba a kaa tuu Kɩsɔŋ fuonaaŋ a kpʋba nɩmɛ.

2 IZIRAL TƖŊŊAA NAABARƖŊ 33:9

Ama Manasɛ leŋe Juda arɩ Jerusalɛm nɩaa yeŋŋi nɛ, a wasa ŋaa wʋbɔŋŋɔɔ a kɩɩ tinteye-la fa sɩ hɛ lee-la La TƖƖNA cheiba ka Iziral tɩŋŋaa kʋ hɔŋ.

AZAAYA 9:16

Nɩaa deemba nɛ laa ba sɩpaaŋ a kɛmba yeŋŋi, ba nɛ dagɛ nɩalɩŋ ba lɛl.

JƐRƖMAAYA 2:8

Wɩɩsʋllɩ sɩpaalaaraa bɩ pɩɛsaa chɛmɛ, a bʋl, ‘Nɩɩ nɛ La TƖƖNA hɛ?’ Nɩalɩŋ sɩ maga dɩ ba dagɛ nɩaa wombii-la mɩ sɩ bile dɩ ba tuto, bɩ mɩ jɩŋ. Sɩpaalaaraa ma vɩa mɩ niiŋ nɛ. Mɩ wʋlaabʋllaa ma mɩɩra bʋbʋl wɩaa vene-la ba sɩɩ yɩrɛ Baal yɩrɩŋ lɛ, aa to vʋɩyaa sɩ ŋaa kʋpɛɩba.

JƐRƖMAAYA 23:32

Mɩ chaasa chɩŋ nɩalɩŋ sɩ nyɩɛ wɩaa arɩ baa na wɩaa duosoo tʋɔŋ lɛ nɛ. Ba yie nyɩɛ wɩalɩŋ a leŋ mɩ nɩaa yeŋŋi nɛ, ka mɩ dee bɩ ba lɩɩsa koo a tɩmba. Wɩalɩŋ bɩ mɩ nɩaa lɛ ka pɛ mʋa ma. Mɩ-na ma TƖƖNA nɛ bʋla.”

JƐRƖMAAYA 36:2

“Joŋ teniŋ a ŋmʋnsɛ wɩalɩŋ kala mɩ sɩ bʋla tɩgɛ Iziral arɩ Juda lɛ arɩ tinteye-la dɔnsʋŋ, a chɩŋ bʋa-la lɛ mɩ sɩ suomo a bʋl wɩaa pɩpɩŋ, bʋa-la lɛ Josaaya sɩ dii kuoruŋ a kaa kɔ lɛɛlɛ.

HOSIA 4:11

vesiŋ a nyʋnyʋa sɩ-yele arɩ sɩ-huoŋ sɩ yie leŋ mɩ nɩaa

HOSIA 4:12

bɩ wɩaa sɩaa jɩŋ. Ba yie pɩɛsɛ tɔmʋŋ ba sɩ kɛŋ daaŋ saa dɩ ʋ dagɛba wɩaa. Ba wʋlɩɩlɩŋ ŋaanɩŋ kɛmba yeŋŋi nɛ. Ba bɩ wʋtɩtɩɩ kɛnɛ mɩ-na ba Wɩa teeŋ.

MƖKA 1:5

Wɩaa deemba kala jaŋ ŋaa a tɩŋ Jekɔb doho nɩaa, Iziral tɩŋŋaa sɩ vɩa Wɩa aŋ ŋaa wʋbɔŋŋɔɔ. Kʋbɛɛ nɛ ba jaŋ dɔŋ a tɩŋ ba wʋbɔmɔ-la wɩaa? Samarɩa sɩ ŋaa ba tabalɩŋ dee? Nɩɩ nɛ Juda nɩaa vʋɩ-kpaarɛ leree hɛ? Jerusalɛm sɩ ŋaa ba tabalɩŋ lɛ dee?