JƐRƖMAAYA 23:12 - WƖA TENIŊ

¹² Ŋɩɩ wɩaa, ba wombiiŋ jaŋ sɩsɩɛrɛ, mɩ jaŋ kiriba hɛ birimiŋ lɛ, dɩ ba tel nɩmɛ. Mɩ jaŋ kɛŋ wʋlɔrʋŋ kʋ hɛ ba lɛ jɩna-la lɛ mɩ sɩ jaŋ dɔgɩsɛba. Mɩ-na ma TƖƖNA nɛ bʋla.

JƐRƖMAAYA 23:12 ပူးပေါင်းရင်းမြစ်များ

JOB 18:18

Ba lɩɩsʋ pʋlʋmʋŋ lɛ nɛ a kaa mʋ hɛ birimiŋ lɛ. Ba kiru ta nɛ dʋnɩa lɛ.

WƖA YƖƖLAA 35:6

Leŋ dɩ ba wombiiŋ kɛŋ birimiŋ aŋ pɛ sɩsɩɛrɛ, ka dɩ Wɩa tɩndaara kire tuto ba harɩŋ.

WƖA YƖƖLAA 73:18

Ŋ leŋe ba chɩŋ lere-la ba sɩ jaŋ sɩɛra tel nɛ, ŋ ŋaa ba tele nyʋgʋsɛ.

WƖA YƖƖLAA 82:5

Ma bɩ wɩaa jɩŋ, a bɩ wɩaa bʋbʋɔŋ ma jɩŋ. Ma hɛ birimiŋ tʋɔŋ nɛ. Dʋnɩa gentine kala ka jigisi nɛ.

MOSIS KƐŊ IZIRAL TƖŊŊAA LƖƖ 32:34

Ŋɩɩ wɩaa, mʋ a kɛŋ nɩalɩŋ mʋ lee-la wɩaa mɩ sɩ bʋla pɩŋ, mɩ tɩndaara jaŋ laa ma sɩpaaŋ. Ama dɩ bʋa-la nɛ kʋ yi a magɛ dɩ mɩ dɔgɩsɛba a tɩŋ ba wʋbɔŋ-la wɩaa, mɩ jaŋ dɔgɩsɛba.”

NAMAGABA 4:19

Ama nɩbɔŋŋɔɔ wombiiŋ-na nagɛ leriŋ sɩ chaasa biri nɛ, ba bɩ jaŋ jɩŋ kʋ-la kala sɩ jaŋ leŋ dɩ ba gɛrɛ tel.

AZAAYA 8:22

Ba jaŋ beŋ tinteeŋ ma a chɛ kʋŋ ka, see tʋɔ-cheeŋ arɩ birimiŋ arɩ fawʋllʋŋ dʋndʋŋa, biriŋ-la tʋɔŋ nɛ ba jaŋ hɛ.

JƐRƖMAAYA 11:23

Ba nɩbala ma bɩ jaŋ ka, bɛɛ wɩaa mɩ jaŋ lɛrɛ wʋlɔrʋŋ kʋ hɛ Anatɔf nɩalɩŋ lɛ, jɩna-la lɛ mɩ sɩ jaŋ dɔgɩsɛba.”

JƐRƖMAAYA 13:16

Má zil ma TƖƖNA Wɩa, ka dɩ ʋ-na leŋ dɩ leriŋ biri, dɩ ma gɛrɛ dundollu-la sɩ kɛŋ birimiŋ lɛ. Maa chɛ dɩ ma na pʋlʋmʋŋ nɛ, ama ʋ jaŋ kɛŋ pʋlʋŋ-la bɩrɩmɛ birimiŋ lim, a ŋaa dɩ leriŋ faasa biri woruŋ.

JƐRƖMAAYA 48:44

Dɩ nʋʋkala nɛ wuo fori fawʋllɩɩ-la lɛ, ʋ jaŋ tuu buotuo-luŋii-la. Dɩ nʋʋ nɛ wuo lɩɩ buotuo luŋii-la tʋɔŋ, bɛrɛ́ jaŋ kɛnʋ. Mɩ jaŋ dɔgɩsɛ Mʋab jɩna-la lɛ sɩ maga mɩ dɔgʋsʋ. Mɩ-na ma TƖƖNA nɛ bʋla.

JƐRƖMAAYA 50:27

Má kpʋ ʋ laalɩyuoroo kala, má kpʋ ba kala. Wɩɩŋ puuba, ba tapʋlʋŋ yie nɛ, bʋa-la sɩ maga dɩ ba dɔgɩsɛba.

JƐRƖMAAYA 8:12

Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.

JEMBIEE 2:20

La TƖƖNA, beŋ mɩ wɩɩŋ a na: Kʋbɛɛ nɛ ŋ ha ŋaa ʋ na hɛɛŋ ŋ-la? Haalaa kɛsɛ ba biiriŋ didii, biiri-la ba sɩ dɩɛsa. Ba kpʋkpʋ ŋ Wɩɩsʋllɩ sɩpaalaaraa arɩ ŋ wʋlaabʋllaa ŋ dɩɩ-balɩŋ lɛ.

MƖKA 7:4

Ba tʋɔŋ kʋ-la sɩ kpɩa nagɛ sɔgɩrɩgalɩa nɛ ba tʋɔpʋl tɩɩna wɩɩŋ bɔmɔ kɩɩ sɔ-gbuŋgbeŋe sɔsʋŋ. Nɩalɩŋ sɩɩ pɔma sɩ bʋl tapʋlɩɩ-la wɩaa yie nɛ, tapʋlɩɩ-la Wɩa sɩ jaŋ dɔgɩsɛma. Bʋa deeŋ lɛ nɛ ma wɩaa jaŋ vʋgʋmɛ.

Jɔɔŋ 12:35

Ŋɩɩ nɛ Yesu bʋla pɩ nɩalɩŋ, “Pʋlʋŋ-la sɩ hɛ ma teeŋ, ʋ bɩ jaŋ dieni. Pʋlʋŋ-la ha sɩ hɛ nɩmɛ ŋɩɩ, má vɛŋ pʋlʋŋ-la lɛ, dɩ birimiŋ sí ma tɔ. Nɩɩ-la sɩɩ vɛŋ birimiŋ tʋɔŋ bɩ jɩŋ lee-la ʋ sɩɩ mʋ.

MOSIS BƖRA WULLI WƖA WOMBIIŊ 32:35

Mɩ jaŋ laa yuo pɩma a tiŋ ma chɩmɩŋ bʋa-la lɛ sɩ maga. Bʋa kʋbala jaŋ yi dɩ ba sɩɛrɛ. Bʋa-la lɛ wʋlɔrʋnʋŋ sɩ jaŋ ŋaa ba lɛ kpagɛ nɛ, ba sʋʋŋ yie nɛ.”

1 Jɔɔŋ 2:11

Ka nɩɩ-la kala sɩ bɛrɛ ʋ dɔŋɔ tɩɩna, ʋ tɩɩna ka vɛŋ birimiŋ tʋɔŋ nɛ. Ʋ bɩ jɩŋ lee-la kala ʋ sɩɩ mʋ. Birimiŋ ŋaa ʋ sɩaa bɩ na.

Juud 1:13

Nɩaa deemba nagɛ lɩɩ-peliŋ sɩ dolie nɛ. Ba hɩɩsɩ wɩalɩŋ ma nagɛ disiniŋ lɩɩ-peliŋ sɩ kaa kʋ lɩɩ ta lɩɩŋ niiŋ. Ba nagɛ chɛnwʋlaa sɩ churo nɛ a mʋ jʋʋ sɛmɛ dɔŋɔ birimiŋ tʋɔŋ lim. Ba jaŋ hɛ nɩmɛ a kaa mʋ wuu.