JƐRƖMAAYA 23:11 - WƖA TENIŊ

¹¹ La TƖƖNA bɩra sɩ, “Mɩ wʋlaabʋllaa arɩ Wɩɩsʋllɩ sɩpaalaaraa bɩ mɩ ka fá. Mɩ dɩɩ-bal-la ma tɩtɩa lɛ, baa ŋaa wʋbɔŋŋɔɔ nɛ.

JƐRƖMAAYA 23:11 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 33:5

Wɩa dɩɩ-bal-la kaalɩsɩ-la balɩa kala lɛ nɛ ʋ saa korunuŋ aa chʋɔlɛ wɩa-nyuŋ kɩaa.

2 IZIRAL TƖŊŊAA NAABARƖŊ 33:7

Manasɛ fa joŋ vene-la ʋ sɩ kɛŋ daaŋ saa a bil Wɩa dɩɩ-bal-la lɛ nɛ. Ama Wɩa fa bʋla pɩ Devit arɩ ʋ nanʋala Solomoŋ, “Jerusalɛm arɩ mɩ dɩɩ-balɩŋ deeŋ mɩ sɩ lɩɩsa Iziral doho doho kala tʋɔŋ lɛ nɛ ba jaŋ zizilmi nɩmɛ a kaa mʋ wuu.

2 IZIRAL TƖŊŊAA NAABARƖŊ 36:14

Wɩɩsʋllɩ sɩpaalaaraa arɩ nɩalɩŋ kala wasa bɩ wʋtɩtɩɩ kɛnɛ Wɩa teeŋ. Ba faa ŋaa wʋkɩsɩa-la tinteye-la sɩ kpagɛba nɩaa sɩɩ ŋaa nɛ, a ŋaa disiniŋ hɩhɛ La TƖƖNA dɩɩ-bal-la ʋ sɩ lɩɩsa Jerusalɛm lɛ dɩ ba zizilu.

ƐZƖRA 10:18

Wɩɩsʋllɩ sɩpaalaaraa doho nɩaa tʋɔŋ, nɩaa deemba nɛ jaa tintee-wogusuŋ toloo: Jozadak nanʋala Jesua arɩ ʋ naambiiriŋ doho nɩaa tʋɔŋ, Maasɛya, Elieza, Jarɩb arɩ Gedalia.

JƐRƖMAAYA 11:15

Wombii bɛɛ nɛ nɩalɩŋ mɩ sɩ cho kɛŋ dɩ ba hɛ mɩ dɩɩ-balɩŋ lɛ a ŋɩŋaa wɩaa, ba sɩ gɔllɔ to ŋaa wʋbɔŋŋɔɔ a yʋga magɛ ŋ-la? Ba bɩɩna ba jaŋ giri wʋlɔrʋ-la ta dɩ ba nɛ hɛ niiriŋ aŋ kpʋ pʋsʋŋ a ŋɩŋaa Wɩɩsʋlʋŋ. Wɩaa deemba jaŋ wuo leŋ dɩ ba tʋɔŋ tɔrɛɛ?

JƐRƖMAAYA 23:15

Ŋɩɩ wɩaa, wɩɩ-la La TƖƖNA doluŋ kala Tɩɩna bɩra sɩ bʋla tɩgɛ ʋ wʋlaabʋlla-la lɛ nɛ ŋ-la: “Mɩ jaŋ leŋ dɩ ba dii kʋdii haarɩŋ, aŋ nyʋa lɩɩŋ ba sɩ hɛ bɩɛlɩŋ, bɛɛ wɩaa, mɩ wʋlaabʋlla-la nɛ leŋe wʋbɔŋŋɔɔ ŋaanɩŋ pʋrɩgɛ tintee-la kala lɛ.

JƐRƖMAAYA 32:34

Ba joŋ ba tɔŋŋɔɔ mɩ sɩɩ kɩsʋ nɛ a bil mɩ dɩɩ-bal-la mɩ yɩrɩŋ sɩ hɛ lɛ, a ŋaa ʋ kɛŋ disiniŋ.

JƐRƖMAAYA 5:31

Mɩ wʋlaabʋllaa sɩ nyɩɛ wɩaa arɩ baa bʋl wɩaa Wɩa doluŋ lɛ nɛ. Ka Wɩɩsʋllɩ sɩpaalaaraa ma mɩɩra ŋɩŋaa wɩaa ba tɩtɩaba doluŋ lɛ. Mɩ nɩaa ma cho ŋɩɩ ba sɩɩ ŋaa. Ama wʋbɛɛ nɛ ma jaŋ ŋaa wɩaa deemba dɩdɛrɩŋ?”

JƐRƖMAAYA 50:6

Mɩ nɩaa nagɛ piesee sɩ lɛlɛ nɛ. Ba sɩpaalaaraa leŋe ba yeŋŋi nɛ, a leŋ ba gʋgɔllɛ peelee nyuŋ. Baa baarɛ peelee arɩ dundolluŋ nyuŋ nɛ, a yʋ ba tɩtɩa dɩ-pɩna wiesiŋ wɩaa.

JƐRƖMAAYA 6:13

“Ba nɩbiisiŋ arɩ ba nɩbalaa kala kɛŋ yarɩ-bieriŋ nɛ a chɩchɛ kɩaa. Mɩ wʋlaabʋllaa arɩ Wɩɩsʋllɩ sɩpaalaaraa ma nagɛ ŋɩɩ tɩtɩa nɛ, a kala nyɩnyɩsɛ nɩaa.

JƐRƖMAAYA 7:30

La TƖƖNA bʋla, “Juda nɩaa ŋaa wʋbɔŋŋɔɔ nɛ mɩ sɩɩŋ lɛ. Ba joŋ ba vʋɩyaa mɩ sɩɩ kɩsʋ nɛ a bil mɩ dɩɩ-bal-la mɩ yɩrɩŋ sɩ hɛ lɛ, a ŋaa ʋ kɛŋ disiniŋ.

JƐRƖMAAYA 8:10

Ŋɩɩ wɩaa mɩ jaŋ laa ba haalaa pɩ ba-wogusuŋ, ka dɩ nɩtanɩa ma laa ba bagɩsɩŋ tɩɩ. Ba nɩbiisiŋ arɩ ba nɩbalaa kala kɛŋ yarɩ-bieriŋ nɛ a chɩchɛ kɩaa. Mɩ wʋlaabʋllaa arɩ Wɩɩsʋllɩ sɩpaalaaraa ma nagɛ ŋɩɩ tɩtɩa nɛ a kala nyɩnyɩsɛ nɩaa.

JEMBIEE 2:20

La TƖƖNA, beŋ mɩ wɩɩŋ a na: Kʋbɛɛ nɛ ŋ ha ŋaa ʋ na hɛɛŋ ŋ-la? Haalaa kɛsɛ ba biiriŋ didii, biiri-la ba sɩ dɩɛsa. Ba kpʋkpʋ ŋ Wɩɩsʋllɩ sɩpaalaaraa arɩ ŋ wʋlaabʋllaa ŋ dɩɩ-balɩŋ lɛ.

ƐZƖKƖƐL 23:39

Tapʋlɩɩ-la tɩtɩa ba sɩ kɛsɛ ba biiriŋ kpʋ nyɩga pɩ ba tɔŋŋɔɔ nɛ ba jʋʋ mɩ dɩɩ-bal-la a ŋaa disiniŋ cheyu. Wɩɩ-la ba sɩ ŋaa mɩ dɩa lɛ nɛ ŋɩɩ.

ƐZƖKƖƐL 44:10

Mɩ jaŋ dɔgɩsɛ Levi doho nɩalɩŋ arɩ Iziral tɩmma-la sɩ vɩamɛ aŋ mʋ kpʋkpaarɛ vʋɩyaa.

ƐZƖKƖƐL 7:20

Ba fa kɛŋ ba yaraa kpɩɛraa ŋmuŋmoo bɔyɛ nɛ, a kɛmba ŋaa tɔŋŋɔɔ sɩ ŋaa disiŋ kɩa arɩ vesiŋ mɩ sɩɩ kɩsʋ. Ŋɩɩ wɩaa, mɩ jaŋ kɛŋ kɩalɩŋ bɩrɩmɛ kɩaa sɩ kɛŋ disiniŋ ba teeŋ.

ƐZƖKƖƐL 8:11

Iziral tɩŋŋaa sɩpaalaaraa mahɩŋ batori arɩ fii hɛ nɩmɛ a pɛ Safaŋ nanʋala Jazanɩa lɛ. Sɩpaalaara-la kʋŋkala fa kori kʋ-la ba sɩ kaa nyɩnyɩgɛ kʋsʋɔrʋsʋŋ nɛ, ka nyʋɔsʋŋ sisii kʋsʋɔrʋsʋŋ sʋɔra sɩ sɩma lɛ.

ƐZƖKƖƐL 8:16

Ʋ kɛmmɛ kaa kʋ jʋʋ La TƖƖNA dɩ-bal-la kaala tʋɔŋ, mɩ na baalaa mara arɩ banɔŋ dɩ ba chɩŋ Wɩa dɩɩ-bal-la boi-baalɩŋ lɛ, zawʋra arɩ Wɩɩsʋlʋŋ koru-la pɛgɛ, ba harɩŋ jɩa Wɩa dɩɩ-bal-la ka ba sɩaa chaasɛ wɩɩpɔsʋŋ dɩɩrɩŋ a kpirime chʋchʋɔlɛ wɩɩpɔsʋŋ.

ZEFANAAYA 3:3

Ʋ tɩntɩnnɩ-hɩasɩŋ ka ŋaa goŋ nɛ a nagɛ naachigee sɩɩ yel, ʋ sɩpaalaaraa ma nagɛ losuŋ sɩ kɛŋ guŋgurusuŋ dɩdaanɩŋ, ba bɩ kʋŋ die aŋ kɩka taŋ pʋpʋl.

ZEFANAAYA 3:4

Wɩa wʋlaabʋlla-la sɩ hɛ ʋ lɛ kɛŋ babii-ballɩŋ, ba ŋaa zɛmbɛ tɩmma nɛ. Ʋ Wɩɩsʋllɩ sɩpaalaaraa ŋaa disiniŋ hɛ Wɩa dɩɩ-bal-la lɛ nɛ aŋ kɛŋ wombii-la ma ʋ sɩ bile dɩ la tuto kaa bɩrɩmɛ ŋɩɩ ba sɩ cho.