JƐRƖMAAYA 22:7 - WƖA TENIŊ

⁷ Mɩ jaŋ joŋ nɩalɩŋ sɩɩ chei leriŋ a hɛ ma lɛ, nʋʋkala arɩ ʋ bayuori kɩaa. Ba jaŋ keri ma kuolo tɩɩ zɔŋŋɔɔ kala a joŋo hɛ nyiniŋ lɛ.

JƐRƖMAAYA 22:7 ပူးပေါင်းရင်းမြစ်များ

AZAAYA 37:24

Ŋ leŋe ŋ tɩndaaraa tʋʋsɛ La TƖƖNA joŋŋoo nɛ woruŋ. Ŋ sɩ: Mɩ laalɩŋ janɩŋ torukoba sɩ yʋga ŋɩɩ, ba nɛ mɩ kaa jɩl Lɛbanɔŋ peelee nyu-gbaŋa, a jʋʋ ʋ duuŋ tʋɔŋ a keri ʋ kuolu tɩɩ-duduosuŋ arɩ bʋtʋŋ zɔŋŋɔɔ kala lo.’

JƐRƖMAAYA 15:8

Mɩ jaŋ leŋ dɩ ba yo-haalaa faasa pʋrɩgɛ, a kɩɩ mʋgʋ-balɩŋ niiŋ hagɩlɩ-bumbugulo. Mɩ jaŋ kɛŋ nɩalɩŋ sɩɩ chei leriŋ kʋ hɛ ba lɛ wɩɩhɛɩ-siesee, dɩ ba kpʋ ba bapʋɔsɛ-biisiŋ, ka dɩ ba naamba bibeŋ. Mɩ jaŋ guu lɛrɛ tʋɔ-cheeŋ arɩ wɩaa sɩ faasa kɛŋ fawʋllʋŋ kɩŋkɛŋ a kʋ hɛ ba lɛ.

JƐRƖMAAYA 21:14

Mɩ jaŋ dɔgɩsɛma arɩ ma wʋŋaalaa sɩ dagɛ ŋɩɩ. Mɩ-na ma TƖƖNA nɛ bʋla. Mɩ jaŋ joŋ nyiniŋ hɛ ma duuŋ lɛ, dɩ ʋ dii kʋŋkala sɩ gollima. Mɩ-na ma TƖƖNA nɛ bʋla.”

JƐRƖMAAYA 5:15

La TƖƖNA bɩra sɩ, “Ou, Iziral tɩmma, Mɩ kɛŋ tintee dɔŋ nɩaa nɛ a lɩɩ dɩ-bolii a kʋkɔ dɩ mɩ hɛ ma lɛ. Tintee-la nɩaa hɛ nɩmɛ faafaa kala nɛ a kɛŋ doluŋ woruŋ. Ma bɩ ba yikoro jɩŋ. Ma bɩ ba wʋbʋlʋŋ ma ka nɩɩ.

ZƐKARƖYA 11:1

Lɛbanɔŋ, kɛŋ ŋ borusuŋ suri dɩ nyiniŋ wuo dii ŋ kuolu tɩɩsɩŋ.

Matiu 22:7

Ŋɩɩ nɛ kuoru-la na baanɩŋ a ta ʋ laalɩyuoroo, ba mʋ kpʋ nɩalɩŋ sɩ kpʋ ʋ dɩa tɩntɩnna-la aŋ nyɩgɛ ba tabalɩŋ kala.