JƐRƖMAAYA 22:5 - WƖA TENIŊ

⁵ Ama dɩ ma nɛ bɩ wɩaa deemba mɩ sɩ dagɛma ka to, mɩ-na ma TƖƖNA nɛ bʋla, mɩ ŋmɩɛsa, kuoru dɩa deeŋ jaŋ pɩŋ jikpeeŋ.’ ”

JƐRƖMAAYA 22:5 ပူးပေါင်းရင်းမြစ်များ

WƖAA DƖ-SUOMUŊ 22:16

a bʋl, “Mɩ ŋmɩɛsɛ mɩ tɩtɩa a tɩŋ ŋ sɩ bɩ ŋ bii-bala-la vɩa dɩ ŋ kpʋ pɩmɛ,

2 IZIRAL TƖŊŊAA NAABARƖŊ 7:19

Ama dɩ ma nɛ vɩa mɩ niiriŋ arɩ wɩalɩŋ mɩ sɩ dagɛma aŋ mɩɩra mʋ tuto vesiŋ a kpʋkpaarɛba,

2 IZIRAL TƖŊŊAA NAABARƖŊ 7:21

Lɛɛlɛ-na mɩ dɩɩ-balɩŋ deeŋ kɛŋ yɩrɩŋ nɛ woruŋ, ama dɩ ŋɩɩ nɛ ŋaa, nʋʋkala sɩ jaŋ to dɩa deeŋ bʋbʋɔŋ bɩbal jaŋ naʋ dɩ ʋ ŋaaʋ wʋkpuŋkpere dɩ ʋ pɩɛsɛ, ‘Bɛɛ nɛ tɩɩ La TƖƖNA ŋaa tinteeŋ deeŋ arɩ Wɩa dɩɩ-balɩŋ deeŋ ŋ-la?’

2 IZIRAL TƖŊŊAA NAABARƖŊ 7:22

Nɩaa jaŋ bʋla pɩba, ‘Ba vɩa dɩ ba to ba TƖƖNA, ba nyɩmmaba Wɩa sɩ kɛmba kaa kʋ lɩɩ Ijipiti tinteeŋ lɛ nɛ, aŋ mɩɩra tuto vesiŋ a kpʋkpaarɛba, ŋɩɩ nɛ tɩɩ ʋ joŋ wʋlɔrʋnʋŋ deemba kala ŋaa ba lɛ.’ ”

WƖA YƖƖLAA 95:11

Ŋɩɩ nɛ mɩ na baanɩŋ a ŋmɩɛsa hɛ ba lɛ a bʋl, “Ma bɩ jaŋ jʋʋ tintee-la mɩ fa sɩ jaŋ joŋo pɩma, dɩ ma hɔnɔ wiesi.”

AZAAYA 1:20

Ama dɩ ma nɛ vɩa mɩ niiŋ aŋ to ma nyuduoŋ lɛ, ma dʋndɔŋŋɔɔ jaŋ kpʋma.” La TƖƖNA nɛ bʋla.

JƐRƖMAAYA 12:7

Mɩ jaŋ vɩa mɩ nɩaa Iziral tɩŋŋaa ta, Mɩ jaŋ vɩa mɩ nɩtɩɩlaa ta. Mɩ jaŋ joŋ mɩ nɩchooloo hɛ ba dʋndɔŋŋɔɔ nɩsɩŋ lɛ.

JƐRƖMAAYA 17:27

Ama dɩ ma nɛ bɩ mɩ niiŋ to a joŋ chɛ-wiesii-la dɩ ʋ ŋaa tapʋl-zɔŋ, aŋ chʋŋ kɩaa to boi-baala-la kʋʋ jʋʋ Jerusalɛm chɛ-wiesii-la chɛɛŋ, ŋɩɩ-na mɩ jaŋ chol nyiniŋ nʋʋ sɩ bɩ jaŋ wuo dɩsɛ a hɛ Jerusalɛm boi-baala-la lɛ dɩ ʋ dii Jerusalɛm dɩɩ-duoruŋ kala.”

JƐRƖMAAYA 26:4

Bʋla pɩba, ‘Wɩɩ-la mɩ-na ma TƖƖNA sɩ bʋla nɛ ŋ-la: Dɩ ma nɛ bɩ jegile nɩɩ mɩ teeŋ a to wombii-la mɩ sɩ bile dɩ ma tuto, wombii-la mɩ sɩ joŋo bil ma sɩpaaŋ,

JƐRƖMAAYA 39:8

Babɩlɔŋ tɩmma-la chol nyiniŋ hɛ kuoro dɩa lɛ arɩ nɩalɩŋ dɩɩsɩŋ aŋ ŋmoo Jerusalɛm jebiee lo.

JƐRƖMAAYA 44:26

Ama ma Juu tɩmma-la kala sɩ hɛ Ijipiti lɛ, má jegile nɩɩ La TƖƖNA wɩaa. La TƖƖNA sɩ, “Mɩ ŋmɩɛsɛ mɩ yɩrɩ-balɩŋ, nʋʋkala sɩ lɩɩ Juda a hɛ Ijipiti lee na-kala bɩra bɩ jaŋ yɩrɛ mɩ yɩrɩŋ koo a ŋmɩɛsɛ a bʋl, ‘Mɩ ŋmɩɛsɛ La TƖƖNA Wɩɩjarɩbakɔ sɩ weye.’

AMƆS 6:8

La Tɩɩna Wɩɩjarɩbakɔ ŋmɩɛsɛ ʋ tɩtɩa nɛ. La TƖƖNA doluŋ kala Tɩɩna sɩ: “Ma Jekɔb doho nɩaa, mɩ bɛrɛ ma babii-ballɩɩ-la nɛ, a bɛrɛ ma moribiee dɩɩ-bala-la ma. Mɩ jaŋ joŋ ma tabal-la arɩ ʋ kɩaa kala pɩ ma dʋndɔŋŋɔɔ.”

MƖKA 3:12

A tɩŋ ma wɩaa, ba jaŋ pɛrɛ Zaayɔŋ a nagɛ baga. Jerusalɛm jaŋ pɩŋ jikpeeŋ a nagɛ pupuluŋ. Wɩa dɩɩ-bal-la sɩ chɩŋ dundolo-la nyuŋ jaŋ lugi a nagɛ duuŋ.

Matiu 23:38

Bee na, ma Wɩa dɩɩ-balɩŋ jaŋ pɩŋ jikpeeŋ.

Hiburu TƖŊŊAA 3:18

Kʋbɛɛba lɛ nɛ Wɩa fa ŋmɩɛsa hɛ arɩ ba bɩ jaŋ jʋʋ tintee-la ʋ sɩ joŋo pɩba dɩ ba hɔnɔ wiesii ŋɩɩ? Ba nɛ nɩalɩŋ fa sɩ bɩ Wɩa niiŋ wɩaa ka to.

Hiburu TƖŊŊAA 6:13

Faafaa-la Wɩa hɛ niiŋ a pɩ Abɩraham nɛ. Kʋŋkala fa tuo a yʋga kɩɩ ʋ-na Wɩa dɩ ʋ ŋmɩɛsɛ. Ŋɩɩ nɛ ʋ ŋmɩɛsɛ ʋ tɩtɩa.

Hiburu TƖŊŊAA 6:17

Ŋɩɩ tɩtɩa nɛ Wɩa fa sɩ bʋla pɩ ʋ nɩaa arɩ ʋ jaŋ joŋ kɩaa pɩba, ʋ fa sɩɩ chɛ dɩ ba chaasa jɩŋ arɩ ʋ bɩ jaŋ kɛŋ ʋ niiŋ bɩrɩmɛ, ʋ ŋmɩɛsa daŋ nɛ.