29 Tintee, tintee, tintee, jegile nɩɩ La TƖƖNA wɩaa.
Má kɔ, ma tinteyee nɩaa kala a jegili, nʋʋkala jegile nɩɩ. Má leŋ dɩ kʋŋ na-kala sɩ hɛ dʋnɩa lɛ nɩɩ.
Tinteeŋ nɩaa, má jegile nɩɩ. Mɩ kɛŋ wʋlɔrʋ nɛ a kʋkɔ dɩ mɩ hɛ nɩaa deemba lɛ, a tɩŋ ba wʋŋaalaa wɩaa. Ba bɩ jegile nɩɩ mɩ niiŋ wɩaa, aŋ vɩa mɩ wombie-la mɩ sɩ bile dɩ ba tuto.
Ŋɩɩ nɛ ʋ bʋla pɩmɛ, “Bʋl wɩaa mɩ doluŋ lɛ a pɩ haŋgbele-la arɩ ba jegile nɩɩ wɩɩ-la mɩ-na ma TƖƖNA sɩɩ bʋl.
Tinteyee nɩaa kala, má jegile nɩɩ. Dʋnɩa arɩ kɩalɩŋ kala sɩ hɛ ʋ lɛ, má nɩɩ woruŋ. La TƖƖNA Wɩɩjarɩbakɔ na ma wʋbɔŋŋɔɔ nɛ, ʋ jaŋ chɩŋ kporoo a bʋlba. La TƖƖNA hɛ ʋ dɩɩ-balɩŋ sɩ bɩ disiniŋ kɛnɛ lɛ nɛ.
Ŋmʋnsɛ yɩɩlɩŋ deeŋ bil, a dagɛ Iziral tɩŋŋaa, a leŋ dɩ ba yɩyɩɩ dɩ ʋ ŋaa magɩl a pɩma.
Wɩa-nyuŋ arɩ tinteeŋ, má nɩɩ wɩalɩŋ mɩ sɩɩ chɛ dɩ mɩ bʋl, má jegile woruŋ a nɩɩ mɩ wʋbʋlaa.
Jɩnɩŋ, wɩa-nyuŋ arɩ tinteeŋ pɛ na nɛ, dɩ ma nɛ ŋaa wɩaa deemba kʋŋkala ma sɩɩ chol Jɔdaŋ fuo-la dɩ ma laa tintee-la a tɩɩ lɛ, La TƖƖNA jaŋ guu cheima. Ma bɩ jaŋ hɔŋ nɩmɛ dieni ka dɩ ʋ cheima.
