JƐRƖMAAYA 22:26 - WƖA TENIŊ

²⁶ Mɩ jaŋ joŋ ŋ dɩ ŋ naaŋ kala a yuo hɛ tintee dɔŋ lɛ, lee-la ba sɩ bɩ ma kʋŋkala lʋla dɩ ma sʋʋ nɩmɛ.

JƐRƖMAAYA 22:26 ပူးပေါင်းရင်းမြစ်များ

2 KUOROO 24:15

Ŋɩɩ nɛ Nebukadineza yuo kɛŋ Jehoyachiŋ a kaa mʋ Babɩlɔŋ a pɛ kɛŋ ʋ naaŋ, ʋ haalaa, tɩntɩnnɩ-hɩasɩŋ arɩ Juda tinteeŋ sɩpaalaaraa kala.

2 KUOROO 24:8

Jehoyachiŋ fa ŋaa jɩsɩŋ fii arɩ chori nɛ aŋ dii Juda tinteeŋ kuoruŋ. Ʋ hɔŋ Jerusalɛm lɛ a bemba chɛnsɩŋ batori. Ʋ naaŋ yɩrɩŋ nɛ fa Nehusita. Nehusita fa ŋaa Elinataŋ tolo nɛ a lɩɩ Jerusalɛm.

2 KUOROO 25:27

Ba fa sɩ kɛŋ Juda tinteeŋ kuoro Jehoyachiŋ tɔ bɩnɩŋ dɩa Babɩlɔŋ lɛ, ʋ jɩsɩŋ mara arɩ fii arɩ balɩpɛ lɛ, ŋɩɩ nɛ baal kʋbala baa yɩrɛ Evil-Merodak kʋ dii Babɩlɔŋ tinteeŋ kuoruŋ, a leŋ ba lɩɩsɛ Jehoyachiŋ bɩnɩŋ dɩa lɛ chɛŋ fii arɩ balɩa tapʋlaa mara arɩ balɩpɛ chɛɛŋ.

2 KUOROO 25:29

Kuoro fa leŋe Jehoyachiŋ wuri ʋ dansarɩka gɛnnɩŋ ta nɛ aŋ lɩlaalɛ ʋ tɩtɩa gɛnnɩŋ, a didii kɩaa kuoro dɩa lɛ tapʋlɩɩ kala.

2 KUOROO 25:30

Tapʋlɩɩ kala Babɩlɔŋ kuoro yie pɩ Jehoyachiŋ moribiee nɛ, bʋa-la kala ʋ sɩ hɛ ʋ mɩɩsɩŋ lɛ.

AZAAYA 22:17

Bee-na La TƖƖNA kɛŋ ʋ tɩtɩa hɛ dɔŋɔ nɛ dɩ ʋ chigiŋ a joŋo yuo ta, ŋ-na babiibal.

JƐRƖMAAYA 10:18

Wɩɩ-la La TƖƖNA sɩ bʋla nɛ ŋ-la: “Bʋa deeŋ lɛ, mɩ jaŋ joŋ nɩalɩŋ sɩ hɛ tinteeŋ deeŋ lɛ a yuo ta. Mɩ jaŋ joŋ hɛɛŋ yʋgɛ a hɛ ba lɛ, dɩ ba yuo kɛsɛba.”

JƐRƖMAAYA 13:18

La TƖƖNA bʋla pɩmɛ, “Bʋla pɩ kuoru-balɩŋ arɩ ha-kuoro, má tuu ma kuoru kpasɩnɩŋ nyuŋ, ma kuori-nyunchu zɔmɔ-la jaŋ suri ma nyusuŋ lɛ a tuu tel.”

JƐRƖMAAYA 16:13

Ŋɩɩ wɩaa, mɩ jaŋ lɩɩsɛma tinteeŋ deeŋ lɛ a kaa mʋ tintee dɔŋ, ma-na koo ma naabalɩmaba sɩ bɩ jɩŋ. Nɩmɛ nɛ, ma jaŋ tuto vesiŋ wɩɩhɛyɛ arɩ tɩtaŋɩŋ kala. Mɩ bɩ jaŋ kɔ dɩ mɩ fá ma nenige.”

JƐRƖMAAYA 22:27

Ma bɩra bɩ jaŋ mɩɩra kɔ tintee-la ma sɩɩ hɩɛnʋ.”

JƐRƖMAAYA 28:4

Mɩ jaŋ kɛŋ Juda tinteeŋ kuoro Jekonaaya (ʋ nɛ ha Jehoyachiŋ), sɩ ŋaa Jehoyakim nanʋala arɩ nɩalɩŋ kala sɩ mʋ yoŋ-baga Babɩlɔŋ lɛ a kaa mɩɩra kɔ leriŋ deeŋ, bɛɛ wɩaa mɩ jaŋ lɩɩsɛ daa-la Babɩlɔŋ kuoro sɩ joŋo laalɛ ma baŋŋaa lɛ a bori, La TƖƖNA nɛ bʋla.’ ”

JƐRƖMAAYA 29:2

Ba sɩ hɛ yoŋ-baga lɛ ŋɩɩ, Jɛrɩmaaya ŋmʋnsɛ teniŋ deeŋ a pɩ kuoro Jehoyachiŋ arɩ ʋ naaŋ, kuoro dɩa tɩntɩnnɩ-hɩasɩŋ a pɛ Juda arɩ Jerusalɛm sɩpaalaaraa lɛ, nɩalɩŋ sɩ jɩŋ nɩsɩŋ tɩntɩŋŋaa arɩ libiree.

JƐRƖMAAYA 44:14

Juda nɩkaana-la sɩ kɔ dɩ ba hɔŋ Ijipiti lɛ, ba kʋŋkala bɩ jaŋ fori koo a kɛŋ mɩɩsɩŋ a mɩɩra mʋ Juda tinteeŋ, lee-la ba sɩɩ hɩɛnʋ dɩ ba mʋ. Ba kala bɩ jaŋ mɩɩra mʋ, see nɩaa baŋmɛnɛ.”