JƐRƖMAAYA 22:23 - WƖA TENIŊ

²³ Ma Jerusalɛm nɩalɩŋ sɩ hɔnɔ ta jɩa, aa jʋʋ Lɛbanɔŋ kuolo daasɩŋ dɩɩsɩŋ, dɩ hɛɛŋ nɛ jʋʋma, ma jaŋ huuni. Hɛɛ-la jaŋ nagɛ haala sɩɩ chɛ ʋ lʋl, ʋ luoruŋ wʋwɩɩ.”

JƐRƖMAAYA 22:23 ပူးပေါင်းရင်းမြစ်များ

JƐRƖMAAYA 21:13

Jerusalɛm, mɩ-na ma TƖƖNA chɩŋ ŋ lɛ nɛ, ŋ-na Jerusalɛm sɩ sagɛ tintee leŋiŋ nyuŋ a keese tɔ fuonaasɩŋ lɛ a nagɛ bʋŋ sɩ je wɩa-nyuŋ a keese tɔ tintee taala lɛ ŋɩɩ. Ma sɩ: ‘Kʋbɛɛ nɛ jaŋ wuo kʋ yuola? Kʋbɛɛ nɛ jaŋ wuo kʋ jʋʋ lee-la la sɩ faa?’

JƐRƖMAAYA 22:6

Wɩɩ-la La TƖƖNA sɩ bʋla tɩgɛ Juda kuoro dɩa lɛ nɛ ŋ-la: “Arɩ ŋ sɩ zɔmɔ nagɛ Gɩlɩad tinteeŋ ma kala mɩ teeŋ, a nagɛ Lɛbanɔŋ peelee, mɩ jaŋ leŋ dɩ ŋ nagɛ tintee-hɩlɩŋ, a nagɛ tasɩ-la nɩaa sɩ́ bɩ jʋʋ.

JƐRƖMAAYA 3:21

Nɩaa nɩɩ yel dundol kpʋlaa nyuŋ, Iziral tɩŋŋaa nɩɩ yel ŋɩɩ aŋ sʋsʋl dɩ mɩ joŋo chɛba, bɛɛ wɩaa ba yʋ mɩ-na ba TƖƖNA Wɩa wɩaa nɛ a vɩa mɩ wombiiŋ.

JƐRƖMAAYA 48:28

Má leŋ ma tasɩŋ aŋ mʋ hɛ bʋsʋŋ tʋɔŋ, ma nɩalɩŋ sɩ hɛ Mʋab lɛ. Má nagɛ kokomo sɩ mʋ saa ʋ dɛlɛ bʋ-bʋa niiŋ nɛ.

JƐRƖMAAYA 49:16

Fawʋllɩɩ-la ma sɩ joŋo hɛ nɩaa lɛ arɩ ma babii-ballɩɩ-la nyɩsɛma nɛ. Ma hɛ bʋsʋŋ nyu-gbaŋa nɛ, a hɔŋ dundolluŋ nyuŋ. Ma hɛ wɩa-nyuŋ dɩ-bolii ma nɛ a nagɛ kachuuŋ, ama mɩ jaŋ lɛrɛma lɩɩ nɩmɛ a kʋ tʋʋ. Mɩ-na ma TƖƖNA nɛ bʋla.

JƐRƖMAAYA 6:24

La nɩɩ la dʋndɔmɔ-la wɩaa nɛ, ŋɩɩ leŋ la nandaasɩŋ yʋɔrɛ. Hɛɛŋ chaasa jʋʋla nɛ, a nagɛ haala sɩɩ chɛ dɩ ʋ lʋl ʋ luoruŋ wʋwɩɩ.

ƐZƖKƖƐL 17:3

a leŋ dɩ ba jɩŋ wɩɩ-la mɩ-na ma TƖƖNA Wɩɩjarɩbakɔ sɩɩ bʋl: Kachuu-bal kʋbala nɛ fa hɛ nɩmɛ ʋ kɩŋkɛnsɩŋ dol woruŋ, ʋ pʋnaa ma duomi a tɔ ʋ yaraa aŋ zɔŋ woruŋ a ŋaa dabaŋ dabaŋ. Ʋ sii file mʋ Lɛbanɔŋ, a kɛŋ kuolo nyu-gbaŋa naakeliŋ bori,

HOSIA 5:15

Ŋɩɩ lɛ nɛ mɩ jaŋ mɩɩra mʋ mɩ dɩjʋʋlʋŋ a kaa mʋ yi bʋa-la lɛ ba sɩ jaŋ sɛɩ dɩ ba cheye nɛ, a bee chɩchɛmɛ. Hɛɛŋ nɛ jʋʋba, ba jaŋ chaasa bee chɩchɛmɛ.”

HOSIA 7:14

Ba tʋɔŋ kala dee ba kaa yele pɩpɩmɛ, ba mɩɩrɛ mɩ harɩŋ nɛ. Dɩ ba nɛ sʋla chɩchɛ kʋdiilee arɩ sɩnɩŋ ba yie pɩŋ ba bɔsʋnʋŋ lɛ nɛ a ŋmuŋmoo niiŋ a nagɛ nɩalɩŋ sɩ bɩ mɩ jɩŋ sɩɩ ŋaa ŋɩɩ.

AMƆS 9:2

Dɩ ba nɛ tɔɔ jʋʋ tinteeŋ bʋbʋɔŋ ma, mɩ jaŋ lɛrɛ lɩɩsɛba. Dɩ ba nɛ jɩl wɩa-nyuŋ dɩ-bolii ma, mɩ jaŋ lɛrɛba lɩɩ nɩmɛ kʋ tuu.

OBADAAYA 1:4

Dɩ ŋ nɛ file jɩl wɩa-nyuŋ a nagɛ kachuuŋ ma, dɩ ŋ dɩa hɛ chɛnwʋlaa tʋɔŋ, mɩ jaŋ lɛrɩŋ lɩɩ nɩmɛ kʋ tuu. Mɩ-na ma Tɩɩna nɛ bʋla.

HABAKU 2:9

Wɩɩŋ puu nɩɩ-la sɩ bɩ wʋtɩtɩɩ lɛ to a dʋa kɩaa, a saa dɩa-la doho dʋndɔmɔ sɩ bɩ wuo jʋjʋʋ dɩ wʋbɔŋ kala sɩ́ ʋ jʋʋ.

NAMBABA 24:21

Ʋ bɩra na Keni tɩŋŋaa arɩ duosoo tʋɔŋ, a bʋl wɩaa deemba Wɩa sɩ joŋo dagʋ a tɩgɛ ba lɛ. Ʋ sɩ, “Wʋwalɩmɩɩ kala tuo lee-la Keni tɩŋŋaa sɩ hɔnɔ. Ba nagɛ nʋʋ sɩ saa ʋ dɩa bʋŋ nyuŋ nɛ.