JƐRƖMAAYA 22:22 - WƖA TENIŊ

²² Peliŋ jaŋ paa ma sɩpaalaaraa a kaa viiri, ka nɩalɩŋ sɩ kʋ pɛ ma lɛ ma mʋ yoŋ-baga. Nɩaa jaŋ jolimima dɩ hɩɩsɩŋ kɛmma, a tɩŋ ma wʋbɔŋŋɔɔ wɩaa.

JƐRƖMAAYA 22:22 ပူးပေါင်းရင်းမြစ်များ

AZAAYA 64:6

La kala ŋaa disiŋ tɩmma nɛ. La tʋɔpʋl wʋŋaalaa kala nagɛ gɛrɩkɔsʋmɔɔ sɩ kɛŋ nyɛsɩŋ nɛ. La wʋbɔŋŋɔɔ leŋe la nagɛ pɩpaarɩŋ sɩ hɩla nɛ, peliŋ lu a paala viiri.

AZAAYA 65:13

Ŋɩɩ wɩaa wɩɩ-la mɩ-na Wɩɩjarɩbakɔ sɩ bʋla nɛ ŋ-la: “Mɩ tɩntɩnnaa jaŋ na kɩaa didii, ka dɩ ma-na kɛŋ losuŋ. Ba jaŋ na lɩɩŋ nyʋnyʋa, ka dɩ ma-na kɛŋ lɩɩnyʋasʋŋ. Mɩ tɩntɩnnaa jaŋ jʋjʋɔsɛ, ka dɩ ma-na dii hɩɩsɩŋ.

JƐRƖMAAYA 10:21

Sɩpaalaara-la kala yaara nɛ, a bɩ La Tɩɩna pɩɛsa dɩ ʋ dagɛba wɩaa. Ŋɩɩ nɛ tɩɩ ba wɩɩkala bɩ wasa, ba nɩaa kala pɩsɛ.

JƐRƖMAAYA 12:10

Sɩpaalaaraa yʋga a jaŋ chei mɩ girep tɩɩsɩŋ baga a nʋɔsɛ mɩ tinteeŋ kpal. Ba jaŋ ŋaa dɩ mɩ tintee-la sɩ sɩma mɩɩra bɩrɩmɛ kʋŋkʋlʋŋ a pɩŋ hoi.

JƐRƖMAAYA 2:36

Bɛɛ nɛ tɩɩ ma bɩ dɩ-bala chɩna aŋ kɛŋ ma wʋŋaalaa bɩbɩrɩmɛ ŋɩɩ? Asiiria tɩŋŋaa fa sɩ leŋe ma dii hɩɩsɩŋ ŋɩɩ, ŋɩɩ tɩtɩa nɛ Ijipiti tɩŋŋaa ma jaŋ leŋ dɩ ma dii hɩɩsɩŋ.

JƐRƖMAAYA 2:37

Ma jaŋ paa ma nɩsaa chʋŋ ma nyuŋ lɛ a lɩɩ tinteeŋ lɛ, bɛɛ wɩaa mɩ-na ma TƖƖNA vɩa nɩalɩŋ lɛ ma sɩ joŋ ma yɩɛlaa hɛ nɛ. Ba bɩ jaŋ pɛ ma lɛ.”

JƐRƖMAAYA 2:8

Wɩɩsʋllɩ sɩpaalaaraa bɩ pɩɛsaa chɛmɛ, a bʋl, ‘Nɩɩ nɛ La TƖƖNA hɛ?’ Nɩalɩŋ sɩ maga dɩ ba dagɛ nɩaa wombii-la mɩ sɩ bile dɩ ba tuto, bɩ mɩ jɩŋ. Sɩpaalaaraa ma vɩa mɩ niiŋ nɛ. Mɩ wʋlaabʋllaa ma mɩɩra bʋbʋl wɩaa vene-la ba sɩɩ yɩrɛ Baal yɩrɩŋ lɛ, aa to vʋɩyaa sɩ ŋaa kʋpɛɩba.

JƐRƖMAAYA 20:11

Ama La TƖƖNA hɛ mɩ teeŋ nɛ a nagɛ laalɩyuori babii-balɩŋ. Ŋɩɩ wɩaa, nɩalɩŋ sɩ to naasɩŋ dʋdɔgɩsɛmɛ jaŋ gɛrɛ tel, ba bɩ jaŋ yuo diimi. Ba jaŋ yuo lɔl, dɩ hɩɩsɩŋ chaasa diiba. Nɩaa bɩ jaŋ kɔ dɩ ba yʋ hɩɩsɩ-la sɩ diiba wɩaa.

JƐRƖMAAYA 30:14

Ma sɩŋŋaa kala yʋ ma wɩaa nɛ, ba bɩ ma wɩaa chɩla. Mɩ ŋmooma a nagɛ ma dʋndɔmɔ sɩ jaŋ ŋmooma ŋɩɩ nɛ, a dɔgɩsɛma a nagɛ tʋɔhɛɛ tɩɩna sɩ jaŋ ŋaama ŋɩɩ, bɛɛ wɩaa ma cheeriŋ chaasa yʋgɛ nɛ, ma wʋbɔŋŋɔɔ ma faasa yʋgɛ.

JƐRƖMAAYA 4:30

Ŋ-na Jerusalɛm, ŋ nagɛ nʋʋ ba sɩ chei ʋ kala nɛ, bɛɛ kʋŋ nɛ ŋ ŋɩŋaa? Bɛɛ nɛ tɩɩ ŋ laalɛ gɛrɩ-fɩɛsɩŋ, a hɛ sɛlɩmɛ kpɩɛraa? Bɛɛ nɛ tɩɩ ŋ tuuri ŋ sɩaa ŋŋgbensi? Ŋ magɩla kpɩɛrɛ ŋ tɩtɩa pɛɩ nɛ. Ŋ hɩɩlaba mɩɩsɩŋ fɩɩŋ nɛ. Baa chɛ ba lɩɩsɛ ŋ mɩɩsɩŋ nɛ.

JƐRƖMAAYA 5:13

Wɩa wʋlaabʋlla-la wʋbʋlaa kala ŋaa peliŋ nɛ, ba bɩ wɩɩkala kɛnɛ. Ba wʋbʋlɩa-la jaŋ gʋra diiba.”

JƐRƖMAAYA 7:19

Mɩ-na baanɩŋ lɛ dee ba didii. Ba tɩtɩa nɛ ba dʋdɔgɩsɛ, a hɩhɩɩsɛ ba tɩtɩa ma. Mɩ-na ma TƖƖNA nɛ bʋla.

HOSIA 12:1

Efirem daa to peliŋ harɩŋ nɛ dɩ ʋ dɩɛsʋ, ʋ yie kire to peliŋ sɩ lɩɩ wɩɩpɔsʋŋ harɩŋ tapʋl-piliŋ kala, a nyɩnyɩɛ wɩaa kɩŋkɛŋ kɩŋkɛŋ a hɩhɛ yuosuŋ. Ʋ dɩ Asiiria tɩŋŋaa nɛ pɛ niiŋ a kɛŋ olif nʋʋŋ mʋ Ijipiti tinteeŋ.

HOSIA 13:15

Efirem pʋŋa yʋgɛ nɛ woruŋ ʋ naambiiriŋ tʋɔŋ, ama La TƖƖNA jaŋ leŋ dɩ peliŋ lɩɩ wɩɩpɔsʋŋ dɩɩrɩŋ a kɔ a lu lɩɩ tintee-hɩlɩŋ, dɩ ʋ lɩɩ-bul-sɩɩŋ tɔ, dɩ ʋ viliŋ ma hɩl. Ba jaŋ jʋʋ dii ʋ chʋgʋsʋŋ dɩa a paa dʋa-la kala ʋ sɩ bile.

HOSIA 4:19

Pel-vinvilimiŋ jaŋ paaba kaa viiri dɩ ba vʋɩ-kpaarɩŋ ma leŋ dɩ hɩɩsɩŋ diiba.”

ZƐKARƖYA 11:17

Wɩɩŋ puu pie-daarɩ-tɔɔ-la sɩ vɩa piese-la ta. Ba jaŋ joŋ tokobiiŋ ta ʋ nɩsɩŋ lɛ, a tɔɔ ʋ nadiiŋ sɩɩŋ. A leŋ dɩ ʋ nɩsɩŋ sʋʋ, dɩ ʋ nadiiŋ sɩɩŋ ma nyʋlɩmɛ.”

ZƐKARƖYA 11:8

Mɩ kiri pie-daaraa batori chɛŋ bala tʋɔŋ. Piese-la bɛrɛmɛ, mɩ lɔl ba wɩaa