JƐRƖMAAYA 22:21 - WƖA TENIŊ

²¹ Mɩ chagɩlɛma nɛ bʋa-la lɛ wɩaa fa sɩ vɛŋ woruŋ aa pɩma, ama ma sɩ, ‘La bɩ jaŋ jegile nɩɩ.’ Ŋɩɩ nɛ ma nagɛ ma hambiriŋ kala lɛ, ma bɩ mɩ niiŋ sɛyɛ.

JƐRƖMAAYA 22:21 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 33:10

La TƖƖNA kpʋrɩsɛ Manasɛ arɩ ʋ nɩaa dɩgɩlaa, ama ba bɩ jegile nɩɩ.

WƖA YƖƖLAA 129:1

Ba dɔgɩsɛmɛ nɛ woruŋ mɩ bapʋɔsʋŋ kala lɛ, má leŋ dɩ Iziral tɩŋŋaa bʋl,

NAMAGABA 30:9

Dɩ ŋɩɩ dee, ka dɩ mɩ kɛŋ kɩaa yʋgɛ, mɩ jaŋ wuo vɩaŋ aŋ pɩɛsɛ, ‘Kʋbɛɛ nɛ ŋaa La Tɩɩna?’ Koo mɩ jaŋ ŋaa summu a gaa, a chei ŋ-na mɩ Wɩa yɩrɩŋ.”

AZAAYA 48:8

Ma bɩ wɩalɩŋ nɩa, ma bɩ ba bʋbʋɔŋ ma jɩŋ. Faafaa kala ma dɩgɩlaa yuŋŋie nɛ. Ma ŋaa nɩaa sɩ bɩ dagɩŋ ka nɩɩ nɛ a lɩɩ ma hambiiriŋ kala lɛ.

JƐRƖMAAYA 13:10

Nɩbɔŋŋɔɔ deemba sɩ vɩa dɩ ba jegile nɩɩ mɩ wɩaa, nɩalɩŋ sɩɩ to ba nyuduoŋ harɩŋ, a kire tuto vʋɩyaa harɩŋ a tɩma pɩpɩba a kpʋkpaarɛba jaŋ nagɛ tɩŋgɛnnɛ deeŋ. Ba jaŋ chei a chaasa ŋaa nɩpɛɩba.

JƐRƖMAAYA 19:15

“Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Má jegile nɩɩ, mɩ jaŋ kɛŋ wʋlɔrʋnʋ-la mɩ sɩ daga a kʋ hɛ tabalɩŋ deeŋ arɩ tabiisi-la kala sɩ gollu lɛ, bɛɛ wɩaa ba kɛŋ nyuduoŋ nɛ a bɩ chɛ ba jegile nɩɩ mɩ niiŋ wɩaa.’ ”

JƐRƖMAAYA 2:25

Má sɩ́ fá dɩ ma naasɩŋ dii dɛrɛ, dɩ ma yikorusuŋ ma hɩl. Ama, ma fa sɩ, ‘La bɩ jaŋ wuo mɩɩrɛ harɩŋ, la cho tintee-wogusuŋ vesiŋ nɛ. La jaŋ to ba harɩŋ.’

JƐRƖMAAYA 2:31

Iziral tɩmma, má jegile nɩɩ wɩɩ-la mɩ sɩɩ pɩɛsɛma: Mɩ wɩaa hɛyɛ ma teeŋ a nagɛ tintee-hɩlɩŋ wɩaa sɩ hɛyɛ ŋɩɩ nɛ, koo mɩ wɩaa lɔrɛ ma teeŋ a nagɛ birimiŋ wɩaa sɩ lɔrɔ ŋɩɩ nɛ? Bɛɛ nɛ saa tɩɩ ma bʋl: La laa la tɩtɩa nɛ ŋ nɩsɩŋ lɛ dɩ la gɔllɔ ta jɩa, a bɩra bɩ jaŋ mɩɩra kɔ ŋ teeŋ?

JƐRƖMAAYA 25:3

Jɩsɩŋ mara arɩ batori sɩ bala, a chɩŋ Amɔŋ nanʋala Josaaya sɩ dii Juda tinteeŋ kuoruŋ ʋ jɩsɩŋ fii arɩ batori lɛ a kaa kɔ jɩnɩŋ, La TƖƖNA bʋl wɩaa pɩmɛ nɛ. Mɩ ma laa bʋla pɩma bʋlɩa bʋlɩa, ama ma bɩ jegile nɩɩ.

JƐRƖMAAYA 25:4

La TƖƖNA tɩŋ ʋ wʋlaabʋllaa sɩ ŋaa ʋ tɩntɩnnaa ba kɔ ma teeŋ bʋlɩa bʋlɩa nɛ, ama ma bɩ jegile nɩɩ ba teeŋ koo a kɛŋ wɩalɩŋ ba sɩ bʋla tɩŋ.

JƐRƖMAAYA 25:7

La TƖƖNA sɩ, “Ama ma bɩ jegile nɩɩ mɩ teeŋ, aŋ kɛŋ kɩalɩŋ ma sɩ kɛŋ ma nɩsɩŋ ŋaa, a ŋaa a leŋ mɩ baanɩŋ sii a lɛrɛ wʋbɔŋŋɔɔ kʋ hɛ ma tɩtɩa lɛ.”

JƐRƖMAAYA 25:8

Ŋɩɩ wɩaa, La TƖƖNA doluŋ kala Tɩɩna sɩ, “A tɩŋ ma sɩ bɩ jegile nɩɩ mɩ niiŋ wɩaa,

JƐRƖMAAYA 3:24

A chɩŋ la hambiriŋ kala lɛ a kaa kɔ, vʋɩyaa sɩ ŋaa hɩɩsɩ kɩaa dii la naabalɩmaba lɔlʋŋ kala a ta nɛ: ba piesee, nɛsɩŋ, ba hambolibiisiŋ arɩ hantolibiisiŋ.

JƐRƖMAAYA 3:25

Má leŋ la yaara kɛŋ la hɩɩsɩŋ pɩŋ, a leŋ la hɩɩsɩŋ diila. La ŋaa wʋbɔŋ nɛ La TƖƖNA Wɩa lɛ, la dɩ la naabalɩmaba kala. A chɩŋ la hambiiriŋ lɛ a kaa kɔ jɩnɩŋ, la bɩ La TƖƖNA Wɩa niiŋ to.”

JƐRƖMAAYA 32:30

Iziral tɩŋŋaa arɩ Juda nɩaa hambiiriŋ kala lɛ a kaa kɔ ŋ-la, ba bɩ wʋzɔŋ kala ŋaa mɩ sɩɩŋ lɛ, see wʋbɔŋ. Wʋtɩtɩɩ, Iziral tɩŋŋaa bɩ wʋzɔŋ kala ŋaa, ba mɩɩra kɛŋ vesi-la ba tɩtɩa sɩ ŋaa nɛ a leŋ mɩ baanɩŋ sii. Mɩ-na ma TƖƖNA nɛ bʋla.

JƐRƖMAAYA 35:15

Mɩ tɩŋ mɩ wʋlaabʋllaa kala ma teeŋ nɛ bʋlɩa bʋlɩa. Ba bʋla pɩma, ‘Ma kʋŋkala maga ma bɩrɩma lɩɩ ma wʋbɔŋŋɔɔ lɛ nɛ, a bɩrɩmɛ ma wʋŋaalaa. Má sɩ́ vesiŋ to, dɩ ma nɛ ŋaa ŋɩɩ, ma jaŋ hɔŋ tintee-la mɩ sɩ joŋo pɩ ma dɩ ma naabalɩmaba lɛ.’ Ama ma bɩ jegile nɩɩ mɩ teeŋ koo a kaa tɩŋ.

JƐRƖMAAYA 48:11

Mʋab tɩŋŋaa hɔnɔ nɛ sɔm ba hambiiriŋ kala lɛ, a nagɛ girep nɛnɛɛ sɩnɩŋ sɩ fɩɛla tele pɩŋ, ba bɩ ʋ bɩsa lɩɩ pupoiŋ dɔŋɔ a hɩhɛ dɔŋɔ lɛ. Ʋ ha bɩ yoŋ-baga mʋa. Ʋ sɩma bɩ lɩa, ʋ sʋɔra ma bɩ bɩrɩma.”

JƐRƖMAAYA 6:16

Wɩɩ-la La TƖƖNA sɩ bʋla nɛ ŋ-la: “Má chɩŋ wɛŋ-chɛŋŋɛɛ lɛ aŋ beŋ, má pɩɛsa chɛ a jɩŋ wombii-bɩnɩa-la, má pɩɛsa na lee-la wombii-zɔŋ-la sɩ hɛ, a tou, dɩ ma dɩnsɩŋ na wiese. Ama ma sɩ, ‘La bɩ jaŋ tou.’

ƐZƖKƖƐL 20:13

Ama Iziral tɩŋŋaa fa ha vɩa mɩ niiŋ nɛ tintee-hɩlɩɩ-la lɛ. Ba fa vɩa mɩ wombie-la mɩ sɩ bile dɩ ba tuto arɩ wɩalɩŋ mɩ sɩ dagɛba nɛ, wɩalɩŋ nʋʋ sɩ jaŋ to a kɛŋ mɩɩsɩŋ. Ba fa chaasa chei mɩ chɛ-wiesii-la nɛ. Ŋɩɩ nɛ mɩ sɩ mɩ jaŋ faasa na baanɩŋ ba nyuŋ a cheiba tintee-hɩlɩŋ lɛ.

ƐZƖKƖƐL 20:21

Ama biiri-la ma fa vɩa mɩ niiŋ nɛ: Ba bɩ mɩ wombiee arɩ mɩ niiŋ wɩalɩŋ dɔnsʋŋ mɩ fa sɩ dagɛba to, wɩalɩŋ nʋʋ sɩ jaŋ to a kɛŋ mɩɩsɩŋ. Ba fa chaasa chei mɩ chɛ-wiesii-la nɛ. Ŋɩɩ nɛ mɩ fa sɩ mɩ jaŋ faasa na baanɩŋ ba nyuŋ a cheiba tintee-hɩlɩŋ lɛ.

ƐZƖKƖƐL 20:28

Bʋa-la lɛ mɩ sɩ kɛmba kʋ jʋʋ tintee-la mɩ fa sɩ hɛ niiŋ arɩ mɩ jaŋ joŋo pɩba, dɩ ba nɛ na dundolo kala koo tɩɩ-lugu kala nɩmɛ, ba yie kpʋkpaarɛ vʋɩyaa nɩmɛ nɛ. Ba yie joŋ kɩaa pɩpɩba, a nyɩnyɩgɛ kʋsʋɔrʋsʋŋ sʋɔra sɩ sɩma a ŋaa kʋnyʋalaa pɩpɩba a ŋaa mɩ baanɩŋ sii.

ƐZƖKƖƐL 20:8

Ama ba vɩa mɩ niiŋ nɛ a bɩ jegile nɩɩ mɩ teeŋ. Ba bɩ tɔmɔ-la sɩ ŋaa disiŋ kɩa ka ba choba joŋo ta, ba bɩra bɩ Ijipiti tɩŋŋaa tɔŋŋɔɔ ma leŋe. Ŋɩɩ nɛ mɩ sɩ mɩ jaŋ na baanɩŋ ba nyuŋ a ŋaa baaŋ wɩaa ba lɛ Ijipiti tintee-la lɛ.

ZEFANAAYA 3:2

Ʋ bɩ nʋʋkala niiŋ ka nɩɩ. Ʋ bɩ sɛyɛ ba dɩdagʋ. Ʋ bɩ La TƖƖNA laa dii. Ʋ bɩ sɛyɛ a mʋ kpɩkpagɛ ʋ Wɩa.

ZƐKARƖYA 7:7

Wɩɩ-la tɩtɩa mɩ-na ma TƖƖNA sɩ to mɩ wʋlaabʋlla-la sɩ laa sɩpaaŋ kɔ, bʋa-la lɛ Jerusalɛm arɩ ʋ tasɩ-la sɩ gollu fa sɩ kɛŋ nɩaa yʋgɛ ba hɔŋ sɔm a kɛŋ dʋa, a pɛ wɩɩpɔsʋŋ nadiiŋ dɩɩrɩŋ arɩ wɩɩjʋʋlʋŋ dɩɩrɩŋ dundollu-la sɩ hɛ peelee bʋbʋɔŋ a bʋl nɛ ŋɩɩ.”

MOSIS BƖRA WULLI WƖA WOMBIIŊ 31:27

Mɩ jɩma ma ŋaa nyu-duo tɩmma nɛ a bɩ dagɩŋ ka nɩɩ. Mɩ ha sɩ hɛ mɩ mɩɩsɩŋ lɛ ka ma vɩa La TƖƖNA niiŋ ŋ-la, ɛɛ nɛ ʋ jaŋ nagɛ dɩ mɩ nɛ sʋba?

MOSIS BƖRA WULLI WƖA WOMBIIŊ 9:24

Mɩ sɩ jɩmma faafaa kala, ma paala bɩ La TƖƖNA niiŋ wɩaa ka nɩɩ.

MOSIS BƖRA WULLI WƖA WOMBIIŊ 9:7

Má sɩ́ yʋ, ŋɩɩ ma sɩ leŋe ma TƖƖNA Wɩa baanɩŋ faasa sii ma nyuŋ tintee-hɩlɩɩ-la lɛ, a chɩŋ bʋa-la lɛ ma sɩ lɩɩ Ijipiti tinteeŋ lɛ a kʋ yi daha, ma vɩa ma TƖƖNA niiŋ nɛ.