JƐRƖMAAYA 22:19 - WƖA TENIŊ

¹⁹ Ba jaŋ hugu a nagɛ kaku-sʋʋŋ. Ba jaŋ lɛrʋ kaa lɩɩ Jerusalɛm lɛ a joŋu ta boi-baalaa niiŋ.

JƐRƖMAAYA 22:19 ပူးပေါင်းရင်းမြစ်များ

1 KUOROO 14:10

A tɩŋ ŋ-la wɩaa, mɩ jaŋ chei Jerobuam doho nɩaa kala. Mɩ jaŋ kpʋ ʋ doho nʋʋkala sɩ ŋaa baal, nɩhɩasɩŋ arɩ hambiisiŋ kala, yosuŋ arɩ nɩalɩŋ sɩ bɩ yosuŋ ŋaa. Mɩ jaŋ dɛrɛ Jerobuam dɩa kala arɩ ba sɩ yie nyɩgɛ nɛ-bɩnɩŋ ʋ kala dii ŋɩɩ.

2 KUOROO 23:36

Jehoyakim fa ŋaa jɩsɩŋ mara arɩ banɔŋ nɛ aŋ dii Juda tinteeŋ kuoruŋ. Ʋ hɔŋ Jerusalɛm lɛ a bemba jɩsɩŋ fii arɩ kʋbala nɛ. Ʋ naaŋ yɩrɩŋ nɛ fa Zebida, Pedaaya tolo. Ʋ lɩɩ taŋ-la ba sɩɩ yɩrɛ Ruma nɛ.

2 KUOROO 24:6

Jehoyakim sʋʋ, aŋ ka ʋ nanʋala Jehoyachiŋ dii kuoruŋ ʋ nyuŋ lɛ.

2 KUOROO 9:35

Ba sɩ mʋa dɩ ba joŋu hugi, ba bɩ ʋ jesiŋ kala na, see ʋ nyu-kuŋkogulo, ʋ naasɩŋ arɩ ʋ na-chɩgɩsɩŋ haŋgbelee.

2 IZIRAL TƖŊŊAA NAABARƖŊ 36:6

Jehoyakim kuoruŋ bʋa lɛ nɛ Babɩlɔŋ kuoro Nebukadineza kʋ yuo dii Juda tinteeŋ a kɛŋ Jehoyakim a vɔbʋ arɩ kɔlɩɩŋ chɔrʋmɔɔ a kɛnʋ mʋ Babɩlɔŋ.

TƖƖCHA 6:3

Nʋʋ jaŋ wuo kɛŋ biiriŋ zɔlɔ a hɛ dʋnɩa lɛ jɩ-daŋ, ama ʋ sɩ diene ʋ mɩɩsɩŋ lɛ a magɛ ŋɩɩ ma kala, dɩ ʋ nɛ bɩ wuo dii ʋ dʋa sɩma, ka ba bɩra bɩ ʋ woruŋ ma hugo, mɩ jaŋ bʋl arɩ bii-sʋʋŋ ba sɩ lʋla nɛ kpɩaʋ.

JƐRƖMAAYA 15:3

Mɩ jaŋ joŋ wɩaa banɛsɛ sɩ jaŋ cheiba a hɛ ba lɛ. Mɩ-na ma TƖƖNA nɛ bʋla. Ba jaŋ kpʋba laalɩŋ lɛ, dɩ vasɩŋ lɛrɛba kaa viiri, dɩ zaaraa arɩ baga kɩaa diiba, a kɛmba chei.

JƐRƖMAAYA 36:30

Ŋɩɩ wɩaa, wɩɩ-la mɩ-na ma TƖƖNA sɩ bʋla tɩgɛ Juda kuoro Jehoyakim lɛ nɛ ŋ-la: Ʋ bɩ jaŋ kɛŋ nʋʋ sɩ jaŋ hɔŋ Devit kuoru kpasa-la nyuŋ. Ba jaŋ joŋ ʋ kʋsʋʋŋ yuo ta dɩ wɩa kpʋʋ wɩɩhɛyɛ, dɩ nyalɩŋ ma nyala kɛnʋ tɩtaŋɩŋ.

JƐRƖMAAYA 36:6

Ŋɩɩ wɩaa, mʋ La TƖƖNA dɩɩ-bal-la tapʋlɩɩ-la ba sɩɩ vɔɔ niiŋ, a karɩmɛ La TƖƖNA niiŋ wɩalɩŋ mɩ sɩ bʋla ŋ ŋmʋnsɛ. Karɩmɛba a pɩ Juda nɩalɩŋ kala sɩ lɩɩ ba tasɩŋ kɔ.

JƐRƖMAAYA 8:2

Ba jaŋ kɛmba yieni dɩ wɩɩpɔsʋŋ, chɛnɛ arɩ chɛnwʋlaa kala sɩ hɛ wɩa-nyuŋ chaana hɛ ba lɛ. Nɩalɩŋ fa cho kɩaa deemba nɛ a tɩma pɩpɩba. Ba faa toba nɛ a pɩɛsɛba chɩchɛ dɩ ba na wɩaa a kpʋkpaarɛba. Nʋʋ bɩ jaŋ kuri haŋgbele-la hɛ dɔŋɔ a hugi, ama ba jaŋ lemba ta dɩ ba pɩŋ tinteeŋ a nagɛ nʋsʋrʋŋ.

ƐZƖKƖƐL 19:8

Ŋɩɩ nɛ tinteye-la nɩaa vʋʋrɛ a sii chɩŋ ʋ lɛ dɩ ba yuou, nɩaa lɩɩ sɛmɛ na-kala a kʋ gollu chu. Ba yuo ba jomba a bɛrɛ kɛnʋ.

ƐZƖKƖƐL 39:5

Ma jaŋ sʋʋ pɩŋ ŋmaŋkaaŋ nyuŋ. Mɩ-na ma TƖƖNA Wɩɩjarɩbakɔ nɛ bʋla.