JƐRƖMAAYA 22:18 - WƖA TENIŊ

¹⁸ Ŋɩɩ wɩaa, wɩɩ-la La TƖƖNA sɩ bʋla tɩgɛ Juda kuoro Jehoyakim sɩ ŋaa Josaaya nanʋala lɛ nɛ ŋ-la: “Nɩaa bɩ jaŋ yel ʋ lɛ a bʋl, ‘La naambii baa!’ Ba bɩ jaŋ yel ʋ lɛ a bʋl, ‘La kʋhɩaŋ baa!’

JƐRƖMAAYA 22:18 ပူးပေါင်းရင်းမြစ်များ

2 SAMƲƐL 1:26

Jonataŋ, mɩ naambii, mɩɩ yel ŋ lɛ nɛ. Mɩ fa choŋ nɛ woruŋ. Ŋ ma fa chomi nɛ woruŋ, a kɩɩ haala sɩ cho ʋ bala.

1 KUOROO 13:30

Ʋ joŋu hugi ʋ tɩtɩa bʋa lɛ, aŋ yel a bʋl, “Mɩ naambii ba.”

2 KUOROO 23:36

Jehoyakim fa ŋaa jɩsɩŋ mara arɩ banɔŋ nɛ aŋ dii Juda tinteeŋ kuoruŋ. Ʋ hɔŋ Jerusalɛm lɛ a bemba jɩsɩŋ fii arɩ kʋbala nɛ. Ʋ naaŋ yɩrɩŋ nɛ fa Zebida, Pedaaya tolo. Ʋ lɩɩ taŋ-la ba sɩɩ yɩrɛ Ruma nɛ.

2 KUOROO 23:6

Ʋ jʋʋ joŋ veŋ-haal-la ba sɩɩ yɩrɛ Asɩra daaŋ sɩ hɛ Wɩa dɩɩ-bal-la lɛ a kaa mʋ Kɩdɩrɔŋ fuonaa-la sɩ hɛ Jerusalɛm harɩŋ a nyɩgɛ, a paa nɔŋ ba bɩɩ ʋ joŋo mɩsɛ ba sʋʋnʋŋ dɩ-huguŋ.

2 KUOROO 24:6

Jehoyakim sʋʋ, aŋ ka ʋ nanʋala Jehoyachiŋ dii kuoruŋ ʋ nyuŋ lɛ.

1 IZIRAL TƖŊŊAA NAABARƖŊ 3:15

Josaaya hambolibiisiŋ nɛ: Johanaŋ ʋ bii-hɩaŋ, Jehoyakim ʋ bii-lɩa, Zedikaaya ʋ bii-tori, Salum ʋ bii-nɛsɛ.

2 IZIRAL TƖŊŊAA NAABARƖŊ 35:25

Ŋɩɩ nɛ Jɛrɩmaaya ta jeŋ-biiŋ a pɩ Josaaya. Arɩ jɩnɩŋ kala gɔgʋ-baalaa arɩ haalaa ha yie ta jeŋ-bii-la nɛ a liliisi Josaaya wɩaa. Ba ŋmʋnsɛ jeŋ-biiŋ deeŋ hɛ ba jeŋ-biee tʋɔŋ nɛ.

2 IZIRAL TƖŊŊAA NAABARƖŊ 36:5

Jehoyakim fa ŋaa jɩsɩŋ mara arɩ banɔŋ nɛ aŋ dii Juda tinteeŋ kuoruŋ. Ʋ hɔŋ Jerusalɛm lɛ a bemba jɩsɩŋ fii arɩ kʋbala. Ʋ fa ŋaa wʋbɔŋŋɔɔ nɛ ʋ TƖƖNA Wɩa teeŋ.

JƐRƖMAAYA 16:4

“Nyanyal bɔŋŋɔɔ jaŋ kpʋba. Ba bɩ jaŋ hugiba koo a yel ba yoho. Ba jaŋ nagɛ nʋsʋrʋŋ a pɩŋ tinteeŋ. Ba jaŋ kpʋ dɔnsʋŋ laalɩŋ lɛ, dɩ losuŋ ma kɛŋ dɔnsʋŋ dɩ ba sʋʋ. Ba kʋsʋʋnʋŋ jaŋ bɩrɩmɛ zaaraa arɩ baga kɩaa kʋdiilee.”

JƐRƖMAAYA 16:6

Nɩbalaa arɩ nɩbiisiŋ kala jaŋ sʋʋ tinteeŋ deeŋ lɛ. Ba bɩ jaŋ hugiba koo a yel ba yosuŋ. Nʋʋkala bɩ jaŋ tɩŋ ba wɩaa a kpɛrɛ ʋ tɩtɩa koo a fʋŋ ʋ nyuŋ.

JƐRƖMAAYA 21:11

Bʋla pɩ Juda kuoro dɩa nɩaa ma, “Má jegile nɩɩ mɩ-na ma TƖƖNA niiŋ wɩaa.

JƐRƖMAAYA 22:10

Juda nɩaa, má sɩ́ yele pɩ kuoru-la sɩ sʋba koo sɩ tuo. Ama má yel woruŋ a pɩ nɩɩ-la ba sɩ kaa mʋ yoŋ-baga, bɛɛ wɩaa ʋ bɩra bɩ jaŋ mɩɩra kɔ a na tintee-la lɛ ba sɩ lʋlʋ.

JƐRƖMAAYA 22:12

Ʋ jaŋ sʋʋ lee-la ba sɩ yuo kɛnʋ mʋ, ʋ bɩra bɩ jaŋ na tinteeŋ deeŋ.

JƐRƖMAAYA 34:5

Ŋ jaŋ sʋʋ fɛlɛlɛ. Ba sɩ hɛ yoho nyiniŋ a zil ŋ nyɩmmaba ŋɩɩ, nɩalɩŋ sɩ laa sɩpaaŋ a dii kuoruŋ aŋ ka pɩŋ, ŋɩɩ tɩtɩa nɛ ba jaŋ hɛ ŋ ma yoho nyiniŋ a ziliŋ a yel ŋ lɛ a bʋl, ‘Ou la nɩhɩaŋ.’ Mɩ-na ma TƖƖNA tɩtɩa nɛ hɛ niiŋ deeŋ, mɩ nɛ bʋla.”

JƐRƖMAAYA 36:30

Ŋɩɩ wɩaa, wɩɩ-la mɩ-na ma TƖƖNA sɩ bʋla tɩgɛ Juda kuoro Jehoyakim lɛ nɛ ŋ-la: Ʋ bɩ jaŋ kɛŋ nʋʋ sɩ jaŋ hɔŋ Devit kuoru kpasa-la nyuŋ. Ba jaŋ joŋ ʋ kʋsʋʋŋ yuo ta dɩ wɩa kpʋʋ wɩɩhɛyɛ, dɩ nyalɩŋ ma nyala kɛnʋ tɩtaŋɩŋ.