JƐRƖMAAYA 22:17 - WƖA TENIŊ

¹⁷ Ama ŋ sɩaa arɩ ŋ tʋɔŋ kala hɛ gɩrɩma dii lɛ nɛ, a kpʋkpʋ nɩaa sɩ bɩ wɩɩ cheye a dʋdɔgɩsɛ nɩaa, aŋ pɛ kɛŋ nɩaa kɩaa lɩlaa.”

JƐRƖMAAYA 22:17 ပူးပေါင်းရင်းမြစ်များ

1 KUOROO 21:19

Bʋla pʋ arɩ mɩ-na ma TƖƖNA sɩ, ‘Ŋ kpʋ nʋʋ nɛ aŋ laa ʋ dʋa. Lee-la vasɩŋ sɩ lenni Nabɔf chalɩŋ, nɩmɛ nɛ vasɩŋ jaŋ lenni ŋ ma chalɩŋ.’ ”

2 KUOROO 23:37

Ʋ fa ŋaa wʋbɔŋŋɔɔ nɛ La TƖƖNA teeŋ, arɩ ʋ naabalɩmaba fa sɩ ŋaa ŋɩɩ.

2 KUOROO 24:4

a wasa nyaŋ nɩalɩŋ kala sɩ bɩ wɩɩ cheye, aŋ ka Manasɛ kpʋba. La TƖƖNA fa bɩ cho dɩ ʋ joŋ wɩɩ-la chɛʋ.

2 IZIRAL TƖŊŊAA NAABARƖŊ 36:8

Wɩalɩŋ dɔnsʋŋ Jehoyakim fa sɩ dii kuoruŋ Juda tinteeŋ lɛ a ŋaa, wʋkɩsɩa-la ʋ sɩ ŋaa arɩ wɩalɩŋ kala ʋ sɩ ŋaa chei, ba kala nɛ ba ŋmʋnsa hɛ Iziral arɩ Juda tinteeŋ kuoroo wʋŋaalaa teniŋ tʋɔŋ. Jehoyakim sʋʋ, aŋ ka ʋ nanʋala Jehoyachiŋ dii kuoruŋ ʋ nyuŋ lɛ.

JOB 31:7

Dɩ mɩ nɛ yeŋŋe Wɩa wombiiŋ lɛ, dɩ mɩ nɛ joŋ mɩ tʋɔbɩɩnaa hɛ mɩ sɩaa wʋchooloo lɛ, koo dɩ mɩ nɛ ŋaa wʋbɔŋ dɔŋ,

WƖA YƖƖLAA 10:3

Wʋbɔmɔ-la leŋe ba bibigisi ba tɩtɩa lɛ nɛ. Tʋɔ-bɔŋ tɩŋŋaa vɩa La Tɩɩna nɛ a chichei ʋ yɩrɩŋ.

MOSIS KƐŊ IZIRAL TƖŊŊAA LƖƖ 18:21

Ama tʋɔsɛ baalaa sɩ kaasa nɩalɩŋ tʋɔŋ, nɩalɩŋ sɩɩ fá Wɩa a kɛŋ wʋtɩtɩɩ a bɩ gɩrɩma ka dii. Chaarɛba dɩ ba ŋaa kʋhɩasɩŋ, dɩ dɔnsʋŋ bibeŋ nɩaa bʋɩba, dɔnsʋŋ ma bibeŋ nɩaa zɔlɔba, dɩ dɔnsʋŋ ma bibeŋ nɩaa mahɩŋ balɩa arɩ fiiba, dɩ dɔnsʋŋ maa beŋ nɩaa fiiba.

NAMAGABA 24:2

Ba tʋɔbɩɩnaa nɛ dɩ ba chɩchɛ nɩaa niiŋ lɛ, a bʋbʋl ŋɩɩ ba sɩ jaŋ hɛ nɩaa wɩaa lɛ.

AZAAYA 56:11

Ba nagɛ vasɩŋ sɩ kɛŋ luobiiŋ kɩŋkɛŋ nɛ, ba yie dii kɩaa ba bɩ vɔgɛ. Ba ŋaa sɩpaalaaraa sɩ bɩ wɩaa bʋbʋɔŋ jɩŋ nɛ. Ba kʋŋkala yie ŋɩŋaa ŋɩɩ ʋ sɩ cho nɛ, a tuto ba dʋndʋŋa tʋɔtɔrʋŋ harɩŋ.

JƐRƖMAAYA 17:11

A nagɛ yoho sɩ bɩ halaa lo, aŋ pɛŋ hala-la nyuŋ a tiesi, ŋɩɩ tɩtɩa nɛ nɩɩ-la sɩ ŋmʋrɛ nɩaa a dʋa kɩaa nagɛ. Dɩ ʋ nɛ yi ʋ jɩsɩŋ kpaa magɛ dɔŋɔ, ʋ dʋa-la jaŋ lɛl. Dɩdɛrɩŋ kala, ʋ jaŋ jɩŋ arɩ ʋ ŋaa nɩyaarɩ nɛ.

JƐRƖMAAYA 19:4

Ba vɩamɛ nɛ aŋ kɛŋ leriŋ deeŋ bɩrɩmɛ vesiŋ lee. Ba kpʋ pʋsʋŋ a nyɩga pɩ vesiŋ ba-na koo ba naabalɩmaba koo Juda kuoroo ha sɩ bɩ jɩŋ. Ba kpʋ nɩaa sɩ bɩ wɩɩ cheye nɛ a chei leriŋ deeŋ kala.

JƐRƖMAAYA 22:3

wɩɩ-la mɩ-na ma TƖƖNA sɩ bʋla nɛ ŋ-la: Má kɛŋ wʋtɩtɩɩ a ŋaa wɩaa ba bʋa lɛ. Má lorigo laa nɩɩ-la ba sɩ nyaga bil ta nɩɩ-la sɩɩ gʋrʋ nɩsɩŋ lɛ. Má sɩ́ wʋbɔŋ koo yuosu wɩɩ ŋaa nʋhʋɔrʋ koo biisime koo yo-haala lɛ. Má sɩ́ nʋʋ ma sɩ bɩ wɩɩ ŋaa chei kpʋ leriŋ deeŋ.

JƐRƖMAAYA 6:13

“Ba nɩbiisiŋ arɩ ba nɩbalaa kala kɛŋ yarɩ-bieriŋ nɛ a chɩchɛ kɩaa. Mɩ wʋlaabʋllaa arɩ Wɩɩsʋllɩ sɩpaalaaraa ma nagɛ ŋɩɩ tɩtɩa nɛ, a kala nyɩnyɩsɛ nɩaa.

JƐRƖMAAYA 6:6

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Má keri Jerusalɛm tɩɩsɩŋ lo, a saa lusuŋ-choluŋ yelli ʋ kɛrɩsɩŋ. Ʋ maga mɩ dɔgɩsɛ tabalɩŋ deeŋ nɩaa nɛ, bɛɛ wɩaa ba wʋrɩgɛ nɩaa nɛ kɩŋkɛŋ ʋ lɛ.

JƐRƖMAAYA 7:6

dɩ ma nɛ bɩ nʋhʋɔraa, biisinsiŋ arɩ yo-haalaa ka wʋrʋgɛ, a bɩ nɩaa sɩ bɩ wɩɩ cheye maa kpʋ tinteeŋ deeŋ lɛ, a bɩ vesiŋ sɩ jaŋ ŋaama wʋbɔŋ harɩŋ ka to,

JƐRƖMAAYA 8:10

Ŋɩɩ wɩaa mɩ jaŋ laa ba haalaa pɩ ba-wogusuŋ, ka dɩ nɩtanɩa ma laa ba bagɩsɩŋ tɩɩ. Ba nɩbiisiŋ arɩ ba nɩbalaa kala kɛŋ yarɩ-bieriŋ nɛ a chɩchɛ kɩaa. Mɩ wʋlaabʋllaa arɩ Wɩɩsʋllɩ sɩpaalaaraa ma nagɛ ŋɩɩ tɩtɩa nɛ a kala nyɩnyɩsɛ nɩaa.

ƐZƖKƖƐL 18:12

Ʋ yie nyagɛ summoo arɩ nɩalɩŋ sɩ bɩ ba tɩtɩa lɛ wuo pɛ bil, a kɛŋ nɩaa kɩaa lɩlaa arɩ doluŋ. Dɩ nʋʋ nɛ dii ʋ chɩmɩŋ aŋ joŋ kʋŋ bil bʋbʋɔŋ, ʋ bɩra bɩ kʋ-la joŋo pɩpɩ tɩɩna. Ʋʋ kpaarɛ tɔŋŋɔɔ a ŋɩŋaa wɩalɩŋ mɩ sɩɩ kɩsʋ.

ƐZƖKƖƐL 19:6

Ʋ ma guoli naachigee dɔnsʋŋ tʋɔŋ a bɩbagɩlɛ, bɛɛ wɩaa ʋ ŋaa naachigi-duo nɛ. Ʋ ma gʋnnɛ kɩaa kpʋ diiniŋ a didii nuhuobiinee.

ƐZƖKƖƐL 19:7

Ʋ chei tinteye-la sɩ kpagʋ nɩaa dɩ-duoruŋ, ka ba tabalaa pɩŋ jikpeeŋ. Ʋ huoso leŋ fawʋllʋŋ kɛŋ nʋʋkala sɩ hɛ tintee-la lɛ.

ƐZƖKƖƐL 19:9

Ba bɩra kɛŋ gbɩamba nɛ a kɛŋ ʋ ma, a lɛrʋ mʋ hɛ kʋa ba sɩ kpaasa tɔ lɛ, a kɛnʋ kaa mʋ Babɩlɔŋ kuoro teeŋ, ba kɛnʋ tɔ dɩa. Ŋɩɩ lɛ nɛ ba bɩra bɩ ʋ huoso nɩa Iziral peelee nyuŋ.

ƐZƖKƖƐL 22:6

Bee na Iziral nɩaa sɩpaalaara-la sɩ hɛ ŋ lɛ sɩ kɛŋ ba doluŋ a kpʋkpʋ nɩaa ŋɩɩ.

ƐZƖKƖƐL 33:31

Mɩ nɩaa jaŋ yʋgɛ a kɔ ŋ teeŋ dɩ ba jegile nɩɩ ŋ niiŋ wɩaa, ama ba bɩ jaŋ kɛmba tɩŋ. Ba niiree yie bʋbʋl wʋzɔŋŋɔɔ nɛ, ama ba tʋɔŋ bɔmɔ a gɩrɩma lɩlaa nɩaa kɩaa.

MƖKA 2:2

Ba nɩɩ chɛ nɩaa bagɩsɩŋ, ba yie kaa laa nɛ. Ba nɩɩ chɛ dɩɩsɩŋ ma, ba kaa laa. Ba yie gɩrɩmɛ dɩa tɩɩna a laa ʋ dɩa, a kɛŋ ba dɔnsʋŋ tɩŋŋaa kɩaa lɩlaa.

MƖKA 3:10

Ma kpʋ nɩaa nɛ a saa Zaayɔŋ a ŋaa wʋbɔŋŋɔɔ ma, a saa Jerusalɛm.

ZEFANAAYA 3:3

Ʋ tɩntɩnnɩ-hɩasɩŋ ka ŋaa goŋ nɛ a nagɛ naachigee sɩɩ yel, ʋ sɩpaalaaraa ma nagɛ losuŋ sɩ kɛŋ guŋgurusuŋ dɩdaanɩŋ, ba bɩ kʋŋ die aŋ kɩka taŋ pʋpʋl.

Rom Tɩŋŋaa 1:29

Baa ŋaa wʋbɔŋ dosunuŋ kala nɛ. Ba kɛŋ nɩaa kɩaa lɩlaa, a ŋɩŋaa wʋlɔrʋnʋŋ, a kɛŋ yarɩ-bieriŋ, a kpʋkpʋ nɩaa, a yuyuo yuosuŋ, a gɩgɩrɩmɛ nɩaa, a ŋaa wɩaa jʋjʋʋ nɩaa lɛ, a bʋbʋl nɩaa wɩaa.

1 Kɔrɩntɩ Nɩaa 6:10

arɩ gaaraa arɩ tʋɔ-luŋ tɩŋŋaa, arɩ sɩ-nyʋaraa, arɩ nɩalɩŋ sɩɩ chei nɩaa yɩrɩŋ, arɩ nɩalɩŋ sɩ gɩrɩma lɩlaa dɔŋɔba kɩaa, nɩaa deemba kʋŋkala bɩ jaŋ wuo jʋʋ Wɩa kuorii-la tʋɔŋ.

Koloosi Nɩaa 3:5

Ʋ maga dɩ ma kpʋ dʋnɩa wɩalɩŋ kala sɩ hɛ ma lɛ a ta nɛ. Ba nɛ ŋ-la: Wʋlɩɩlɩŋ ŋaanɩŋ, disiniŋ ŋaanɩŋ, yaraa wʋchooloo, wʋbɔŋŋɔɔ bɩɩnɩŋ, tʋɔ-luŋuŋ. Tʋɔ-luŋuŋ-na paala nagɛ vʋɩ-kpaarɩŋ nɛ.

JOSUA 7:21

Kɩalɩŋ la sɩ yuo laa tʋɔŋ, mɩ na Babɩlɔŋ tɩŋŋaa gɛrɩ-zɔŋ kʋbala nɛ a joŋ, arɩ warɩpʋla yuŋuŋ sɩ yi kilo balɩa arɩ mʋa a pɛ sɛlɩmɛ yuŋuŋ sɩ yi kilo kpaa magɛ dɔŋɔ lɛ. Kɩaa deemba nɛ mɩ na mɩ sɩɩŋ jʋʋba mɩ lʋara paa. Ba nɛ mɩ joŋo hugi mɩ lɛbɩŋ tʋɔŋ, a leŋ warɩpʋla-la hɛ bʋbʋɔŋ.”

2 Pɩɩta 2:14

Bʋa na-kala lɛ dɩ ba nɛ na haal, ba yie chɛʋ nɛ ba tʋɔŋ lɛ. Ba-na bɩ lɔl arɩ wʋbɔŋŋɔɔ ŋaanɩŋ. Ba yie nyɩnyɩsɛ nɩalɩŋ sɩ bɩ Wɩa wɩaa lɛ chɩna kpaŋ kpaŋ dɩ ba ŋaa wʋbɔŋ. Ba ŋaa tʋɔ-luŋ tɩmma nɛ. Wɩa kalɩba hɛ ba lɛ nɛ.

2 Pɩɩta 2:3

Wʋnyɩɛrɩ kerichi deemba jaŋ kɛŋ tʋɔ-luŋuŋ. Ba jaŋ kɛŋ nii-sɩma a nyɩnyɩsɛma a lɩlaa ma kɩaa ma. Faafaa kala nɛ Wɩa dagɛ arɩ ʋ jaŋ dii nɩaa deemba doho sarɩya. Nɩɩ-la sɩ jaŋ cheiba bɩ doŋ pɩna.

1 SAMƲƐL 8:3

Ama ʋ biiriŋ deemba wʋŋaalaa fa bɩ ba nyɩmma wombiee lɛ to. Ba mɩɩra chɩl kɩaa wɩaa nɛ, aa gʋrɛ nɩaa, a lɩlaa kpalaa a bɩ wʋtɩtɩɩ ka bʋl.