JƐRƖMAAYA 22:15 - WƖA TENIŊ

¹⁵ Dɩ ŋ nɛ kɛŋ kuolo daasɩŋ saa dɩɩsɩŋ, ŋɩɩ daga arɩ ŋ ŋaa kuoru nɛɛ? Ŋ nyɩmma fa kɛŋ kʋdiilee arɩ kʋnyʋalaa yʋgɛ nɛ woruŋ, ama ʋ fa ŋaa wɩaa ba bʋa lɛ nɛ arɩ wʋtɩtɩɩ, ŋɩɩ nɛ wɩaa vɛŋ woruŋ a pʋ.

JƐRƖMAAYA 22:15 ပူးပေါင်းရင်းမြစ်များ

2 SAMƲƐL 8:15

Devit fa dii kuoruŋ Iziral tinteeŋ kala lɛ nɛ, a ŋaa wɩaa ba bʋa lɛ a pɩpɩ ʋ nɩaa kala.

1 KUOROO 10:9

Mɩɩ dɛnnɛ ŋ Tɩɩna Wɩa, ʋ tʋɔŋ sɩ tɔrɛ ŋ nyuŋ, ʋ leŋ ŋ dii Iziral tɩŋŋaa kuoruŋ. A tɩŋ La TƖƖNA sɩ cho Iziral tɩŋŋaa a kaa mʋ wuu nɛ tɩɩ ʋ joŋuŋ ŋ ŋaa ba kuoro, dɩ ŋ kɛŋ wʋtɩtɩɩ arɩ tʋɔpʋla a bemba.”

2 KUOROO 22:2

Josaaya fa ŋaa wɩalɩŋ sɩɩ tɔrɛ La TƖƖNA tʋɔŋ nɛ. Ʋ fa to wɩalɩŋ kala ʋ naabalɩma Devit sɩ to nɛ, ʋ bɩ begile mʋ nadiiŋ koo nagʋa.

2 KUOROO 23:25

Kuoro-la kala sɩ laa sɩpaaŋ dii kuoruŋ Josaaya lɛ arɩ nɩalɩŋ fa sɩ to ʋ harɩŋ a dii, ba kʋŋkala fa bɩ Josaaya naga. Ʋ fa to La TƖƖNA nɛ arɩ ʋ tʋɔŋ arɩ ʋ doluŋ arɩ ʋ wɩɩ wɩɩkala, a to wɩalɩŋ kala Mosis fa sɩ ŋmʋnsa bil dɩ ba tuto.

1 IZIRAL TƖŊŊAA NAABARƖŊ 3:15

Josaaya hambolibiisiŋ nɛ: Johanaŋ ʋ bii-hɩaŋ, Jehoyakim ʋ bii-lɩa, Zedikaaya ʋ bii-tori, Salum ʋ bii-nɛsɛ.

2 IZIRAL TƖŊŊAA NAABARƖŊ 34:2

Josaaya fa ŋaa wɩalɩŋ sɩɩ tɔrɛ La TƖƖNA tʋɔŋ nɛ. Ʋ fa to wɩalɩŋ kala ʋ naabalɩma Devit sɩ to nɛ, ʋ bɩ begile mʋ nadiiŋ koo nagʋa.

2 IZIRAL TƖŊŊAA NAABARƖŊ 35:22

Ama Josaaya bɩ jegile nɩɩ wɩɩ-la Wɩa sɩ to Neko lɛ a bʋl, aŋ sii paa kɩaa laalɛ dɩ ba sɩ́ ʋ jɩŋ a mʋ Megido tintee-taala-la leriŋ dɩ ʋ yuo Neko.

2 IZIRAL TƖŊŊAA NAABARƖŊ 35:26

Wɩalɩŋ dɔnsʋŋ Josaaya sɩ dii kuoruŋ a ŋaa, a pɛ ŋɩɩ ʋ sɩ to La TƖƖNA wombiiŋ ba sɩ ŋmʋnsa bil dɩ la tuto,

NAMAGABA 20:28

Dɩ kuoro nɛ cho nɩaa a kɛŋ wʋtɩtɩɩ, wɩɩkala bɩ jaŋ walɩmʋ. Dɩ ʋ nɛ cho nɩaa, ʋ kuoruŋ jaŋ chɩŋ woruŋ.

NAMAGABA 21:3

Dɩ nʋʋ nɩɩ ŋaa wɩaa ba bʋa lɛ a kɛŋ wʋtɩtɩɩ, ŋɩɩ nɩɩ tɔrɛ La Tɩɩna tʋɔŋ a kɩɩ nʋʋ sɩ kpʋ pʋsʋŋ a ŋaa Wɩɩsʋlʋŋ pʋ.

NAMAGABA 25:5

Dɩ ba nɛ lɩɩsɛ nɩbɔmʋŋ kuoro sɩpaaŋ, wʋtɩtɩɩ jaŋ leŋ dɩ ʋ kuoruŋ chɩŋ kpaŋ kpaŋ.

NAMAGABA 29:4

Dɩ kuoro nɛ kɛŋ wʋtɩtɩɩ, ʋ jaŋ yie chɩŋ nɛ kpaŋ kpaŋ, ama nɩɩ-la sɩ cho kpalaa diiniŋ yie yigi taŋ lo nɛ.

NAMAGABA 31:9

Dii sarɩya arɩ wʋtɩtɩɩ, a bʋla laa summoo arɩ nɩalɩŋ sɩ bɩ ba tɩtɩa lɛ wuo pɛ ta.

TƖƖCHA 10:17

Tintee-la nɩaa tʋɔŋ sɩ jaŋ tɔrɛ nɛ, kuoru-bie sɩ dii ba kuoruŋ, ba sɩpaalaaraa ma ŋaa nɩa sɩɩ dii kɩaa bʋa-la sɩ maga dɩ ba dii lɛ a kɛŋ doluŋ, a jɩma kɛŋ ba tɩtɩa a bɩ bugi.

TƖƖCHA 2:24

Nuhuobiine bɩ jaŋ wuo nɩɩ sɩma kala ʋ tɩntɩŋŋaa lɛ, a pɛ ʋ sɩ na kɩaa dii aŋ nyʋa lɛ. Mɩ na dɩ wɩɩŋ deeŋ ma lɩɩ Wɩa teeŋ nɛ.

AZAAYA 3:10

Bʋla pɩ nɩalɩŋ sɩ kɛŋ tʋɔpʋla dɩ ba jaŋ kɛŋ tʋɔtɔrʋŋ, wɩaa jaŋ vɛŋ woruŋ pɩba. Ba jaŋ dii ba wʋzɔmɔ-la ba sɩɩ ŋaa nyʋʋrʋŋ.

AZAAYA 33:16

Nɩdoho deeŋ nɛ jaŋ hɔŋ sɔm a nagɛ nɩa sɩ hɛ dɩɩ-duoŋ tʋɔŋ peeliŋ nyuŋ, wɩɩkala bɩ jaŋ walɩmʋ. Ʋ jaŋ na kʋdiilee bʋa na-kala lɛ, lɩɩŋ ma bɩ jaŋ nyaa ʋ teeŋ.

AZAAYA 9:7

Ʋ kuoruŋ doluŋ arɩ ʋ fɩɛlɩŋ jaŋ pʋŋa pɩpɛ a kaa mʋ wuu, ʋ bɩ jaŋ dɛrɛ. Ʋ nɛ jaŋ hɔŋ Devit kuoru kpasa-la nyuŋ a beŋ ʋ nɩaa a kɛŋ kuorii-la woruŋ a leŋ dɩ ʋ chɩŋ kpaŋkpaŋ. Ʋ jaŋ kɛŋ wʋtɩtɩɩ arɩ tʋɔpʋla a benu a lɩɩ bʋa-la lɛ a kaa mʋ wuu. La TƖƖNA doluŋ kala Tɩɩna nyuŋ sɩ nyaasɛ wɩɩŋ deeŋ lɛ nɛ jaŋ leŋ dɩ ʋ ŋaa.

JƐRƖMAAYA 21:12

Devit doho nɩaa, wɩɩ-la mɩ-na ma TƖƖNA sɩ bʋla nɛ ŋ-la: Má to wʋtɩtɩɩ tapʋlɩɩ na-kala. Má lorigo laa nɩɩ-la ba sɩ nyaga bil ta, nɩɩ-la sɩɩ gʋrʋ nɩsɩŋ lɛ. Dɩ ŋɩɩ dee, mɩ baanɩŋ jaŋ pusi a nagɛ nyiniŋ, a tɩŋ wʋbɔmɔ-la ma sɩ ŋaa wɩaa. Nʋʋkala tuo sɩ jaŋ leŋ dɩ mɩ baaŋ-la fɩɛlɛ.

JƐRƖMAAYA 22:18

Ŋɩɩ wɩaa, wɩɩ-la La TƖƖNA sɩ bʋla tɩgɛ Juda kuoro Jehoyakim sɩ ŋaa Josaaya nanʋala lɛ nɛ ŋ-la: “Nɩaa bɩ jaŋ yel ʋ lɛ a bʋl, ‘La naambii baa!’ Ba bɩ jaŋ yel ʋ lɛ a bʋl, ‘La kʋhɩaŋ baa!’

JƐRƖMAAYA 22:3

wɩɩ-la mɩ-na ma TƖƖNA sɩ bʋla nɛ ŋ-la: Má kɛŋ wʋtɩtɩɩ a ŋaa wɩaa ba bʋa lɛ. Má lorigo laa nɩɩ-la ba sɩ nyaga bil ta nɩɩ-la sɩɩ gʋrʋ nɩsɩŋ lɛ. Má sɩ́ wʋbɔŋ koo yuosu wɩɩ ŋaa nʋhʋɔrʋ koo biisime koo yo-haala lɛ. Má sɩ́ nʋʋ ma sɩ bɩ wɩɩ ŋaa chei kpʋ leriŋ deeŋ.

JƐRƖMAAYA 23:5

La TƖƖNA sɩ, “Tapʋlaa ka kɔ nɛ, dɩ mɩ lɩɩsɛ tʋɔpʋl Tɩɩna Devit doho nɩaa tʋɔŋ, ʋ jaŋ ŋaa kuoru sɩ jaŋ beŋ ʋ nɩaa arɩ wʋjɩmɩŋ. Ʋ jaŋ kɛŋ wʋtɩtɩɩ, a ŋaa wɩaa ba bʋa lɛ tintee-la lɛ.

JƐRƖMAAYA 42:6

Dɩ wɩɩ-la zɔmɔ koo ʋ bɩ zɔŋ, la jaŋ to La TƖƖNA Wɩa niiŋ, Nɩɩ-la teeŋ la sɩɩ tɩmɩŋ, dɩ ŋɩɩ leŋ wɩaa vɛŋ woruŋ a pɩla a tɩŋ la sɩ jaŋ to La TƖƖNA Wɩa niiŋ wɩaa.”

JƐRƖMAAYA 7:5

Dɩ ma nɛ chaasa bɩrɩma lɩɩ ŋɩɩ ma sɩ naga lɛ, a joŋ wɩalɩŋ ma sɩɩ ŋaa ta, aŋ ŋɩŋaa wɩaa ba bʋɔsʋŋ lɛ dɔŋɔba teeŋ,

Luuk 11:41

Dɩ ma nɩɩ chɛ dɩ ma tʋɔŋ pʋllɛ, má kɛŋ ma tʋɔŋ a cho summoo a fɩfá ba nenige.

Tɩntɩŋŋaa 2:46

Tapʋlɩɩ kala ba yie mʋ hilimi Wɩa dɩɩ-bal-la lɛ arɩ ba dɩɩsɩŋ ma lɛ, a kɛŋ tʋɔ-bala a didii kʋdiile-la Kirisito fa sɩ́ sɩ ba dii a liliisi ʋ wɩaa arɩ tʋɔtɔrʋŋ,

1 Kɔrɩntɩ Nɩaa 10:31

Ŋɩɩ wɩaa kʋŋ na-kala ma sɩɩ dii arɩ kʋŋ na-kala ma sɩɩ nyʋa, wɩɩ-na kala ma sɩɩ ŋaa, má ŋaa ba kala dɩ Wɩa yɩrɩŋ yɩrɛ.

MOSIS BƖRA WULLI WƖA WOMBIIŊ 4:40

Má to ʋ wombie-la arɩ ʋ wɩalɩŋ mɩ sɩɩ dagɛma jɩnɩŋ, dɩ wɩaa wuo vɛŋ woruŋ a pɩ ma dɩ ma doho nɩaa, dɩ ma nɛ mʋ hɔŋ tintee-la ma TƖƖNA Wɩa sɩ joŋo pɩma dɩ ʋ ŋaa ma kʋŋ a kaa mʋ wuu lɛ.