JƐRƖMAAYA 22:11 - WƖA TENIŊ

¹¹ Wɩɩ-la La TƖƖNA sɩ bʋla tɩgɛ Josaaya nanʋala Salum lɛ nɛ ŋ-la: Ʋ nɛ laa ʋ nyɩmma nyuŋ a dii Juda tinteeŋ kuoruŋ, ama ʋ lɩɩ leriŋ deeŋ lɛ nɛ. La TƖƖNA sɩ, “Ʋ bɩ jaŋ kɔ dɩ ʋ mɩɩra kɔ.

JƐRƖMAAYA 22:11 ပူးပေါင်းရင်းမြစ်များ

2 KUOROO 23:29

Bʋa-la lɛ Josaaya fa sɩ ŋaa kuoro, Ijipiti tinteeŋ kuoro Neko fa kɛŋ ʋ laalɩyuoroo mʋ Yufireti fuo-la dɩ ʋ pɛ Asiiria kuoro lɛ. Ŋɩɩ nɛ Josaaya arɩ laalɩyuoroo ma mʋ chemba ba yuo laalɩŋ, ama ba kpʋ Josaaya Mɛgɩdɔ lɛ.

2 KUOROO 23:30

Ŋɩɩ nɛ Josaaya tɩntɩnnaa joŋ ʋ kʋsʋʋŋ hɛ laalɩŋ jaaba toruko lɛ a lɩɩ Mɛgɩdɔ a kaa kɔ Jerusalɛm. Ba joŋu hugi ʋ tɩtɩa bʋa lɛ. Aŋ ka Juda taŋ-la nɩaa lɩɩsɛ ʋ nanʋala Jehuahas a ŋaa nʋʋŋ tɩsʋ ʋ dii kuoruŋ ʋ nyɩmma nyuŋ lɛ.

2 KUOROO 23:31

Jehuahas fa ŋaa jɩsɩŋ mara arɩ batori nɛ aŋ dii kuoruŋ Juda tinteeŋ lɛ. Ʋ hɔŋ Jerusalɛm lɛ a bemba chɛnsɩŋ batori nɛ. Ʋ naaŋ yɩrɛ nɛ fa Hamʋtal, Jɛrɩmaaya tolo. Ʋ fa lɩɩ taŋ-la ba sɩɩ yɩrɛ Lɩbɩna nɛ.

2 KUOROO 23:34

Ŋɩɩ nɛ Ijipiti tinteeŋ kuoro Neko leŋ Josaaya nanʋala Ɛlɩakɩm dii kuoruŋ ʋ nyɩmma nyuŋ lɛ, aŋ kɛŋ ʋ yɩrɩŋ bɩrɩmɛ a yɩyɩrʋ Jehoyakim. Ŋɩɩ nɛ Ijipiti tinteeŋ kuoro kɛŋ Jehuahas kaa mʋ Ijipiti tinteeŋ ʋ sʋʋ nɩmɛ.

1 IZIRAL TƖŊŊAA NAABARƖŊ 3:15

Josaaya hambolibiisiŋ nɛ: Johanaŋ ʋ bii-hɩaŋ, Jehoyakim ʋ bii-lɩa, Zedikaaya ʋ bii-tori, Salum ʋ bii-nɛsɛ.

2 IZIRAL TƖŊŊAA NAABARƖŊ 28:12

Ŋɩɩ nɛ Iziral tɩŋŋaa sɩpaalaaraa dɔnsʋŋ sɩ hɛ Efirem lɛ: Jehohanaŋ nanʋala Azarɩa, Mɛsɩlɩmɔf nanʋala Bɛrɛkɩa, Salum nanʋala Jɛhɩzɩkɩa arɩ Hadɩlaɩ nanʋala Amasa mʋ cheŋ nɩalɩŋ sɩ lɩɩ laal-la kʋkɔ, a bʋla pɩba,

2 IZIRAL TƖŊŊAA NAABARƖŊ 34:22

Hɩlɩkaaya arɩ nɩalɩŋ kuoro sɩ tɩma mʋ haal kʋbala sɩ ŋaa Wɩa wʋlaabʋllʋ teeŋ baa yɩrɛ Hulida, dɩ ba chɛ na. Haal-la bala nɛ fa Salum, sɩ ŋaa Tɩkɩva nanʋala. Tɩkɩva ma nyɩmma nɛ fa Hahas. Salum nɛ faa beŋ gɛnnɩ-la ba sɩɩ bil Wɩa dɩɩ-balɩŋ lɛ. Hulida ma fa hɛ Jerusalɛm lɛ nɛ aa jʋʋ je-chigi falɩɩ-la.

JƐRƖMAAYA 22:27

Ma bɩra bɩ jaŋ mɩɩra kɔ tintee-la ma sɩɩ hɩɛnʋ.”

ZEFANAAYA 1:1

La TƖƖNA fa bʋl wɩaa pɩ Zefanaaya sɩ ŋaa Kusi nanʋala, a ŋaa Gedalia ma nihiŋ, aŋ ŋaa Amarɩa nihi-lɩɛrɛ. Amarɩa nyɩmma nɛ fa ŋaa Hezikaaya. Bʋa-la lɛ dɩ Josaaya sɩ ŋaa Amɔŋ nanʋala nɛ fa dii kuoruŋ Juda tinteeŋ lɛ.