JƐRƖMAAYA 22:10 - WƖA TENIŊ

¹⁰ Juda nɩaa, má sɩ́ yele pɩ kuoru-la sɩ sʋba koo sɩ tuo. Ama má yel woruŋ a pɩ nɩɩ-la ba sɩ kaa mʋ yoŋ-baga, bɛɛ wɩaa ʋ bɩra bɩ jaŋ mɩɩra kɔ a na tintee-la lɛ ba sɩ lʋlʋ.

JƐRƖMAAYA 22:10 ပူးပေါင်းရင်းမြစ်များ

2 KUOROO 22:20

Mɩ jaŋ leŋ dɩ ŋ sʋʋ arɩ yarɩfɩɛlaa. Ŋ sɩɩŋ bɩ jaŋ na wʋlɔrʋnʋ-la mɩ sɩ jaŋ joŋo ŋaa Jerusalɛm arɩ ʋ nɩaa lɛ.’ ” Ŋɩɩ nɛ nɩalɩŋ mɩɩra mʋ bʋl wɩɩ-la Hulida sɩ bʋla a pɩ kuoro.

2 KUOROO 23:29

Bʋa-la lɛ Josaaya fa sɩ ŋaa kuoro, Ijipiti tinteeŋ kuoro Neko fa kɛŋ ʋ laalɩyuoroo mʋ Yufireti fuo-la dɩ ʋ pɛ Asiiria kuoro lɛ. Ŋɩɩ nɛ Josaaya arɩ laalɩyuoroo ma mʋ chemba ba yuo laalɩŋ, ama ba kpʋ Josaaya Mɛgɩdɔ lɛ.

2 IZIRAL TƖŊŊAA NAABARƖŊ 36:4

Ŋɩɩ nɛ Ijipiti kuoro Neko leŋ Jehuahas naambie Ɛlɩakɩm dii Juda tinteeŋ kuoruŋ, aŋ kɛŋ ʋ yɩrɩŋ bɩrɩmɛ a yɩyɩrʋ Jehoyakim. Ŋɩɩ nɛ Ijipiti tinteeŋ kuoro kɛŋ Jehuahas kaa mʋ Ijipiti tinteeŋ.

TƖƖCHA 4:2

Ŋɩɩ nɛ mɩ bʋl mɩ tʋɔŋ lɛ: Nɩalɩŋ sɩ sʋba nɛ kɛŋ tʋɔtɔrʋŋ a kɩɩ nɩalɩŋ ha sɩ weye.

AZAAYA 57:1

Tʋɔpʋl tɩɩna yie sʋʋ, ka nʋʋkala sɩpaaŋ tuo, ba bɩ jɩŋ wɩɩ-la sɩ tɩɩ ʋ sʋʋ. Ama tʋɔpʋl tɩɩna yie sʋʋ a fori wʋbɔŋŋɔɔ nɩsɩŋ lɛ nɛ.

JƐRƖMAAYA 16:7

Nʋʋkala bɩ jaŋ joŋ kʋdiilii a pɩ nɩalɩŋ sɩɩ yel yoho, dɩ ʋ nyɩmma koo ʋ naaŋ nɛ paala sʋʋ ma, nʋʋ bɩ jaŋ joŋ kʋnyʋalɩɩ ma paala pɩba a nyagɛ ba bɔyɛ.

JƐRƖMAAYA 22:11

Wɩɩ-la La TƖƖNA sɩ bʋla tɩgɛ Josaaya nanʋala Salum lɛ nɛ ŋ-la: Ʋ nɛ laa ʋ nyɩmma nyuŋ a dii Juda tinteeŋ kuoruŋ, ama ʋ lɩɩ leriŋ deeŋ lɛ nɛ. La TƖƖNA sɩ, “Ʋ bɩ jaŋ kɔ dɩ ʋ mɩɩra kɔ.

JƐRƖMAAYA 22:18

Ŋɩɩ wɩaa, wɩɩ-la La TƖƖNA sɩ bʋla tɩgɛ Juda kuoro Jehoyakim sɩ ŋaa Josaaya nanʋala lɛ nɛ ŋ-la: “Nɩaa bɩ jaŋ yel ʋ lɛ a bʋl, ‘La naambii baa!’ Ba bɩ jaŋ yel ʋ lɛ a bʋl, ‘La kʋhɩaŋ baa!’

JƐRƖMAAYA 22:27

Ma bɩra bɩ jaŋ mɩɩra kɔ tintee-la ma sɩɩ hɩɛnʋ.”

JƐRƖMAAYA 25:27

Ŋɩɩ nɛ La TƖƖNA sɩ, “Bʋla pɩba, ‘Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má nyʋa, má nyʋa bugi a tʋɔsɛ, a tel a bɩra sɩ́ sii, a tɩŋ laal-la mɩ sɩ jaŋ lɔgɔ hɛ ma lɛ wɩaa.’

JƐRƖMAAYA 28:4

Mɩ jaŋ kɛŋ Juda tinteeŋ kuoro Jekonaaya (ʋ nɛ ha Jehoyachiŋ), sɩ ŋaa Jehoyakim nanʋala arɩ nɩalɩŋ kala sɩ mʋ yoŋ-baga Babɩlɔŋ lɛ a kaa mɩɩra kɔ leriŋ deeŋ, bɛɛ wɩaa mɩ jaŋ lɩɩsɛ daa-la Babɩlɔŋ kuoro sɩ joŋo laalɛ ma baŋŋaa lɛ a bori, La TƖƖNA nɛ bʋla.’ ”

JƐRƖMAAYA 42:18

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘A nagɛ mɩ sɩ na baanɩŋ a dɔgɩsɛ nɩalɩŋ sɩ hɛ Jerusalɛm lɛ ŋɩɩ, ŋɩɩ tɩtɩa nɛ mɩ jaŋ na baanɩŋ a ŋaa ma lɛ, dɩ ma nɛ mʋ Ijipiti tinteeŋ. Mɩ jaŋ leŋ dɩ ma kɛŋ nyɛsɩŋ nɩaa sɩaa lɛ. Nɩaa jaŋ sisieri ma lɛ, a kɛŋ ma yɩrɩŋ ŋmɩɛsa hɩhɛ nɩaa lɛ, a joŋ cheeriŋ pɩpɩma. Ma bɩra bɩ jaŋ kɔ dɩ ma na leriŋ deeŋ.’

JƐRƖMAAYA 44:14

Juda nɩkaana-la sɩ kɔ dɩ ba hɔŋ Ijipiti lɛ, ba kʋŋkala bɩ jaŋ fori koo a kɛŋ mɩɩsɩŋ a mɩɩra mʋ Juda tinteeŋ, lee-la ba sɩɩ hɩɛnʋ dɩ ba mʋ. Ba kala bɩ jaŋ mɩɩra mʋ, see nɩaa baŋmɛnɛ.”

JEMBIEE 4:9

Nɩalɩŋ ba sɩ kpʋa laalɩŋ lɛ nɛ kpɩa nɩalɩŋ losuŋ sɩ kɛnɛ ba sʋʋ. Losuŋ-pʋla leŋe ba kiiki ŋɩɩ nɛ a mʋ sʋʋ, kʋdiilee sɩ nyaa wɩaa.

ƐZƖKƖƐL 24:16

“Nuhuobiiŋ, mɩɩ chɛ dɩ mɩ guu lɩɩsɛ nɩɩ-la ŋ sɩ cho woruŋ mɩɩsɩŋ nɛ. Ama sɩ́ leŋe dɩ ŋ tʋɔŋ chei koo a yel koo dɩ ŋ sɩlɩɩrɩŋ lɩɩ.

Luuk 23:28

Ŋɩɩ nɛ Yesu mɩɩra daasɛba aŋ bʋla pɩba, “Jerusalɛm haalaa, má sɩ́ mɩ wɩaa yel. Má yel ma tɩtɩa arɩ ma biiriŋ wɩaa.