JƐRƖMAAYA 21:9 - WƖA TENIŊ

⁹ Nʋʋ na-kala sɩ jaŋ hɔŋ tabalɩŋ deeŋ tʋɔŋ, laalɩŋ koo losuŋ koo nyanyal-bɔmʋŋ jaŋ kpʋʋ. Ama nʋʋ na-kala sɩ jaŋ kɛŋ ʋ tɩtɩa lɩɩ pɩ Babɩlɔŋ tɩmma-la sɩ kʋ tɔma hɛ jaŋ kɛŋ mɩɩsɩŋ, ʋ jaŋ fori a laa ʋ mɩɩsɩŋ.’ ”

JƐRƖMAAYA 21:9 ပူးပေါင်းရင်းမြစ်များ

JƐRƖMAAYA 14:12

Arɩ ba sɩɩ vɔɔ niiŋ ma kala, mɩ bɩ jaŋ jegile nɩɩ ba yele. Ba ŋaa kʋnyɩgaa Wɩɩsʋlʋŋ arɩ mɩaa Wɩɩsʋlʋŋ pɩpɩmɛ ma nɛ, ama mɩ bɩ jaŋ laaba. Mɩ jaŋ mɩɩra joŋ laalɩŋ, losuŋ arɩ nyanyalɩŋ a hɛ ba lɛ dɩ ba sʋʋ.”

JƐRƖMAAYA 21:7

La TƖƖNA sɩ, “Ŋɩɩ harɩŋ, mɩ jaŋ joŋ Juda kuoro Zedikaaya, ʋ tɩntɩnnɩ-hɩasɩŋ arɩ nɩalɩŋ sɩ hɛ tabalɩŋ deeŋ lɛ, nɩalɩŋ nyanyal-bɔŋ-la, laalɩŋ arɩ losuŋ sɩ bɩ kpʋa a hɛ Babɩlɔŋ kuoro Nebukadineza nɩsɩŋ lɛ, arɩ ba dʋndɔmɔ-la sɩɩ chɛ dɩ ba lɩɩsɛ ba mɩɩsɩŋ. Ʋ jaŋ kpʋba. Ʋ bɩ jaŋ fá ba nisusuŋ koo ba nenige, ʋ tʋɔŋ bɩ jaŋ wɩɩ ba lɛ.

JƐRƖMAAYA 24:10

Mɩ jaŋ joŋ laalɩŋ, losuŋ arɩ nyanyalɩɩ a hɛ ba lɛ, a cheiba ŋɩɩ halɩɩ dɩ ba dɛrɛ tintee-la mɩ sɩ joŋo pɩ ba dɩ ba naabalɩmaba lɛ.”

JƐRƖMAAYA 27:11

Ama dɩ tintee kala nɩaa nɛ jaŋ joŋ ba tɩtɩa hɛ Babɩlɔŋ kuoro nɩsɩŋ lɛ a tɩma pʋpʋ, mɩ jaŋ leŋ dɩ tintee-la nɩaa hɔŋ ba tɩtɩa tinteeŋ lɛ a pɩpɛrɛ nɩmɛ. Mɩ-na ma TƖƖNA nɛ bʋla.’ ”

JƐRƖMAAYA 27:12

Wɩɩŋ deeŋ tɩtɩa nɛ mɩ-na Jɛrɩmaaya fa bʋla pɩ Juda tinteeŋ kuoro Zedikaaya. Mɩ sɩ, “Joŋ ŋ tɩtɩa hɛ Babɩlɔŋ kuoro nɩsɩŋ lɛ a tɩma pɩ ʋ dɩ ʋ nɩaa, ŋɩɩ nɛ ŋ jaŋ kɛŋ mɩɩsɩŋ.

JƐRƖMAAYA 27:13

Bɛɛ nɛ tɩɩ ŋ dɩ ŋ nɩaa chɩchɛ dɩ laalɩŋ, losuŋ arɩ nyanyal-bɔmʋŋ kpʋma? Wɩalɩŋ La TƖƖNA sɩ bʋla tɩgɛ tintee-la na-kala sɩ vɩa dɩ ʋ tɩma pɩ Babɩlɔŋ kuoro nɛ ŋɩɩ.

JƐRƖMAAYA 38:2

“Wɩɩ-la La TƖƖNA sɩ bʋla nɛ ŋ-la: ‘Nʋʋ na-kala sɩ jaŋ hɔŋ tabalɩŋ deeŋ lɛ, laalɩŋ, losuŋ koo nyanyalɩɩ nɛ jaŋ kpʋʋ. Ama nɩɩ-la kala sɩ jaŋ kɛŋ ʋ tɩtɩa mʋ pɛ Babɩlɔŋ nɩaa tʋɔŋ, ʋ jaŋ kɛŋ mɩɩsɩŋ. Ʋ jaŋ laa ʋ mɩɩsɩŋ, ʋ bɩ jaŋ sʋʋ.’

JƐRƖMAAYA 38:3

Wɩɩ-la La TƖƖNA sɩ bʋla nɛ ŋ-la: ‘Mɩ jaŋ sɛnɛ joŋ tabalɩŋ deeŋ a hɛ Babɩlɔŋ kuoro laalɩyuoroo nɩsɩŋ lɛ, dɩ ba yuo diiu.’ ”

JƐRƖMAAYA 39:18

Mɩ jaŋ laaŋ ta. Ŋ bɩ jaŋ sʋʋ laalɩŋ lɛ, ŋ jaŋ fori a laa ŋ mɩɩsɩŋ, bɛɛ wɩaa ŋ laamɛ dii nɛ. Mɩ-na ŋ TƖƖNA nɛ bʋla.’ ”

JƐRƖMAAYA 45:5

Ʋ saa maga dɩ ŋ chɛ wʋbalaa a pɩ ŋ tɩtɩa nɛɛ? Sɩ́ ba chɛ, bɛɛ wɩaa mɩ jaŋ kɛŋ wʋlɔrʋŋ a kʋ hɛ nɩaa kala lɛ. Mɩ-na ma TƖƖNA nɛ bʋla. Ama lee na-kala ŋ sɩ jaŋ mʋ, mɩ jaŋ leŋ dɩ ŋ fori a laa ŋ mɩɩsɩŋ.’ ”

ƐZƖKƖƐL 5:12

Nyanyalaa arɩ losuŋ jaŋ kpʋ nɩalɩŋ dɔnsʋŋ sɩ hɛ ŋ lɛ, ba jaŋ kpʋ dɔnsʋŋ ma laalɩŋ lɛ taŋ-la harɩŋ, ka mɩ kɛŋ ba dɔnsʋŋ ma pɩsɛ lee-kala, aŋ kire to ba harɩŋ arɩ laalɩŋ.