JƐRƖMAAYA 21:7 - WƖA TENIŊ

⁷ La TƖƖNA sɩ, “Ŋɩɩ harɩŋ, mɩ jaŋ joŋ Juda kuoro Zedikaaya, ʋ tɩntɩnnɩ-hɩasɩŋ arɩ nɩalɩŋ sɩ hɛ tabalɩŋ deeŋ lɛ, nɩalɩŋ nyanyal-bɔŋ-la, laalɩŋ arɩ losuŋ sɩ bɩ kpʋa a hɛ Babɩlɔŋ kuoro Nebukadineza nɩsɩŋ lɛ, arɩ ba dʋndɔmɔ-la sɩɩ chɛ dɩ ba lɩɩsɛ ba mɩɩsɩŋ. Ʋ jaŋ kpʋba. Ʋ bɩ jaŋ fá ba nisusuŋ koo ba nenige, ʋ tʋɔŋ bɩ jaŋ wɩɩ ba lɛ.

JƐRƖMAAYA 21:7 ပူးပေါင်းရင်းမြစ်များ

AZAAYA 27:11

Dɩ tɩɩsɩ-la naakelee nɛ hɩla a boro tel, haalaa yie paa mʋ hɛ nyiniŋ nɛ. Nɩaa deemba bɩ wɩɩkala jɩŋ, ŋɩɩ nɛ tɩɩ Wɩa sɩ ŋaaba bɩ ba nenige fá ŋɩɩ a bɩ ba lɛ pɛ.

AZAAYA 47:6

Mɩ fa na baanɩŋ nɛ mɩ nɩaa nyuŋ a joŋ wɩaa ŋaa ba lɛ arɩ mɩ dee bɩra bɩ ba tɩɩ. Mɩ sɩ jomba a hɛ ŋ nɩsɩŋ lɛ, ŋ bɩ ba nenige fá. Nɩalɩŋ ma sɩ paala hɩɛsɛ, ŋ dɔgɩsɛba nɛ woruŋ.

JƐRƖMAAYA 13:14

Mɩ jaŋ paaba yagɛ a daŋ dɔŋɔ lɛ, nyɩmmaba arɩ biiriŋ kala. Mɩ-na ma TƖƖNA nɛ bʋla. Mɩ bɩ jaŋ lemba, mɩ bɩ jaŋ fá ba nenige koo ba nisusuŋ, mɩ jaŋ kpʋba.’ ”

JƐRƖMAAYA 14:12

Arɩ ba sɩɩ vɔɔ niiŋ ma kala, mɩ bɩ jaŋ jegile nɩɩ ba yele. Ba ŋaa kʋnyɩgaa Wɩɩsʋlʋŋ arɩ mɩaa Wɩɩsʋlʋŋ pɩpɩmɛ ma nɛ, ama mɩ bɩ jaŋ laaba. Mɩ jaŋ mɩɩra joŋ laalɩŋ, losuŋ arɩ nyanyalɩŋ a hɛ ba lɛ dɩ ba sʋʋ.”

JƐRƖMAAYA 15:5

Jerusalɛm nɩaa, kʋbɛɛ nɛ jaŋ fá ma nenige? Kʋbɛɛ nɛ jaŋ bunsi ma wɩaa? Kʋbɛɛ nɛ jaŋ chɩna pɩɛsa na ma yarɩfɩɛlaa wɩaa?

JƐRƖMAAYA 15:9

Naaŋ-la sɩ kɛŋ biiriŋ balɩpɛ jaŋ yiegi, a wiese lʋlɔl. Ʋ wɩɩ-muluŋ jaŋ jʋʋ, ka ʋ ha ŋaa wɩɩhɛyɛ. Ba jaŋ hɩɩsʋ a jolimu. Mɩ jaŋ kpʋ nɩalɩŋ sɩ ka a bɩ sʋba ba dʋndɔŋŋɔɔ sɩpaaŋ. Mɩ-na ma TƖƖNA nɛ bʋla.”

JƐRƖMAAYA 19:7

Leriŋ deeŋ lɛ nɛ mɩ jaŋ chei Juda arɩ Jerusalɛm nɩaa wɩalɩŋ kala ba sɩ vʋʋra. Mɩ jaŋ leŋ dɩ ba dʋndɔŋŋɔɔ yuo diiba a kpʋba laalɩŋ lɛ, nɩalɩŋ sɩɩ chɛ ba lɩɩsɛ ba mɩɩsɩŋ. Mɩ jaŋ joŋ ba kʋsʋʋnʋŋ a pɩ zaaraa arɩ baga kɩaa.

JƐRƖMAAYA 20:4

Wɩɩ-la La TƖƖNA sɩ bʋla nɛ ŋ-la: ‘Mɩ jaŋ leŋ dɩ fawʋllʋŋ kɛnɩŋ dɩ ŋ ma leŋ dɩ fawʋllʋŋ kɛŋ ŋ nandɔnsʋŋ. Ŋ sɩɩŋ lɛ, ŋ nandɔnsʋ-la dʋndɔŋŋɔɔ jaŋ kpʋba. Mɩ jaŋ joŋ Juda nɩaa kala hɛ Babɩlɔŋ kuoro nɩsɩŋ lɛ. Ʋ jaŋ kpʋ dɔnsʋŋ a kɛŋ dɔnsʋŋ ma mʋ Babɩlɔŋ tinteeŋ.

JƐRƖMAAYA 22:25

Mɩ jaŋ joŋuŋ hɛ nɩalɩŋ sɩɩ chɛ ba lɩɩsɛ ŋ mɩɩsɩŋ nɩsɩŋ lɛ, nɩalɩŋ ŋ sɩɩ fá. Mɩ jaŋ joŋuŋ hɛ Babɩlɔŋ kuoro Nebukadineza arɩ ʋ nɩaa nɩsɩŋ lɛ.

JƐRƖMAAYA 27:6

Lɛɛlɛ mɩ jaŋ laa ma tinteyee kala pɩ mɩ tɩntɩnna Babɩlɔŋ kuoro Nebukadineza. Mɩ jaŋ leŋ dɩ baga kɩaa kala ma paala tuto ʋ niiŋ.

JƐRƖMAAYA 32:4

Juda tinteeŋ kuoro Zedikaaya bɩ jaŋ fori Babɩlɔŋ tɩŋŋaa nɩsɩŋ lɛ. Ʋ jaŋ sɛnɛ jʋʋ Babɩlɔŋ kuoro nɩsɩŋ, ʋ dɩ ʋ jaŋ joŋ sɩaa chaasa dɔŋɔ aŋ bʋbʋl wɩaa. Ʋ jaŋ naʋ arɩ ʋ tɩtɩa sɩɩŋ.

JƐRƖMAAYA 34:3

Ŋ bɩ jaŋ fori ʋ nɩsɩŋ lɛ, ba jaŋ yuo kɛnɩŋ a kaa mʋ hɛ ʋ nɩsɩŋ lɛ. Ŋ jaŋ na Babɩlɔŋ kuoro arɩ ŋ sɩɩŋ, ŋ dɩ ʋ jaŋ joŋ sɩaa chaasɛ dɔŋɔ a bʋl wɩaa. Ŋɩɩ harɩŋ nɛ ba jaŋ kɛnɩŋ mʋ Babɩlɔŋ.

JƐRƖMAAYA 36:29

Bʋla pɩ Juda tinteeŋ kuoro Jehoyakim, wɩɩ-la mɩ-na ma TƖƖNA sɩ bʋla nɛ ŋ-la: Ŋ nyɩgɛ teŋ-la nɛ aŋ bʋl, ‘Bɛɛ nɛ tɩɩ ŋ ŋmʋnsɛ arɩ Babɩlɔŋ kuoro jaŋ sɛnɛ kʋ chei tinteeŋ deeŋ a kpʋ ʋ nɩaa arɩ ʋ pʋsʋŋ kala?’

JƐRƖMAAYA 37:17

Ŋɩɩ nɛ kuoro Zedikaaya tɩŋ ba mʋ kɛnʋ kaa kɔ kuoro dɩa. Nɩmɛ nɛ ʋ lʋara pɩɛsʋ, “La TƖƖNA bɩ wɩɩ bʋlaa?” Jɛrɩmaaya sɩ, “Oo ʋ bʋla nɛ, ʋ jaŋ joŋuŋ hɛ Babɩlɔŋ kuoro nɩsɩŋ lɛ.”

JƐRƖMAAYA 50:17

Iziral tɩŋŋaa nagɛ naachigiŋ sɩ kiri piesee ba pɩsɛ nɛ. Nɩɩ-la sɩ laa sɩpaaŋ yuo diiba nɛ ŋaa Asiiria kuoro. Nɩɩ-la ma sɩ to harɩŋ yɛrɛ ʋ haŋgbelee nɛ Babɩlɔŋ kuoro Nebukadineza.”

JEMBIEE 2:20

La TƖƖNA, beŋ mɩ wɩɩŋ a na: Kʋbɛɛ nɛ ŋ ha ŋaa ʋ na hɛɛŋ ŋ-la? Haalaa kɛsɛ ba biiriŋ didii, biiri-la ba sɩ dɩɛsa. Ba kpʋkpʋ ŋ Wɩɩsʋllɩ sɩpaalaaraa arɩ ŋ wʋlaabʋllaa ŋ dɩɩ-balɩŋ lɛ.

JEMBIEE 2:22

Ŋ yɩrɛ mɩ dʋndɔŋŋɔɔ hɛ mɩ lɛ a nagɛ ba sɩ yie yɩrɛ nɩaa ba kɔ gbiele nɛ, a leŋ ba joŋ fawʋllʋŋ hɛ mɩ lɛ sɛmɛ kala. Tapʋlɩɩ-la ŋ-na La TƖƖNA sɩ na baanɩŋ, nʋʋkala bɩ foro fá, nʋʋkala bɩ ka. Hambiisi-la mɩ sɩ dɩɛsa a beŋ ba nyuŋ woruŋ, mɩ dʋndɔŋŋɔɔ kpʋ ba kala nɛ.

ƐZƖKƖƐL 23:28

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ joŋuŋ hɛ nɩalɩŋ ŋ sɩ bɛrɛ nɩsɩŋ lɛ, nɩalɩŋ ŋ mɩɩsɩŋ sɩ fɩa ŋ mɩɩrɛ ba harɩŋ.

ƐZƖKƖƐL 7:9

Mɩ bɩ jaŋ fá ma nenige koo a lemma. Mɩ jaŋ dɔgɩsɛma a tiŋ ma wʋŋaalaa arɩ wʋkɩsɩa-la ma sɩ ŋaa chɩmɩŋ. Ŋɩɩ nɛ ma jaŋ jɩŋ arɩ mɩ-na ma TƖƖNA nɛ dɔgɩsɛma.

ƐZƖKƖƐL 8:18

Ŋɩɩ wɩaa, mɩ jaŋ dagɛba arɩ baanɩŋ, mɩ bɩ jaŋ fá ba nenige koo a lemba. Ba jaŋ faasa suri ba yikoro a sʋsʋlmɛ, ama mɩ bɩ jaŋ jegili ba teeŋ.”

ƐZƖKƖƐL 9:10

Ŋɩɩ wɩaa, mɩ bɩ jaŋ kɔ dɩ mɩ fá ba nisusuŋ koo a lemba, ama mɩ jaŋ joŋ wɩalɩŋ ba sɩ ŋaa a tiŋ ba lɛ.”

MOSIS BƖRA WULLI WƖA WOMBIIŊ 28:50

Ba ŋaa tintee nɩaa sɩ bɔmɔ nɛ a kɛŋ fawʋllʋŋ, ba bɩ nɩhɩasɩŋ ka zil a bɩ hambiisiŋ ma nenige ka fá.