JƐRƖMAAYA 21:6 - WƖA TENIŊ

⁶ Mɩ jaŋ kpʋ nɩalɩŋ sɩ hɛ tabalɩŋ deeŋ lɛ, nuhuobiinee arɩ pʋsʋŋ kala. Nyanyal-bɔŋ nɛ jaŋ kpʋba.’ ”

JƐRƖMAAYA 21:6 ပူးပေါင်းရင်းမြစ်များ

WƖAA DƖ-SUOMUŊ 6:7

Ŋɩɩ nɛ La TƖƖNA bʋl, “Mɩ jaŋ chei kʋŋkala sɩ hɛ dʋnɩa lɛ a kɛŋ mɩɩsɩŋ, nuhuobiinee, pʋsʋŋ arɩ baga kɩaa, kɩalɩŋ sɩɩ tuuri tinteeŋ arɩ zaaraa, mɩ tʋɔŋ cheye nɛ mɩ sɩ ŋaaba.”

AZAAYA 6:11

Ŋɩɩ nɛ mɩ pɩɛsɛ, “La TƖƖNA ɛɛ nɛ ŋɩɩ jaŋ diene magɛ?” Ʋ bʋl, “See dɩ ba tabalaa cheye a pɩŋ jikpeeŋ, dɩ nɩaa tuo ba lɛ dɩ ba dɩɩsɩŋ kala wuoli, dɩ ba bagɩsɩŋ ma kala pɩŋ kʋŋkʋlʋŋ.

JƐRƖMAAYA 14:12

Arɩ ba sɩɩ vɔɔ niiŋ ma kala, mɩ bɩ jaŋ jegile nɩɩ ba yele. Ba ŋaa kʋnyɩgaa Wɩɩsʋlʋŋ arɩ mɩaa Wɩɩsʋlʋŋ pɩpɩmɛ ma nɛ, ama mɩ bɩ jaŋ laaba. Mɩ jaŋ mɩɩra joŋ laalɩŋ, losuŋ arɩ nyanyalɩŋ a hɛ ba lɛ dɩ ba sʋʋ.”

JƐRƖMAAYA 16:4

“Nyanyal bɔŋŋɔɔ jaŋ kpʋba. Ba bɩ jaŋ hugiba koo a yel ba yoho. Ba jaŋ nagɛ nʋsʋrʋŋ a pɩŋ tinteeŋ. Ba jaŋ kpʋ dɔnsʋŋ laalɩŋ lɛ, dɩ losuŋ ma kɛŋ dɔnsʋŋ dɩ ba sʋʋ. Ba kʋsʋʋnʋŋ jaŋ bɩrɩmɛ zaaraa arɩ baga kɩaa kʋdiilee.”

JƐRƖMAAYA 20:4

Wɩɩ-la La TƖƖNA sɩ bʋla nɛ ŋ-la: ‘Mɩ jaŋ leŋ dɩ fawʋllʋŋ kɛnɩŋ dɩ ŋ ma leŋ dɩ fawʋllʋŋ kɛŋ ŋ nandɔnsʋŋ. Ŋ sɩɩŋ lɛ, ŋ nandɔnsʋ-la dʋndɔŋŋɔɔ jaŋ kpʋba. Mɩ jaŋ joŋ Juda nɩaa kala hɛ Babɩlɔŋ kuoro nɩsɩŋ lɛ. Ʋ jaŋ kpʋ dɔnsʋŋ a kɛŋ dɔnsʋŋ ma mʋ Babɩlɔŋ tinteeŋ.

JƐRƖMAAYA 32:24

Bee na ŋɩɩ ba sɩ saa vaŋkumba dɩ ba yuo dii tabal-la. A tɩŋ laalɩŋ, losuŋ arɩ nyanyalɩŋ wɩaa, tabal-la jaŋ jʋʋ Babɩlɔŋ tɩmma-la sɩɩ yuou nɩsɩŋ. Wɩɩ-la ŋ sɩ bʋla sɛnɛ ŋaa nɛ, ʋ nɛ ŋ nɩna ŋɩɩ lɛɛlɛ.

JƐRƖMAAYA 33:12

Wɩɩ-la La TƖƖNA, doluŋ kala Tɩɩna sɩ bʋla nɛ ŋ-la: “Leriŋ deeŋ sɩ pɩŋ hoi a bɩ nɩaa arɩ pʋsʋŋ kɛnɛ ʋ tasɩŋ kala lɛ, pʋsʋŋ dɩ-diilee jaŋ hɛ nɩmɛ, dɩ pie-daaraa kiri ba piesee mʋ dɩ ba pɩna wiesi.

JƐRƖMAAYA 34:17

Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: Ma bɩ mɩ niiŋ to, ma bɩ ma dɔnsʋŋ tɩŋŋaa sɩ ŋaa ma yosuŋ joŋo ta. Ŋɩɩ wɩaa mɩ-na jaŋ jomma ta: Mɩ jaŋ leŋ dɩ laalɩŋ, losuŋ arɩ nyanyal-bɔmʋŋ kpʋma. Mɩ jaŋ leŋ dɩ ma nagɛ kʋŋ sɩɩ sʋɔrʋ kuori-gentisiŋ kala sɩ hɛ dʋnɩa lɛ teeŋ.

JƐRƖMAAYA 36:29

Bʋla pɩ Juda tinteeŋ kuoro Jehoyakim, wɩɩ-la mɩ-na ma TƖƖNA sɩ bʋla nɛ ŋ-la: Ŋ nyɩgɛ teŋ-la nɛ aŋ bʋl, ‘Bɛɛ nɛ tɩɩ ŋ ŋmʋnsɛ arɩ Babɩlɔŋ kuoro jaŋ sɛnɛ kʋ chei tinteeŋ deeŋ a kpʋ ʋ nɩaa arɩ ʋ pʋsʋŋ kala?’

JƐRƖMAAYA 42:22

Ŋɩɩ wɩaa lɛɛlɛ, ma jɩŋ wɩɩŋ deeŋ lɛ: Ma dɔnsʋŋ jaŋ sʋʋ laalɩŋ lɛ, losuŋ arɩ nyanyalɩŋ ma jaŋ kpʋ dɔnsʋŋ, tintee-la ma sɩɩ chɛ ma mʋ hɔŋ lɛ.”

JƐRƖMAAYA 7:20

Ŋɩɩ wɩaa, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ na baanɩŋ ba nyuŋ kɩŋkɛŋ nɛ, mɩ jaŋ joŋ mɩ baaŋ-la sɩ faasa sii fɩɩsɛ Juda nɩaa lɛ, ba pʋsʋŋ arɩ ba tɩɩsɩŋ arɩ ba kʋpɛrɛɛ lɛ. Mɩ baaŋ-la jaŋ nagɛ nyiŋ-la sɩ bɩ dɩsɛ a diiba.

ƐZƖKƖƐL 12:16

Ama mɩ jaŋ leŋ ba nɩaa baŋmɛnɛ, mɩ bɩ jaŋ kpʋ ba kala laalɩŋ lɛ, losuŋ arɩ nyanyal bɔŋŋɔɔ ma bɩ jaŋ kpʋ ba kala. Dɩ ba nɛ mʋ tinteye-la, dɩ ba wuo liisi wʋkɩsɩa-la kala ba sɩ ŋaa. Ŋɩɩ nɛ ba jaŋ jɩŋ arɩ mɩ nɛ ŋaa ba TƖƖNA.”

ƐZƖKƖƐL 14:13

“Nuhuobiiŋ, dɩ tinteeŋ nɩa nɛ ŋaa wʋbɔŋ a bɩ wʋtɩtɩɩ kɛnɛ mɩ teeŋ, mɩ jaŋ dɔgɩsɛba a leŋ dɩ ba kʋduuloo chei ka dɩ losuŋ jʋʋba, dɩ nuhuobiine arɩ pʋsʋŋ kala sʋʋ.

ƐZƖKƖƐL 14:17

Koo dɩ laalɩyuoroo nɛ mɩ kaa kʋ jʋʋ tintee-la aŋ bʋl, ‘Má gɔllɛ tintee-la kala, a kpʋ ʋ nɩaa arɩ ba pʋsʋŋ kala,’

ƐZƖKƖƐL 14:19

Koo dɩ nyanyal-bɔŋ sɩɩ kpʋ nɩaa nɛ mɩ na baanɩŋ a joŋo hɛ tintee-la lɛ, dɩ ʋ kpʋkpʋ tintee-la nɩaa arɩ ba pʋsʋŋ kala,

ƐZƖKƖƐL 14:21

Wɩɩ-la mɩ-na ma TƖƖNA Wɩɩjarɩbakɔ sɩɩ bʋl nɛ ŋ-la: Ʋ jaŋ ŋaa wʋlɔrʋ a pɩ Jerusalɛm nɩaa dɩ mɩ nɛ joŋ wɩaa deemba banɛsɛ dɔgɩsɛba: laalɩŋ, losuŋ, baga kɩaa arɩ nyanyal bɔŋŋɔɔ, dɩ ba kpʋ ʋ nɩaa arɩ ʋ pʋsʋŋ.

ƐZƖKƖƐL 33:27

Bʋla pɩba arɩ mɩ-na ma TƖƖNA Wɩɩjarɩbakɔ ŋmɩɛsa: Nɩalɩŋ sɩ ka jikpeeni-la lɛ kala jaŋ sʋʋ laalɩŋ lɛ. Mɩ jaŋ leŋ dɩ baga kɩaa chaŋ nɩalɩŋ sɩ hɛ jeeŋ harɩŋ, nɩalɩŋ ma sɩ faa dɩ-duoruŋ arɩ bʋ-bʋɔsʋŋ lɛ, nyanyal bɔŋŋɔɔ jaŋ kpʋba.

ƐZƖKƖƐL 33:29

Dɩ mɩ nɛ dɔgɩsɛ Iziral tɩŋŋaa a tɩŋ wʋkɩsɩa-la ba sɩ ŋaa wɩaa, a leŋ dɩ ba tinteeŋ pɩŋ jikpeeŋ a ŋaa hoi, ŋɩɩ nɛ ba jaŋ jɩŋ arɩ mɩ nɛ ba TƖƖNA.

ƐZƖKƖƐL 7:15

Laalɩŋ jaŋ kpʋ nɩalɩŋ sɩ hɛ jeeŋ harɩŋ, ka dɩ losuŋ arɩ nyanyal bɔŋŋɔɔ ma kpʋ nɩalɩŋ sɩ hɛ jaŋ lɛ.

HOSIA 4:3

Ŋɩɩ wɩaa nɛ tɩɩ tintee-la nɩaa yel, a kala jɩjagɛ. Baga kɩaa arɩ diibiisiŋ sɩɩ zaarɛ wɩa-nyuŋ arɩ chenfille-la kala sɩ hɛ mʋgʋ-balɩŋ tʋɔŋ ma sʋsʋʋ.

MƖKA 3:12

A tɩŋ ma wɩaa, ba jaŋ pɛrɛ Zaayɔŋ a nagɛ baga. Jerusalɛm jaŋ pɩŋ jikpeeŋ a nagɛ pupuluŋ. Wɩa dɩɩ-bal-la sɩ chɩŋ dundolo-la nyuŋ jaŋ lugi a nagɛ duuŋ.

ZEFANAAYA 1:3

Mɩ jaŋ tii paa nuhuobiinee arɩ pʋsʋŋ, diibiisiŋ arɩ chenfilee sɩ hɛ mʋgʋ-balɩŋ tʋɔŋ. Nɩbɔŋŋɔɔ jaŋ daŋ dɔŋɔ lɛ a sii chʋɔrɛ, dɩ mɩ nɛ kpʋ dʋnɩa nɩaa kala.” La TƖƖNA nɛ bʋla.

Luuk 21:24

Ba jaŋ kpʋ dɔnsʋŋ arɩ tokobiee, aŋ kɛsɛ dɔnsʋŋ dɩ ba ma ŋaa yosuŋ tinteyee-dɔnsʋŋ lɛ, ka nɩalɩŋ sɩ bɩ Juu tɩŋŋaa ŋaa fɩrɩgɛ Jerusalɛm taŋ-la kala, see bʋa-la Wɩa sɩ daga yie.”