JƐRƖMAAYA 21:5 - WƖA TENIŊ

⁵ Mɩ-na tɩtɩa nɛ jaŋ tɩɛnɛ mɩ naduoŋ a yuoŋ arɩ baanɩŋ. Mɩ baanɩŋ jaŋ chaasa sii woruŋ.

JƐRƖMAAYA 21:5 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 6:6

Ŋɩɩ wɩaa, bʋla pɩ Iziral tɩŋŋaa: ‘Mɩ nɛ ŋaa Wɩa, ma TƖƖNA, mɩ jaŋ lɩɩsɛma hɛɛ-la ma sɩɩ na Ijipiti tɩŋŋaa nɩsɩŋ lɛ. Mɩ jaŋ laama ta arɩ mɩ doluŋ, dɩ ma bɩra sɩ́ yosi ŋaa. Mɩ jaŋ dɔgɩsɛ Ijipiti tɩŋŋaa.

MOSIS KƐŊ IZIRAL TƖŊŊAA LƖƖ 9:15

Mɩ kɛŋ doluŋ mɩ fa sɩ jaŋ joŋ nyanyal bɔŋŋɔɔ hɛ ŋ dɩ ŋ nɩaa kala lɛ dɩ ma nyɩɩgɛ tinteeŋ kala lɛ,

AZAAYA 10:4

Wɩɩkala bɩ jaŋ laama, ba jaŋ kpʋma koo a kɛsɛma dɩ ma ŋaa nɩa ba sɩ kaa tɔ bɩnɩŋ dɩa. Wɩaa deemba kala jaŋ ŋaa ma lɛ, ama La TƖƖNA baanɩŋ ha bɩ jaŋ fɩɛlɛ. Ʋ ha jaŋ dɔgɩsɛma a pɛ.

AZAAYA 5:25

Ŋɩɩ wɩaa La TƖƖNA na baanɩŋ nɛ ʋ nɩaa nyuŋ, a kɛŋ ʋ tɩtɩa hɛ dɔŋɔ dɩ ʋ kpʋ ʋ nɩaa. Peelee jaŋ jigisi dɩ nɩaa sʋʋ a yieni a nagɛ nʋsʋrʋŋ sɩ pɩŋ womporoo lɛ. Wɩaa deemba kala jaŋ ŋaa ka ʋ baanɩŋ ha bɩ jaŋ fɩɛlɛ, ʋ ha kɛŋ ʋ tɩtɩa hɛ dɔŋɔ nɛ dɩ ʋ dɔgɩsɛ ʋ nɩaa.

AZAAYA 63:10

Ka ba vɩa ʋ niiŋ, aŋ ŋaa Wɩa Dɩŋ-zɔmʋŋ tʋɔŋ chei. Ŋɩɩ nɛ ʋ bɩrɩmɛ ba dʋndɔŋ a tɩtɩa sii chɩŋ ba lɛ a yuoba.

AZAAYA 9:12

Siiria tɩŋŋaa sɩ hɛ wɩɩpɔsʋŋ dɩɩrɩŋ, arɩ Fɩlɩsɩtɩa tɩŋŋaa sɩ hɛ wɩɩjʋʋlʋŋ dɩɩrɩŋ, ba jaŋ yuo dii Iziral tɩŋŋaa. Wɩaa deemba kala jaŋ ŋaa, ama La TƖƖNA baanɩŋ ha bɩ jaŋ fɩɛlɛ, ʋ ha jaŋ dɔgɩsɛba a pɛ.

AZAAYA 9:17

Ŋɩɩ wɩaa, La TƖƖNA bɩ jaŋ leŋ dɩ ba-pʋɔsa-la kʋŋkala fori. Ʋ bɩ jaŋ fá biisinsiŋ arɩ yo-haalaa ma nenige, bɛɛ wɩaa ba kʋŋkala bɩ Wɩa ka fá, aŋ ŋɩŋaa wʋbɔŋŋɔɔ, a kala bʋbʋl wʋtɔɔnʋŋ. Wɩaa deemba kala lɛ, La TƖƖNA baanɩŋ ha bɩ jaŋ fɩɛlɛ, ʋ ha jaŋ dɔgɩsɛba a pɛ.

AZAAYA 9:21

Manasɛ arɩ Efirem nɩaa jaŋ gʋra yuyuo dɔŋɔ, ba balɩa-la ma jaŋ bɩra gbaara yuyuo Juda. Wɩaa deemba kala lɛ La TƖƖNA baanɩŋ ha bɩ jaŋ fɩɛlɛ, ʋ ha jaŋ dɔgɩsɛba a pɛ.

JƐRƖMAAYA 32:17

“La TƖƖNA Wɩɩjarɩbakɔ, ŋ dol-balɩŋ arɩ ŋ naduo-la nɛ ŋ kaa ŋaa wɩa-nyuŋ arɩ tinteeŋ. Wɩɩkala tuo a dolie pɩŋ.

JƐRƖMAAYA 32:37

Mɩ jaŋ sɛnɛ kɛsɛba hɛ dɔŋɔ lɛ a kaa lɩɩ tinteye-la kala lɛ mɩ sɩ chaasa na baanɩŋ mɩ yaraa hosi mɩ kiriba hɛ lɛ. Mɩ jaŋ kɛmba mɩɩra kɔ leriŋ deeŋ dɩ ba hɔŋ sɔm.

JƐRƖMAAYA 36:7

Kapo ba jaŋ kɔ La TƖƖNA sɩpaaŋ a sʋlʋ aŋ bɩrɩma lɩɩ ba wʋbɔŋŋɔɔ lɛ, bɛɛ wɩaa La TƖƖNA sɩ na baanɩŋ a bʋl wɩalɩŋ tɩgɛ nɩaa deemba lɛ bɩ bana kɛnɛ.”

JƐRƖMAAYA 37:10

Dɩ ma nɛ fa paala yuo dii Babɩlɔŋ tɩŋŋaa laalɩyuoroo kala sɩɩ yuoma ma, aŋ ka ba nɩalɩŋ sɩ bolimo dʋndʋŋa ma ba lɛŋŋɛɛ lɛ, ba jaŋ wuo kʋ lɩɩ a nyɩgɛ tabalɩŋ deeŋ dɩ ʋ dii tel.”

JƐRƖMAAYA 6:12

Ba dɩɩsɩŋ jaŋ mɩɩra ŋaa ba dʋndɔŋŋɔɔ kɩaa, a pɛ ba bagɩsɩŋ arɩ ba haalaa lɛ. Mɩ jaŋ dɔgɩsɛ nɩalɩŋ sɩ hɛ tintee-la lɛ.” La TƖƖNA nɛ bʋla.

JEMBIEE 2:3

Ʋ sɩ faasa na baanɩŋ, ʋ leŋe Iziral tɩŋŋaa doluŋ kala dɛrɛ nɛ. Ʋ lɩɩsɛ ʋ naduo-la ba lɛ nɛ, bʋa-la lɛ ba dʋndɔmɔ sɩ kpaga. Ʋ sii chɩŋ Jekɔb doho nɩaa lɛ a nagɛ nyiŋgeliŋ nɛ a joŋ kʋŋkala sɩ gollu a dii.

ƐZƖKƖƐL 39:3

Mɩ jaŋ ŋmoo ŋ nagʋa nɩsɩŋ lɛ dɩ ŋ toŋ foro tel, a ŋmoo ŋ nadiiŋ nɩsɩŋ ma lɛ dɩ ŋ to-hɛŋŋɛɛ foro tel.

ƐZƖKƖƐL 5:8

Ŋɩɩ wɩaa, wɩɩ-la mɩ-na ŋ TƖƖNA Wɩɩjarɩbakɔ sɩ bʋla nɛ ŋ-la: mɩ chɩŋ ŋ-na Jerusalɛm lɛ nɛ. Mɩ jaŋ dɔgʋsʋŋ tinteye-la kala sɩɩŋ lɛ.

MOSIS BƖRA WULLI WƖA WOMBIIŊ 4:23

Má kɛŋ ma tɩtɩa woruŋ a pʋpɔ dɩ má sɩ́ nii-la sɩ hɛ ma dɩ ma TƖƖNA Wɩa pɛgɛ yʋ. Má sɩ́ tɔŋ kala mɛ dɩ ʋ nagɛ kʋŋkala a pɩ ma tɩtɩa. Ma Tɩɩna Wɩa ka kɩsɛ ŋɩɩ nɛ.

MOSIS BƖRA WULLI WƖA WOMBIIŊ 4:34

Veŋ bɛɛ nɛ hɛ nɩmɛ a jaŋ wuo mʋ tinteeŋ tʋɔŋ a ŋaa wɩaa magɩsɛba, a ŋaa wʋkpuŋkperisiŋ arɩ wʋmagɩlaa, a yuo laalɩŋ, a dagɛ ʋ doluŋ a ŋaa wɩaa sɩ kɛŋ fawʋllʋŋ a laa ʋ nɩaa tintee-la nɩaa teeŋ? Ŋ-la nɛ ma TƖƖNA Wɩa ŋaa ma sɩɩŋ lɛ aŋ laama kaa kʋ lɩɩ Ijipiti tinteeŋ lɛ.