JƐRƖMAAYA 20:9 - WƖA TENIŊ

⁹ Ama dɩ mɩ nɛ sɩ, “Mɩ bɩ jaŋ yɩrɛ ʋ yɩrɩŋ koo a bʋl wɩaa ʋ yɩrɩŋ lɛ,” ʋ niiŋ wɩaa sɩ hɛ mɩ tʋɔŋ lɛ yie nagɛ nyiniŋ a nyɩnyɩgɛmɛ. Mɩ lɔlɔ nɛ arɩ wɩalɩŋ sɩ hɛ mɩ tʋɔŋ lɛ. Wʋtɩtɩɩ, mɩ bɩ jaŋ wuo.

JƐRƖMAAYA 20:9 ပူးပေါင်းရင်းမြစ်များ

WƖA YƖƖLAA 39:3

Mɩ tʋɔbɩɩnaa nagɛ nyiniŋ sɩɩ dii nɛ mɩ tʋɔŋ lɛ. Dɩ mɩ nɛ kɛŋ wɩaa chɔgɩsɛ na-kala, ʋ yie nagɛ nyiŋ-la faasaa dii nɛ. Ŋɩɩ nɛ mɩ walɩma ka aŋ pɩɛsɛ,

JƐRƖMAAYA 23:29

Mɩ niiŋ wɩaa nagɛ nyiniŋ nɛ, a bɩra nagɛ hama a ŋmoo bʋŋ yɩyɛrɛ muno muno.

JƐRƖMAAYA 23:9

A mʋ tɩgɛ Wɩa wʋlaabʋlla-la lɛ, mɩ tʋɔŋ kala chaasa vʋgʋmɛ nɛ, mɩ yaraa kala chichel. Mɩ nagɛ nɩa sɩ nyʋa sɩnɩŋ nɛ, nɩa sɩ nyʋa sɩnɩŋ a chaasa bugi, a tɩŋ La TƖƖNA arɩ ʋ niiŋ wɩaa sɩ bɩ disiniŋ kɛnɛ wɩaa.

JƐRƖMAAYA 4:19

Mɩɩ na hɛɛŋ nɛ, hɛɛŋ kɛmmɛ nɛ mɩ mɩmɩlɩmɛ. Mɩ tʋɔŋ kala nɛ cheye. Mɩ bɔyɛ ka joŋ nɛ, mɩ bɩ mɩ niiŋ wuo tɔrɛ. Mɩ nɩɩ banyile ba sɩ ŋmʋa nɛ. Mɩ nɩɩ laalɩyuori goŋ-la ma ba sɩ ŋaa nɛ.

JƐRƖMAAYA 6:11

La TƖƖNA, baaŋ-la ŋ sɩ na ba nyuŋ chaasa tʋgʋmɛ nɛ. Mɩ bɩ jaŋ wuo nyagʋ bil. Ŋɩɩ nɛ La TƖƖNA bʋla pɩmɛ, “Joŋ ŋ baaŋ-la fɩɩsɛ ba biiriŋ sɩ hɛ womporuŋ lɛ, arɩ bapʋɔsɩa-la sɩ hilime. Sɩ́ baalaa arɩ ba haalaa ma lɩɩsa ta. Sɩ́ nɩalɩŋ sɩ faasa hɩɛsɛ ma lɩɩsa ta.

ƐZƖKƖƐL 3:14

Wɩa Dɩma-la jommi je a kaa viiri, ka Wɩa doluŋ chaasa hɛ mɩ lɛ, mɩ tʋɔŋ chei, mɩ baanɩŋ sii.

ƐZƖKƖƐL 3:3

Ʋ bʋla pɩmɛ, “Nuhuobiiŋ, chaŋ teniŋ deeŋ mɩ sɩ joŋo pɩŋ a vɔgɛ.” Ŋɩɩ nɛ mɩ chaŋ teŋ-la ʋ sɩŋ woruŋ a nagɛ tʋʋŋ.

AMƆS 3:8

Dɩ naachigiŋ nɛ huoso, kʋbɛɛ nɛ fawʋllʋŋ bɩ jaŋ kɛŋ? Dɩ mɩ-na ma Tɩɩna Wɩɩjarɩbakɔ nɛ bʋl wɩaa, nʋʋkala bɩ wɩalɩŋ wuo laa tɔrɔ.

JONA 1:2

“Sii mʋ tabal-la ba sɩɩ yɩrɛ Nɩnɩvɛ a bʋl wɩaa chagɩlɛba a mʋ tɩgɛ wʋbɔmɔ-la ba sɩɩ ŋaa lɛ. Mɩ na ba wʋbɔmɔ-la nɛ.”

JONA 1:3

Jona vɩa Wɩa niiŋ aŋ mɩɩra fá mʋmʋ lee-la ba sɩɩ yɩrɛ Taasɩs. Ʋ sɩ mʋ yi Jopa, ʋ na lɩɩŋ daboro sɩɩ mʋ nɩmɛ. Ʋ tiŋ moribiiŋ aŋ jʋʋ, dɩ ʋ duoro mʋ Taasɩs a fá lɛl La TƖƖNA teeŋ.

Luuk 9:62

Ŋɩɩ nɛ Yesu bʋla pʋ, “Nʋʋ na-kala sɩ suomo dɩ ʋ pɛrɛ aŋ dɩdaasɛ ʋ harɩŋ, ʋ bɩ tɩntɩmɩɩ kala kɛnɛ Wɩa kuorii-la lɛ.”

Tɩntɩŋŋaa 17:16

Pɔɔl sɩ hɔŋ Atɛŋ lɛ a gbɩgbɛrɛ Saalas arɩ Timoti, ʋ na dɩ tɔŋŋɔɔ su taŋ-la kala. Ʋ tʋɔŋ faasa chei.

Tɩntɩŋŋaa 18:5

Ŋɩɩ nɛ Saalas arɩ Timoti lɩɩ Masidoonia kɔ. Bʋa-la lɛ ba sɩ kɔ, Pɔɔl joŋ ʋ nyuŋ kala hɛ aa bʋl Wɩa wɩaa, a dagɛ woruŋ a pɩ Juu tɩŋŋaa arɩ Yesu nɛ ŋaa Kirisito.

Tɩntɩŋŋaa 4:20

La bɩ jaŋ wuo tɔrɛ la niiŋ, see dɩ la bʋl wɩalɩŋ la sɩ na aŋ nɩɩ maa.”