JƐRƖMAAYA 20:8 - WƖA TENIŊ

⁸ Dɩ mɩ nɛ bʋl wɩaa bʋa na-kala, mɩ yie yel nɛ a heele bʋbʋl doluŋ sɩ diila arɩ cheeriŋ sɩ puula. La TƖƖNA niiŋ wɩaa joŋ joŋŋoo arɩ hɩɩsɩŋ nɛ a hɩhɛ mɩ lɛ tapʋlɩɩ kala.

JƐRƖMAAYA 20:8 ပူးပေါင်းရင်းမြစ်များ

2 KUOROO 2:23

Elaasa lɩɩ Jeriko lɛ a mʋmʋ Bɛtɛl. Ʋ sɩɩ mʋ, bapʋɔsɛ biisiŋ lɩɩ taŋ-la lɛ a sieri ʋ lɛ a bʋl, “Nyu-puoro tɩɩna, mʋ lɩɩ daha.”

2 IZIRAL TƖŊŊAA NAABARƖŊ 36:16

Ama ba bɩ ʋ wʋlaabʋlla-la teeŋ jegile nɩɩ, aŋ mɔmba a sieri ba lɛ. Ba ŋaa ŋɩɩ nɛ La TƖƖNA baanɩŋ chaasa sii ba nyuŋ, wɩɩkala tuo sɩ jaŋ pɔ dɩ ʋ sɩ́ ba dɔgʋsʋ.

AZAAYA 57:4

Kʋbɛɛ lɛ nɛ ma sisieri? Ma ŋaa nɩaa sɩ bɩ mɩ niiŋ ka sɛɩ nɛ, aŋ pɛ ŋaa wʋnyɩɛra ma.

JƐRƖMAAYA 15:10

Mɩ naaŋ, ŋ lʋlmɛ hɛ wɩaa lɛ nɛ, mɩ ŋaa nʋʋ tintee-la nɩaa kala kaa yuyuo yuosuŋ. Mɩ ha bɩ kʋŋ joŋo chɩŋ nʋʋ, mɩ bɩ nʋʋ ma chɩŋ die, ka nʋʋkala ŋmɩɛsa hɩhɛ mɩ lɛ.

JƐRƖMAAYA 15:15

La TƖƖNA, ŋ jɩŋ wɩɩkala sɩaa nɛ, liisi mɩ wɩaa aŋ beŋ mɩ nyuŋ. Laa mɩ yuosuŋ yuo pɩmɛ nɩalɩŋ sɩ to naasɩŋ dɔgɩsɛmɛ lɛ. Sɩ́ nyalɩma bibeŋ ka dɩ ba kpʋmɛ. Liise yi ŋɩɩ mɩ sɩ dii hɩɩsɩŋ ŋ wɩaa.

JƐRƖMAAYA 17:27

Ama dɩ ma nɛ bɩ mɩ niiŋ to a joŋ chɛ-wiesii-la dɩ ʋ ŋaa tapʋl-zɔŋ, aŋ chʋŋ kɩaa to boi-baala-la kʋʋ jʋʋ Jerusalɛm chɛ-wiesii-la chɛɛŋ, ŋɩɩ-na mɩ jaŋ chol nyiniŋ nʋʋ sɩ bɩ jaŋ wuo dɩsɛ a hɛ Jerusalɛm boi-baala-la lɛ dɩ ʋ dii Jerusalɛm dɩɩ-duoruŋ kala.”

JƐRƖMAAYA 20:7

La TƖƖNA, ŋ nyɩsɛmɛ nɛ, mɩ sɛɩ. Ŋ dolie kɩɩmɛ nɛ, a yuo diimi. Nɩaa ka sieri mɩ lɛ nɛ tapʋlɩɩ kala, nʋʋkala mʋmɔŋ mɩ lɛ.

JƐRƖMAAYA 28:8

Faafaa kala, Wɩa wʋlaabʋlla-la sɩ laa sɩpaaŋ kɔ mɩ dɩ ŋ lɛ, ba fa bʋla arɩ laalɩŋ, wʋlɔrʋŋ arɩ nyanyalɩɩ jaŋ jʋʋ tinteyee a yʋgɛ, a jʋʋ kuori-gentiŋ balaa ma a yʋgɛ.

JƐRƖMAAYA 5:1

La Tɩna sɩ, “Joŋ Jerusalɛm womporunuŋ kala gɔllɛ, beŋ ba kala lɛ fii a gollo bala na, nyilimi ba dɩ-hɔnɔɔ kala. Dɩ ŋ nɛ na nɩbala ma sɩɩ ŋaa wɩaa ba bʋa lɛ a chɩchɛ wʋtɩtɩɩ, mɩ jaŋ joŋo chɛ tabal-la nɩaa.

JƐRƖMAAYA 5:6

Ŋɩɩ wɩaa, naachigiŋ jaŋ lɩɩ duuŋ tʋɔŋ a kʋ kpʋba. Guŋguro jaŋ lɩɩ tintee-hɩlɩŋ a kʋ kɛmba pʋɔsɛ. Kpeye jaŋ faa kpagɛ ba tasɩŋ a gbɛrɛba, dɩ nʋʋkala nɛ kʋ lɩɩ, ʋ jaŋ kɛnʋ pʋɔsɛ. Ba chaasa vɩa La TƖƖNA nɛ, wɩalɩŋ ba sɩ ŋaa chei yʋga nɛ.

JƐRƖMAAYA 6:10

Kʋbɛɛ nɛ mɩ jaŋ wuo bʋl wɩaa chagɩlɛ? Kʋbɛɛ nɛ jaŋ jegile nɩɩ mɩ teeŋ? Ba dɩgɩlaa tɔ nɛ, ba bɩ wɩaa wuo nɩɩ. La TƖƖNA niiŋ wɩaa ŋaa jomo nɛ ba teeŋ. Ba tʋɔŋ bɩ wɩalɩŋ lɛ tɔrɔ.

JƐRƖMAAYA 7:9

Ma yie gɩgaa nɩaa kɩaa nɛ, a kpʋkpʋ nɩaa, a chɩchɛ dɔŋɔba haalaa, a nyɩɛ wɩaa aŋ ŋmɩŋmɩɛsɛ, a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a tuto vesiŋ dɔnsʋŋ ma sɩ bɩ jɩŋ,

HABAKU 1:3

Bɛɛ nɛ tɩɩ ŋ leŋ mɩ na wɩaa sɩ bɩ ba bʋa lɛ ŋaa? Bɛɛ nɛ tɩɩ ŋ sɛɩ wʋbɔŋŋɔɔ ŋaanɩŋ su leriŋ kala? Ŋ leŋ mɩ bibeŋ ka leriŋ chichei doluŋ didiila mɩ sɛmɛ na-kala ka yuosuŋ arɩ kaalɛrɛ ma pʋrɩgɛ.

Luuk 11:45

Yesu sɩ bʋl ŋɩɩ dɛrɛ, dɩ Wɩa teniŋ kerichi dɔŋɔ bʋla pʋ, “Kʋhɩaŋ, ŋ sɩ bʋl ŋ-la, ŋ tʋʋsɛla ma nɛ.”

Hiburu TƖŊŊAA 11:26

Mosis kɛŋ ʋ tɩtɩa hɛ dɔŋɔ dɩ ʋ dii hɩɩsɩŋ nɛ a tɩŋ Kirisito wɩaa, Nɩɩ-la Wɩa sɩ lɩɩsa. Ʋ jɩma arɩ hɩɩsɩ-la ʋ sɩ jaŋ dii a tɩŋ ʋ wɩaa time nɛ yʋga a kɩɩ kʋzɔmɔ-la kala ʋ sɩ jaŋ na Ijipiti tinteeŋ lɛ. Ʋ ŋaa siri dɩ ʋ laa time-la Wɩa sɩ jaŋ joŋo pʋ maachie nɛ.

Hiburu TƖŊŊAA 13:13

Yesu dii hɩɩsɩŋ nɛ woruŋ taŋ-la jeeŋ harɩŋ, ŋɩɩ wɩaa má leŋ dɩ la mʋ lee-la a ma dii hɩɩsɩ-la tɩtɩa.

1 Pɩɩta 4:14

Dɩ ba nɩɩ tʋʋsɛma a tɩŋ Kirisito wɩaa, Wɩa jaŋ pɛ ma lɛ, bɛɛ wɩaa Wɩa Dɩŋ-zɔmʋŋ sɩ kɛŋ doluŋ hɛ ma lɛ nɛ.