JƐRƖMAAYA 20:7 - WƖA TENIŊ

⁷ La TƖƖNA, ŋ nyɩsɛmɛ nɛ, mɩ sɛɩ. Ŋ dolie kɩɩmɛ nɛ, a yuo diimi. Nɩaa ka sieri mɩ lɛ nɛ tapʋlɩɩ kala, nʋʋkala mʋmɔŋ mɩ lɛ.

JƐRƖMAAYA 20:7 ပူးပေါင်းရင်းမြစ်များ

2 KUOROO 2:23

Elaasa lɩɩ Jeriko lɛ a mʋmʋ Bɛtɛl. Ʋ sɩɩ mʋ, bapʋɔsɛ biisiŋ lɩɩ taŋ-la lɛ a sieri ʋ lɛ a bʋl, “Nyu-puoro tɩɩna, mʋ lɩɩ daha.”

JOB 12:4

Mɩ mɩɩra ŋaa mɔmɩɩ nɛ mɩ nandɔnsʋŋ teeŋ, mɩ-na nɩɩ-la sɩ chʋɔlɛ Wɩa ʋ laa mɩ sʋla. Mɩ ŋaa tʋɔpʋl tɩɩna nɛ a bɩ wɩɩkala ma ŋaa chei.

JOB 30:9

Ama lɛɛlɛ ba biiriŋ nɛ kɛmmɛ hɛ yɩɩlɩŋ a sisieri mɩ lɛ. Mɩ bɩrɩmɛ kʋtɔɔ a guoli ba tʋɔŋ.

WƖA YƖƖLAA 119:51

Nɩalɩŋ sɩɩ dagɛ ba tɩtɩa ka sieri mɩ lɛ nɛ a bɩ leŋ, ama mɩ bɩ harɩŋ joŋo yɩa wombie-la ŋ sɩ bile dɩ la tuto.

AZAAYA 8:11

La TƖƖNA chaasa kɛŋ doluŋ nɛ a bʋl wɩaa kpʋrɩsɛ mɩ dɩgɩlaa, dɩ mɩ sɩ́ wombii-la nɩaa deemba sɩɩ to joŋ. Ʋ sɩ,

JƐRƖMAAYA 15:10

Mɩ naaŋ, ŋ lʋlmɛ hɛ wɩaa lɛ nɛ, mɩ ŋaa nʋʋ tintee-la nɩaa kala kaa yuyuo yuosuŋ. Mɩ ha bɩ kʋŋ joŋo chɩŋ nʋʋ, mɩ bɩ nʋʋ ma chɩŋ die, ka nʋʋkala ŋmɩɛsa hɩhɛ mɩ lɛ.

JƐRƖMAAYA 15:18

Bɛɛ nɛ tɩɩ mɩ hɛɛŋ bɩ dɛrɛ, mɩ naawɩɩlaa ma faasa verigi a bɩ fɩɛlɛ? Ŋ chɛ ŋ nyɩsɛmɛ a nagɛ fuoŋ sɩ yie hɩl wulumuŋ lɛ nɛ koo a nagɛ lɩɩ-bul-sɩɩŋ sɩ tɔ nɛɛ?

JƐRƖMAAYA 17:16

Mɩ bɩ ŋ harɩŋ mɩɩra a vɩa dɩ mɩ ŋaa ŋ pie-daarʋ. Mɩ ha bɩ bɩɩna arɩ maachie wʋlɔrʋŋ jaŋ jʋʋ ŋ nɩaa. Ŋ jɩŋ wɩalɩŋ kala mɩ sɩɩ bʋl nɛ.

JƐRƖMAAYA 20:9

Ama dɩ mɩ nɛ sɩ, “Mɩ bɩ jaŋ yɩrɛ ʋ yɩrɩŋ koo a bʋl wɩaa ʋ yɩrɩŋ lɛ,” ʋ niiŋ wɩaa sɩ hɛ mɩ tʋɔŋ lɛ yie nagɛ nyiniŋ a nyɩnyɩgɛmɛ. Mɩ lɔlɔ nɛ arɩ wɩalɩŋ sɩ hɛ mɩ tʋɔŋ lɛ. Wʋtɩtɩɩ, mɩ bɩ jaŋ wuo.

JƐRƖMAAYA 29:26

‘La TƖƖNA lɩɩsɩŋ nɛ a hɛ Jehoyada nyuŋ dɩ ŋ ŋaa Wɩɩsʋllɩ sɩpaalaarʋ a bibeŋ ʋ dɩɩ-bal-la. Ʋ maga dɩ ŋ kɛŋ nʋʋ na-kala sɩɩ nyaasʋ aŋ ŋɩŋaa wɩaa a nagɛ ʋ ŋaa Wɩa wʋlaabʋllʋ nɛ a hɛ kuruŋ arɩ chɔrʋmɔɔ.

JƐRƖMAAYA 38:19

Kuoro Zedikaaya bʋla pɩ Jɛrɩmaaya, “Fawʋllʋŋ kɛmmɛ nɛ a tɩŋ Juu tɩmma-la sɩ mʋ Babɩlɔŋ tɩmma-la teeŋ wɩaa. Babɩlɔŋ tɩmma-la jaŋ wuo jommi hɛ ba nɩsɩŋ lɛ dɩ ba chaasa dɔgɩsɛmɛ.”

JEMBIEE 3:14

Mɩ ŋaa mɔmɩɩ nɛ mɩ nɩaa kala teeŋ, ba kɛmmɛ hɛ yɩɩlɩŋ a sisieri mɩ lɛ tapʋlɩɩ kala.

ƐZƖKƖƐL 3:14

Wɩa Dɩma-la jommi je a kaa viiri, ka Wɩa doluŋ chaasa hɛ mɩ lɛ, mɩ tʋɔŋ chei, mɩ baanɩŋ sii.

HOSIA 9:7

Bʋa-la lɛ Wɩa sɩ jaŋ dɔgɩsɛ Iziral tɩŋŋaa ka kɔ nɛ, tapʋlɩɩ-la ba sɩ jaŋ na hɛɛŋ kpaga nɛ. Ma Iziral tɩŋŋaa jɩŋ wɩɩŋ deeŋ nɛ. Ma wʋbɔŋŋɔɔ yʋga nɛ kɩŋkɛŋ, ma chaasa tɛrɛ nɛ woruŋ, a joŋ Wɩa wʋlaabʋlla arɩ ʋ ŋaa nɩyaarɩ nɛ, nɩɩ-la Wɩa dɩma-la sɩ hɛ ʋ lɛ arɩ ʋ ŋaa nyɩnyɛ tɩɩna nɛ.

JONA 4:2

Ʋ sʋl La TƖƖNA, “Ou, mɩ TƖƖNA, ŋ-la dee mɩ bʋl mɩ fa ha sɩ hɛ mɩ jaŋ lɛɛ? Ŋ-la wɩaa nɛ tɩɩ mɩ fa fá lɩma lɩma a mʋmʋ Taasɩs ŋɩɩ. Mɩ jɩma ŋ ŋaa Wɩa sɩ kɛŋ zile a fɩfá nɩaa nenige nɛ. Ŋ baanɩŋ bɩ lɩma lɩma ka sii. Ŋ cho nɩaa ma woruŋ aŋ ŋaa Wɩa sɩ bɩ cho ʋ joŋ wʋbɔŋ kala ŋaa nʋʋ lɛ.

MƖKA 3:8

Ama mɩ-na Mɩka, La TƖƖNA joŋ ʋ Dɩma hɛ mɩ lɛ nɛ mɩ kɛŋ doluŋ, a jɩŋ wɩalɩŋ sɩ maga dɩ nɩaa ŋaa a kɛŋ bɔɩ-duoŋ dɩ mɩ dagɛ Iziral tɩŋŋaa wʋbɔŋŋɔɔ pɩba.

Luuk 16:14

Farisii tɩŋŋaa nɩɩ wɩɩŋ deeŋ Yesu sɩ bʋla. Ba fa cho dʋnɩa kɩaa nɛ kɩŋkɛŋ. Ŋɩɩ nɛ ba sisieri ʋ lɛ.

Luuk 23:11

Hɛrɔd arɩ ʋ laalɩyuoroo sieri Yesu lɛ a dɔgɩsʋ, aŋ leŋ ba joŋ gɛrɩ-zɔŋ kʋbala laalʋ, aŋ mɩɩra kɛnʋ mʋ Paalɩt teeŋ.

Tɩntɩŋŋaa 17:18

Kerichiba-la dɔnsʋŋ sɩɩ to Epikuuras wombiiŋ arɩ Sɩtɔɩk kerichiba dɔnsʋŋ ma kʋ naʋ a kɛŋ wɩaa lɩlɛrɛ ʋ teeŋ. Ba dɔnsʋŋ pɩɛsɛ, “Bɛɛ kɩaa wɩaa nɛ nɩyaarɩŋ deeŋ ma chɩnaa bʋl?” Dɔnsʋŋ ma sɩ, “Ʋ naga veŋ-falɩɩ wɩaa nɛ ʋ bʋbʋl.” Pɔɔl sɩ yie bʋl Yesu wɩaa arɩ ʋ sii sʋʋŋ lɛ nɛ tɩɩ ba bʋl ŋɩɩ.

Tɩntɩŋŋaa 17:32

Nɩalɩŋ sɩ nɩa arɩ Pɔɔl bʋl sʋʋŋ siiniŋ lɛ wɩaa, ba dɔnsʋŋ mʋmɔmʋ, ama dɔnsʋŋ ma sɩ, “La jaŋ cho dɩ ŋ maachie bɩra bʋl wɩɩŋ deeŋ pɩla.”

1 Kɔrɩntɩ Nɩaa 9:6

Ma bɩɩna mɩ dɩ Banabas dʋndʋŋa nɛ maga dɩ la bʋl Wɩa wɩaa aŋ pɛ tɩma pɛ la tɩtɩa lɛɛ?

Hiburu TƖŊŊAA 11:36

Dʋnɩa nɩaa mɔŋ dɔnsʋŋ nɛ. Ba vɩɩrɛ dɔnsʋŋ ma ba yaraa bɩɛlɛ. Ba vɔɔ dɔnsʋŋ ma arɩ chɔrʋmɔɔ aŋ kɛmba tɔ dɩa.