JƐRƖMAAYA 20:6 - WƖA TENIŊ

⁶ Ŋ-na Pasɩhɔ, arɩ nɩalɩŋ kala sɩ hɛ ŋ dɩa lɛ jaŋ mʋ yoŋ-baga Babɩlɔŋ lɛ. Ŋ jaŋ sʋʋ nɩmɛ dɩ ba huguŋ, ŋ dɩ ŋ nandɔnsʋ-la kala ŋ sɩ nyɩɛ wɩaa pa.’ ”

JƐRƖMAAYA 20:6 ပူးပေါင်းရင်းမြစ်များ

AZAAYA 9:15

Ba nɩhɩasɩŋ arɩ ba nɩbala-la nɛ ŋaa nyuŋ-la, Wɩa wʋlaabʋlla-la ma sɩɩ nyɩɛ wɩaa nɛ ŋaa bʋbʋɔ-doho-la.

JƐRƖMAAYA 14:13

Ama mɩ sɩ, “Ah, La TƖƖNA Wɩɩjarɩbakɔ, ŋ wʋlaabʋllaa vɛnɛ bʋla pɩpɩba nɛ arɩ ŋ sɩ, ‘Laalɩŋ bɩ jaŋ jʋʋma koo dɩ losuŋ jʋʋma dɩ ma na hɛɛŋ. Wʋtɩtɩɩ, mɩ jaŋ leŋ dɩ ma hɔŋ tinteeŋ deeŋ lɛ arɩ fɩɛlɩŋ a kaa mʋmʋ wuu.’ ”

JƐRƖMAAYA 14:16

Nɩalɩŋ ma ba sɩ nyɩɛ wɩalɩŋ pɩpa, jaŋ sʋʋ laalɩŋ lɛ, dɩ losuŋ ma kɛŋ ba dɔnsʋŋ dɩ ba sʋʋ, dɩ ba paaba yuo ta Jerusalɛm womporunuŋ lɛ. Nʋʋkala jaŋ tuo dɩ ʋ hugi ba dɩ ba haalaa, ba hambolibiisiŋ arɩ ba hantolibiisiŋ. Mɩ jaŋ joŋ hɛɛ-la sɩ maga dɩ ba na a hɛ ba lɛ.”

JƐRƖMAAYA 20:1

Ɩma nanʋala Pasɩhɔ sɩ ŋaa Wɩɩsʋllɩ sɩpaalaara, aŋ ŋaa La TƖƖNA dɩɩ-bal-la tɩntɩnnaa nɩhɩaŋ ma, sɩ nɩa dɩ Jɛrɩmaaya ka bʋl wɩalɩŋ Wɩa doluŋ lɛ,

JƐRƖMAAYA 20:4

Wɩɩ-la La TƖƖNA sɩ bʋla nɛ ŋ-la: ‘Mɩ jaŋ leŋ dɩ fawʋllʋŋ kɛnɩŋ dɩ ŋ ma leŋ dɩ fawʋllʋŋ kɛŋ ŋ nandɔnsʋŋ. Ŋ sɩɩŋ lɛ, ŋ nandɔnsʋ-la dʋndɔŋŋɔɔ jaŋ kpʋba. Mɩ jaŋ joŋ Juda nɩaa kala hɛ Babɩlɔŋ kuoro nɩsɩŋ lɛ. Ʋ jaŋ kpʋ dɔnsʋŋ a kɛŋ dɔnsʋŋ ma mʋ Babɩlɔŋ tinteeŋ.

JƐRƖMAAYA 23:32

Mɩ chaasa chɩŋ nɩalɩŋ sɩ nyɩɛ wɩaa arɩ baa na wɩaa duosoo tʋɔŋ lɛ nɛ. Ba yie nyɩɛ wɩalɩŋ a leŋ mɩ nɩaa yeŋŋi nɛ, ka mɩ dee bɩ ba lɩɩsa koo a tɩmba. Wɩalɩŋ bɩ mɩ nɩaa lɛ ka pɛ mʋa ma. Mɩ-na ma TƖƖNA nɛ bʋla.”

JƐRƖMAAYA 29:32

wɩɩ-la mɩ-na ma TƖƖNA sɩ bʋla nɛ ŋ-la: Mɩ jaŋ dɔgɩsɛ Sɛmaaya sɩ lɩɩ Nehelam arɩ ʋ doho nɩaa kala. Ʋ nɩaa kʋŋkala bɩ jaŋ ka nɩaa deemba tʋɔŋ. Ʋ bɩ jaŋ kɔ dɩ ʋ na wʋzɔmɔ-la mɩ sɩ jaŋ ŋaa pɩ mɩ nɩaa, bɛɛ wɩaa ʋ dagɛ nɩaa a leŋ ba vɩa mɩ niiŋ nɛ. Mɩ-na ma TƖƖNA nɛ bʋla.’ ”

JƐRƖMAAYA 5:31

Mɩ wʋlaabʋllaa sɩ nyɩɛ wɩaa arɩ baa bʋl wɩaa Wɩa doluŋ lɛ nɛ. Ka Wɩɩsʋllɩ sɩpaalaaraa ma mɩɩra ŋɩŋaa wɩaa ba tɩtɩaba doluŋ lɛ. Mɩ nɩaa ma cho ŋɩɩ ba sɩɩ ŋaa. Ama wʋbɛɛ nɛ ma jaŋ ŋaa wɩaa deemba dɩdɛrɩŋ?”

JEMBIEE 2:14

Wɩalɩŋ ma Wɩa wʋlaabʋllaa sɩ na arɩ duosoo tʋɔŋ, ŋaa wʋnyɩɛrɩŋ nɛ a bɩ bʋbʋɔ kala kɛnɛ. Ba bɩ leŋe ma jɩŋ dɩ ma ŋaa wʋbɔŋŋɔɔ, dɩ ŋɩɩ fa leŋ dɩ ma sɩ́ yoŋ-baga mʋ. Wɩalɩŋ ba sɩ bʋla pɩma ŋaa wʋnyɩɛrɩŋ nɛ a kɛmma yeŋŋi.

ƐZƖKƖƐL 22:28

Wɩa wʋlaabʋlla-la sɩ hɛ Iziral lɛ gbaa tʋtɔ wʋbɔŋŋɔɔ deemba kala nɛ, a nagɛ ba sɩ ŋaa tʋɔrʋŋ bʋgɛ kʋa. Ba yie nyɩɛ wɩaa bʋl dɩ ba na wɩaa a nagɛ duosoo tʋɔŋ nɛ, a vʋga dɩdagɛ wɩalɩŋ maachie sɩ jaŋ ŋaa. Ba sɩ, ‘Wɩɩ-la la TƖƖNA Wɩɩjarɩbakɔ sɩ bʋla nɛ ŋɩɩ,’ ka mɩ-na ma TƖƖNA bɩ wɩɩkala bʋla.

LEVI DOHO NƖAA 26:17

Mɩ jaŋ vɩama ta a leŋ dɩ ma dʋndɔŋŋɔɔ yuo diima. Nɩalɩŋ sɩ bɛrɛma nɛ jaŋ bemma. Ma jaŋ fá, ka nʋʋ bɩ maa kiri.

MƖKA 2:11

Dɩ wʋnyɩɛrʋ nɛ fa kʋ nyɩsɛma a bʋl, ‘Mɩ jaŋ bʋl wɩaa Wɩa doluŋ lɛ arɩ girep nɛnɛɛ sɩnɩŋ arɩ sɩ-duoruŋ jaŋ pʋrɩgɛ,’ wʋlaabʋlla deeŋ doho nɛ ma nɩaa deemba chɩchɛ.”

ZƐKARƖYA 13:3

Dɩ nʋʋkala nɛ ha pɛsɛ a nyɩɛ bʋbʋl wɩaa mɩ yɩrɩŋ lɛ, ʋ nyɩmma arɩ ʋ naaŋ-la sɩ lʋlʋ jaŋ bʋla pʋ, ‘Ʋ maga ba kpʋŋ nɛ, bɛɛ wɩaa ŋ nyɩɛ wɩaa nɛ La TƖƖNA yɩrɩŋ lɛ.’ Dɩ ʋ nɛ nyɩɛ bʋl wɩaa mɩ yɩrɩŋ lɛ, ʋ nyɩmma arɩ ʋ naaŋ jaŋ tɔbʋ kpʋ.

MOSIS BƖRA WULLI WƖA WOMBIIŊ 28:25

La TƖƖNA jaŋ leŋ dɩ ma dʋndɔŋŋɔɔ yuo diima. Ma jaŋ to dɩ-bala a mʋ dɩ ma yuoba, ama ba jaŋ kirima dɩ ma fá pɩsɛ a chɩchɛ dɩ ma laa ma tɩtɩa. Dʋnɩa nɩaa kala jaŋ na wɩɩ-la sɩ ŋaa ma lɛ dɩ fawʋllʋŋ faasa kɛmba.