JƐRƖMAAYA 20:5 - WƖA TENIŊ

⁵ Mɩ jaŋ joŋ ba tabalɩŋ deeŋ dʋa kala a pɩ ba dʋndɔŋŋɔɔ, ba kʋŋaalaa, ba kʋyuŋŋoo arɩ Juda kuoroo dʋa kala. Ba jaŋ yuo laa ba kala a kaa mʋ Babɩlɔŋ.

JƐRƖMAAYA 20:5 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:10

Duoŋ puso bʋa lɛ, kuoro Nebukadineza tɩŋ ba kʋ kɛŋ Jehoyachiŋ a kaa mʋ Babɩlɔŋ, a paa La TƖƖNA dɩɩ-bal-la tʋɔŋ kɩaa dɔnsʋŋ sɩ kɛŋ yuŋuŋ pɛ, aŋ leŋ Jehoyachiŋ nɩɛra Zedikaaya mɩɩra dii Juda tinteeŋ kuoruŋ.

AZAAYA 39:6

‘Bʋa kʋbala jaŋ yi, kɩalɩŋ kala sɩ hɛ ŋ kuoru dɩa lɛ arɩ kɩalɩŋ ŋ naabalɩmaba sɩ dʋa a kaa kɔ jɩnɩŋ, ba jaŋ chʋŋ ba kala a kaa mʋ Babɩlɔŋ. Kʋŋkala bɩ jaŋ ka. La TƖƖNA nɛ bʋla.

JƐRƖMAAYA 12:12

Laalɩyuoro-la sɩɩ chei leriŋ jaŋ kʋ waala tɔ dundollu-la kala sɩ hɛ tintee-hɩlɩŋ lɛ, mɩ-na ma TƖƖNA tokobiiŋ jaŋ chɩŋ tintee-la sɛmɛ dɔŋɔ, a kpʋ nɩaa deeŋ deeŋ a mʋ yi sɛmɛ dɔŋɔ. Nʋʋkala bɩ jaŋ wiesi.

JƐRƖMAAYA 15:13

Ma dʋa arɩ ma kɩaa kala, mɩ jaŋ leŋ dɩ nɩaa kʋ paaba viiri, ba bɩ jaŋ tiŋ kʋŋkala a tɩŋ wʋbɔmɔ-la ma sɩ ŋaa ma tinteeŋ kala lɛ wɩaa.

JƐRƖMAAYA 17:3

Mɩ peeliŋ sɩ hɛ tintee-la lɛ, ma dʋa arɩ ma kɩaa kala, mɩ jaŋ leŋ dɩ nɩaa laa ba kala, a pɛ ma vesiŋ dɩ-kpaaraa kala lɛ a tɩŋ wʋbɔmɔ-la ma sɩ ŋaa ma tinteeŋ kala lɛ wɩaa.

JƐRƖMAAYA 3:24

A chɩŋ la hambiriŋ kala lɛ a kaa kɔ, vʋɩyaa sɩ ŋaa hɩɩsɩ kɩaa dii la naabalɩmaba lɔlʋŋ kala a ta nɛ: ba piesee, nɛsɩŋ, ba hambolibiisiŋ arɩ hantolibiisiŋ.

JƐRƖMAAYA 32:24

Bee na ŋɩɩ ba sɩ saa vaŋkumba dɩ ba yuo dii tabal-la. A tɩŋ laalɩŋ, losuŋ arɩ nyanyalɩŋ wɩaa, tabal-la jaŋ jʋʋ Babɩlɔŋ tɩmma-la sɩɩ yuou nɩsɩŋ. Wɩɩ-la ŋ sɩ bʋla sɛnɛ ŋaa nɛ, ʋ nɛ ŋ nɩna ŋɩɩ lɛɛlɛ.

JƐRƖMAAYA 39:2

Zedikaaya sɩ dii kuoruŋ ʋ jɩ-fii arɩ kʋbala tʋɔŋ chɛŋ nɛsɛ tapʋl nibi chɛɛŋ, ba ŋmoo tabal-la kɛrɛ sɛmɛ dɔŋɔ lo aŋ jʋʋ taŋ-la.

JƐRƖMAAYA 39:8

Babɩlɔŋ tɩmma-la chol nyiniŋ hɛ kuoro dɩa lɛ arɩ nɩalɩŋ dɩɩsɩŋ aŋ ŋmoo Jerusalɛm jebiee lo.

JƐRƖMAAYA 4:20

Wʋlɔrʋnʋ-la lɩa aŋ ka pɩpɩ dɔŋɔ nɛ. Tintee-la kala pɩŋ jikpeeniŋ nɛ. Ba guu chei mɩ lɛŋŋɛɛ nɛ, a kɩɛsɛ ba patɩɩsamba kala muno muno.

JEMBIEE 1:10

Jerusalɛm dʋndɔmɔ kɛŋ ʋ dʋa kala laa nɛ. Ʋ na dɩ tinteye-la nɩaa sɩɩ kpaarɛ vʋɩyaa jʋʋ Wɩa dɩɩ-bal-la sɩ hɛ ʋ lɛ tʋɔŋ, nɩalɩŋ fa sɩɩ kɩsɛ dɩ ba jʋʋ lee-la ŋ nɩaa sɩɩ hilimu.

JEMBIEE 1:7

Tapʋlɩa-la wɩaa sɩ jʋʋba ba gɔllɔ bɩbaarɛ, Jerusalɛm nɩaa liise yi ba dʋa-la kala wɩaa nɛ, kɩalɩŋ ba sɩ kɛnɛ faafaa-la. Ʋ nɩaa sɩ jʋʋ ba dʋndɔŋŋɔɔ nɩsɩŋ, nʋʋ tuo dɩ ʋ pɛ ba lɛ. Ʋ dʋndɔŋŋɔɔ benu nɛ aŋ mɔŋ ʋ sɩ cheye lɛ.

JEMBIEE 4:12

Dʋnɩa kuoroo kʋŋkala bɩ laa dii nʋʋkala ma tuo dʋnɩa lɛ a laa dii, arɩ dʋndɔŋŋɔɔ jaŋ wuo to Jerusalɛm boi-baalaa jʋʋ.

ƐZƖKƖƐL 22:25

Sɩpaalaara-la sɩ hɛ ŋ lɛ nagɛ naachigiŋ sɩ kpʋ kɩaa a didii nɛ. Ba yie kpʋ nɩaa, a lɩlaa ba dʋa aŋ pɩpaa ba kɩalɩŋ ma sɩ kɛŋ yuŋuŋ, a leŋ yo-haalaa yʋgɛ Jerusalɛm lɛ.

DANƖƐL 1:2

La Tɩɩna joŋ Juda kuoro Jehoyakim hɛ ʋ nɩsɩŋ lɛ, ʋ pɛ paa tɩntɩnnɩ kɩalɩŋ dɔnsʋŋ sɩ hɛ Wɩa dɩɩ-balɩŋ lɛ. Ʋ paa kɩaa deemba a kaa mʋ Babɩlɔŋ nɛ a bil ʋ vene dɩa lɛ, lee-la ʋ sɩɩ bil ʋ sɩɩfɩaŋ kɩaa.

HOSIA 13:15

Efirem pʋŋa yʋgɛ nɛ woruŋ ʋ naambiiriŋ tʋɔŋ, ama La TƖƖNA jaŋ leŋ dɩ peliŋ lɩɩ wɩɩpɔsʋŋ dɩɩrɩŋ a kɔ a lu lɩɩ tintee-hɩlɩŋ, dɩ ʋ lɩɩ-bul-sɩɩŋ tɔ, dɩ ʋ viliŋ ma hɩl. Ba jaŋ jʋʋ dii ʋ chʋgʋsʋŋ dɩa a paa dʋa-la kala ʋ sɩ bile.