JƐRƖMAAYA 20:2 - WƖA TENIŊ

² ʋ leŋ ba ŋmoo Wɩa wʋlaabʋlla Jɛrɩmaaya, aŋ kɛnʋ jɩla hɛ kuruŋ Bɛnjamɩŋ boi-baal-la sɩ kpagɛ La TƖƖNA dɩɩ-bal-la lɛ.

JƐRƖMAAYA 20:2 ပူးပေါင်းရင်းမြစ်များ

1 KUOROO 13:4

Kuoro Jerobuam sɩ nɩɩ wɩɩ-la Wɩa wʋlaabʋllʋ-la sɩ bʋla a tɩgɛ koru-la sɩ hɛ Bɛtɛl lɛ, ʋ chɩŋ koru-la bʋbʋɔŋ aŋ kɛŋ nɩsɩŋ tɩɛna chaasɛ baal-la aŋ bʋl, “Má kɛŋ baal-la.” Nɩsɩ-la ʋ sɩ kaa tɩɛna chaasɛ baal-la terigi, ʋ bɩra bɩ wuo kaa kʋʋrɛ.

1 KUOROO 22:27

Má bʋla pɩba arɩ ba laaʋ tɔ bɩnɩŋ dɩa a pʋpʋ boroboro mʋa mʋa arɩ lɩɩŋ dʋndʋŋ a mʋ yi bʋa-la lɛ mɩ sɩ jaŋ mɩɩra kɔ arɩ yarɩfɩɛlaa.”

2 IZIRAL TƖŊŊAA NAABARƖŊ 16:10

Asa sɩ nɩɩ wɩɩŋ deeŋ, ʋ baanɩŋ chaasa sii woruŋ, ʋ kɛŋ Hanani Wɩa sɩɩ-naarʋ-la tɔ dɩa. Bʋa-la tɩtɩa lɛ Asa fa chaasa dɔgɩsɛ ʋ nɩalɩŋ dɔnsʋŋ ma nɛ woruŋ.

2 IZIRAL TƖŊŊAA NAABARƖŊ 18:23

Ŋɩɩ nɛ Zedikaaya sɩ ŋaa Kɛnaana nanʋala mʋ fallɛ Mɩkaaya, aŋ pɩɛsʋ, “Bʋa bɛɛ lɛ nɛ La TƖƖNA dɩma-la lɩɩ mɩ lɛ, a kɔ ŋ teeŋ a bʋl wɩaa pɩŋ?”

2 IZIRAL TƖŊŊAA NAABARƖŊ 24:21

Ŋɩɩ nɛ ba vʋʋra sii chɩŋ ʋ lɛ, kuoro pa wombiiŋ ba yagʋ arɩ tabɩaa a kpʋ La TƖƖNA dɩɩ-bal-la kaala lɛ.

JOB 13:27

Ŋ vɔɔ mɩ naasɩŋ nɛ arɩ chɔrʋmɔɔ, a bibeŋ mɩ wombii-vɛnɛɛ kala, a magɩlɛ mɩ naavɛnɛɛ.

JOB 33:11

Ʋ vɔɔ mɩ naasɩŋ nɛ arɩ chɔrʋmɔɔ, a bibeŋ mɩ naavɛnɛɛ kala.’

JƐRƖMAAYA 1:19

Ba jaŋ yuoŋ, ama ba bɩ jaŋ wuo yuo diiŋ, bɛɛ wɩaa, mɩ hɛ ŋ teeŋ nɛ, mɩ jaŋ laaŋ ta ba nɩsɩŋ lɛ. Mɩ-na ma TƖƖNA nɛ bʋla.”

JƐRƖMAAYA 26:10

Juda tinteeŋ tɩntɩnnɩ-hɩasɩŋ sɩ nɩɩ wɩaa deemba, ba lɩɩ kuoru dɩa lɛ a mʋ La TƖƖNA dɩɩ-balɩŋ, a hɔŋ ba dɩ-hɔnɔɔ La TƖƖNA dɩɩ-bal-la boi-baal falɩɩ-la niiŋ.

JƐRƖMAAYA 26:8

Ama Jɛrɩmaaya fa sɩ bʋl wɩalɩŋ La TƖƖNA sɩ bʋla pʋ a pɩ nɩalɩŋ a dɛrɛ, ŋɩɩ nɛ Wɩɩsʋllɩ sɩpaalaaraa, Wɩa wʋlaabʋllaa arɩ nɩalɩŋ kala guu sii kɛnʋ aŋ bʋl, “Ʋ maga ŋ sʋʋ nɛ.

JƐRƖMAAYA 29:26

‘La TƖƖNA lɩɩsɩŋ nɛ a hɛ Jehoyada nyuŋ dɩ ŋ ŋaa Wɩɩsʋllɩ sɩpaalaarʋ a bibeŋ ʋ dɩɩ-bal-la. Ʋ maga dɩ ŋ kɛŋ nʋʋ na-kala sɩɩ nyaasʋ aŋ ŋɩŋaa wɩaa a nagɛ ʋ ŋaa Wɩa wʋlaabʋllʋ nɛ a hɛ kuruŋ arɩ chɔrʋmɔɔ.

JƐRƖMAAYA 36:26

aŋ mɩɩra bʋla pɩ kuoro nanʋala Jɛramɛɛl, Azɩrɩɛl nanʋala Sɛraaya arɩ Abɩdɛɛl nanʋala Sɛlɛmaaya dɩ ba kɛŋ Baruk sɩ ŋaa Wɩa teniŋ kerichi arɩ Wɩa wʋlaabʋlla Jɛrɩmaaya. Ama La TƖƖNA kɛmba faa nɛ.

JƐRƖMAAYA 37:13

Ama ʋ sɩ mʋ yi Bɛnjamɩŋ boi-baalɩŋ, nɩalɩŋ sɩɩ pɔ leriŋ nɩhɩaŋ, ʋ yɩrɩŋ nɛ fa Ɩrɩja, a ŋaa Sɛlɛmaaya nanʋala aŋ ŋaa Hananaaya ma nihiŋ, ʋ kɛnʋ aŋ bʋl, “Ŋ lenla aŋ mʋ pɛ Babɩlɔŋ tɩŋŋaa lɛ nɛ.”

JƐRƖMAAYA 37:21

Ŋɩɩ nɛ kuoro Zedikaaya pa wombiiŋ dɩ ba joŋ Jɛrɩmaaya hɛ laalɩyuoro-la sɩɩ pɔ kuoro kaala lɛ, aŋ pʋpʋ boroboro-la ba sɩɩ yallɛ womporuŋ lɛ see dɩ ba kala dɛrɛ tabal-la lɛ. Ŋɩɩ nɛ Jɛrɩmaaya ka laalɩyuoro-la sɩɩ pɔ kuoro kaala-la tʋɔŋ.

ZƐKARƖYA 14:10

Tintee-la kala, a chɩŋ Geba lɛ a kaa mʋ Rimoŋ sɩ hɛ Jerusalɛm wɩɩpɔsʋŋ nadiiŋ dɩɩrɩŋ, jaŋ mɩɩra nagɛ lee-la ba sɩɩ yɩrɛ Araba. Ama Jerusalɛm jaŋ sii je a chɩŋ ʋ dɩchɩnɩŋ, a lɩɩ Bɛnjamɩŋ Boi-baalɩŋ a kaa mʋ Boi-baal Bumbuŋ leriŋ, a kaa mʋ Je-gʋnʋŋ Boi-baalɩŋ lɛ, a bɩra chɩŋ Hananɛl dɩɩ-leŋii-la lɛ a kaa mʋ kuoro girep nɛnɛɛ sɩnɩŋ dɩ-chagɩŋ.

Matiu 21:35

Ba kɛŋ dɔŋɔ a ŋmobu, a kpʋ dɔŋɔ, a yagɛ dɔŋɔ arɩ tabɩaa a kpʋʋ.

Tɩntɩŋŋaa 4:3

Ŋɩɩ nɛ ba kɛŋ Pɩɩta arɩ Jɔɔŋ kaa mʋ tɔ dɩa, taŋ pʋl. Ba fa kɛsɛba dɩ wɩa ka chɛ dɩ ʋ jʋʋ nɛ, ŋɩɩ nɛ tɩɩ ba tɔba taŋ pʋl.

Tɩntɩŋŋaa 5:18

Ba kɛsɛ Yesu nanzɔɔba-la kaa mʋ tɔ dɩa, lee-la ba sɩɩ tɔ ba nɩaa.

Tɩntɩŋŋaa 5:40

Ŋɩɩ nɛ ba jegile nɩɩ ʋ niiŋ. Ba yɩrɛ Yesu nanzɔɔba-la ba kʋ jʋʋ, a ŋaa ba vɩɩrɛba, aŋ bʋla pɩba dɩ ba bɩra sɩ́ wɩaa bʋl Yesu yɩrɩŋ lɛ, aŋ leŋ ba viiri.

Tɩntɩŋŋaa 7:52

Wɩa wʋlaabʋllaa kʋŋkala tuo ma naabalɩmaba sɩ bɩ naasɩŋ to dɔgɩsɛ. Ba fa paala kpʋ nɩalɩŋ sɩ laa sɩpaaŋ bʋl dɩ Wɩa tʋɔpʋl Tɩɩna jaŋ kɔ nɛ. Ʋ nɛ lɛɛlɛ ma joŋo yallɛ ba kpʋ ŋɩɩ.

Jɔɔŋ Wʋnaalaa 17:6

Ŋɩɩ nɛ ka mɩ na haal-la dɩ ʋ nyʋa Wɩa nɩaa chalɩŋ, a pɛ nɩalɩŋ ba sɩ kpʋa a tɩŋ Yesu wɩaa lɛ a bugi. Mɩ sɩ naʋ, ʋ wɩaa kperimi kɩŋkɛŋ kɩŋkɛŋ.

Jɔɔŋ Wʋnaalaa 2:10

Má sɩ́ leŋe dɩ fawʋllʋŋ kɛmma a mʋ tɩgɛ hɛɛ kala ma sɩ jaŋ na lɛ. Mɩ bʋlaa pɩma, Sɩtaanɩ jaŋ magɩsɛ ma dɔnsʋŋ a leŋ dɩ ba kɛmma tɔ bɩnɩŋ dɩa. Ma jaŋ na hɛɛŋ a yi tapʋlaa fii. Dɩ ba nɩɩ chɛ dɩ ba kpʋma ma, ma-na ha chɩŋ wɩalɩŋ ma sɩ laa dii lɛ. Dɩ ma nɛ ŋaa ŋɩɩ, mɩ jaŋ joŋ mɩɩ-zɔmʋŋ pɩma Wɩa-jaŋ lɛ.