JƐRƖMAAYA 20:18 - WƖA TENIŊ

¹⁸ Bɛɛ nɛ paala tɩɩ mɩ kʋ lɩɩ mɩ naaŋ luoruŋ tʋɔŋ, a nɩna wʋwalɩmaa arɩ tʋɔ-cheeŋ ka dɩ mɩ tapʋlaa kala ma dɛrɛ arɩ hɩɩsɩŋ?

JƐRƖMAAYA 20:18 ပူးပေါင်းရင်းမြစ်များ

1 KUOROO 19:4

aŋ tɩtɩa joŋ tapʋl bala a vɛnɛ mʋ tintee-hɩlɩŋ. Ʋ mʋ hɔŋ tɩa kʋbala bʋbʋɔŋ, aŋ sʋl Wɩa a chɩchɛ dɩ ʋ leŋ dɩ ʋ sʋʋ. Ʋ sɩ, “Mɩ TƖƖNA, mɩ na hɛɛŋ magɛ nɛ, leŋ dɩ mɩ sʋʋ. Mɩ bɩ mɩ naabalɩmaba kɩɩ.”

JOB 14:1

Ba sɩ yie lʋl nuhuobiine, ʋ tapʋlaa ŋaa baŋmɛnɛ nɛ aŋ ka ʋ wʋjʋʋlaa yʋgɛ.

JOB 14:13

Wɩa, dɩ ŋ nɛ fa jaŋ yaara jommi hɛ bʋa tʋɔŋ, dɩ mɩ faa nɩmɛ ka dɩ ŋ baanɩŋ fɩɛlɛ. Mɩ fa jaŋ cho dɩ ŋ dagɛ tapʋlaa pɩmɛ nɩmɛ, dɩ ba nɛ yie, dɩ ŋ liisi mɩ wɩaa.

JOB 3:20

Bɛɛ nɛ tɩɩ nɩalɩŋ sɩɩ na hɛɛŋ wei, a kɛŋ tʋɔ-cheeŋ kɩŋkɛŋ aŋ hɛ ba mɩɩsɩŋ lɛ?

JOB 5:7

Ama ba lʋl nuhuobiine a hɛ wʋwalɩmaa lɛ nɛ, a nagɛ nyiŋ-pʋgʋmaa sɩ yie sii a jɩjɩl wɩa-nyuŋ ŋɩɩ.

WƖA YƖƖLAA 102:3

Mɩ tapʋlaa ka dɛrɛ nɛ, a nagɛ nyʋɔsʋŋ sɩɩ lɛl. Mɩ yaraa kala didii a nagɛ nyiniŋ.

WƖA YƖƖLAA 69:19

Ŋ jɩŋ ŋɩɩ ba sɩɩ tʋʋsɛmɛ nɛ, a mʋmɔŋ mɩ lɛ aa hɩɩsɛmɛ. Ŋ jɩŋ mɩ dʋndɔŋŋɔɔ kala nɛ.

AZAAYA 1:6

A chɩŋ ma naachɛyɛɛ a kaa jɩl ma nyuŋ yarɩfɩɛlaa tuo. Ma yaraa kala nɛ firise a ŋaa naawɩɩlaa. Ma bɩ chɛsɛ, ma bɩ vɔɔ tɔ, ma bɩ daalusuŋ ma ŋaa hɛ.

AZAAYA 51:7

Ma nɩalɩŋ sɩ jɩŋ wʋtɩtɩɩ, a joŋ mɩ wombii-la mɩ sɩ bile dɩ ba tuto wɩaa hɛ ma nyuŋ lɛ, má jegile nɩɩ mɩ teeŋ. Dɩ nɩaa nɛ ŋaa wɩaa a jʋjʋʋ ma lɛ koo a tʋtʋʋsɛma, má sɩ́ leŋe dɩ fawʋllʋŋ kɛmma.

JƐRƖMAAYA 15:10

Mɩ naaŋ, ŋ lʋlmɛ hɛ wɩaa lɛ nɛ, mɩ ŋaa nʋʋ tintee-la nɩaa kala kaa yuyuo yuosuŋ. Mɩ ha bɩ kʋŋ joŋo chɩŋ nʋʋ, mɩ bɩ nʋʋ ma chɩŋ die, ka nʋʋkala ŋmɩɛsa hɩhɛ mɩ lɛ.

JƐRƖMAAYA 15:18

Bɛɛ nɛ tɩɩ mɩ hɛɛŋ bɩ dɛrɛ, mɩ naawɩɩlaa ma faasa verigi a bɩ fɩɛlɛ? Ŋ chɛ ŋ nyɩsɛmɛ a nagɛ fuoŋ sɩ yie hɩl wulumuŋ lɛ nɛ koo a nagɛ lɩɩ-bul-sɩɩŋ sɩ tɔ nɛɛ?

JƐRƖMAAYA 3:25

Má leŋ la yaara kɛŋ la hɩɩsɩŋ pɩŋ, a leŋ la hɩɩsɩŋ diila. La ŋaa wʋbɔŋ nɛ La TƖƖNA Wɩa lɛ, la dɩ la naabalɩmaba kala. A chɩŋ la hambiiriŋ lɛ a kaa kɔ jɩnɩŋ, la bɩ La TƖƖNA Wɩa niiŋ to.”

JƐRƖMAAYA 8:18

Jɛrɩmaaya bʋl, “Mɩ tʋɔŋ cheye yʋgɛ nɛ, nʋʋ bɩ mɩ bɔyɛ wuo nyagɛ, mɩ daagaa chaasa viisi nɛ.

JEMBIEE 1:12

Ʋ bɩ wɩɩ ŋaa ma nɩalɩŋ kala sɩ to lee-la bɩbal teeŋ? Má bee gollo na. Nʋʋ tuo ʋ hɛɛŋ nagɛ hɛɛ-la mɩ sɩɩ na, kʋ-la La TƖƖNA sɩ joŋo hɛ mɩ lɛ, tapʋlɩɩ-la ʋ baanɩŋ sɩ faasa sii.

JEMBIEE 3:1

Mɩ nɛ nɩɩ-la Wɩa sɩ na baanɩŋ a kɛŋ ʋ daŋkpɩlɩŋ dɔgɩsɛ.

HABAKU 1:3

Bɛɛ nɛ tɩɩ ŋ leŋ mɩ na wɩaa sɩ bɩ ba bʋa lɛ ŋaa? Bɛɛ nɛ tɩɩ ŋ sɛɩ wʋbɔŋŋɔɔ ŋaanɩŋ su leriŋ kala? Ŋ leŋ mɩ bibeŋ ka leriŋ chichei doluŋ didiila mɩ sɛmɛ na-kala ka yuosuŋ arɩ kaalɛrɛ ma pʋrɩgɛ.

Jɔɔŋ 16:20

Wʋtɩtɩɩ nɛ mɩ bʋlaa pɩma, ma jaŋ ŋmuŋmoo niiŋ ka dɩ dʋnɩa nɩaa tʋɔŋ tɔrɛ, ma tʋɔŋ jaŋ chei, ama ma tʋɔ-chei-la jaŋ mɩɩra bɩrɩmɛ tʋɔtɔrʋŋ.

Tɩntɩŋŋaa 5:41

Ŋɩɩ nɛ ba lɩɩ nɩalɩŋ fa sɩ hilime teeŋ. Ba tʋɔŋ tɔrɛ arɩ ba sɩ dɔgɩsɛba a tɩŋ Yesu wɩaa.

2 Timoti 1:12

Mɩ sɩɩ bʋl wɩalɩŋ nɛ tɩɩ mɩ nɩna hɛɛŋ. Ama hɩɩsɩŋ bɩ mɩ kɛnɛ a tɩŋ hɛɛ-la mɩ sɩ na wɩaa. Mɩ jɩŋ nɩɩ-la mɩ sɩɩ to nɛ. Mɩ sɩ joŋ mɩ tɩtɩa hɛ ʋ nɩsɩŋ lɛ ŋɩɩ, mɩ laa dii arɩ ʋ jaŋ wuo bemmi woruŋ halɩɩ a kaa mʋ yi tapʋlɩɩ-la Kirisito Yesu sɩ jaŋ mɩɩra kɔ.

Hiburu TƖŊŊAA 10:36

Ʋ maga dɩ ma kɛŋ kenyiri a wuo ŋaa wɩalɩŋ Wɩa sɩɩ chɛ. Dɩ ma nɛ ŋaa ŋɩɩ, ma jaŋ na kɩalɩŋ ʋ sɩ sɩ ʋ jaŋ joŋo pɩma.

Hiburu TƖŊŊAA 11:36

Dʋnɩa nɩaa mɔŋ dɔnsʋŋ nɛ. Ba vɩɩrɛ dɔnsʋŋ ma ba yaraa bɩɛlɛ. Ba vɔɔ dɔnsʋŋ ma arɩ chɔrʋmɔɔ aŋ kɛmba tɔ dɩa.

Hiburu TƖŊŊAA 12:2

Má leŋ la joŋ la sɩaa pɛ Yesu lɛ, bɛɛ wɩaa wɩalɩŋ la sɩ laa dii kala tɩgɛ ʋ lɛ nɛ a lɩɩ dɩ-suomuŋ a kaa mʋ dɩdɛrɩŋ. Ʋ fa jɩma arɩ ʋ jaŋ na hɛɛŋ, ama ʋ bɩ wɩɩ-la ʋ sɩ laa dii leŋe ta, bɛɛ wɩaa ʋ jɩma arɩ ʋ sɩ ŋaa ŋɩɩ, Wɩa jaŋ leŋ dɩ ʋ tʋɔŋ tɔrɛ. Ŋɩɩ nɛ tɩɩ ʋ sɛɩ ba kpaasʋ mɛrɛ daagɛsɛ nyuŋ. Ʋ sɩ dii hɩɩsɩŋ ŋɩɩ, ʋ sɩpaa tuo. Ʋ sɩ na hɛɛ-la a dɛrɛ, ʋ jɩl Wɩa-jaŋ a lɛɛlɛ hɔŋ Wɩa kuoru kpasa nadiiŋ, nɩduoŋ dɩhɔnʋŋ.

Hiburu TƖŊŊAA 13:13

Yesu dii hɩɩsɩŋ nɛ woruŋ taŋ-la jeeŋ harɩŋ, ŋɩɩ wɩaa má leŋ dɩ la mʋ lee-la a ma dii hɩɩsɩ-la tɩtɩa.