JƐRƖMAAYA 20:16 - WƖA TENIŊ

¹⁶ A leŋ dɩ baal-la nagɛ tasɩ-la La TƖƖNA sɩ cheye a bɩ ba nenige fá. A leŋ dɩ ʋ nɩɩ nii-ŋmobo chʋchʋɔŋ, aŋ nɩɩ laalɩŋ goŋ ma wɩɩhɛyɛ.

JƐRƖMAAYA 20:16 ပူးပေါင်းရင်းမြစ်များ

JƐRƖMAAYA 18:22

Leŋ dɩ nɩaa nɩɩ ba nii-ŋmobo ba dɩɩsɩŋ lɛ, dɩ ŋ nɛ guu kɛŋ nɩaa sɩ jaŋ yuoba aŋ paa ba kɩaa kʋ hɛ ba lɛ. Ba lu bʋa nɛ dɩ mɩ foro tuu aŋ hɛ bɛrɩsɩŋ ma dɩ ba kɛmmɛ.

JƐRƖMAAYA 18:8

dɩ tintee-la nɩaa mɩ sɩ bʋl ŋɩɩ pa nɛ bɩrɩma lɩɩ ba wʋbɔŋŋɔɔ lɛ, ŋɩɩ-na mɩ jaŋ lemba, mɩ bɩra bɩ jaŋ joŋ wʋlɔrʋŋ hɛ ba lɛ arɩ mɩ sɩ bɩɩnɛ ŋɩɩ.

JƐRƖMAAYA 23:14

Jerusalɛm tɩmma-la sɩ ŋaa mɩ wʋlaabʋllaa ma tʋɔŋ, mɩ na wɩɩ sɩ bɩ ba na kɛnɛ nɛ: Baa ŋaa wʋchɔrʋmɔɔ nɛ aŋ pɛ nyɩnyɩɛ wɩaa ma. Ba pɛ wʋbɔŋ ŋaaraa lɛ nɛ ba ŋɩŋaa wʋbɔŋŋɔɔ, ŋɩɩ leŋ nʋʋkala bɩ chɛ ʋ leŋ wʋbɔŋŋɔɔ ŋaanɩŋ. Ba kala nagɛ Sodom nɩaa nɛ mɩ teeŋ, Jerusalɛm nɩaa ma nagɛ Gomora nɩaa.”

JƐRƖMAAYA 26:13

Lɛɛlɛ, má bɩrɩmɛ ma mɛlɛ arɩ ma wʋŋaalaa aŋ to ma TƖƖNA Wɩa niiŋ. Dɩ ma nɛ ŋaa ŋɩɩ, La TƖƖNA jaŋ kɛŋ ʋ tʋɔbɩɩnaa bɩrɩmɛ, ʋ bɩra bɩ jaŋ kɛŋ wʋlɔrʋ-la wɩaa ʋ sɩ bʋla kʋ hɛ ma lɛ.

JƐRƖMAAYA 4:19

Mɩɩ na hɛɛŋ nɛ, hɛɛŋ kɛmmɛ nɛ mɩ mɩmɩlɩmɛ. Mɩ tʋɔŋ kala nɛ cheye. Mɩ bɔyɛ ka joŋ nɛ, mɩ bɩ mɩ niiŋ wuo tɔrɛ. Mɩ nɩɩ banyile ba sɩ ŋmʋa nɛ. Mɩ nɩɩ laalɩyuori goŋ-la ma ba sɩ ŋaa nɛ.

JEMBIEE 4:6

Ŋɩɩ ba sɩ dɔgɩsɛ mɩ nɩaa nɛ yʋga a kɩɩ ŋɩɩ ba fa sɩ dɔgɩsɛ Sodom nɩaa. Wɩa fa guu cheiba nɛ, ka nʋʋ tuo dɩ ʋ pɛ ba lɛ.

ƐZƖKƖƐL 21:22

To-hɛŋ-la sɩ hɛ ʋ nadiiŋ nɩsɩŋ lɛ nɛ ʋ jaŋ kaa tɔnsɔ lɩɩsɛ Jerusalɛm. Ŋɩɩ nɛ ba jaŋ ŋaa laalɩyuori goŋ, a pa wombiiŋ dɩ ba kpʋ nɩaa, a ŋaa doloo ma ba sɩ jaŋ kaa ŋmoo boi-baalaa lo, aŋ saa lusuŋ-chol-sɩaa a tɩgɛ jebii-la lɛ, a paa kɩaa bil dɩ ba sii je dɩ ba chɩŋ ba lɛ aŋ bibeŋ taŋ-la kala.

HOSIA 10:14

Ŋɩɩ wɩaa laalɩŋ jaŋ sii ma nyuŋ a chei ma dɩ-duoruŋ kala, a nagɛ baal kʋbala ba sɩɩ yɩrɛ Salɩmaŋ fa sɩ chei taŋ-la ba sɩɩ yɩrɛ Bɛf Abɛl ŋɩɩ laalɩŋ tapʋlʋŋ. Bʋa-la lɛ nɛ ba paa naamba arɩ ba biiriŋ vɩɩrɛ tinteeŋ kpʋ.

HOSIA 11:8

Efirem, ɛɛ nɛ mɩ jaŋ ŋaa a joŋuŋ ta? Iziral, ɛɛ nɛ mɩ jaŋ ŋaa a joŋuŋ pa? Ɛɛ nɛ mɩ jaŋ ŋaa a dɔgʋsʋŋ a nagɛ mɩ sɩ ŋaa ŋɩɩ taŋ-la ba sɩɩ yɩrɛ Adɩma lɛ? Ɛɛ nɛ mɩ jaŋ ŋaa a cheyiŋ a nagɛ mɩ sɩ chei taŋ-la ba sɩɩ yɩrɛ Zeboyim ŋɩɩ? Mɩ tʋɔbɩɩnaa kpaa bʋlɩa nɛ, mɩ tʋɔŋ ka wɩɩ ŋ lɛ nɛ.

HOSIA 13:14

Mɩ time laaba dɩ sʋʋŋ sɩ́ ba wuoo? Mɩ laaba ta sʋʋŋ nɩsɩŋ lɛ? Sʋʋŋ, nɩɩ nɛ ŋ huoŋ hɛ? Lɛlɛɛ-jaŋ, nɩɩ nɛ ŋ huo-la sɩɩ chei nɩaa hɛ? Mɩ bɩ jaŋ fá ba nenige.

AMƆS 1:14

La Tɩɩna bɩra sɩ, “Mɩ jaŋ joŋ nyiniŋ hɛ dɩ ʋ dii taŋ-la ba sɩɩ yɩrɛ Raba jeyee arɩ ʋ dɩɩ-duoruŋ. Tapʋlɩɩ-la ba dʋndɔŋŋɔɔ jaŋ ŋaa laalɩyuoru goŋ, aŋ tɔba hɛ a nagɛ pel-vinvilimiŋ a yuoba.”

AMƆS 2:2

Wɩɩ-la La Tɩɩna sɩ bʋla nɛ ŋ-la: “Mɩ jaŋ joŋ nyiniŋ a hɛ Mʋab tinteeŋ lɛ dɩ ʋ dii taŋ-la ba sɩɩ yɩrɛ Kɛrɩɔf dɩɩ-duoruŋ. Laalɩyuoroo jaŋ ŋmʋʋ banyilliŋ aŋ ŋɩŋaa laalɩyuori goŋ, ka dɩ nɩalɩŋ sɩ hɛ Mʋab lɛ sʋsʋʋ.”

AMƆS 4:11

Mɩ chei ma dɔnsʋŋ arɩ mɩ fa sɩ chei tasɩ-la ba sɩɩ yɩrɛ Sodom arɩ Gomora ŋɩɩ nɛ. Ma fa nagɛ daasɩŋ sɩɩ dii nyiniŋ nɛ, mɩ kɛmma tɩɛrɛ nyiŋ-la lɛ. Ka ma ha vɩa dɩ ma mɩɩra kɔ mɩ teeŋ. Mɩ-na ma Tɩɩna nɛ bʋla.

JONA 3:4

Ŋɩɩ nɛ Jona jʋʋ taŋ-la. Chɛ-bumbuŋ-la ʋ sɩ jʋa, ʋ heele bʋl, “Ʋ ka tapʋlaa mahɩŋ balɩa aŋ ka dɩ Wɩa chei Nɩnɩvɛ kala.”

JONA 4:2

Ʋ sʋl La TƖƖNA, “Ou, mɩ TƖƖNA, ŋ-la dee mɩ bʋl mɩ fa ha sɩ hɛ mɩ jaŋ lɛɛ? Ŋ-la wɩaa nɛ tɩɩ mɩ fa fá lɩma lɩma a mʋmʋ Taasɩs ŋɩɩ. Mɩ jɩma ŋ ŋaa Wɩa sɩ kɛŋ zile a fɩfá nɩaa nenige nɛ. Ŋ baanɩŋ bɩ lɩma lɩma ka sii. Ŋ cho nɩaa ma woruŋ aŋ ŋaa Wɩa sɩ bɩ cho ʋ joŋ wʋbɔŋ kala ŋaa nʋʋ lɛ.

ZEFANAAYA 1:16

Ba jaŋ ŋmʋʋ banyile tapʋlɩɩ-la aŋ ŋaa laalɩyuori goŋ aŋ yuyuo tabala-la ba sɩ saa kɛrɩsɩŋ golli arɩ dɩɩ-leŋie-la sɩ chɩŋ ba gʋnaa lɛ.

ZEFANAAYA 2:9

Ŋɩɩ wɩaa, mɩ-na ma TƖƖNA doluŋ kala TƖƖNA sɩ ŋaa Iziral tɩŋŋaa Wɩa ŋmɩɛsa nɛ, mɩ nɛ bʋla: wʋtɩtɩɩ, mɩ jaŋ chei Mʋab dɩ ʋ nagɛ taŋ-la ba sɩɩ yɩrɛ Sodom a chei Amɔŋ tɩŋŋaa dɩ ba ma nagɛ taŋ-la ba sɩɩ yɩrɛ Gomora. Ba leriŋ kala jaŋ tɔ yaŋ arɩ kpesi bʋɔsʋŋ a pɩŋ kʋŋkʋlʋŋ a kaa mʋ wuu. Mɩ nɩalɩŋ sɩ ka jaŋ paa ba kɩaa, mɩ tintee-la nɩalɩŋ sɩ bɩ sʋba jaŋ laa ba tinteeŋ tɩɩ.” La TƖƖNA nɛ bʋla.

Luuk 17:29

Ama tapʋlɩɩ-la Lɔt sɩ lɩɩ taŋ kʋbala ba sɩɩ yɩrɛ Sodom lɛ, nyiniŋ arɩ jiribiiŋ lɩɩ wɩa-nyuŋ nɛ a kʋ tuu kpʋ nɩalɩŋ kala.

MOSIS BƖRA WULLI WƖA WOMBIIŊ 29:22

Ma biiriŋ sɩ jaŋ to ma harɩŋ kɔ arɩ nɩwogusu-la sɩ lɩɩ tintee-boloo maachie jaŋ sii a na wʋlɔrʋnʋ-la arɩ nyanyal-bɔmɔ-la La TƖƖNA sɩ joŋo ŋaa tintee-la lɛ.

MOSIS BƖRA WULLI WƖA WOMBIIŊ 29:23

Tintee-la kala jaŋ nagɛ yɩsɩŋ arɩ jiribiiŋ, ba bɩ kʋŋ wuo duu nɩmɛ. Kʋŋkala bɩ jaŋ wuo nyʋ nɩmɛ. Ʋ jaŋ nagɛ Sodom, Gomora, Adɩma arɩ Zeboyim tasɩ-la La TƖƖNA fa sɩ faasa na baanɩŋ a chei.

2 Pɩɩta 2:6

Bʋa-la lɛ tasɩŋ balɩa ma fa hɛ nɩmɛ. Ba yɩraa nɛ Sodom arɩ Gomora. Ba nɩaa fa sɩɩ ŋaa wʋbɔŋŋɔɔ, Wɩa fa dɔgɩsɛba nɛ. Ʋ fa joŋ nyiniŋ nɛ a nyɩgɛba, ba kala dii buru aŋ ka tʋɔrʋŋ dʋndʋŋa. Wɩa dagɛ ŋɩɩ arɩ ʋ jaŋ dɔgɩsɛ nɩalɩŋ kala sɩ bɩ ʋ wombiiŋ ka to.

Juud 1:7

Ŋɩɩ tɩtɩa nɛ, Wɩa dɔgɩsɛ tasɩ-la ba sɩɩ yɩrɛ Sodom arɩ Gomora arɩ tabala-la kala sɩ golli lee-la. Nɩalɩŋ fa sɩ hɛ tasɩ-la tʋɔŋ faa ŋaa wʋlɩɩlɩŋ arɩ disinni-la nuhuobiinee paala sɩ bɩ maga dɩ ba ŋaa nɛ. Wɩa jomba hɛ nyiŋ-la sɩɩ dii deeŋ deeŋ, a bɩ dɩsɛ lɛ nɛ, aa chagɩlɛ nɩalɩŋ kala sɩɩ ŋaa wʋbɔŋŋɔɔ.