JƐRƖMAAYA 20:12 - WƖA TENIŊ

¹² La TƖƖNA doluŋ kala Tɩɩna, ŋ nɛ yie magɩsɛ tʋɔpʋl tɩŋŋaa, a jɩŋ wɩalɩŋ sɩ hɛ ba tʋɔŋ arɩ ba nyuŋ lɛ. Leŋ dɩ mɩ na ŋɩɩ ŋ sɩ jaŋ joŋ ŋ baanɩŋ timba, bɛɛ wɩaa, mɩ joŋ mɩ wɩɩkala hɛ ŋ nɩsɩŋ lɛ nɛ.

JƐRƖMAAYA 20:12 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 24:22

Kuoro Jʋas fa bɩ wʋzɔmɔ-la Zɛkarɩya nyɩmma Jehoyada fa sɩ ŋaa ʋ lɛ liise aŋ kpʋ ʋ nanʋala. Zɛkarɩya fa sɩɩ chɛ dɩ ʋ sʋʋ, ŋ-la nɛ ʋ bʋl, “A leŋ dɩ La TƖƖNA na wɩɩ-la ŋ sɩɩ ŋaa a dɔgʋsʋŋ.”

WƖA YƖƖLAA 11:5

La Tɩɩna yie bibeŋ tʋɔpʋl tɩŋŋaa arɩ nɩbɔŋŋɔɔ wʋŋaalaa nɛ, ama ʋ bɛrɛ nɩbɔŋŋɔɔ arɩ nɩalɩŋ sɩɩ hɛ yuosuŋ nɛ.

WƖA YƖƖLAA 139:23

Mɩ Wɩa, beŋ mɩ tʋɔŋ woruŋ, a na wɩɩ-la kala sɩ hɛ nɩmɛ. Magɩsɛmɛ a na wɩɩ-la mɩ sɩ kɛnɛ mɩ tʋɔŋ lɛ.

WƖA YƖƖLAA 17:3

Ŋ jɩŋ mɩ tʋɔŋ nɛ. Ŋ kɔ mɩ teeŋ nɛ tɩtaŋɩŋ a bemmi woruŋ a na dɩ mɩ bɩ wɩɩkala jɩŋ. Mɩ kɛŋ mɩ tʋɔŋ lɛ nɛ arɩ mɩ bɩ jaŋ bʋbʋl wʋbɔŋŋɔɔ.

WƖA YƖƖLAA 54:7

Ŋ nɛ laamɛ ta mɩ wʋjʋʋlaa kala lɛ. Mɩ sɩɩŋ na ŋ sɩ yuo dii mɩ dʋndɔŋŋɔɔ nɛ.

WƖA YƖƖLAA 58:10

Tʋɔpʋl tɩŋŋaa tʋɔŋ jaŋ tɔrɛ, dɩ nɩbɔŋŋɔɔ nɛ na hɛɛ-la sɩ maga dɩ ba na. Ba jaŋ kɛŋ nɩbɔmɔ-la chalɩŋ sɔŋ ba naasɩŋ.

WƖA YƖƖLAA 59:10

Mɩ Wɩa, ŋ chomi nɛ. Wɩa, ŋ jaŋ laa mɩ sɩpaaŋ a leŋ dɩ mɩ yuo dii mɩ dʋndɔŋŋɔɔ.

WƖA YƖƖLAA 62:8

Nandɔmba, má laa Wɩa dii bʋa na-kala, a dagɛ ma wʋwalɩmaa kala pʋ. Ʋ nɛ la yie yuori.

WƖA YƖƖLAA 7:9

Mɩ Wɩa, ŋ ŋaa tʋɔpʋl Tɩɩna nɛ, a jɩŋ nɩaa tʋɔbɩɩnaa arɩ ba wʋchɛɛlɛɛ. Leŋ dɩ nɩbɔŋŋɔɔ leŋ wʋbɔŋŋɔɔ ŋaanɩŋ aŋ pɔ tʋɔpʋl tɩŋŋaa.

WƖA YƖƖLAA 86:4

La Tɩɩna leŋ dɩ mɩ-na ŋ tɩntɩnna tʋɔŋ tɔrɛ, bɛɛ wɩaa mɩ joŋ mɩ tɩtɩa kala hɛ ŋ nɩsɩŋ lɛ nɛ.

AZAAYA 37:14

Hezikaaya sɩ laa teniŋ tɩndaara-la teeŋ a karɩmɛ, ʋ sii kaa jɩl La TƖƖNA dɩɩ-bal-la sɩ hɛ Jerusalɛm lɛ a kaa jɛrɛ La TƖƖNA sɩpaaŋ,

AZAAYA 38:14

Mɩ fa faasa yel nɛ, mɩ yikoro kala tɔ, mɩ mɩɩraa yel a nagɛ kokomo. Mɩ fa beŋ wɩa-nyuŋ nɛ, mɩ sɩaa kala yʋɔrɛ, hɛɛŋ jʋʋ mɩ nɛ. La TƖƖNA, jegile nɩɩ mɩ bunso.

JƐRƖMAAYA 11:20

Ama La TƖƖNA, doluŋ kala Tɩɩna, ŋ nɛ yie dii sarɩya arɩ tʋɔpʋla, a magɩsɛ nɩaa tʋɔbɩɩnaa arɩ wɩalɩŋ sɩ hɛ ba nyuŋ lɛ a jɩmba. Leŋ dɩ mɩ na ŋɩɩ ŋ sɩ jaŋ joŋ ŋ baanɩŋ a tiŋ ba lɛ, bɛɛ wɩaa mɩ joŋ mɩ wɩɩkala hɛ ŋ nɩsɩŋ lɛ nɛ.

JƐRƖMAAYA 12:8

Mɩ nɩaa mɩɩra nagɛ naachigiŋ sɩ hɛ duuŋ lɛ nɛ a chɩŋ mɩ lɛ. Baa tʋɔrɛ mɩ lɛ nɛ, ŋɩɩ wɩaa mɩ bɛrɛba nɛ.

JƐRƖMAAYA 17:10

Mɩ-na ma TƖƖNA nɛ yie beŋ nɩa tʋɔŋ a magɩsʋ na wɩalɩŋ sɩ hɛ ʋ nyuŋ lɛ aŋ timu a mʋ tɩgɛ ʋ mɛlɛ, arɩ ʋ wʋŋaalaa sɩ nagɛ ŋɩɩ lɛ.”

JƐRƖMAAYA 17:18

Leŋ dɩ nɩalɩŋ sɩ to naasɩŋ dɔgɩsɛmɛ dii hɩɩsɩŋ, ama lɩɩsɛ mɩ-na hɩɩsɩŋ lɛ. Leŋ dɩ fawʋllʋŋ kɛmba, ama lɩɩsɛ mɩ-na wɩalɩŋ sɩ kɛŋ fawʋllʋŋ lɛ. Leŋ dɩ wʋlɔrʋŋ kʋ jʋʋba. Cheiba naansɩɩŋ bʋlɩa.

1 Pɩɩta 2:23

Arɩ nɩaa sɩ tʋʋsʋ ma kala, ʋ bɩ laa tʋʋsɛ. Ba sɩ dɔgɩsʋ kala ma, ʋ bɩ bʋla arɩ ʋ ma jaŋ dɔgɩsɛba. Ʋ ta joŋ wɩɩkala a hɛ Wɩa nɩsɩŋ lɛ nɛ, nɩɩ-la sɩ jaŋ kɛŋ wʋtɩtɩɩ a dii nɩaa sarɩya.

1 Pɩɩta 4:19

Ŋɩɩ wɩaa, nɩalɩŋ sɩɩ na hɛɛŋ a tɩŋ Wɩa tʋɔtɔrɛ wɩaa ŋaanɩŋ lɛ, ʋ maga dɩ ba joŋ ba tɩtɩa kala a hɛ Wʋtɩtɩɩ Tɩɩna-la sɩ ŋaaba nɩsɩŋ lɛ aŋ ha ŋɩŋaa wʋzɔŋŋɔɔ.

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

Jɔɔŋ Wʋnaalaa 2:23

Mɩ jaŋ ŋmoo ʋ harɩ-tooroo kala kpʋ. Dɩ mɩ nɛ ŋaa ŋɩɩ, nɩalɩŋ kala sɩ laa Yesu wɩaa dii aa hilimi jaŋ jɩŋ arɩ mɩ jɩŋ nʋʋkala tʋɔbɩɩnaa nɛ. Nʋʋkala sɩ tɩma magɛ ŋɩɩ, ŋɩɩ nɛ mɩ jaŋ timu magɛ.

Jɔɔŋ Wʋnaalaa 6:10

Ŋɩɩ nɛ ba ŋmoo niiŋ vɩl vɩl aa bʋl, “La Tɩɩna Wɩɩjarɩbakɔ, ŋ ŋaa wʋtɩtɩɩ Tɩɩna nɛ a bɩ disiniŋ kɛnɛ, bʋa bɛɛ lɛ nɛ ŋ jaŋ dii dʋnɩa nɩaa sarɩya, aŋ dɔgɩsɛ nɩalɩŋ sɩ kpʋla?”

1 SAMƲƐL 1:15

Hana bʋl, “Mɩ nɩhɩaŋ, mɩ bɩ bugo. Mɩ bɩ tɩɩnɛnɛɛ sɩnɩŋ koo sɩ-duo dɔŋ kala nyʋa, mɩ tʋɔŋ nɛ faasa chei. Wɩalɩŋ sɩɩ walɩmɛmɛ nɛ mɩ bʋlaa pɩ La TƖƖNA.