JƐRƖMAAYA 2:8 - WƖA TENIŊ

⁸ Wɩɩsʋllɩ sɩpaalaaraa bɩ pɩɛsaa chɛmɛ, a bʋl, ‘Nɩɩ nɛ La TƖƖNA hɛ?’ Nɩalɩŋ sɩ maga dɩ ba dagɛ nɩaa wombii-la mɩ sɩ bile dɩ ba tuto, bɩ mɩ jɩŋ. Sɩpaalaaraa ma vɩa mɩ niiŋ nɛ. Mɩ wʋlaabʋllaa ma mɩɩra bʋbʋl wɩaa vene-la ba sɩɩ yɩrɛ Baal yɩrɩŋ lɛ, aa to vʋɩyaa sɩ ŋaa kʋpɛɩba.

JƐRƖMAAYA 2:8 ပူးပေါင်းရင်းမြစ်များ

1 KUOROO 18:22

Ŋɩɩ nɛ Ɩlaaja bʋla pɩba, “Mɩ dʋndʋŋa nɛ ŋaa La TƖƖNA wʋlaabʋllʋ sɩ ka, ama Baal kɛŋ veŋ-kpaaraa zɔɔ-banɛsɛ arɩ mahɩŋ balɩa arɩ fii nɛ.

1 KUOROO 18:29

Ba ŋaa ŋɩɩ nɛ deeŋ deeŋ a mʋ yi dɩdaanɩŋ Wɩɩsʋlʋŋ ŋaanɩŋ bʋa, aŋ bɩ wɩɩkala nɩa.

1 KUOROO 18:40

Ŋɩɩ nɛ Ɩlaaja bʋl, “Má kɛsɛ Baal vʋgʋra-la kala. Má sɩ́ leŋe dɩ ba kʋŋkala fá viiri.” Ŋɩɩ nɛ ba kɛsɛba. Ɩlaaja laaba a kaa tuu Kɩsɔŋ fuonaaŋ a kpʋba nɩmɛ.

JOB 35:10

Ama nʋʋkala bɩ pɩɛsɛ, ‘Nɩɩ nɛ Wɩa, mɩ ŋɩŋaara hɛ, nɩɩ-la sɩ yie pɩla yɩɩlaa la yɩɩ dɩ leriŋ nɛ bire tɔla,

AZAAYA 28:7

Wɩɩsʋllɩ sɩpaalaaraa arɩ Wɩa wʋlaabʋlla-la ma yie nyʋa tɩɩnɛnɛɛ sɩnɩŋ a bugi nɛ a gɩgɛrɛ a bɩ ba tɩtɩa jɩŋ. Dɩ Wɩa wʋlaabʋlla-la nɛ na wɩaa arɩ duosoo tʋɔŋ ma, ba bɩ ba bʋbʋɔŋ ka jɩŋ. Wɩɩsʋllɩ sɩpaalaaraa ma bɩ wɩaa ka bʋl ba bʋɔsʋŋ lɛ.

AZAAYA 29:10

La TƖƖNA ŋaa ma pɩŋ doŋ nɛ a yuo naaŋ. Ʋ tɔ ma Wɩa wʋlaabʋllaa sɩaa nɛ arɩ nɩalɩŋ sɩɩ na wɩaa arɩ duosoo tʋɔŋ.

AZAAYA 30:5

Ama hɩɩsɩŋ jaŋ dii ba kʋŋkala. Nɩalɩŋ ba sɩ yelle bɩ bʋbʋɔ kala kɛnɛ, ba bɩ jaŋ wuo pɛ ba lɛ. Ba bɩ jaŋ wuo ŋaa wɩɩkala, hɩɩsɩŋ dʋndʋŋa nɛ jaŋ diiba.”

JƐRƖMAAYA 10:21

Sɩpaalaara-la kala yaara nɛ, a bɩ La Tɩɩna pɩɛsa dɩ ʋ dagɛba wɩaa. Ŋɩɩ nɛ tɩɩ ba wɩɩkala bɩ wasa, ba nɩaa kala pɩsɛ.

JƐRƖMAAYA 12:10

Sɩpaalaaraa yʋga a jaŋ chei mɩ girep tɩɩsɩŋ baga a nʋɔsɛ mɩ tinteeŋ kpal. Ba jaŋ ŋaa dɩ mɩ tintee-la sɩ sɩma mɩɩra bɩrɩmɛ kʋŋkʋlʋŋ a pɩŋ hoi.

JƐRƖMAAYA 16:19

La TƖƖNA, mɩ doluŋ arɩ mɩ dɩ-duoŋ, ŋ nɛ mɩ yie yuori dɩ hɛɛŋ nɛ jʋʋmɛ. Tinteyee nɩaa jaŋ kɔ ŋ teeŋ, a lɩɩ dʋnɩa sɛmɛ na-kala a bʋl, La naabalɩmaba bɩ kʋŋkala kɛnɛ see vesiŋ sɩ bɩ wʋtɩtɩɩ kɛnɛ, tɔŋŋɔɔ sɩ ŋaa kʋpɛɩba a bɩ wʋzɔŋ kala ŋaa pɩba.

JƐRƖMAAYA 18:18

Ba sɩ, “Má kɔ dɩ la vʋʋrɛ wɩɩ-la la sɩ jaŋ ŋaa Jɛrɩmaaya lɛ, bɛɛ wɩaa dɩ la nɛ ŋaa ŋɩɩ ma, wɩalɩŋ Wɩɩsʋllɩ sɩpaalaaraa sɩ daga a tɩgɛ wombii-la ba sɩ bile dɩ la tuto bɩ jaŋ kɔ dɩ ba lɛlɛ. Wʋjɩnnaa ma sɩɩ dagɛ wɩalɩŋ arɩ Wɩa wʋlaabʋllaa sɩɩ bʋl wɩalɩŋ bɩ jaŋ kɔ dɩ ba lɛlɛ. Ŋɩɩ wɩaa má leŋ dɩ la nyɩɛ wɩaa pʋ aŋ sɩ́ wɩalɩŋ ʋ sɩɩ bʋl jegilu.”

JƐRƖMAAYA 2:11

Tintee-kala nɩaa tuo a vɩa ba vesiŋ aŋ mɩɩra tuto veŋ-wogo. (Ba vesi-la ŋaa kʋpɛɩ ma nɛ.) Ama mɩ nɩaa-na joŋ yɩrɩ-zɔŋ-la mɩ sɩ laa pɩba, a mɩɩra pɩ vʋɩyaa sɩ ŋaa kʋpɛɩba nɛ.

JƐRƖMAAYA 2:6

Ba bɩ pɩɛsa chɛmɛ a bʋl, ‘Nɩɩ nɛ La TƖƖNA hɛ?’ Nɩɩ-la sɩ laala ta Ijipiti tɩŋŋaa nɩsɩŋ lɛ a kɛnla lɩɩ, a vɛŋ tintee-hɩlɩŋ tʋɔŋ. Tintee-la fa ŋaa tintee-hɩlɩɩ nɛ, a kɛŋ buotuonuŋ sɩ luŋie. Duonuŋ bɩ nɩmɛ ka nɩɩ, lee-la sɩ bire, nʋʋkala bɩ nɩmɛ ka vɛŋ. Nʋʋkala ma bɩ lee-la hɔnɔ.

JƐRƖMAAYA 4:22

La TƖƖNA sɩ, “Mɩ nɩaa yaara nɛ, ba bɩ mɩ jɩŋ. Ba ŋaa hambii chʋʋlʋ nɛ, ba bɩ wɩaa bʋbʋɔŋ jɩŋ. Ba kaasɛ wʋbɔŋŋɔɔ ŋaanɩŋ lɛ nɛ woruŋ, ama ba bɩ wʋzɔmʋŋ ŋaanɩŋ jɩŋ.”

JƐRƖMAAYA 5:31

Mɩ wʋlaabʋllaa sɩ nyɩɛ wɩaa arɩ baa bʋl wɩaa Wɩa doluŋ lɛ nɛ. Ka Wɩɩsʋllɩ sɩpaalaaraa ma mɩɩra ŋɩŋaa wɩaa ba tɩtɩaba doluŋ lɛ. Mɩ nɩaa ma cho ŋɩɩ ba sɩɩ ŋaa. Ama wʋbɛɛ nɛ ma jaŋ ŋaa wɩaa deemba dɩdɛrɩŋ?”

JƐRƖMAAYA 7:8

Ama, ma bee na, ma mɩɩra joŋ ma yɩɛlaa hɛ ŋɩɩ ba sɩɩ nyɩsɛma lɛ nɛ, ʋ bɩ jaŋ pɛ ma lɛ.

JƐRƖMAAYA 9:14

Ama ba mɩɩra to ba nyuduoŋ harɩŋ nɛ. Ba fa to vene-la ba sɩɩ yɩrɛ Baal nɛ, arɩ ba nyɩmmaba fa sɩ dagɛba ŋɩɩ.

ƐZƖKƖƐL 22:26

Wɩɩsʋllɩ sɩpaalaaraa sɩ hɛ Iziral lɛ chei mɩ wombii-la mɩ sɩ bile dɩ ba tuto nɛ. Ba bɩ mɩ kɩalɩŋ sɩ bɩ disiniŋ kɛnɛ ka zil. Ba bɩ nɩaa daga dɩ ba jɩŋ kɩalɩŋ sɩ bɩ disiniŋ kɛnɛ arɩ kɩalɩŋ sɩ kɛŋ disiniŋ mɩ teeŋ pɛgɛ. Ba dagɛ nɩaa arɩ dabaŋ kala tuo kɩalɩŋ sɩ kɛŋ disiniŋ arɩ kɩalɩŋ sɩ bɩ disiniŋ kɛnɛ pɛgɛ, aŋ bɩra bɩ mɩ chɛ-wiesii-la ma ka to. Ŋɩɩ leŋ ba chei mɩ yɩrɩŋ ba tʋɔŋ.

ƐZƖKƖƐL 34:2

Nuhuobiiŋ, mɩ doluŋ lɛ, bʋl wɩalɩŋ sɩ jaŋ ŋaa Iziral tɩŋŋaa sɩpaalaaraa lɛ. Bʋla pɩba, “Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Wɩɩŋ puu Iziral tɩŋŋaa sɩpaalaara-la sɩ chɩl ba dʋndʋŋa wɩaa. Mɩ bɩɩna pie-daara nɛ yie bibeŋ ʋ piesee nyuŋ?

HOSIA 4:6

Wɩaa jaŋ chei mɩ nɩaa a tɩŋ ba sɩ bɩ mɩ jɩŋ. Ma sɩ vɩa dɩ ma jɩmmɛ ŋɩɩ, mɩ ma vɩama nɛ arɩ ma ŋaa Wɩɩsʋllɩ sɩpaalaaraa. Ma sɩ vɩa mɩ wombii-la mɩ sɩ bile dɩ ma tuto ŋɩɩ, mɩ ma jaŋ vɩa ma biiriŋ.

HABAKU 2:18

Bɛɛ kʋŋ bʋbʋa nɛ vʋɩŋ kɛŋ, nuhuobiine nɛ sɩ ŋaaʋ? Ʋ ŋaaʋ ʋ nyɩnyɩɛ wɩaa nɛ, nɩɩ-la sɩ saaʋ joŋ ʋ yɩɛlaa hɛ ʋ lɛ, kʋŋ ʋ tɩtɩa sɩ mɛ. Tɔŋ-la ʋ sɩ ŋaa bɩ wɩaa wuo bʋl.

Matiu 16:26

Dɩ ŋ nɛ kɛŋ dʋnɩa kʋŋkala aŋ bɩ mɩɩsɩŋ kɛnɛ Wɩa teeŋ, bɛɛ kʋŋ nyʋʋrɩɩ nɛ ŋ na? Dʋnɩa deeŋ lɛ, bɛɛ kʋŋ nɛ ŋ jaŋ wuo kaa lenni ŋ mɩɩsɩŋ?

Luuk 11:52

Ma Wɩa teniŋ kerichiba, ma ma jaŋ na hɛɛŋ kɩŋkɛŋ. Ma tɔ wombii-la nɩalɩŋ sɩ jaŋ na wʋjɩmɩŋ nɛ. Ma tɩtɩa bɩ chɛ dɩ ma to wombiiŋ deeŋ, aŋ pɔ dɩ nɩalɩŋ ma sɩɩ walɩmɛ dɩ ba to sɩ́ to.”

Jɔɔŋ 16:3

Ba jaŋ ŋaa wɩaa deemba kala a tɩŋ ba sɩ́ bɩ mɩ Nyɩmma jɩŋ, a bɩ mɩ ma jɩŋ.

Jɔɔŋ 8:55

Ma bɩ ʋ jɩŋ, ama mɩ-na jɩmʋ nɛ. Dɩ mɩ nɛ jaŋ bʋl arɩ mɩ bɩ ʋ jɩŋ, mɩ jaŋ ŋaa wʋnyɩɛrʋ, arɩ ma sɩ ŋaa wʋnyɩɛra ŋɩɩ. Mɩ saa jɩmʋ nɛ a tuto ʋ niiŋ.

2 Kɔrɩntɩ Nɩaa 4:2

Hɩɩsɩ wɩalɩŋ arɩ wʋkaa-faalɩɩ-la nɩaa sɩ lʋara ŋɩŋaa, la-na vɩaba ta nɛ faafaa kala. La bɩra bɩ nʋʋ nyɩsɛ. La bɩ wɩaa nyɩɛ pɩpɛ Wɩa niiŋ wɩalɩŋ lɛ. Ama Wɩa sɩpaaŋ la chaasa bʋl wɩaa, dɩ nʋʋkala tʋɔbɩɩnaa jɩŋ arɩ wʋtɩtɩɩ nɛ la bʋbʋl.

MOSIS BƖRA WULLI WƖA WOMBIIŊ 33:10

Levi doho nɩaa nɛ yie dagɛ wɩalɩŋ kala ŋ sɩɩ chɛ arɩ ŋ wombiee a pɩ Iziral tɩŋŋaa. Ba nɛ yie nyɩgɛ kʋsʋɔrʋsʋŋ sʋara sɩ sɩma ŋ sɩpaaŋ, aŋ nyɩgɛ kʋnyɩgaa Wɩɩsʋlʋŋ ma ŋ koru-la nyuŋ.

1 SAMƲƐL 12:21

Má pɔ ma sɩ́ mʋ tuto tɔŋŋɔɔ sɩ bɩ bʋbʋa kala kɛnɛ. Ba bɩ wʋzɔŋ kala wuo ŋaa pɩpɩma, ba bɩra bɩ ma wuo laa tɩta ma, bɛɛ wɩaa ba ŋaa kʋpɛɩba nɛ.

1 SAMƲƐL 2:12

Eli hambolibiisiŋ fa ŋaa bii-bɔmɔ nɛ, ba bɩ La TƖƖNA ka fá.