JƐRƖMAAYA 2:37 - WƖA TENIŊ

³⁷ Ma jaŋ paa ma nɩsaa chʋŋ ma nyuŋ lɛ a lɩɩ tinteeŋ lɛ, bɛɛ wɩaa mɩ-na ma TƖƖNA vɩa nɩalɩŋ lɛ ma sɩ joŋ ma yɩɛlaa hɛ nɛ. Ba bɩ jaŋ pɛ ma lɛ.”

JƐRƖMAAYA 2:37 ပူးပေါင်းရင်းမြစ်များ

2 SAMƲƐL 11:12

Ŋɩɩ nɛ Devit bʋla pʋ, “Pɩŋ daha jɩnɩŋ bɩra, chie mɩ jaŋ leŋ dɩ ŋ mɩɩra mʋ.” Tapʋlɩɩ-la Yuria chʋa Jerusalɛm lɛ taŋ pʋl ʋ ha bɩra chʋa.

2 SAMƲƐL 13:19

Tama ŋaa tʋɔrʋŋ a bʋgɛ ʋ nyuŋ, aŋ kɛŋ gɛrɩ-la ʋ fa sɩ laala a kɩɛsɛ, aŋ paa nɩsaa chʋŋ nyuŋ lɛ aŋ faasa yele viviiri.

2 IZIRAL TƖŊŊAA NAABARƖŊ 13:12

Wɩa hɛ la teeŋ nɛ, ʋ nɛ ŋaa la sɩpaalaara. Ʋ Wɩɩsʋllɩ sɩpaalaaraa jaŋ ŋmʋʋ ba banyilliŋ a yɩrɛ laalɩŋ hɛ ma lɛ. Iziral tɩŋŋaa, má sɩ́ La TƖƖNA, ma nyɩmmaba Wɩa kaa yuo yuosuŋ, bɛɛ wɩaa ma bɩ jaŋ wuo yuo dii.”

AZAAYA 10:4

Wɩɩkala bɩ jaŋ laama, ba jaŋ kpʋma koo a kɛsɛma dɩ ma ŋaa nɩa ba sɩ kaa tɔ bɩnɩŋ dɩa. Wɩaa deemba kala jaŋ ŋaa ma lɛ, ama La TƖƖNA baanɩŋ ha bɩ jaŋ fɩɛlɛ. Ʋ ha jaŋ dɔgɩsɛma a pɛ.

AZAAYA 28:18

Ma dɩ sʋʋŋ sɩ bil nii-la pɩ dɔŋɔ bɩra bɩ jaŋ chɩŋ, ma dɩ lɛlɛɛ-jaŋ bʋla nɩɩ-la ma jaŋ birigi. Dɩ wʋlɔrʋnʋŋ nɛ kɔ, ʋ jaŋ cheima.

JƐRƖMAAYA 14:3

Nɩyuŋoo tɩŋ ba tɩntɩnnaa nɛ dɩ ba mʋ ŋaa lɩɩŋ. Ba mʋ vilee, aŋ bɩ lɩɩŋ na. Ba mɩɩra kɛŋ nyuvii-hɩlaa nɛ kɔ. Ba tʋɔŋ chei, ba nandaasɩŋ yʋɔrɛ, hɩɩsɩŋ kɛmba, ba kɛŋ kɩaa tɔ ba nyusuŋ.

JƐRƖMAAYA 14:4

Tinteeŋ yɛrɛ nɛ, bɛɛ wɩaa duonuŋ bɩ tintee-la lɛ nɩa. Paaraa nandaasɩŋ yʋɔra nɛ, ba kɛŋ kɩaa tɔ ba nyuŋ.

JƐRƖMAAYA 17:5

Wɩɩ-la La TƖƖNA sɩ bʋla nɛ ŋ-la: “Ŋmɩaŋ jaŋ dii nɩɩ-la sɩ joŋ ʋ yɩɛlaa hɛ nuhuobiine lɛ, nɩɩ-la sɩ yelli nuhuobiine a joŋu ʋ nɛ ŋaa ʋ doluŋ, arɩ nɩalɩŋ sɩ mɩɩrɛ mɩ-na ma TƖƖNA harɩŋ.

JƐRƖMAAYA 2:36

Bɛɛ nɛ tɩɩ ma bɩ dɩ-bala chɩna aŋ kɛŋ ma wʋŋaalaa bɩbɩrɩmɛ ŋɩɩ? Asiiria tɩŋŋaa fa sɩ leŋe ma dii hɩɩsɩŋ ŋɩɩ, ŋɩɩ tɩtɩa nɛ Ijipiti tɩŋŋaa ma jaŋ leŋ dɩ ma dii hɩɩsɩŋ.

JƐRƖMAAYA 22:20

Jerusalɛm nɩaa, má mʋ Lɛbanɔŋ a ŋmoo niiŋ, ma leŋ dɩ Basaŋ nɩaa ma nɩɩ ma yikoro. Má chɩŋ Abarɩm peele-la nyuŋ a ŋmoo niiŋ, bɛɛ wɩaa ba yuo dii nɩalɩŋ kala fa sɩ kʋ pɛ ma lɛ nɛ.

JƐRƖMAAYA 22:30

Wɩɩ-la La TƖƖNA sɩ bʋla nɛ ŋ-la: “Ŋmʋnsɛ baala deeŋ wɩaa bil arɩ ʋ bɩ bii lʋla, wɩaa bɩ jaŋ vɛŋ woruŋ pʋ ʋ mɩɩsɩŋ kala lɛ. Wɩaa bɩ jaŋ vɛŋ woruŋ a pɩ ʋ dɩ ʋ doho nɩaa kala. Ba kʋŋkala bɩ jaŋ hɔŋ Devit kuoru kpasa-la nyuŋ, a bɩra dii kuoruŋ Juda lɛ.”

JƐRƖMAAYA 32:5

Ʋ jaŋ kɛŋ Zedikaaya mʋ Babɩlɔŋ tinteeŋ, dɩ ʋ hɛ nɩmɛ a mʋ yi bʋa-la lɛ mɩ sɩ dɔgʋsʋ woruŋ. Dɩ ma nɛ yuo Babɩlɔŋ tɩŋŋaa, ma bɩ jaŋ wuo yuo diiba.’ ” Mɩ-na ma TƖƖNA nɛ bʋla.

JEMBIEE 4:17

La bee chɩchɛ nʋʋ nɛ dɩ ʋ kʋ pɛ la lɛ a lɔl, La sɩ sagɛ dɩɩ-leŋee nyuŋ a bee chɩchɛ tintee-la nɩaa dɩ ba pɛ la lɛ, ba bɩ jaŋ wuo laala ta.

NAMBABA 14:41

Ŋɩɩ nɛ Mosis bʋl, “Bɛɛ nɛ tɩɩ ma bɩ chɛ dɩ ma to La TƖƖNA niiŋ? Dɩ ma nɩɩ ŋaa ŋɩɩ, ma bɩ jaŋ na wʋzɔŋ.